[الضرغام]

الدلخ : وهذاا إنسان غبي جداااا.ويرفع الضغط ....وينرفز ....واكثر من يعااني منه المدرسين ....واهله
.............
المنسم : كل ما مريت عليه تسمع صوت( تسسسسسسسسس ) ويرجع ذلك
إلى تهريب الهواء من رأسه و السبب في ذلك هو أن في رأسه فتق لذلك تلقاه دايم يغطس رأسه في سطل موية عشان يعرف من وين التنسيم ( التهريب
.......
المهوي : هو مرحلة متأخرة من التنسيم و المهوي وصل لمرحلة متأخرة جدا بحيث يفقد أهله الرجاء منه
......
مزّلب : يعني بايعها بتراب
........
مسفّح : يعني طاير في العجّة وهو ما عنده ما عند جدتي
........
الصتيمة : وهو الشخص اللي ما عنده ما عند جدتي ... ويصدق أي شيء يقال له
........
المسبة أو المسبوه : هو الشخص اللي يكون مروع في صغره لدرجة أنه يصبح شبه فاقد للعقل
.......
الفاهي (المفهي) : هذا الله يخلف مهما تقول له أو تصارخ عليه تلقاه فاتح ثمه و بس ... و إذا كلف عمره رد عليك و قالك : هاااه
........
الحقنة : هو الشخص الغثيث اللي ما يفكك لين تعطيه اللي يبيه منك و مهما تسوي له عشان تصرفه عن الموضوع حقه ينشب في حلقك لين يأخذ منك اللي يبيه , وهذا يفسر قول العرب : أغث من حقنة
.........
>العلة : هذا اللي ما تأخذ أنت منه أي شيء و لا عنده استعداد انه يسمع منك مهما حاولت وهو كالمرض يعلك لين تنفقع مرارتك منه
...........
العربجي : يظن معظم الناس أن العربجي هو الشخص الشديد !!! حق المشاكل و اللي ما يمشي إلا وهو مشخص بدقة سلف( أسم لطريقة لبس الشماغ عند العرابجة ) و حاط مفاتيحه في سلسلة و لا بس نعال زبيرية و يسحبها تسحيب لين جاء يمشي !!! و دايم فاتح صدره و رازه على فوق و كانك ولد أبوك قله شيء بس!!! ... لكن في الآونه الأخيرة ظهرت إشاعات تقول بأن العربجي هو اللي يسوق الحمار(الله يعزكم) لكن صرح مصدر موثوق من عائلة العرابجة بأن هذه إشاعة مغرضة أطلقها عليهم أحد الخكاريه والقصد منها تشويه السمعه ( الله من زين السمعه <--مراسلنا من المنتدىOoعربجي فاهمoO
.............
الكحلي : يطلق مسمى الكحلي على ذوي البشرة السمراء و لأن ذوي البشرة البيضاء مساكين ما عندهم لقب احتجوا عند الأمم المتحدة .
.............
‎ المرجوج: هذا ما عمره صلح شيء صح في حياته ما يمديك تفتح ثمك إلا و طار في العجة بدون ما يفهم وش السالفة !!! و الارتجاج الحاصل له يختلف تماما عن مشكلة المسبة أو المسبوة حيث يكون الارتجاج هنا نتيجة صدمة و ليس نتيجة روعة---مرجوج ابخص
...........
>المطفوق : من فصيلة المرجوج ... إلا أن مايميزه هو انه اذا مر من عند كاس أو جيك أو ابريق أو أي شيء فيه ماده سائله لازم يكبها ( أي يسكبها ) برجله وهو مايدري !!! ولا تخليه يمر بجنبك وانت معك صينية فيها بيالات لأنه لازم يصقعها بيده أو بكتفه ..!! وأخيرا ً.. لاتخليه يصب قهوة للضيوف لأنه لازم يكب القهوة على ثوب واحد منهم
..........
السربوت : هذا اللي ما يخلي مكان ما يروح له و قد كان الأولين يطلقون لقب السربوت على من يشرب التتن ... لكن الحين الله يخلف الناس تدخن بيدينها و رجلينها و لا أحد يقول لهم شيء
........
السمرمدي : وهو من نفس فصيلة السربوت ... ولكنه اكثر تعقيدا
..........ً
>الداشر : هذا قليل الأدب و لا يحب يماشي إلا السرابيت ... و إذا قيل فلان دشر فلان أي خرب أخلاقه
...........
>الملكع : أما هذا فيعرف حتى السكن ( اي الجن ) و مقطع السمكة و ذيلها و مهما تحاول تلف و تدور معه تراه فاهم و عارف وش تبي بالضبط فلا تتعب نفسك
...........
المصرقع هو كل شخص ما يهمه شيء و اللي يطري على باله يسويه لأنه ماخذ الدعوة وساعة صدر و هبال . <--مصرقع 666 وشلون الامور
..........
المفلت : هو كل شخص ما تقدر أنك تأمنه على شيء لأنه مهوب تكانة و يتميز بكل أنواع الإهمال و التطنيش .
..........
الخكري : الله يستر عليه .........
تخ تش
للتنسيم المتخصص

[المعتصم]

مضــــــــــــــــــحكه




جدااااااااااااااااااااااااااااااااً



تـــــــــــهـــــــــــبـــــــــــــــــــل




مـــــــــــــــــــــــــــــــــــــاعمري



قـــــريـــــــــــــــــــــــــــــــــت



زيـــــــــــــــــــــــــــــــــــــــه




بحيــــــــــــــــــــــــــــــــاتي

[نسيم الليل]

ههههههههه

إما الحقنه عز الله إنك فسرتها تفسير جميل

[الطير]

ههههههههههههههههههههههههههههههههههههه

أجل العربجي كأنك ولد أبوك قله شيء

حلــــــــــــــــــــــــــــــــــــــــــــــــ ـــــــــــــوه

[محمد الفاتح]

ههههههههههههههههههههههههههههههه


المرجوج: هذا ما عمره صلح شيء صح في حياته ما يمديك تفتح ثمك إلا و طار في العجة بدون ما يفهم وش السالفة !!! و الارتجاج الحاصل له يختلف تماما عن مشكلة المسبة أو المسبوة حيث يكون الارتجاج هنا نتيجة صدمة و ليس نتيجة روعة---مرجوج ابخص

[الضرغام]

شكرا على مشاركتكم يا شباااااب

[#ابومالك#]

محمد الفاتح

لال ال لالالالالالالاللالا تغلط

مرجوج ما توصل مواصيله

[الضرغام]

انا متوقع إن راح تكون تعلقاات كثيرة على الموضوع؟؟؟؟؟؟؟؟؟؟