قانون ساهر لا يحمي المتهورين

فـارس · 18-12-2010, 12:22 PM

في ظل عصر الابتعاث وعصر مرحلة التحول

احببت ان اكتب هذه الخاطرة

فبالرغم انني ل مالحق على النظام الجديد ساهر
والذي صار حديث المنتديات ... حيث تركو كل الايجابيات التي خلفها هذا النظام الجديد الا انهم انكبوا على سلبيات لا تحصل الا في الالف مرة

قريت واحد يقول انه اذا جاء الاسعاف ما نقدر نقطع الاشارة > مشكلة المشاكل والله

والثاني يقول انهم يحطون سيارتين بينهن 100 متر علشان تندبل المخالفة
نظام ساهر هو نظام ذكي يعطي المواطن كامل الحرية في ممارسة جميع المخالفات مقابل ثمن
رضي به الطرفان
فلك ان تسرع مقابل مبلغ معين وكلما زادت سرعتك معناه معك فلوس اكثر وادفع
واذا منتب قد السرعه ... عود نفسك على النظام وخلك حليل
في امريكا .. وبريطانيا واستراليا .. بعدما جربنا ساهرهم ... ساهرنا ارحم
في الاجازات الرسمية تكون المخالفة دبل وتلقى ثلاث سيارات مصفوفات لتلقي المسرعين المطانيخ
يعني مخالفة السرعة العادية 350 دولار تصير 700 مضروبة في ثلاثة ... 2100 دولار صبخة وحدة

لان النظام واضح وصريح .. تسرع ... تاخذ مخالفة والقانون لا يحمي المتهورين
ولما درسنا تعليم القيادة في السعودية
وارجعو للكتاب حق دلة
يقول لك ان الطريق الرئيسي السرعة فيه 80 والطرق الفرعية 60
اما التقاطعات فقالوا لنا نوقف ونتأكد هو بوه احد او لا
والاشارة الحمراء نوقف والخضراء نمشي <----- احلف

اما الصفراء فهي عشان نهدي ... مو ندوس
لانه عيب ديرتنا كلها مطبات ما في زيها في بنقلاديش لاننا شعب دايم طلق الارض
والله انه يمر من عند بيتنا بشارع ضيق كنه في الدائري ..
حصيلة وفيات الحوادث السنة الماضية اكثر من اللي ماتو في حرب العراق بنفس السنة

كثير قريت ان ما في لوحات تعلمك كم السرعة في الشارع
هو فيه لوحات لاكنهن مهب كثيرة.. ويفترض ان السرعة تكتب على الاسفلت زي خطوط المشاة

ولما نشوف هالمقطع ... نعرف اهمية الالتزام بقواعد السلامة
احفظ لارواحنا واوفر لفلوسنا

**مخاوي الصمت** · 18-12-2010, 01:06 PM

إسمح لي اخوي

كلامك أكثر من رائع
اللي معه قروش مضيقاتن عليه يسرع وإلا يتصدق بهن على أي جمعية خيرية

فـارس · 18-12-2010, 01:56 PM

اقتباس

المشاركة الأساسية كتبها مخاوي 7 الصمت


	إسمح لي اخوي كلامك أكثر من رائع اللي معه قروش مضيقاتن عليه يسرع وإلا يتصدق بهن على أي جمعية خيرية

خوفتني احسبك بتهاوشني

لان عندنا مجموعة مشرفين الله يجزاهم خير
وما في الا قوة حذف مشاركات

الله يبارك فيك اخوي مخاوي الصمت
وعز الله انك خاويت رجّال

‘.. نفحة العود ..’ · 18-12-2010, 05:37 PM

أسمحلي حبيبي ..

عندنا بالرياض يحطون بشوارع بين الحواري كود أمشي 50 مثل شارع الشافعي والزبير وأحمد بن حنبل بشرق الرياض والله الدعوى حرمنه ..
والله صرت أخاف وأنا بوسط الحاره ..

ألف شكر على الموضوع ..

[ لــمّــآح ] · 18-12-2010, 05:44 PM

طيب والي ما يستلم إلآ 1500 وجته مخآلفة 500 وش يآكل ؟
النظآم ظالم في جزء وعادل في جزء .. وتبقى السيئات

شي ثآني .. قهر بشآرع السرعة 70 تمشي 90 تجيك 500 .. =(
< آكله مرتين ..

فـارس · 18-12-2010, 07:26 PM

اقتباس

المشاركة الأساسية كتبها [ لــمّــآح ]


	طيب والي ما يستلم إلآ 1500 وجته مخآلفة 500 وش يآكل ؟ النظآم ظالم في جزء وعادل في جزء .. وتبقى السيئات شي ثآني .. قهر بشآرع السرعة 70 تمشي 90 تجيك 500 .. =( < آكله مرتين ..

الله يعينك اخوي

بس حبيت اوضح لك نقطة
70 يعني ما تسرع اكثر من 70

عصير مشوي · 18-12-2010, 07:50 PM

اخوي مشكور على الموضوع
اتمنى تدخل على الرابط هذا >>احدى مواضيعي
http://www.buraydahcity.net/vb/showthread.php?t=225773

1مهستر... · 18-12-2010, 08:42 PM

اسمح لي يافارس ..

بعد ماقريت موضوعك حمقت عليك .. ليش تنظر للافكار من زاوية واحده ..؟؟

جايب لي مثال يقالك حضاري .. امريكا وبريطانيا ..

حنّا ليش مانصير مثل امريكا وبريطانيا في اشياء كثيرة مثل :

تطبيق القانون على الجميع سواء ثري او غير ثري ... عندنا مايُطبق الا على الفقراء

العدل والاحسان عندهم في جميع الوزارات ... واللي له حق ياخذه غصب عن الرئيس

طيب اعطيك شيء اصغر ... انت شفت شوارعهم يااخي وشلون ؟؟ والله انه دلع .. لو تمشي حافي

انس انه تبطك شوكه والا قزازه .. هذا غير حُسن الزفلته والترتيب ..

ناهيك عن الخدمات المٌقدمه لهم في اي مكان .. يكفي انك تملك وقتك عندهم ..

اما عندنا اذا رحت للمستشفى ماتدري متى تطلع منه ..اذا دخلت جامعه ماتدري متى تتخرج ..؟؟

وهناك اشياء كثيرة لاتُطبق عندنا ..

ليشلانأخذ من الغرب الا اللي فيه مضّره على المواطن .. ولا ناخذ العكس ..؟؟

كريستي7 · 18-12-2010, 11:25 PM

اول شي قيمة المخالفه من قالك ان الطرفان رضي عنها لايكون مشاورينك بأسم المواطن- ما خذو رأي الموطن ولا راح يا خذون راي المواطن المغلوب ع امر -
وبعدين ساهر امريكا افضل منا بعشرات المرات ومافيه مجال للمقارنه ويكون بعلمك ان في امريكا =سرعة الشوارع موحده- عكس الي يصير عندنا --كل شارع سرعه حسب المزاج-- كلنا مع النظام بس ضد التطبيق الي يصير

ابو مروان · 19-12-2010, 01:42 AM

نظام ساهر زين والنظام عموما زين لكن نريد ان يكون الهدف من وضع النظام هو تنظيم الناس وليس اكل لأموالهم لو وضع حلول تشجيعيه مع النظام مثلا يكون اول مرة انذار شفوي واذا تكرر الخطأ من الشخص عوقب وهكذا بدلا من العناد الحاصل.

فـارس · 19-12-2010, 08:02 AM

اقتباس

المشاركة الأساسية كتبها ‘.. نفحة العود ..’


	أسمحلي حبيبي .. عندنا بالرياض يحطون بشوارع بين الحواري كود أمشي 50 مثل شارع الشافعي والزبير وأحمد بن حنبل بشرق الرياض والله الدعوى حرمنه .. والله صرت أخاف وأنا بوسط الحاره .. ألف شكر على الموضوع ..

احسن شي في ردك بارك الله فيك انك ذكرت اسوأ شارعين يضمان اهم المرافق الحكومية
مستشفى كبير ومعهد مادري وشو ومدارس وصالة افراح يعني هم بحاجة ان الناس تهدئ
وحاطين مطبات
لما امر في ذاك الشارع واهدي للمطب
اسمع اللي وراي يطنبون ويهاوشوني عشان هديت وعطلتهم مع انهم ماعندهم شغل
عالم مالها حل
الا ساهر

فـارس · 19-12-2010, 08:06 AM

اقتباس

المشاركة الأساسية كتبها عصير مشوي


	السلام عليكم ورحمته الله وبركاته الحين المرور او اللي حاطين نظام ساهر يبون سلامتنا ؟؟ يستذبون ان قالو ايه تراهم مايبون سلامتنا ولا درو عنه طيب الحين ابقنعكم لاتستعجلون طيب دامهم يبون سلامتنا وراه الرخصة تؤخذ بهالسهوله (رخصة القيادة اقصد) يعني رح لمهم وتدرب اسبوع وخذ الرخصه لا وشي تدريباتهم تاخذ لفتين وتلبق ويعطونك رخصه واللي عنده واسطه ياخذ الرخصه وهو ببيتهم والله اني اعرف واحد جايتن لمه الرخصه ببيتهم يعني معه رخصه ولايدري وينهوبه دله(حق الرخصه) والله من الخرطي بعد هههههههههه واللي يقول نحن اغبياء وساهر فضحنا اقوله والله انت الغبي اصلنا حنا المرور خلانا اغبياء يعطينا رخصه وحنا والله مانديره بالسواقه سؤالي اللي يبي يحرج من وضع ساهر او اكبر مسئول بالمرور او من يؤيد ساهر(وهم موجودين بمنتدة بريده ستي) اذ كنتم وضعتو ساهر لسلامتنا لماذا الرخصه توخذ بهذي السهوله ويوجد ناس لديهم رخصة قيادة لايعرفوا الانظمه بل بعضهم لايعرف يقود مركبة ؟؟ اعتقد لو اردتم سلامتنا كما تقولون لما اعطيتم رخصة القيادة اي واحد عذرا على الاطالة

طيب وراكم ما تهبلون بساهر والمرور وتتعلمون السواقة
وتقهرونهم قهررر
لاتخلونهم يمسكون عليكم ولا مخالفة
خلوهم يدجون
تصلح حملة ( خلوهم يدجون.. ولنلتزم بقواعد المرور)

تحياتي لك
وشكرا لك على غيرتك على وطنك

فـارس · 19-12-2010, 08:16 AM

اقتباس

المشاركة الأساسية كتبها 1مهستر...


	اسمح لي يافارس .. بعد ماقريت موضوعك حمقت عليك .. ليش تنظر للافكار من زاوية واحده ..؟؟ جايب لي مثال يقالك حضاري .. امريكا وبريطانيا .. حنّا ليش مانصير مثل امريكا وبريطانيا في اشياء كثيرة مثل : تطبيق القانون على الجميع سواء ثري او غير ثري ... عندنا مايُطبق الا على الفقراء العدل والاحسان عندهم في جميع الوزارات ... واللي له حق ياخذه غصب عن الرئيس طيب اعطيك شيء اصغر ... انت شفت شوارعهم يااخي وشلون ؟؟ والله انه دلع .. لو تمشي حافي انس انه تبطك شوكه والا قزازه .. هذا غير حُسن الزفلته والترتيب .. ناهيك عن الخدمات المٌقدمه لهم في اي مكان .. يكفي انك تملك وقتك عندهم .. اما عندنا اذا رحت للمستشفى ماتدري متى تطلع منه ..اذا دخلت جامعه ماتدري متى تتخرج ..؟؟ وهناك اشياء كثيرة لاتُطبق عندنا .. ليشلانأخذ من الغرب الا اللي فيه مضّره على المواطن .. ولا ناخذ العكس ..؟؟

لا .... لا تكفى لا تحمق علي
ياحبيلك

اول شي هم طبقوا ساهر زي امريكا وبريطانيا

وما طبقوا نظام امريكا بالطرق لسبب

تخيل ما تدخل الدائري الشرقي الا تدفع ضريبة استخدام الطريق 5 ريال

والدائري الغربي زيه ضريبة ثانية .. عشان نصير زي امريكا وبريطانيا

شوارعنا منورة ومسفلته ..

المواطنين يسكبون غسيل منازلهم بالشارع والمحتوية على المواد الكيميائية التي تفتت الاسفلت

فتحصل الحفر داخل الاحياء

الامر الاخر الشركات الصغيره المسماة يحفرون ويدفنون .. بلا رقابة

منهم المراقبين .. جيب لي مراقب بالبلدية مهب من بريدة

كلهم اخوي واخوك وعمي وعمك وعيال جيراننا وعيال ديرتنا.. السالفة معقدة وحلها بايدينا

في امريكا وبريطانيا .. والله ما تلقى عامل نظافة يكنس بالشارع

ليش يكنس .. الناس هم اللي ينظفون اماكنهم ويحطون كل شي بالزبالة

والله للحين امشي ببريدة واللي قدامي يرمي قوطي ببسي وهو يمشي .. وبكل تخلف

للحين الواحد يوقف في محطة البنزين ويكب 3 كيلو قشور فصفص بالارض ومناديل وقواطي بيبسي

وقمام .. وكأنه بالبر .. اي بر .. حتى توسيخ البر جريمة

في بريطانيا وامريكا .. يطبقون نظام الظرائب على كل شي

يعني راتبك 1500 عشرة بالمية يروح لخزينة الدولة مقابل الخدمات الحكومية .. دورات المياه

والشواطي والحدائق .. الخ

احمدو الله رب العالمين
انتم بنعمة
ولكن حنا اللي ما عرفنا نرتب حياتنا لنكون الافضل

فـارس · 19-12-2010, 08:23 AM

اقتباس

المشاركة الأساسية كتبها كريستي7


	اول شي قيمة المخالفه من قالك ان الطرفان رضي عنها لايكون مشاورينك بأسم المواطن- ما خذو رأي الموطن ولا راح يا خذون راي المواطن المغلوب ع امر - وبعدين ساهر امريكا افضل منا بعشرات المرات ومافيه مجال للمقارنه ويكون بعلمك ان في امريكا =سرعة الشوارع موحده- عكس الي يصير عندنا --كل شارع سرعه حسب المزاج-- كلنا مع النظام بس ضد التطبيق الي يصير

الله يخليك

انا اتلكم عن تجربة
في امريكا قد يكون الشارع السرعة 80 وفجأة فيه منعطف خفيف يقولك ترى السرعة هنا 60 وبعدين يرجع ل 80 ويتحول الى مية بعد ما يشبك بالدائري او طريق هايواي
اذا في ولو بيخلون السرعة في الطريق نفسها لما يكون في خلا زي لما يكون داخل الحارة بيكونون متخلفين .. ما في مقارنة...
السرعة حسب المكان مهب على حسب اسم الشارع

بعدين تخيل يجون لي ويقولون وش رايك كم نحط مخالفة السرعة ؟؟
الجهة المعنية هي اللي تحدد كم قيمة المخالفة
ولا نزال الاخفض في قيمة المخالفات عالميا

18-12-2010, 12:22 PM	#1
فـارس عـضـو تاريخ التسجيل: May 2004 البلد: انا وظلي صديقان المشاركات: 995	قانون ساهر لا يحمي المتهورين في ظل عصر الابتعاث وعصر مرحلة التحول احببت ان اكتب هذه الخاطرة فبالرغم انني ل مالحق على النظام الجديد ساهر والذي صار حديث المنتديات ... حيث تركو كل الايجابيات التي خلفها هذا النظام الجديد الا انهم انكبوا على سلبيات لا تحصل الا في الالف مرة قريت واحد يقول انه اذا جاء الاسعاف ما نقدر نقطع الاشارة > مشكلة المشاكل والله والثاني يقول انهم يحطون سيارتين بينهن 100 متر علشان تندبل المخالفة نظام ساهر هو نظام ذكي يعطي المواطن كامل الحرية في ممارسة جميع المخالفات مقابل ثمن رضي به الطرفان فلك ان تسرع مقابل مبلغ معين وكلما زادت سرعتك معناه معك فلوس اكثر وادفع واذا منتب قد السرعه ... عود نفسك على النظام وخلك حليل في امريكا .. وبريطانيا واستراليا .. بعدما جربنا ساهرهم ... ساهرنا ارحم في الاجازات الرسمية تكون المخالفة دبل وتلقى ثلاث سيارات مصفوفات لتلقي المسرعين المطانيخ يعني مخالفة السرعة العادية 350 دولار تصير 700 مضروبة في ثلاثة ... 2100 دولار صبخة وحدة لان النظام واضح وصريح .. تسرع ... تاخذ مخالفة والقانون لا يحمي المتهورين ولما درسنا تعليم القيادة في السعودية وارجعو للكتاب حق دلة يقول لك ان الطريق الرئيسي السرعة فيه 80 والطرق الفرعية 60 اما التقاطعات فقالوا لنا نوقف ونتأكد هو بوه احد او لا والاشارة الحمراء نوقف والخضراء نمشي <----- احلف اما الصفراء فهي عشان نهدي ... مو ندوس لانه عيب ديرتنا كلها مطبات ما في زيها في بنقلاديش لاننا شعب دايم طلق الارض والله انه يمر من عند بيتنا بشارع ضيق كنه في الدائري .. حصيلة وفيات الحوادث السنة الماضية اكثر من اللي ماتو في حرب العراق بنفس السنة كثير قريت ان ما في لوحات تعلمك كم السرعة في الشارع هو فيه لوحات لاكنهن مهب كثيرة.. ويفترض ان السرعة تكتب على الاسفلت زي خطوط المشاة ولما نشوف هالمقطع ... نعرف اهمية الالتزام بقواعد السلامة احفظ لارواحنا واوفر لفلوسنا __________________ وش اللي يجبر الدنيا تبادلني الضحاك طعون

18-12-2010, 01:06 PM	#2
مخاوي الصمت قد ثلمت من الإســلام ثلمة تاريخ التسجيل: Sep 2001 البلد: اللهم ........................... إغفر لي ما لا يعلمون............. واجعلني خيراً مما يظنون......... ولا تؤاخذني بما يقولون.............. المشاركات: 3,708	إسمح لي اخوي كلامك أكثر من رائع اللي معه قروش مضيقاتن عليه يسرع وإلا يتصدق بهن على أي جمعية خيرية __________________ " والله يا إخوة بقدر ما تعطي أي قضية من وقتك بقدر ما تكون هناك نتائج إذا تعطي أي قضية فضلة الوقت أيضا أنت تأخذ فضلة من النتائج أما أن تعطيها كل وقتك وتعيشها تعطيك كل شي " القائد الشهيد خطاب تقبله الله في الشهداء

18-12-2010, 05:37 PM	#4
‘.. نفحة العود ..’ عـضـو تاريخ التسجيل: Aug 2007 البلد: بقلبي ..~ المشاركات: 1,655	أسمحلي حبيبي .. عندنا بالرياض يحطون بشوارع بين الحواري كود أمشي 50 مثل شارع الشافعي والزبير وأحمد بن حنبل بشرق الرياض والله الدعوى حرمنه .. والله صرت أخاف وأنا بوسط الحاره .. ألف شكر على الموضوع .. __________________ .. يَآْرَبْ سِيْلٍ يَغْسِلْ اَلْبِلَاْدْ وَاَلْعِبَآْدْ ☂ اَلْتْنِكَهْ سَآْبِقَاً

18-12-2010, 05:44 PM	#5
[ لــمّــآح ] مُــدَانْ تاريخ التسجيل: Apr 2008 البلد: هُـنَـآكْ حَيْثُ الأًلَمْـ ' المشاركات: 5,624	طيب والي ما يستلم إلآ 1500 وجته مخآلفة 500 وش يآكل ؟ النظآم ظالم في جزء وعادل في جزء .. وتبقى السيئات شي ثآني .. قهر بشآرع السرعة 70 تمشي 90 تجيك 500 .. =( < آكله مرتين .. __________________ صباح الجرح يا أمتي .. صباح الأمل بـ عينيّ قتيل ، صباح القتيل بـ عينيّ صغير ، صباح الفجعة بقلب أرملة ، بصدر ثكلى وحقد حنظلة صباح الشتات ! آخر من قام بالتعديل [ لــمّــآح ]; بتاريخ 18-12-2010 الساعة 05:51 PM.

18-12-2010, 07:50 PM	#7
عصير مشوي عـضـو تاريخ التسجيل: Aug 2010 البلد: بقلبي امي وبلحالي بعد؛ يماه لو شلتك على كتوفي بالحر الشديد ورحتبك لمكه ماوفيتك جزء من مليون مليار جزء من حقك؛ يماه تكفين لايضيق صدرك لانك ماجبتي غيري ولد المشاركات: 1,430	اخوي مشكور على الموضوع اتمنى تدخل على الرابط هذا >>احدى مواضيعي http://www.buraydahcity.net/vb/showthread.php?t=225773 __________________

18-12-2010, 08:42 PM	#8
1مهستر... Registered User تاريخ التسجيل: Dec 2010 البلد: في بلد يُذكر فيه اسم الله ورسوله, المشاركات: 30	اسمح لي يافارس .. بعد ماقريت موضوعك حمقت عليك .. ليش تنظر للافكار من زاوية واحده ..؟؟ جايب لي مثال يقالك حضاري .. امريكا وبريطانيا .. حنّا ليش مانصير مثل امريكا وبريطانيا في اشياء كثيرة مثل : تطبيق القانون على الجميع سواء ثري او غير ثري ... عندنا مايُطبق الا على الفقراء العدل والاحسان عندهم في جميع الوزارات ... واللي له حق ياخذه غصب عن الرئيس طيب اعطيك شيء اصغر ... انت شفت شوارعهم يااخي وشلون ؟؟ والله انه دلع .. لو تمشي حافي انس انه تبطك شوكه والا قزازه .. هذا غير حُسن الزفلته والترتيب .. ناهيك عن الخدمات المٌقدمه لهم في اي مكان .. يكفي انك تملك وقتك عندهم .. اما عندنا اذا رحت للمستشفى ماتدري متى تطلع منه ..اذا دخلت جامعه ماتدري متى تتخرج ..؟؟ وهناك اشياء كثيرة لاتُطبق عندنا .. ليشلانأخذ من الغرب الا اللي فيه مضّره على المواطن .. ولا ناخذ العكس ..؟؟

18-12-2010, 11:25 PM	#9
كريستي7 عـضـو تاريخ التسجيل: Oct 2010 البلد: بريدة المشاركات: 44	اول شي قيمة المخالفه من قالك ان الطرفان رضي عنها لايكون مشاورينك بأسم المواطن- ما خذو رأي الموطن ولا راح يا خذون راي المواطن المغلوب ع امر - وبعدين ساهر امريكا افضل منا بعشرات المرات ومافيه مجال للمقارنه ويكون بعلمك ان في امريكا =سرعة الشوارع موحده- عكس الي يصير عندنا --كل شارع سرعه حسب المزاج-- كلنا مع النظام بس ضد التطبيق الي يصير __________________ http://ar.netlog.com/same1020

19-12-2010, 01:42 AM	#10
ابو مروان عـضـو تاريخ التسجيل: Feb 2007 المشاركات: 201	نظام ساهر زين والنظام عموما زين لكن نريد ان يكون الهدف من وضع النظام هو تنظيم الناس وليس اكل لأموالهم لو وضع حلول تشجيعيه مع النظام مثلا يكون اول مرة انذار شفوي واذا تكرر الخطأ من الشخص عوقب وهكذا بدلا من العناد الحاصل. __________________ الإختلاف لا يفسد للود قضية بشروط: 1-أن لا يكون في العقيدة. 2-أن لا يُتطاول فيه على الرموز. 3-أن لا يصل إلى حد السب والشتم والإتهام.