[أبو شهـــــد]

بسم الله الرحمن الرحيم ..
هلا والله بالحلوين .. هلا والله بالمليحين .. اللي يعقلون الطير من السماء ..
هلا والله باللي لمني شفته صديت وقمت ( قايم أو قاعد .. كله واحد ) اردد : هو الزين فيه ولا الشين ..

اللحين وراه يجيك بعض الناس يكتبون الموضوع بالرد الثاني .. ؟ يعنني إعلان قبل بفترة .. حركات الأندلس ذي ما تمشي ..
مير هونت .. ابحط موضوعي بالرد الأول <== ورى ما يركد صالح السليمان ..
المهم ,,
مثل ما انتم عارفين ان العيد قرب .. ومثل كل سنه قبل العيد ..
رصد ابورصة سوق الأغنام إلى اليوم الثامن .. همن عاد تبدأ عمليات البحث والتحري عن الطيب والزين ..
وكانك من اللي يبون الرخص .. أصبر لثاني العيد .. وفيه ميزة ثاني العيد انك تذبح على رواقة .. ما فيه صلاة عيد ولا شيء ..
,
صلاة العيد .. الناس يختلفون ..
به ناس تلبس ثوب وشماغ العيد بالصلاة .. همن يفصخهن ويلبس قميص ولا بدله
وبه ناس لا .. ما يلبس ثوب العيد وإلا لمنه جت العزيمة .. والصراحة هذا حل زين .. خصوصأ لاصارت شتاء .. ألبس فوره ولا أحد يدري انت كاشخ ولا لا ..
,
عقب الصلاة .. يبدأ الحماس ..
ازين يوم بالسنه ..
جب الغنم من المزرعه ..همن لمنهم جو البزارين 16 ألف واحد ماسكينه .. معزرينن به ياويلي .. عاديالله دخلوهن للحوش ..
جيبوا ام علامة خضراء .. لا ميب ذي .. أمسك لا تمسك .. ططااااااااااااط هجت الغنمة ..
بها الحالة تستلزم أنك تطلب دعم لوجستي من شباب الثانوية .. ألحق ياولد ( بدون تلعين ) جبه منا .. حده مناك ..
,
عند الذبح ..
عاد انت وشطارك .. يما انك تمسك الرجلين وتفرج على خلق الله ويكزك الرايح والجاي ..
او انك تغدي مودمي وتجيب سكينك معك وأي واحد يكزك أرسل أكبر اشكل ببريدة ..
ولازم عقب كل شوي وشوي تقول هااه .. بقى شيء يا عيال ولا نقعد , عطونا اياهن كلهن خل نجدع همهن ..
ولمنك قمت بتذكية أحد الضحايا شف لك أقرب واحد وأشرح له الأنفاق والكباريات اللي بالرقبة لو انت ما تفهم .. تفيهم
,
عند الصلخ ..
انا شيء عجزت اتقنه ..
حركة الأصبع .. اللي تلم ايدك وتبداء تغوص بها بالذبيحة .. بحيث انك تحافظ على اللحم ..
ان شاء الله من اهداف العيد هالسنه نتعلم على المهارة ذي ..
لكن اللي ابقوله .. هو انك انتبه تبزع وتشيل الضحية وخوياك رخوم .. ولمنك شلت لا تشيل من عند الرقبة ..
,
الكررررررشة ..
أخس حركة نذالة بالعيد .. ترسل بزر يغسله ..
ياااخي لا ترسلونهم .. هذا من تعذيب المسلم ذذ ههههههههههههه
اللي يبي ياكله يروح هو يغسله ..
عاد الصراحة ان طلعمه رهيب .. لكن غسله مشكلة .. وريحة طبخه بالبيت مشكلة ..



في هذا الموضوع .. ما نبي سواليف
نبي صور ضحاياكم يوم العيد .. نبي مواقف صارت لكم .. هشهشة .. فرفشة ..

وعلى طاري الصور .. ما نبي حركات البنات بالصور

يجي واحد حاط مصور الضحية عند مزرعه البيت .. ولا مسوي ( بييس ) على القرنين
نبي شيء يخرع ذذ لمني شفت الصورة جدعت الآب توب من الدور السادس بموفنبيك .. <== موفنبيك الدعيسة .. ههههههههههه


من هنا لهناك ..

[Bleeder]

لي خال حاار بالحييل ،، أغلب الذبايح يقول بهن هو
أذكر تسد أشغلته إلاااا أبذبح أنا ،، ولا أبزعل خخخ
وأشغله إشغال لمين طاعن .. ولكنه قاعدن جنبي ..
يوم سدحنا الذبيحه ووجهناه للقبله والله وأقول به ،، ولكن السكينه ماسنت ،، يعني اوب حاده
والله ويشوتن خالي ويكمل عليه ولكنه عجز يقواه ،، وحاول يمصع رقبته لمين دبروا له سكينه طيبه .. وقال به ..



الصور بالطريق يالمليح ..

[[ لــمّــآح ]]

الوعد يوم العيد ..


أبتعلم الصلخ وآخرته يغسل الكرشة ..

البآقي جآيك بالطريق يا دب ..

[أبو شهـــــد]

صورة لعيد 29


هذي مشكلة اللي يقاله قرم .. ههههههه
ويشيل من عند الرقبه .. حواق بحواق ..
طبعاً هي اسرع طريق حتى يمتلى القميص دم ..

[أبو غــلا]

^
الغريب ولا واحد من الي قبلي ماعدّل رده


عيد الضحيه والله من المحاويق والذبان



سوآليف مآ بعد الموت !!




تحيآتي لك أبو شهد

[الــمِــقــدآم]

.

[wméédh]

ياخي قد صار عندنا خروف الظاهر ان أبوه من اهل الأرض او انّه اللي جايبه للبيت مار البقاله ومشربه باورهورس قبل مايجي والا فاكر حاله حصان ذذ او مدسوس له حبّة بالبرسيم او انه كان اسد قبل بس لعب به الزمن عنوز ومراقص ومخدرات وصار خروف باقي به عزّة شوي او انه يسمع البرتقاله وحنا ماندري ..واخوي يقول انه يبي يوهمنا انه حصان عشان مانذبحه واشك انه يحسبه جالس يقدّم مشهد من اكشنات هوليود او انه تغيّرت عليه صالة التمارين هههههههه < بتلت تحلل ؟ .. ايه و مغير مطامر وعفعفة بالجدران والجراكل واي شي قدامه يآخذ له عزم ومن سور لسور حاس مريرنا بالحوش وقلبنا فوق تحت ليلة كامله من شينه حاط كدش .. ولابس طيّحني < ماحط سبايكي بعد

على فكرة ترانا رخووم بالعيد انا واخوتي تلقانا خمسة علىخروف ومانعرف نتصرّف معه يالله يالله على 10 الصبح نسيطر عليه ونقتله .. والمشكله هرجة اخوتي تحرير فلسطين والعراق


"

أبوشهد اشتقنا مهب صح !؟

[الــمــفــتــرس]

به ناس مطافيق بالعيد ذذ
الله يعيننا عليهم ..

الباقي بالعيد

[~ [ جناح ] ~]

هـ ي ط 0001
__________
والله يانا منول يضيق صدري بس الحين استملس الجلد على الهوشات و هـ الكلام الحلو ذذ ..

>> ودي أقول الوعد العيد بس أخاف اسحب عليكم ذذ

[الجادي المدوف]

كم من كبش تعيد معنا العام الماضي وهو الآن ...

[ولد حمد]

تخيل ونا رايح أذبح وأصلخ معي كاميرتي علشاان أصور لكم

علشاان يعطونن خروج نهائي من دولتنا العزيزه

[أبو شهـــــد]

اقتباس لي خال حاار بالحييل ،، أغلب الذبايح يقول بهن هو أذكر تسد أشغلته إلاااا أبذبح أنا ،، ولا أبزعل خخخ وأشغله إشغال لمين طاعن .. ولكنه قاعدن جنبي .. يوم سدحنا الذبيحه ووجهناه للقبله والله وأقول به ،، ولكن السكينه ماسنت ،، يعني اوب حاده والله ويشوتن خالي ويكمل عليه ولكنه عجز يقواه ،، وحاول يمصع رقبته لمين دبروا له سكينه طيبه .. وقال به .. الصور بالطريق يالمليح ..

هذا واحد من ربعي عنده اخو به عرق من نار ( أبليس مثلاً ذذ ) حاااااااار من هنا لتركيا ..
بعيد الضحية يبي يذبحون ومير يجي الأخ يبي يذكي .. وعلى كلامك السكين ما سنت ..
ولعل الأخ قلبه تطعين وتلعين .. الحمد لله على تمام العقل <-- كيف الحل أقووول ..
منتظرين يا حلو ..

اقتباس الوعد يوم العيد .. أبتعلم الصلخ وآخرته يغسل الكرشة .. البآقي جآيك بالطريق يا دب ..

الدب انت يالقزم
اذكر مرة غسلت كرشة .. الزبدة اني فتحت به شوااااااااارع قطعته مع كل شنق ..
اهم شيء السكين ولي الماء وازهله .. هههههههه
أنتظرك ..

اقتباس الغريب ولا واحد من الي قبلي ماعدّل رده عيد الضحيه والله من المحاويق والذبان سوآليف مآ بعد الموت !!

هلا والله أبو غلا ..
ياخي ايام اكل وشرب وذكر لله ..
خل الذبان تستانس يا اخوي ..
بس انت تعيد ..

اقتباس ياخي قد صار عندنا خروف الظاهر ان أبوه من اهل الأرض او انّه اللي جايبه للبيت مار البقاله ومشربه باورهورس قبل مايجي والا فاكر حاله حصان ذذ او مدسوس له حبّة بالبرسيم او انه كان اسد قبل بس لعب به الزمن عنوز ومراقص ومخدرات وصار خروف باقي به عزّة شوي او انه يسمع البرتقاله وحنا ماندري ..واخوي يقول انه يبي يوهمنا انه حصان عشان مانذبحه واشك انه يحسبه جالس يقدّم مشهد من اكشنات هوليود او انه تغيّرت عليه صالة التمارين هههههههه < بتلت تحلل ؟ .. ايه و مغير مطامر وعفعفة بالجدران والجراكل واي شي قدامه يآخذ له عزم ومن سور لسور حاس مريرنا بالحوش وقلبنا فوق تحت ليلة كامله من شينه حاط كدش .. ولابس طيّحني < ماحط سبايكي بعد على فكرة ترانا رخووم بالعيد انا واخوتي تلقانا خمسة علىخروف ومانعرف نتصرّف معه يالله يالله على 10 الصبح نسيطر عليه ونقتله .. والمشكله هرجة اخوتي تحرير فلسطين والعراق " أبوشهد اشتقنا مهب صح !؟

هلااااااااااا والله بالحلو ..
هلا والله بكشبورة زمانه ..

قبل كم سنه .. حول 10 سنين كنا بأستراحة الرياض قبل تصير فخمه
وكان العيد هناك .. الزبدة ان واحد من الشلة جايب خروف بفيزة قحطاني ذذ انواع البزعات ..
كنا بحوش كبير .. وانطلق ذا .. يعني الهجة موب هاج .. لكن انت قرب له ..
واحد من الشباب غسل الأرضيه بالماء وحطينا صابون ويجيك الخروف مجاااااااااوب .. منسسدح بس انت اذبحة ..

اي والله مشتاقين هههههههه

اقتباس به ناس مطافيق بالعيد ذذ الله يعيننا عليهم .. الباقي بالعيد

اي والله الله يعين .. وش نسوي <-- يقاله اركد واحد ..
ننتظر ياحلو ..

اقتباس هـ ي ط 0001 __________ والله يانا منول يضيق صدري بس الحين استملس الجلد على الهوشات و هـ الكلام الحلو ذذ .. >> ودي أقول الوعد العيد بس أخاف اسحب عليكم ذذ

هلا والله جناح .. <-- هذا كبرك وأسمك جناح
مع الوقت يتعود الواحد .. وش نسوي <-- متليع ذذذ

اقتباس كم من كبش تعيد معنا العام الماضي وهو الآن ...

صحححح يالرحووم ..

اقتباس تخيل ونا رايح أذبح وأصلخ معي كاميرتي علشاان أصور لكم علشاان يعطونن خروج نهائي من دولتنا العزيزه .

أنا هالسنه ابتعيد مع ناس متمدنين شوي .. ولا انت خابر .. ذذذذذ

[روقــآن]

علىطاري العيد حنا وعمي نذبح جميع

عاد الله لا يوريك لا أبوي ولا عمي كل واحد احر من الثاني

والتلعين حدث ولا حرج

أذكر العام أبي أعد كم هوشه جتن وعجزت ألحق

[~ [ جناح ] ~]

اقتباس المشاركة الأساسية كتبها روقــآن علىطاري العيد حنا وعمي نذبح جميع عاد الله لا يوريك لا أبوي ولا عمي كل واحد احر من الثاني والتلعين حدث ولا حرج أذكر العام أبي أعد كم هوشه جتن وعجزت ألحق

وذ آوت فضايح بليييييز