[برفسور ملتمس]

بسم الله الرحمن الرحيم


مافيه أحد ينكر أن الأجانب لهم دور بوطنا : المملكة العربية السعودية : واضافو الشيء الكثير
ولكن يجب أن ننظر من الأولى والأحق في بعض المجالات هل السعودي أم الأجنبي ؟؟!!

أمثلة تبين أن وظيفة الأجنبي ، يستحقها أبن أو بنت الوطن :-
1) أبناء الوطن بنسبة كبيرة عاطلين بعد التخرج وشركات التأجير والفنادق وبعض البنوك والمحلات بالمولات والذهب " الشعب اليمني أستحلها"

2) بنات الوطن بنسبة كبيرة عاطلات بعد التخرج تبحث عن وظيفة ، حتى لو كانت خبرة ، والأجنبيات المصريات وغيرهم بالأهليات بل وصل البعض منهن أن تكون مديرة المدرسة

ولا أحد يقول أن " أبناء الوطن " يتدلعون ، ويبغون مجال على كيفهم ، ومايقول هذا الكلام إلا البعض الي على كرسي عمله ، وحتى أن البعض منهم لايكفيه راتب عمله ويبحث عن دخل آخر يخالف وقت عمله الرسمي .، والسبب غلا المعيشة..

وبعض الفتيات أصبحت تتملل من الدراسة والسبب أن الخريجات صار مستقبلهم البيت وبين 4 جدران ، وأنا أثق ثقة تأمة ان البعض من البنات تحارب حتى تخرج من الملل بل أن البعض تعمل كمعلمة بمدرسة أهلية براتب لايتجاوز ( الألف ريال ) تأمل الخبرة والفائدة وأن لاتنسى ماتعلمته ، ولكن للاسف لم تكمل لأن من يدير هذه المدرسة ( أجنبية ) فتأمرها وتنهاها بأرض وطنها وأمام مواطناتها الطالبات

فمنظر الطفل أو الطفلة وهم ذاهبين إلى ( الإبتدائية) ، ويتم تعليمهم عن الصبر والمستقبل الزاهر بانتظاركم ، يبكي الخريجين العاطلين بأنها وعود تنتظر الوفاء .،

س/ من المسؤول ، ومدى المعاناة لهذه المشكلة ، وهل هذا المستقبل والحلم لكل طالب وطالبة سيتم تحقيقه بهذا الوقت مع وجود الأجانب ، أسئلة عديدة أتمنى النقاش وفتح تجارب البعض ؟

[afrah]

كلامك درر
فمان يسمع

[لسـ المواطن ـان]

أخي الكريم .. أظن الوضع يترجم بهذه الجملة فقط .. ألا وهي :
( بلاد الخير للغير )
أخي الكريم : مقالك هذا من النوادر النافعة بهذا المنتدى .. !!
ولي عودة عليه إن شاء الله ولكن في وقت أوسع .. .
تحياتي

[أحآسيس بكت من هم]

،




وقسم كلامك واقعي وش ذنبنآ ندرس ونتعب ونتخرج واخرتها نجلس بدون وظآيف حتى ندور اي وظيفه
بس عشآن مانجلس بالبيت وبعد مانلاقي مع إن المؤهل جيد

والشبآب اللي جآلسين بدون وظآيف وشلون بيكونون انفسهم وراهم بكره بيت ومسؤوليه
وقسم شي يقهههههههر ,, هذا سبب السرقآت والإنحرآفآت اللي نشوفهآ : (

بس زي مآيقولون عيآل الحرآم ماخلوش لعيآل الحلال حآقه .. واللي مآكلينهآ حنآ يالمواطنين
حسبي الله ونعم الوكيل بس


موضوعك بالصميم اشكرك اخوي : )

[مهاوي تجرح وداوي]

( بلاد الخير للغير )

[الوساااام]

الأجنبي اكثر اماناً وعملاً وبعيد عن العنصرية والتفرقة بمقارنته بأبن الوطن ..!
وهذي الحقيقة المرهـ وللأسف .. رضى من رضا وابأ من أبأ ..!

[فهووتشي]

أعرف جامعي وتخصصه نادر وعاطل وبين أربع جدران وسقف والشركات عيت توظفه لأنهم يقولون الجامعي مايدوم وطوالي يترك وظيفته لالقى حكومي وهو له 3 سنين مالقى حكومي

[برفسور ملتمس]

اقتباس المشاركة الأساسية كتبها afrah كلامك درر فمان يسمع

_____

شكرا، ولكن لماذا نتجاهل

[برفسور ملتمس]

أخي الكريم .. أظن الوضع يترجم بهذه الجملة فقط .. ألا وهي :
( بلاد الخير للغير )
أخي الكريم : مقالك هذا من النوادر النافعة بهذا المنتدى .. !!
ولي عودة عليه إن شاء الله ولكن في وقت أوسع .. .
تحياتي
_______

عفواً ، لكن ترى بالثواني يتوظف أجنبي وبالسنوات يتوظف سعودي

[برفسور ملتمس]

اقتباس المشاركة الأساسية كتبها أحآسيس بكت من هم ، وقسم كلامك واقعي وش ذنبنآ ندرس ونتعب ونتخرج واخرتها نجلس بدون وظآيف حتى ندور اي وظيفه بس عشآن مانجلس بالبيت وبعد مانلاقي مع إن المؤهل جيد والشبآب اللي جآلسين بدون وظآيف وشلون بيكونون انفسهم وراهم بكره بيت ومسؤوليه وقسم شي يقهههههههر ,, هذا سبب السرقآت والإنحرآفآت اللي نشوفهآ : ( بس زي مآيقولون عيآل الحرآم ماخلوش لعيآل الحلال حآقه .. واللي مآكلينهآ حنآ يالمواطنين حسبي الله ونعم الوكيل بس موضوعك بالصميم اشكرك اخوي : )

_______

العفو ، ولكن شي أصبح واضح ، كنا في حاجتهم في البدايات وإلى الآن في حاجتهم بس مو معقولة نحتاجهم بكل شي ( بالبيع والشراء والتوصيل وحتى ادارات حكومية فيها أجانب ، وقبل فترة كنت في الفحص ، وكان في أجنبي يتومر على المواطنين ركب كذا وماتمشي الا بكذا ، والسعوديين معهم ملفاتهم يهجولون بين كل ادارة وشركة ويرفضون والسبب ؟؟؟؟، يقولون لك الكلمة المشهورة : أنت سعودي :

[برفسور ملتمس]

اقتباس المشاركة الأساسية كتبها مهاوي تجرح وداوي ( بلاد الخير للغير )

_______

وهل نلتزم الصمت ونتوقف عند هذه المقولة ( دون الكتابة والكلام والمحاسبة) .،

ترى أنا الحمدلله بوظيفتي وعايش حياتي ومو ناقصني شي

بس ، أتكلم عن ألطرف المقابل الي يعاني ، وياليت معاناته نقص لا تخرج وتخصص

[برفسور ملتمس]

اقتباس المشاركة الأساسية كتبها الوساااام الأجنبي اكثر اماناً وعملاً وبعيد عن العنصرية والتفرقة بمقارنته بأبن الوطن ..! وهذي الحقيقة المرهـ وللأسف .. رضى من رضا وابأ من أبأ ..!

________

وجهة نظرك ورؤيتك أحترمها ، واشكرك على أنك تواجدت بالموضوع واحترمت وجهة نظري ، <<

لكن ياعزيزي هل جيرانكم يبي يكونون أحرص منكم على بيتكم .،

صدقني أبن الوطن هو الي حريص على وطنه ، بس الاسباب واضحة ، وهي العنصرية والتفرقة

وكل واحد يقول نفسي نفسي ، لأن البعض في غير اماكنهم ، وأنت صدقت بأن نسبة من الأجانب آمن ويعمل أكثر من السعودي وبالعكس يرتاح معاه الكفيل أكثر من مايرتاح مع السعودي ، بس ممكن أضحي بشي على سبيل شي ثآني ، عطفاً على أن الأجنبي ماجاء للسعودية الا لهدف معين الي هو ( العمل ) وعطفاً على أنه مربط بجميع القيود ( يعني لو يبي يسرق ولا شي مايمدي يهرب )
لكن تبقى مشكلة الا وهي ( الأمن صدقني لو مافي أجانب نستنغني عن شي اسمه ( جوازات ) ،
تخيل لو مافيه أجانب ( تقل عندنا المعيشة ، وفي اشياء ايجابية راح نستفيد منها ) .،
مافي احد ينكر وجود الاجانب بكل بلد ، لكن على الاقل في مجالات معينة .،. ومعليش على الاطالة لاني للاسف ماختصرت

[برفسور ملتمس]

اقتباس المشاركة الأساسية كتبها فهووتشي أعرف جامعي وتخصصه نادر وعاطل وبين أربع جدران وسقف والشركات عيت توظفه لأنهم يقولون الجامعي مايدوم وطوالي يترك وظيفته لالقى حكومي وهو له 3 سنين مالقى حكومي

_______

الله يوفقه في وظيفة تلوق بمستواه وهدفه وتخصصه

ولاتستبعد لشي من الشركات ، والدليل بعض الشركات تدفع فلوس للسعودي وتقوله لاتحضر عندنا اجانب بس عشان ( نسكت وزارة العمل ) ، يعني اذا كان هذا التصرف من شركة ، كيف تبغى يكون مستقبل زاهر وكيف تبغى يكون عدل وتطبيق للقوانين ، وبعذرهم السعوديين لو راحو واخذو الفلوس وجلسو في بيوتهم لأن بعضهم محتاج ، وبعض الشباب حتى مصروفه اليومي مايقدر يجيبه ، فطبيعي راح يقبل سواء بعمل أو بدون عمل