[برفسور ملتمس]

السلام عليكم ورحمة الله وبركاته .. جميعاً ..

لماذا لايكون هناك هيئة نسائية في الأسواق ، متحشمة بزيها ، وتقوم بالأمر بالمعروف والنهي عن

المنكر للبعض من الفتيات ( هداهم الله ) .. كونهم لهم الخبرة في الزي النسائي ،

لاسيما أن بعض رجال الهيئة ، قد يجد الحرج من نصح بعض الفتيات والتدخل في زيها وما إلى ذلك ..

لكن لو وجد ( كادر نسائي ) يقوم بنصح الفتيات ، والارشاد وايضاً التوجيه بشكل مباشر دون الحرج

وعلى قولتنا ( بنات يفهمون بعض ) .. كما أيضاً الفتاة تتقبل النصيحة من فتاة مثلها حتى لو كان

النصح عن زيها الداخلي وهذا بلا شك أمر جيد ..

لأنه من الطبيعي عندما يقوم رجل الهيئة بنصح فتاة عن لباسها ، هو كشف جسمها ، فوجهة نظري أنها

ليست بجميلة خصوصاً عندما يكون معها أخوها أو زوجها ..


أرى أنها ستضيف الكثير من الايجابيات ، من ضمنها الآتي :-

1ـ الاستفادة من الكوادر النسائية والتي تسعى إلى التطوع .

2ـ الراحة النفسية للفتاة بوجود ممثلة هيئة داخل السوق .

3ـ منع الاحراج من بعض رجال الهيئة التي يخجل عندما يقوم بنصح فتاة مع أخوها أو زوجها .

4ـ الخجل من الزوج أوأخوها ومراجعة خطأ ( الأخت أو الزوجة ) عندما تقوم فتاة بالنصح .



:: هل تؤيـد ذلك أم لا ؟.. ::..

[سالي...]

اولا:
سلبيتها :لووجد (كادر نسائي)لنصح الفتيات ماتوقع ان الفتيات يبي يجدن مهابه
ويتحشمن يبي يقعدن يستهبلن ويتطنزن
بعكس لاصار رجل الرجل له هيبه...
تانيا:
ايجابيتها:صح انا معتس لاصار (كادر نسائي)ازين لان الرجل االلي مايستحي ولا عنده غيره لمحارمه عندما تقوم
هذه (الكادرالنسائي) بنصح اللي معه ازين من انه يصير رجل ينصهن وهو معهن يطلع
تقل مانب قايله نعله عااد منحينه نعله هالي ماعنده غيره لمحارمه...
وسلامتكم...

[ام الملايين]

حلو انه يكون فيه كادر نسائي ليسهل التحدث معهن اريح من ارجال
اما من ناحية نصح البنات بلعكس بعض البنات يستهترن ويتلفضن بكلام كانه وجيههن
فاافضل يكون الهيئه رجل لان الرجل الملتحي شكله هيبه
مشكور ع الموضوع

[برفسور ملتمس]

اقتباس المشاركة الأساسية كتبها سالي... اولا: سلبيتها :لووجد (كادر نسائي)لنصح الفتيات ماتوقع ان الفتيات يبي يجدن مهابه ويتحشمن يبي يقعدن يستهبلن ويتطنزن بعكس لاصار رجل الرجل له هيبه... وسلامتكم...

____________

طبعاً الكادر النسائي يبي يكون تحت ادارة ( رجال ) .. لكن أقصد بتوصيل المعلومة بطريقة مباشرة ،

وأعتقد حنا يالرجال ينصحوننا رجال الهيئة في امور كثيرة ماعتقد راح نتطنز وكذا ..

عموماً اشكرك ع المشاركة ،

[برفسور ملتمس]

اقتباس المشاركة الأساسية كتبها ام الملايين حلو انه يكون فيه كادر نسائي ليسهل التحدث معهن اريح من ارجال اما من ناحية نصح البنات بلعكس بعض البنات يستهترن ويتلفضن بكلام كانه وجيههن فاافضل يكون الهيئه رجل لان الرجل الملتحي شكله هيبه مشكور ع الموضوع

__________

مشكور ع المرور ، ولكن ما اعتقد اذا كان بصفة رسمية وتحمل شعار هيئة ، راح تتطنز ،

لأنه بيكون في محاسبة ، وأعتقد راح تتطور إلى أنه يكون هنالك مركز هيئة خاص نسائي ..

يعني في أحد الاشخاص تعرض لك بالجوال ، انتي تستحين تروحين تكلمين أخوك بحجة انه مايسالك

أو ياخذ ويعطي فيها ، وقد يتجنى عليك ، لكن لو وجد مركز نسائي تروحين انتي ع رجولك

وتاخذين وتعطين وتقدمين شكواك بنفسك وتكون أكثر راحة واطمئنان ، وتكون كل بنت هي مسؤولة عن نفسها

[البندري]

صحيح ان فيه ايجابيات لكن سلبياته اكثر يعني تخيل بنت تدور بالسوق عشان تامر بالمعروف وتنهى عن المنكر
اصلاً طلعتها من البيت من غير حاجة ملحة منكر(وقرن في بيوتكن) وزود ع كذا للسوق وفيه رجال ولا تنسى ان الاسواق مأوى الشياطين وفيها ينصب رايته ولا اضن احد يرضى لأخته هالعمل القبيح.
ويعطيك العافية..

[برفسور ملتمس]

اقتباس المشاركة الأساسية كتبها البندري صحيح ان فيه ايجابيات لكن سلبياته اكثر يعني تخيل بنت تدور بالسوق عشان تامر بالمعروف وتنهى عن المنكر اصلاً طلعتها من البيت من غير حاجة ملحة منكر(وقرن في بيوتكن) وزود ع كذا للسوق وفيه رجال ولا تنسى ان الاسواق مأوى الشياطين وفيها ينصب رايته ولا اضن احد يرضى لأخته هالعمل القبيح. ويعطيك العافية..

____________

شكراً ع المرور ، طبعاً هي وجهة نظر ، بس ما أعتقد أنه عمل ( قبيح ) .. تقديم النصح والإرشاد ،

وهذاك قلتيها ( غير حاجة ملحة منكر ) .. لكن هذا بيكون عمل لها ودوام رسمي مثل مافي معلمة

تروح تقدم للطالبات ، مثل مافي ممرضة تروح تقدم للمستشفيات ، أعتقد المفروض يكون في بنات

يتقدمون بالنصيحة وايضاً حل المشاكل والستر ( ياعزيزتي هذي ادارة أمر بمعروف ونهي عن منكر )

ماهي رايحه تتمشى وتتسوق وبتكون تحت رقابة ، واكيد بعمر معين ..

لولا سمح الله صار لأحد الاخوان قضية لأخته أيهم أستر يحصلها مع فتاة هيئة بمكتب مستقل أو رجل هيئة قدام خلق الله بالجمس ؟!! ..

وصدقيني مع الوقت راح تتعودين ، وحتى البائعين يلتزمون الأدب لأنهم مايعرفون هل زبونة أو تابعه لإدارة الهيئة ..

[البندري]

اقتباس المشاركة الأساسية كتبها برفسور ملتمس شكراً ع المرور ، طبعاً هي وجهة نظر ، بس ما أعتقد أنه عمل ( قبيح ) .. تقديم النصح والإرشاد ، ..

اكيد انا مااقول تقديم النصح قبيح لكن اقول ان البنت تكون بالسوق ساعات تناضر الرايح والجاي وتكون بين الرجال عشان تنصح عمل اقبح من قبيح..

[برفسور ملتمس]

اقتباس المشاركة الأساسية كتبها البندري اكيد انا مااقول تقديم النصح قبيح لكن اقول ان البنت تكون بالسوق ساعات تناضر الرايح والجاي وتكون بين الرجال عشان تنصح عمل اقبح من قبيح..

____

شكراً ع اهمتامك ، لكن أنا أقيسها عن وجهة نظري عن بعـد ..

طبيعي بيكون دورها فقط ( للنساء ) .. وليش تدور ، أكيد لهم مكتب معين وحتى إن دارت ، بتدور وهي

محتشمة ( ويمكن تتطور الفكرة ويكون في كاميرات مراقبة )..

وماراح تنصح وترفع صوتها ، راح تسحب البنت وتكلمها بصوت خفي ، هذا اذا قلتي

أنك تعتبرين صوتها ( عورة ) .. غير كذا بتكون شاهدة لأن بعض الشباب والبنات يجحدون الخطأ

ويمكن بعض البنات ماعندهم أخوان ولا أزواج وماعندهم الجراءة يكلمون رجل الهيئة بمشكلتهم ،

وبهالحالة ، راح ترتاح ويتطمون بعض الأهالي على بناتهم بالسوق ،

[عصير مشوي]

اقتباس المشاركة الأساسية كتبها برفسور ملتمس السلام عليكم ورحمة الله وبركاته .. جميعاً .. وعليكم السلام ورحمة الله وبركاته1ـ الاستفادة من الكوادر النسائية والتي تسعى إلى التطوع . فيه اشياء كثيرة غير هذا 2ـ الراحة النفسية للفتاة بوجود ممثلة هيئة داخل السوق . اللي تريد الراحة النفسيه تتستر (تحتشم) 3ـ منع الاحراج من بعض رجال الهيئة التي يخجل عندما يقوم بنصح فتاة مع أخوها أو زوجها . ماعتقد شخص يعمل لوجه الله سوف يخجل وخصوصا اذا كان الامر (عبادة) 4ـ الخجل من الزوج أوأخوها ومراجعة خطأ ( الأخت أو الزوجة ) عندما تقوم فتاة بالنصح . ماعتقد اني ابخجل من زوج يمشي مع زوجته وهي غير محتشمه او اخو يمشي مع اخته وهي غير محتشمه(لماذ لم يخجل هو) :: هل تؤيـد ذلك أم لا ؟.. ::..

لا مؤيد ذلك لاني اسبابك غير مبررة وغير مقنعه
وتم الرد عليها بالاقناع من (عصير مشوي)

[برفسور ملتمس]

[QUOTE=عصير مشوي;2622938]لا مؤيد ذلك لاني اسبابك غير مبررة وغير مقنعه

______

أقصد بالراحه النفسيه : أنها تنزل السوق وأهلها متطمنين حتى لو كانت محتشمة يعني فيه ادارة نسائية

لاحصل لها شي تروح لها ، بعكس البنات الي يصير لهم مضايقات من شباب ماتروح لرجل الهيئة

تخجل أو تخاف يتشعب أو أو أو .. فترضى بهالشيء وتخليه ، ..

من ناحية رجل الهيئة يخجل ولا لا ، ياخي أقصد لبس الجينز القصير ، ربط جوال البلاك بالرأس

نظام العبايات الجديده الدوران من البنات الغير مبرر بالسوق، هذا بالقصيم

وأنا اتكلم بالعموم وتعال شف الرياض وجدة ، المفروض كون وجود الحرمين الشريفين عندنا ،

نكون صورة مثالية لباقي الشعوب ، ونطبق هالشي عندنا ،

أما من ناحية خليهم محتشمات ع قولتك ، فلو كانو كل البنات محتشمات ومافي أخطأ بهالأسواق ،

كان من الأساس مافيه هيئة رجال، ولو مافي أخطاء بحياتنا بشكل عام كان دخلنا الجنه على طول

بعدين ترضيك بعض تصرفات رجال الهيئة ، يمسك بنت مع شعرها ويركبها الجيب أو الجمس وكأنه واحد من العيال

[فيري]

^^^

خير ان شاء الله منو شد بنت من شعرها ... عمرك شفت هالشي ؟

اولا اللي بتنصح تنصح لوجه الله ماله داعي يكون هذا عمل رسمي

ثانيا اذا كان هناك نساء يعملون كهيئه ليش لابد يكون فوقهم رجال وليش لازم تكون تحت رقابة رجال ؟ واذا بنت

راددتهم هل من الصحيح ياخذونها ويحاسبونها مثل ماقلت؟

بعض الاخوان اللي قالوا الرجال اكثر هيبه ... انا اشوف لاهيبه ولاشي نفس الحال

وبعدين اللي يبي ينصح لازم يقنع الناس مو اذا راددوهم او ماسمعوا نصيحتهم ياخذون البنت ويحاسبونها

[برفسور ملتمس]

[QUOTE=فيري;2624482]^^^

كلامك سليم ، بس في البعض من رجال الهيئة يتلها مع عباتها ، ويركبها الجمس ، عاد ماندري وش التفاصيل ، لكن لو وجد هيئة نسائية ، عالاقل تركب معها تنصحها يصير في شي مقنع للمنظر الي قدامك ينقال معاها بنت مو اخذوها الهيئة رجال ، واتمنى والله يطبق هالشي ، ومن ناحية انها تحت إدارة رجال ، لولا سمح الله صار فيه نقاش وحاجة زي كذا ، أتوقع رجل الهيئة أكيد بيكون بالواجهه ، لأن فتاة الهيئة صعبة بتاخذ وتعطي وتتناقش مع واحد مغزلجي

[فيري]

اخوي اذا هم بيتولون قضايا بنات بس ماراح يكون فيه احتكاك مع شباب

اذا بيسوون اقتراحك لابد ان تكون الاداره نسائيه وبس وطبعا مانبي احد ينجر في الجمس لا من قبل رجال ولامن قبل بنات النصيحه هي المطلوبه وليس الاكراه

ولو سمحت اخوي اذا شهدت رجل هيئه يسحب بنت من عبايتها لازم تتدخل وتبلغ عنه لانه مايستحق يكون رجل امر بمعروف ونهي عن منكر