 |
|
|
|
|
07-12-2010, 02:28 AM
|
#1 |
|
عـضـو
تاريخ التسجيل: Oct 2009
البلد: ليتَنآ نُدركـ .. أنّ ( الجَنّة ) هٍي وحدَهآ وطن الأشيآء الحَقيقيّة . .
المشاركات: 786
|
☜الأرشيف.,
.. ..  مدخل ..~ ألا ياليت الزمن يرجع ورى و إلا الليالي تدور ويرجع وقتنا الأول وننعم في بساطتنا زمان أول أحس أنه زمان فيه صدق شعور نحب ونخلص النيه وتجمعنا محبتنا زمن مافيه لاغيبه ولاحتى نفاق وزور ياليته بس لو يرجع ونسترجع طفولتنا  بقلب مشتاق جعلني أقلب صفحات الماضي .. لأبحث عن مافي جعبتي لتخرج هنا ..!! ايه يازمان أول بس وش أكتب وش اخلي .. بسم الله .. نبدأ من الشارع : *في الماضي وايام اللعب بالشوارع والمهايط والمشي الحافي بالقوايل >>مدري وش اللي حادنا كنا حنا وبنات الجيران نفرش قطعة كرتون بالشارع >> شوفو التواضع شلون  ونسوي عزيمة عاد تعالن شوفن وشي العزيمة ككاوتين مقطعات مربعات وكم فشار مشققوق ومفروش وان تمدنا جبنا برميت وحطيناوه مع الفشار والا غوار .. *الشارع والكنس : ننقسم فريقين حنا والجيران المقابلين وكلن يكنس الشارع اللي مقابل بيوتهم ثم تعال شف ياهواش انتم تحطون الوصاخة عندنا وذولا لا انتم اللي بادين وينتهي الأمر برمي مابالايدي ثم يتوسخ الشارع مرة ثانية  *أم الشوارع : هذا اللقب كان يطلق على من جعلت الشارع سكنا لها ماعدا النوم الصبح و الظهر والعصر و...و... ولو ماتطلع جو الجيران يسألون عنه عسى ماشر وش به بنتكم  والا يقالنا لمن جانا أحد يحول زاعلنا بنت الجيران وهي لمن جاه أحد زاعلتنا وهكذا دواليت  الحين نبي نروح لم الالعاب : اول لعبة لعبة الدور.. والله ياني احب هالعبة وتستهوين أكثر من غيره .. أما لصرتي أم ودبرين على كيفتس والا الأبو ياحول ماله كلمة ماغير جالس ويامره جيبي القهوة ودي الشاهي .. اللعبة الثانية الرحالة :  وهـ يازينه هالعبة بس ماتصلح الا بالقايلةنجيتس ونولم من هالقراشيع من بلع وفرش وماء بمطارة >>هذا اهم شي ونحط لنا قائد للرحلة ثم تعالي شوفي دوران بهالحوش وكل شوي نروح لمكان يقالتس نرحل من ديره الى ديرة اخرى >>ابوتس يالخيال بس .  اللعبة الثالثة الارانب والثعالب : الارانب حنا يابنيات و الثعالب العيال ثم نجدع جزر بالصالة >>ايقاله حقل  وتطلع الأرانب تأكل ثم تهجم عليه الثعالب وياخذونه الى جحرهم أما قائد الأرانب يبدأ بوضع خطة ثم تنفيذه لأنقاذ الارنب المسجون  اللعبة الرابعة شبرا امر:  شبر امرا شمس انجوم كواكب هوا كالعب الدواء ماتحتاج شرح كلن يعرفه >>اشتهيت ألعب شبرا شكلي بروح الحين أناقز من بتلعب معي ؟  اللعبة الخامسة الخياطة : تقوم بوضع كيس فوق كيس ثم نقصه على شكل فستان ثم نضرب الاطراف بالحجارة بقوة الى حد مايلتصق كل كيس بالأخر >>شوفوا الابتكارات والا بلاش  لعبة صنع الكليجا : نجي نخلط طين مع ماء حتى يصبح كالعجينة ثم نكورة ونضغطه على شبك الدجاج علشان تطبع على الطين الخطوط ويترك حتى غد علشان ينشف ثم نقدمه مع القهوة  >>همانا نلعب دور>>خخخخخخخخ *الاناشيد القديمة : 1- أرنب نط جابلي خط من يقراه أنا أقراه سبع اسنين ماانساوه 2- بطة يابطة جيبي الشنطة شنطة خفيفة زي الريشة 3- شبت حريقة بيت منيرة جوا المطافي قالو ياكافي والشرطة حافي 4- أنا واياك يابسمة تحت الشجرة جلسنا كله منك يابسمة جانا الشرطي وحابسنا بسمة اليوم زعلانه تبي قطعة تفاحة .....>>الباقي نسيته 5- شايب عراره تحت العمارة يشرب زقارة 6- احمد حماده جاب الشهاده أمه تحبه وابوه يطقه >>هذي نقوله لولد خالتي ثم يموت من القهر >>هههههه والا عاد اناشيد اولى ابتدائي وهـ ياطعمنا بعد . #منزل الوحي بلادي أفتديها بفؤادي هي في قلبي وروحي ...... سوفى تبق سوف تبقى >>>اللي بالوسط منسي اللي تعرفه تسمع لنا # الله رب الخلقي امدنا بالرزق اذا دعاه الداعي يحقق المساعي يسهل الامورا ويدفع الشرورا وكل شيء عنده بحمكة اعده انعم به من مكرمن يبر كل مؤمن ** مشاغبات من الطفولة  :هذي سلمكم الله اختي يوم هي صغيرة عمره خمس سنين يمكن كنا ممرحين عند خوالي وفجأة فقدناه هي ولد خالتي وتعال ياتدوير ماحد ماخبيناه بالحاره واخيرآ لقيناه بس وين هوبه اليكم السالفة : تقول على لسانها تقول انه معه عشرة معطيه أبوي قالت لولد خالتي أكبر منه بسنة قوه نشري به راحوا للبقالة ولاه صاكة >>زاد بقالاتن بهالقوايل قالت أجل ولهتن على جدتي وعماتي قوه لم أهلي>> عاد ترى بيتنا مهب بعيدهوتاخذ بـ إيدية الوليد بعز القايلة تبي تروح لم بيتنا المهم وتاصل للبيت وترن ترن ماحد يرد قالت ايه مهب بالبيت اكيد بالمزرعة قوه لم المزرعة >>عاد المزرعة بعيدة بس هي خابرتن طريقة وتروح تنحر طريق المزرعة وهم بنص الطريق شافهم رجل يقول اني شفت البنية تناقز من حرارة الشمس حافية ماعليه انعال أما الوليد متكك ولابسن نعال هالكورة ولاحس بالشمس الموهم اعرفه من أشباهه قال أنتي بنت الفلان قالت ايه قال ابوتس فلان قالت ايه قال تعالي اركبي وتركب ويروح به لم بيتنا قالت مابوه أحد قال أجل منين جايه قالت من خوالي شافه ولد خالي قال انت منين لقيت ذولا قال بالشارع يمشون ويقعد يوصي انتبهوا لهم زمن هالقبيل وياعميري ياخيتي الرجيلات متزلغة من الشمس بس الحمد االله اللي رجعوا..#  هذا ياطولين العمر اختي رايحتن مع رجل عمتي للبقالة ومعه عشرين ريال وتقش من هالحلويات متخلت شيء ماخذت منه الى الماكنتوش اخذه المهم يوم طلعوا قاله رجل عمتي عطين قروشتس أومير تعطيه عشره قال والثانيه قالت لا لو أبعطيك اياه كان شريت كل البقالة # هذا أنا يقال بأني تسذوبه يوم أنا صغيره يقول عمي انتس راكبتن مع أومير نمر من عند شرطي قلتي لي تشوف الشرطي تراوه يعرفن  >>>أبوتس يالواسطات شفتوا الطفولة والا بلاش كلش ولا ذولا اطفال التكنلوجيا مايعرفون ياعبون وان إلعبوا ولاهم بس فوق راستس  عاد ودي أجيب أشياء قديمة مثل بعض صور حلويات لبسي يوم أنا صغيره ومن هالقبيل بس قلت يالله ودي كلن يشاركن فاللي عنده لبس أو بطانية أو لعبة تلزخ لنا بذيا أو موقف من أيام الطفولة.. أنتظر طلتكن ومشاركتكن الجميلة ياجميلات   لكل من مرت هنا ..مخرج..~ ..
يــوـوم أن كنـآ صغــآرا كآن في القلــب أمـــــــــــــــل ,, كنــــــــــــــــــــآ نلهوـو لا نبـــــآلي أينمـآ كـــــــــــــــــــــــــــــــــــــــــان الزلل ,, كآنتـ الأرض نشيـــــــــــــــــــــــــــــــــــــــــــدآ فيهـآ ألحــــــــــــــــــــــــــــــــآن الصبــــــــــــــــــــآ ,, تسكــب الألحـــــــــــــــــــــــــــــــــــــــــــــ ــــــــــان شعــرا عبقريـــــــــــــــــــــــــــــــــــــــــــــ ـــــــــــــــــــــــــــآ لا يُمـــل ,,
__________________
.. رَبَّـآهـ .. اُغمُرْ قَلبِـي فَرحًـا الى يوم يبعثون و آتمهـآ ب دخول جنتك ~  العابرة ذكراك باقية فرحمك الله
 آخر من قام بالتعديل رَآحِلـﮧ; بتاريخ 07-12-2010 الساعة 02:38 AM. |
|
|
| الإشارات المرجعية |
|
|
النمط الأحادي