[برفسور ملتمس]

السلام عليكم ورحمة الله وبركاته ..، جميعاً ..
قبل تقريباً أربع أو خمس سنوات ،كان الشخص لما يطلع للحي يشوف ( حياة ) يعني نشوف شباب تلعب كورة ، نشوف صغار بالسياكل ، نشوف بزوايا الحارة شباب تدردش ، وشباب الحلقة بالمسجد ولا طالعين يسولفون ، ونشوف أطفال عند الباب ، نشوف حتى بنات يمشون ويتزاورون بالحارة ، حتى كبار السن يطلعون ، يعني بالظهر تشوف ، بالعصر كذلك ، وبكل الأوقات ، ..
لكن الحين أختفوا ويمكن تغيروا .. مثلاً : تحصل واحد عمره 13 سنة ويدخن ومعاه سيارة << والي بعمره قبل معه سيكل ، وتلاقيه الحين يسولف عن السفريات ، والعلاقات ، والسهرات ، ولما تسأله وين رايح يقول للإستراحة أو الشقة<< بينما قبل كانت الاستراحات والشقق ( سمعتها سيئة ) ومرتادينها قليل وماتشوفه أبد بالحارة وأوقات تتفاجئ بأشخاص ماتدري أنهم بحارتك .،
. وبصراحة صرت أشوف أبو 10 إلى 14 الجيل الآخير يكبر بسرعة يعني تشوفه باسبوع يلعب بلاي ستيشن بحماس لاومراحل ويبحث عن الجديد ، والأسبوع الي بعده معطيك بطاقة فرح زواجه " يعني ماتقدر تميز مراهقته من نضوجه
فايش الي صار فجأة ، فقدناهم ، وماعدنا نشوف سياكل بالحارة ، ولا شباب الحارة بزاوية جالسين ، ولاكبارهم ولاصغارهم ، ومين السبب .،.. ومين الي أبتدى بالغياب حنا ولا هم ،. وهل هالعادات صارت قديمة .،
وليش الصغير صارت سوالفه كبار وماعاد يعيش دوره بالعمر .. ؟؟!!

///

كل الشكر والتقدير ع المرور ، ونتمنى نشوف ردودكم ..،

[Chocalain]

يأخوي لان الامان الحين ضاع يعني مااااااااااااااافيه أمن
الواحد وهو قاعد بيته وخاااايف ع عياله ف كيف يخليهم بشارع
غير القنوات الفضائيه الي غيرت فكرررررشبابنا وبناتنا
الله يحفظنا

شكراً ع الموضوع

[مها ال]

لا ن الحين ناس تغيروا ماعادوا مثل قبل

[برفسور ملتمس]

شكراً استاذة بر الأمان ، وأستاذه مهال ، وصادقين في البعض تغيرو ، وماعادو زي قبل ، بس البعض الآخر مايخافون من الأمن ، يعني يروحون لاستراحات وشقق وللاسف افكارهم سيئة ، وغير كذا ،.. أنا الاحظ بعض الأطفال من يولد وهو طفشان مايعيش طفولته ويمرح ، حتى محلات الدراجات والألعاب ،.. لو تلاحظين في الدول الأخرى بكثرة ، بس عندنا ، يمكن ببريدة مافيه الا ثلاث محلات فقط ..

[عطشــانة دم !]

الزمن تغير الحين بدل السياكل فيه بلاستيشن يلعب سيكل بدون مايتعب
البزران اللي بالشارع تقول ليش مايطلعون خبرك الواحد يخاف عليهم كثر الخطف
البنات الي يتزاورن خلاص العلاقات بين الناس صارت رسميه ماعاد فيه زي اول لان الناس لعب عليهم الشيطان وصار سوء الضن والحسد وغيره هو سالفتهم
والنعمة والمغريات لها اثر بانك تقول علطول يكبرون ويعرسون المبزره
والصغير صارت سوليفة كبار لانه دايم عند التي في او النت فاكيد بتأثر عليه
فيه استفسارات ثانيه عطشانه بالخدمه
الصراحة موضوع جميل جدا

[K.S.A.32]

لأن الناس تغيرو

شكرا على الموضوع الحلو

[برفسور ملتمس]

اقتباس المشاركة الأساسية كتبها عطشــانة دم ! الزمن تغير الحين بدل السياكل فيه بلاستيشن يلعب سيكل بدون مايتعب البزران اللي بالشارع تقول ليش مايطلعون خبرك الواحد يخاف عليهم كثر الخطف البنات الي يتزاورن خلاص العلاقات بين الناس صارت رسميه ماعاد فيه زي اول لان الناس لعب عليهم الشيطان وصار سوء الضن والحسد وغيره هو سالفتهم والنعمة والمغريات لها اثر بانك تقول علطول يكبرون ويعرسون المبزره والصغير صارت سوليفة كبار لانه دايم عند التي في او النت فاكيد بتأثر عليه فيه استفسارات ثانيه عطشانه بالخدمه الصراحة موضوع جميل جدا

__________

يسلموو استاذة/ عطشانة ،وبالعكس اضفتي معلومات قيمة ،..
لكن بخصوص الصغار الي يطلعون .. أقصد أبو 10 ، 11 ، .. يعني اوقات لما تدخل حارات تشوف في ناس تلعب عند الباب ، وكذا تحس أن الحارة فيها ( ناس وحياة ).. ولا البقالات الي بزوايا الحارة تحصل عندها .. لكن هالحين مافي احد ، وفعلا كلامك قد يكون الناس خايفين عليهم ،. بس ليش أهالينا ماخافو علينا قبل لأنه بهالعمر المفروض يطلع ويشاغب من ورى أهله ، بس لو تجلسين مع أي طفل أبو 10 سنين يقولك الخروج عند الباب ولا اللعب فشيلة ،. وأحس اني بزر مع أنه بايامنا كانت متعه ونحس بطفولتنا ..، غير كذا أنا على أيام المتوسط كانت المدرسة قليل الي يسوق سيارة .،.. الحين لو توقفين عند الأبتدائي تشوفين يملكون سيارات .،. طبعاً حنا _ مانحسدهم _ لكن ليش مايعيشون طفولتهم بتدرج عشان يحسون بطعم الحياة
وكلامك صحيح بخصوص ،.. الانترنت والفضائيات ،. أثرت على العقليات .،.. بس مانقدر نعم ونقول الكل .،.. لأنه لو صار الكل كان أنا ماكتبت هالموضوع ومافكرت فيه .،..
ودامهم تغيروا من هالأشياء .. أذا في شي غلط لازم نعدل فيه ..،
وبرضه صادقه بخصوص ( المغريات وأن افكارهم تغيرت وتزوجوا ) ، بس النعمه كانت موجودة قبل .، ووجهة نظري بخصوص زواج الصغار الجيل الأخير ( كثرت نسبة الطلاق ) .. فكلمة طالق .، ماصار لها هيبة .،..
وألف شكر على المرور ..

[برفسور ملتمس]

اقتباس المشاركة الأساسية كتبها K.S.A.32 لأن الناس تغيرو شكرا على الموضوع الحلو

_________

يعطيك العافية ع المرور ، وهنا السؤال .. ايش الي غير الناس ..!؟

[أنشودة المطــــر؛؛]

صحيح
لأن هالزمن ماعاد فيه أمـــآن

طرح رائع
شكرا جزيلا

[المدلهم]

طبعا أكيد السبب وسائل التقنية الحديثة !

مثل لو تلاحظ الإنترنت هذا غير حاجات كثيرة جدا جدا جدا جدا ...

من جميع النواحي حتى وصل في التأثير على المعتقدات الدينية فما بالك بالأشياء الإجتماعية و...و...و

موضوعك جميل جدا وكنت أفكر فيه من قريب لما زرت جدتي وشفت الأطفال ماحضروا مع أمهاتهم والحاضرين مالهم أي حس يذكر بعكسنا يوم كن صغار كلنا نجتمع مافيه أحد يتخلف ونقلب البيت حوسة ويطردوننا للشارع !

آه آه ياليتني طفل وأكبر همي لعبتي

[متصفحة]

مازلت أرى بعضهم ..

[ربيع]

لكل حقبة من الزمن مميزاتها وسلبياتها، فالحنين للماضي لا يعني أنه أفضل من الحاضر.
في الماضي كانت الناس تمرض ولا تجد العلاج، وفي الحاضر تغيّر الحال وأصبح أفضل بكثير ولله الحمد.
الآن التواصل أصبح تقنياً وعن طريق وسائل التقنية (الماسنجر والمواقع الاجتماعية والمنتديات وغيرها من البرامج).

[عزيز القلب]

وسائل الاعلام والتقنية

هي ألي غيرت شبابنا وفتياتنا وأفسدتهم

والأن لا يوووووووووووووجد أمااان في بلادنا مثل قديم

شكرا برفسور ملتمس ع طرح المووضوع

[برفسور ملتمس]

اقتباس المشاركة الأساسية كتبها أنشودة المطــــر؛؛ صحيح لأن هالزمن ماعاد فيه أمـــآن طرح رائع شكرا جزيلا

______

العفو ، وفعلاً الزمن ماعاد فيه آمان