[بشروه اني ابرحل]

سلام الله عليكم ورحمة وبركاته

من زمان في بالي سؤال ودي اسألكم اياه

وهو(هل تقبل بمعلمه ام متعلمه)

يعني هل تقبل بزوجه تهملك بغداك وعشاك ونصه نوم من بعد الدوام

ولا بمتعلمه تدير باله عليك وعلى اولادك وعلى بيتك

الشروط عند الرد

1/اصحاب العقول المغلقه والمتحجره عدم الرد

2/عدم الرد بغير فائده

3/عدم خروج الموضوع عن اطاره

لكل من يتطلع ويرد له مني وافر الدعاء

[صيد الفكر]

شكرا على ما بذلتي

المعلمه لم تُعلم الا وهي متعلمه اي انهما وجهان لعمله واحده ..
ويبدو انك تقصدين متعلمه تعمل بمجال التعليم ومتعلمه لا تعمل بمجال التعليم ...
برأي المتعلمه افضل بأن تكون مربيه للبيت و اهتمامها اكثر لشئون اسرتها , لتفرغها التام ...

صيد الفكر

[بشروه اني ابرحل]

^^^^^^^
يالروعه اسلوبك وفهمك

شاكره لك مرورك وتطرقك

رزقك الله ماتتمنى

[برفسور ملتمس]

أعتقد أن اختيار الزوجه تعم صفات عديده وليس بـ متعلمه ومعلمه ، بل هناك الدين ، الأخلاق ، الجمال ، أمور عديدة كلاً على حسب مبتغاه ، وهي بالأساس ، توفيق من الله ، فقد تكون هناك معلمه يكون نصيبها شخص ليس لديه مؤهلات فيجمعهما القدر ويستقران ، والعكس كذلك .، وزارة الخدمة المدنية جعلت هنالك فوارق بين المعلمه والمتعلمه : علمية ومادية ، وليس من العدل أيضاً أن نصنع التفرقة لمصير حياتنا الدنيوية ، فأنا أريد وأنتي تريدين والله يفعل مايريد ،
لايجب علينا أن نحكم بفعل معلمه ونعمم على جميع المعلمات بأنهم سيئات وأن هذا مصيرهم ، فالوظائف لاتغير الاخلاق والتربية وأن كان كذلك فرجائي أن يتوقفن عن التعليم ..
هنالك الكثير من العهود والقرون التي مضت مختلفين بالأعمار، والمؤهلات ، والمقامات ، وعاشو باستقرار وصنعوا لنا التاريخ الذي يحكي عن نجاح هذا الإرتباط باختلاف طبقاتهم ،.
والرسول عليه افضل الصلاة والسلام تزوج خديجة رضي الله عنها وعمرها 40 سنة ،. وهذا دليل على أن الفوارق بالاعمار والمؤهلات لايعني أنهما غير متوافقان ، ولكن بتوفيق الله عز وجل يكون الاستقرار ويعم الحب .،

[جُمَان]

**

خير ان شاءالله صراحه اليوم ماانصفتي وابزعل منك .. ادري ان مالي دخل بالموضوع وهو خاص بالشنبات بس جد مااتحمل الظلم .. وهـ بس غثيتين ..
انتي بكلامك كأنك تقولين ان المعلمات كلهم مهملين اقول يااوخيتي لاتظلمينهن مو كل معلمه تصير مهمله ومو كل متعلمه تصير سنعه .. على اني اراهن كلهن عينان في راس واحده يعني مافيه معلمه ماهي متعلمه ..


سلام

[جغمه]

اللي يجي من الله .. مانقوله ‘هئه ‘


من وجهة نظري .. ابيه موظفه .. ومتعلمه .. واخر ما اناظر له .. غداي ..

طبعا اكيد بعضكم يسئل ليش!؟

فـ انا ارد عليه واقوله .. الدنيا الحين توحش .. وصعبه جدا جدا ..

وانا اعرف اشخاص متزوجين من زوجات مو موظفات .. وحياتهم صعبه جدا ..

حيث انه يحسب الريال وين راح له و من وين جاء !ً

فـ .. متعلمه و معلمه .. افضل




شكرا على الموضوع .

[بشروه اني ابرحل]

اقتباس المشاركة الأساسية كتبها جُمَان ** خير ان شاءالله صراحه اليوم ماانصفتي وابزعل منك .. ادري ان مالي دخل بالموضوع وهو خاص بالشنبات بس جد مااتحمل الظلم .. وهـ بس غثيتين .. انتي بكلامك كأنك تقولين ان المعلمات كلهم مهملين اقول يااوخيتي لاتظلمينهن مو كل معلمه تصير مهمله ومو كل متعلمه تصير سنعه .. على اني اراهن كلهن عينان في راس واحده يعني مافيه معلمه ماهي متعلمه .. سلام

هلا والله جُمَان هُنا لا ما اصدق

وراك اولاه تهوشينن ما امداني اكفكف دموعي من موضوع امس الا تجين انتي تهاوشين

بعدين من فيه معلمه تجي حول وحده ونصف وبتزين غدا ولا فطور<<والله ياهي بعيده

الا اذا كان عنده شغاله

وهاذا حال المعلمات الا من رحم ربي

ونفسه براس خشمه ولا منه دخل الرجل ياحول بس تنافخ عليه

يا اختي بليا هالشغل

ولا وشوله تشتغل لا صار زوجه ماقصر عليه

بالعكس راح يعتمد عليه بالبس ملابسه من راتبه الا من رحم ربي

شكريات كثار على مرورك بس لو انك ماهشتين

[جُمَان]

^^^

معليش اخوي اسمح لي
يعني اللي فهمته انك تبيها معلمه عشان تساعدك في المصروف ..
طيب فرضا ركزت راسك وماتبي يدخل عليك منها ولافلس كذا بتخرب حياتكم .
البنت تدرس وتطمح للوضيفه مو عشان تصرف ع زوجه .. تبي تأمن مستقبلها ثانيا فيه حاجات ثانويه مثل انت تعطيها فلوس للفستان مبلغ 200 ريال ومو من حقها انه تتشرط وتقولك لا ابي تعطيني 1000 قيمة الفستان مشان كذا تلاقي البنات يركضون ع الوظايف عشان تنعوش رويحته وتلبس احسن لبس وماتناظر لهالفلسين اللي من الزوج ..

[صمت النار]

قال طلقها وخذ اختها , قال الله ياخذها هي واختها

بصراحة لاذي ولا بنت الذي

هذه هي قناعتي الخاصة بي حالياً

أما غيري فالافضل له المتعلمة ( ربة البيت ) , أما إن كان غير قادر على توفير حاجاتها الاساسية فكيف بالثانوية فالافضل له المعلمة ( بس مو توصل انه يطلب منها إيجار البيت )

[بشروه اني ابرحل]

اقتباس المشاركة الأساسية كتبها جغمه اللي يجي من الله .. مانقوله ‘هئه ‘ من وجهة نظري .. ابيه موظفه .. ومتعلمه .. واخر ما اناظر له .. غداي .. طبعا اكيد بعضكم يسئل ليش!؟ فـ انا ارد عليه واقوله .. الدنيا الحين توحش .. وصعبه جدا جدا .. وانا اعرف اشخاص متزوجين من زوجات مو موظفات .. وحياتهم صعبه جدا .. حيث انه يحسب الريال وين راح له و من وين جاء !ً فـ .. متعلمه و معلمه .. افضل شكرا على الموضوع .

انا ابسألك الحين

وراك تاخذ معلمه(موضفه)

تبي علشان تصرف عليك<<مافي غير السبب هذا تقنعني فيه

واذا تبيه تصرف عليك

ليش هو النفقه مجبوره على المراه وانا مادريت

واذا انت مو قد الزواج والمصاريف

فرجاء لاتتزوج الا اذا كونت نفسك<<نصيحه فقط

شاكره لك ووفقك لما تريد

[جُمَان]

اقتباس هلا والله جُمَان هُنا لا ما اصدق وراك اولاه تهوشينن ما امداني اكفكف دموعي من موضوع امس الا تجين انتي تهاوشين بعدين من فيه معلمه تجي حول وحده ونصف وبتزين غدا ولا فطور<<والله ياهي بعيده الا اذا كان عنده شغاله وهاذا حال المعلمات الا من رحم ربي ونفسه براس خشمه ولا منه دخل الرجل ياحول بس تنافخ عليه يا اختي بليا هالشغل ولا وشوله تشتغل لا صار زوجه ماقصر عليه بالعكس راح يعتمد عليه بالبس ملابسه من راتبه الا من رحم ربي شكريات كثار على مرورك بس لو انك ماهشتين

وراي مااهوشك وانتي تظلمين شريحه كبيره بالمجتمع
يختي المعلمه فيها مميزات كمان تختلف عن اللي ماتختلط ولاتروح ولاتجي ..
والله شكلي ابعرمشك الليله ..
يختي من قال ان المعلمه مهمله انا اعرف كثار معلمات ماشاء الله قايمات بحقوق الزوج


بختي .............<< وصارت السالفه يختي ههه
الشيء هذا قائم على التفاهم بين الزوجين يعني فيه رجال يبون حريمهم موظفات ومستعدين يوفرون لهن كل سبل الراحه ..
يكفيك من المعلمات لاهيات عن مشاكل خلق الله ومشاكل ابو الشباب مو مثل اللي بالبيت ماغير تناظر الجدران هالصبح وتدور عله وإلا شرهه تولمه لاجا زوجه نطت فيه ..



لاتعممين رجاء .............<< فيس يتعبر وده يبتسي

[بشروه اني ابرحل]

اقتباس المشاركة الأساسية كتبها صمت النار قال طلقها وخذ اختها , قال الله ياخذها هي واختها بصراحة لاذي ولا بنت الذي هذه هي قناعتي الخاصة بي حالياً أما غيري فالافضل له المتعلمة ( ربة البيت ) , أما إن كان غير قادر على توفير حاجاتها الاساسية فكيف بالثانوية فالافضل له المعلمة ( بس مو توصل انه يطلب منها إيجار البيت )

توصل ونص بعد

انا اعرف وحده موضفه وصرافته مع زوجه

وياكل ويشرب ويسافر من فلوسه

ولا بعد واطي على خشمه

الرجل لاشاف الفلوس بين يده وحلاله ليش مايتحكم فيهن

[جغمه]

وشلون حكتموا علي ان زوجتي تصرف علي ؟ ومن قال لكم اني ابخليه تصرف علي !؟


ياجماعه لا تستعجلون بالررد .. اقروه مرتين وثلاث واربع ..


انا قلت ان الحياة صعبه هالوقت صح !؟ يعني انه تساعدن .. يعني مهب معقوله تعرس علي عشان اظف دراهمه !


ومن ناحيتي اكيد انا بصرف عليه .. بس يعني مثلا اجار البيت .. ابيه تساعدن فيه ..

او مثلا فاتورة جواله هي تسدده .. وبعدين اتوقع ان كل زوجة تبي تساعد زوجها بأي وسيلة ..





ْْ~>

اقتباس فرجاء لاتتزوج الا اذا كونت نفسك<<نصيحه فقط

سمي

[بشروه اني ابرحل]

اقتباس المشاركة الأساسية كتبها جُمَان وراي مااهوشك وانتي تظلمين شريحه كبيره بالمجتمع يختي المعلمه فيها مميزات كمان تختلف عن اللي ماتختلط ولاتروح ولاتجي .. والله شكلي ابعرمشك الليله .. يختي من قال ان المعلمه مهمله انا اعرف كثار معلمات ماشاء الله قايمات بحقوق الزوج بختي .............<< وصارت السالفه يختي ههه الشيء هذا قائم على التفاهم بين الزوجين يعني فيه رجال يبون حريمهم موظفات ومستعدين يوفرون لهن كل سبل الراحه .. يكفيك من المعلمات لاهيات عن مشاكل خلق الله ومشاكل ابو الشباب مو مثل اللي بالبيت ماغير تناظر الجدران هالصبح وتدور عله وإلا شرهه تولمه لاجا زوجه نطت فيه .. لاتعممين رجاء .............<< فيس يتعبر وده يبتسي

حبيبتي جمون<<تراي ادلعك الحين تفشلينن

شوفي ياقلبي

اتحداك تشوفين وحده راجعه من الدوام ونفسيته ممتازه

فاليش اضيق حيلتي وحيلت زوجي عشان وضيفه

وياحول الامنه هارجه الظهر نطتبه لاعادت على الشغل وراعيه

بعدين هذولا اللي تقولين عنهم ماخذين موضفات وعايشين حياتهم

حبيبتي والله ماتدرين البيوت اسرار

الا اذا انتي ساكنه معهم وانا مادريت