[قشطة ستي]

السلام عليكم

مساكم الله بالخير يا أحسن شباب

هل تحبون الصيف أكثر ولا الشتاء


بالنسبة لي الشتاء زين بس انه برد
لكن وش مميزاته :

إذا جينا من ناحية العباده
فالسلف رضوان الله عليهم كانوا يحبون الشتاء لأن نهاره قصير وبارد فيصومونه وليله طويل فيقومونه <<<<<<< الله يرحم حالنا

أما من ناحية الأطعمة
فالأطعمه بالشتاء أطعم وألذ مثل الحنيني وقرص الجمر وغيره

أما الفلة والوناسة
فطبعا ما ننسى طلعات البر و شبة الضو وقرص الجمر وما إلى ذلك


لكن ما ننسى في هذي الأيام إخواننا الفقراء فمقدار حبنا للشتاء مقدار ما يعانون سواء من البرد والأمراض وغير ذلك فلا تنسون اخوانكم

واللحين أنت عطنا رايك وليش ؟؟

[أبو غــلا]

أنا أحب الصيف

لإني كائن ما أحب أدخل شي إلا ضامنه


بالصيف ماعندي شي أخسره .. أقسى شي اتروش

أما بالشتاء لو اطلع من البيت ماتلبست رحت دهنة محاله

[ولد حمد]

يا حبيبي ,, أنا بالصيف أقول يا زين الشتاا

واذا جاا الشتا أقول ياا زين الصيف

وهذي حالتي كل شتاا وصيف

[أبــوعـــج]

البرد " حلو " .. وفوق هـذا تقدر تسـيطر عليه..

بلبس آلـملآبس آلـثقيله لكـن الحر بالصيف وخصـوصا ً عندنا !

ماله حل حتى لو تجدع هدومك وتطلع !

الصيف حر ..!

لكن الشتاء يازيـنه ويآزيـن البرد إللي فيه ..

وفوق هذا وذاك .. الشتاء حـلو للـ الملابس والثيـآب أكشخ و " أشيك " من اللبس الصيفي ..

يـآزيـن الـشتاء زينـآهـ

[خلص حنانك17]

صراحه انا احب الشتاء اكثثر

[[ لــمّــآح ]]

ما أزين من الشتآء ..
لا جو ولا أكل .. أقل شي ما يجيك حرقآن من الحر !!
ولا يلجمك العرق إلجآماً إذا طفى الكرهب .. !!
يكفيك من الشتآء ريحة الضوية لآ صآر إرطآ يحبه قلبك ..

أذكركم بقول النبي صلى الله عليه وسلم : " اشتكت النار إلى ربها فقالت: يارب، أكل بعضي بعضاً، فأذن لها بنفسين نفس في الشتاء ونفس في الصيف فهو أشد ما تجدون من الحر، وأشد ما تجدون من الزمهرير " .

[أبــوعـــج]

اقتباس المشاركة الأساسية كتبها [ لــمّــآح ] ما أزين من الشتآء .. لا جو ولا أكل .. أقل شي ما يجيك حرقآن من الحر !! ولا يلجمك العرق إلجآماً إذا طفى الكرهب .. !! يكفيك من الشتآء ريحة الضوية لآ صآر إرطآ يحبه قلبك .. أذكركم بقول النبي صلى الله عليه وسلم : " اشتكت النار إلى ربها فقالت: يارب، أكل بعضي بعضاً، فأذن لها بنفسين نفس في الشتاء ونفس في الصيف فهو أشد ما تجدون من الحر، وأشد ما تجدون من الزمهرير " .

أجـل آلكـرهب وانا أخوك ..

[عطشان والكأس مكسور !!]

اقتباس المشاركة الأساسية كتبها أبو غــلا بالصيف ماعندي شي أخسره .. أقسى شي اتروش أما بالشتاء لو اطلع من البيت ماتلبست رحت دهنة محاله

لا عمرك تقرب لمي

[خـآالد]

أنا احب الخريف ..

[الــمِــقــدآم]

ولد حمد :/ يوم أنآ كبرك وتفكيري نفس تفكيرك بالصيف أقول يا زين الشتاا .. واذا جاا الشتا أقول ياا زين الصيف .

بس الحين عرفت مقدآر الشتآء .. واللي يقول الشتآء برد نقوله تلبس وتدحمل .. لكن اللي يقول الصيف حر وش نقول له ..؟
نقوله إمش جطل مثلآ .. لآ وأنت تمشي جطل مييت حر

مآ أقول إلآ :

شكوت إلى طقطوق سوء بردٍ .. فأرشدني إلى لبس الثيآب . صح لسآنه شآعرنآ

وفي قصيدته الأخرى :

شكوت إلى طقطوق سوء حرٍ .. فأرشدني أنه مآ به حل إلآ إنك تآكل تبن لمين يجيك الشتآء ذذ

يآآ حبي للشتآء

[[ لــمّــآح ]]

^
بآب النجآر مخلوع ..
الله يشفيك من الحرآرة

[الــمِــقــدآم]

^

يآبن الحلآل يصير بك حرآرة بالشتآء . ولآ يصير بك حرقآن بالصيف

[أبو غــلا]

الله يحوم تسبدك ياعطشآن

أنا قصدي إن الصيف مابه أمراض .. مب قصدي إن التروش صعب :@

[الخيال فهد]

بالنسبة لي اقول كما قال الله تعالى (( إيلافهم رحلة الشتاء والصيف )) البرد والصيف حكمة سبحان الله كلهن عندي سواء
موضوع رائع للرفع جزاك الله خير