[أم غمازات]

السلام عليكم في أوله و آخره > على قول بنت صقيقتي

شلونكم زينين ..

عيدكم مبارك قبل الذبايح > أحد يآكل لحم الصبح ؟ أغديكم تنامون أزين خلوه للغداء تفتكون من الريحة بعد ..

المهم ... أنا حجيت و أبي أقولكم وش سـ تبون بالحج ..

أول شئ جيبي جنطة > شنطة .. حطي به :

كل التي شيرتات للي عندك > انا متوهقة ببلايز صدقيات أثر الحملة كلهم تي شيرت

و تنانير سادة بدون موديل أهم شئ وحدة سوداء للكرف الباقي لوني على كيفك

ملابس داخلية كثري عشان كل شوي بـ تروشين ..

شامبو و صابون ملابس > تغسلين ملابسك بيدينك ترى مافيه دلع بالحج

شراب قصيرة مرة اللي تغطي بس القدم

فرشة شعر - فرشة و معجون اسنان - كريم و صابون بدون رائحة عشانك محرمة

جزمات دس > لـ أثناء التجوال بين الخيام موب للجمرات و كذا

شراب سود و جزمات رفيييييعة أو سبورت تغطي كل رجلك للحرم و الجمرات عشان تبعدين عن الارض > خبركم أرض الحج يجغجغ من الوسخ

ربطاااااااااااات كثري منهن و مشابك سوداء

إذ تبين شال حلو عشان البرد > العام بغينا نصير عسكريمات من البرررررررررد و مطر و برد
طبعا مع فنيلة و جكيت امممم الفنيله مخططة بألوان و الجكيت اسود و ناعم > والا هونت بكيفك حطي اللون اللي تبين خخ

خوذي لك لبسة وحدة حلوة للعيد > ترى العالم يجخون بالعيد حتى وهم بحج أنا من الاستهبال حتى
الاستشوار استشورت و تمكيجت > تحسبه بعرس
بس كلهم كذا جاخين حتى الشغالات فالات شعورهن و العجز حاطات بودر خخ

اممممممم جلابية او جلابيتين عشان اذا جوكم الداعيات و ارتزيتي بجلابية وأثرك طعيمة ..

انتبهي تاخذين قمصان بيت القطن امهات 3 ازرارير تراهن يفشلن يصير شكلك خطمة بالحملة خليك دايم على التي شيرتات و التنورة السوداء ..

ايييييه خوذيلك عباة احتياط عشان اذا انشقت عباتك و الا جاه بلاء اثرك ماخذة احتياط ..

خلصنا هذا كله بالشنطة الكبيرة ..

فيه شنطة ثانية صغيره تكفي لـ 4 تبديلات هذي ليوم عرفة و مزدلفة حطين به :

تنورة وبلوزة و ملابس داخلية
عباية
كرتون مناديل
شاحن الجوال
بوكك و اغراضك اللي تخافين عليه
قران و كتيب دعاء
شال خفيف عشان تغبين به تصيحين > الحريم صياح خمي لك زاوية و لا تشوفين احد اقري او ادعي و ميخالف صيحي
فرشة شعر
فرشة اسنان و معجون
شرابات



نسيت اهم شيئ خوذوا معكم بلع لا تقولون حنا بحملة و خلاص لااااااااا خوذوا قهوة بودرة قهوتهم تحوم الكبد .. و جيبوا معكم كاكاوات متنا نبي كاكاو مالقينا احد يبيع لا بمنى و لا عند الحرم بغينا نموت عيد بلا كاكاو !!!
و خوذوا فطاير السلمان ذولي فسحتي اللي يقعدن 10 ايام > عشان لو ماجاز لك غدى الحملة و الا عشاهم اثر معك بلعك .. واذا معك مكان تاخذين كرتون عصير ترى زين ..
> بعض الناس يقومون حول الظهر اثر الخبز يابس و تقعد به تحتري الغداء "ما أقصدن أبد خخ"

هذا اللي عندي اذا عندكم زود هاتوا ..

[أشوووقي]

جزاك الله خير
معلومات ونصائح هامه
خصوصا للي مايدري وش السالفه

الله يكتب لي الحجه السنه الجايه
يااااااااااارب

[جآيتن مدبتسه]

()

حشى على هالقش هذا مو حج نزول بيت
هههههههههههههههه ياحبي لك شكلك فلللللللللللللللللللللللللللللله أجل كرتون عصير خخ

[من باعني بعته]

واللــه انكــ رهيبهـ يام غمااازات اجل بلعــ ولبس عيد واستشوار العالم ماراحوا يتعبدون ولاهذا عيد

[توتة توتة]

والله انك جزتيلي اذا يسر لي ربي وجيت احج ابجيبك ال بيتنا اتولمين معي عفشي>>>>خخخخ

[هايين]

فعلا انا ملاحظه ان الحج صاير كشخه
انا اخذت معي 4 قمصان روز
وملابس داخليه كثير
واحيانا احطهن بالزباله
و ين ننشرهن
..
اما انتي شكلك رايحه بحمله اتكيت
ماشاء الله
..

[العين الكحيله]

يعـطيك آآلف عآآفيه

الله يكـتب لي الحجه السنـه الجآآيه انشآآآءالله

[شيـطـٍۉنـ9 .. ŤỒβ]

وآلي موب حآ‘جه وش تسوي ..

[شموخ رغم الانكسار]

حشى والله كل هالقش أباخذه معي!!!
عزا الله انه مايشيله الا(الدينه).

[دانوو]

أنا الحمد الله حجيت مع عمومتي..
6قمصان و6تغييرات داخلية>>فيه واحد جديد ليوم العيد كشخت به ع قول أم غمازات
وووووربنا ولك الحمد..

[*ألمـاس*]

وفيه شيء ضرووووووري لاتنسونه


وأنتم بعرفة وتدعون وخاشعين وإن شاء الله بتكون الدعوه مستجابه
ادعي من قلب خاااشع وصاادق وقولي
(اللهم ارزق واثقة الخطى حجه مقبوله في السنه القادمه)

تراي جاده
هههه والله فيني صياااح وانا اقراء المواضيع

[صدق الصداقه]

أجل ماطلعتي علي يأم غمازات>>>تصدقين شكيت بتس..تقل اني عرفتس
بس حملتنا العام به ككاوات..خخخ
ايه اقولتس ماطلعتي علي أنا اخذتن معي 6 قمصان (بس تراهن كشخه مهب القطن اللي يلتصق)..
ولا واحدن خايطته ويهبل علي ..لو وحده تدخل معي كفان أنا وياه ..خخخ..ولبست التنوره السوداء مع بلوزه بس يوم العيد_ايه لازم نفرح ونعيد_
وأشوف الناس اللي حولي أنواع الكشخه بهالبلايز..بس والله مانشدت عنهم أنا جايه لعباده مو للفت الانظار..
وخاصه بعد كل يوم لازم به طلعه يوما الى الجمرات ولا للحرم ناخذ عمره..فاذا لبستي تنوره أنواااااع الحشره حر وقلت والي...واذا لبستي قميص يالله من فضلك الهواء يدخل ويطلع على راحته...
فانصيحتي للي بتحج خوذي معتس قمصان كشخه مهب روز ولاقطن... لا تكون تواجه..وخوذي تنوره وحده وبلوزه وحده لليوم العيد..
والله يتقبل منا ومنتس..

[ألوان وتناتيف]

أنا حجيت عام 27 تصدقين نقطة العرق مانزلت من ..
أخذت تقريبا 3 قمصان بس مو قطن وجلابية لبسته يوم العيد ومو كل يوم أصلا أغير وأتروش كان موووووت برد وفيه أيام بس أروح أمشي تقريبا عشر دقايق أرمي وأرجع فماأحتاج أغير .. وماغسلت ملابسي اللي أغيره أطرقه وأحطه بكيس وبالشنطه ومن رحت لين رجعت وأنا آكل سندوتشات زي فسحتي ولولزين وأشرب مرطبات >> ماأحب أزاحم وأكلهم ماأعجبن وأصلا ماأقوم بوقت الوجبات فالفطاير موجوده 24 ساعة بس حلو نحفت ^^

ماأدري هالسنة برد أولا لأن حنا وصلنا مزدلفة العشاء ونمنا صراحة جان برد عمري ماحسيته ركبي تيبست لذلك حلو لو تآخذين بنطلون قطن ينفع ومايآخذ مكان .. والجزمات ـ الله يكرمكم ـ فعلا ترتاحين بالعالي ..

ولاتنسون أكياس الباغات ترى تحتاجينهم كثير مثل لارحتي تتروشين أحيانا مافيه مكان تحطين فيه ملابسك وأغراضك وصابونتك خوذي أكثر من وحده لأنك إذا إستعملتيه وحطيتيه تقرفين تشيلينه معك ..

هذا اللي أذكر وحج مبرور للجميع ..

[مفآهيم آلخجل]

,

طيب و آلليّ حآج آلعّآم يقلطّ ..؟

وشِشِسّمه يآأنتيّ مدبتسّه

بآلنسٍسٍبه ليّ آنآ , حآجه طبعنْ مع عمآنيّ<يعنيّ حمله خآصًه مآفيه إلا بنآت عميّ

آيه ولله كآحشِشِتنْ كل آلقمصًصًآن آللي عنديّ بسّ آوب روز ولآ آوب قطنْ{بوآلّ آلظآهر}

آلموهيّم وآخذتّ تيّ شِشِيرت وآحد<ويكح بعد

وآلله آلله بآلبنآطيلّ لآوصًيكنْ لأن {آلبق,آلنآموْسّ} بيلعب بكنْ لعب

وآلفكسّس لآتنسٍسٍنه ..! لآمنه نتشّ ريحته مآجآء لمتسّ

وخذيلتسّ مصًصًحف , وآذكآرّ , وآدعيّه ..

وبصًصًيصًوآ ..