 |
|
|
|
|
06-05-2003, 09:50 AM
|
#1 |
|
عـضـو
تاريخ التسجيل: May 2003
المشاركات: 92
|
سليمان العيدي وجدتي وسواق الوزير(1)
السلام عليكم ورحمة الله وبركاته
هلا بالطش والرش والبيض الي ما فقش بطل قصتنا اسمه حمد صالح المخترش ، مواطن داج وما عمره صار مقرش ، واترك له المجال يقول لكم قصته ويدردش مسيكم الله بكل خير ونور وسعد ، شلونكم يا جماعه انا اخوكم حمد انسان بسيط عيشتي اكثرها فقر طفولتي قضيتها بين ضياع وغبن وقهر ابوي طلق امي وتزوج صعيديه من مصر اول ما شافتني صرخت وقالت مش عاوزاه في بيتي يا الدلعدي يا عمر وامي تزوجت واحد شرط عليها مايبيني من قبل لا يدفع المهر وضاقت على دنياي وعشت بحيره وهم وسهر لين فرجها ربي وطلبتني جدتي ام ابوي ، وقالت يا وليدي فضت علي الدار عقب ما مات اخوي اسكن معي توسع صدري وافطن لك يايا حياتي انت يا بعد امي وابوي <= ياخي ماودك تترك الرادو عند المراهقات يعودهن هرج ماله داعي ومضت ايام طفولتي ، ما غير انا وسليمان العيدي وجدتي ( بتقولون وش دخل سليمان بالموضوع هذي الله يسلمكم جدتي فاتحه الرادو 24 ساعه وخبركم الشيخ سليمان فارش فراشه بالاذاعه وحالف ماحد يذيع غيره لذلك صرت من كثر ما اسمع صوته احس انه ساكن معنا ) ومضت ايام طفولتي ، ما غير انا وسليمان العيدي وجدتي ، ودشرت وما اهتميت بدراستي ، وضاعت من التعليم فرصتي ، ودورت على شغل ما لقيت ، وكبرت الوساده وصرت عاله ماغير اتسدح في البيت وفي يوم اغبر ما طلع له شمس ، منسدح عند جدتي تقل نمس وهي منسجمه تفرك الرادو بين المحطات ، وطلع لها ما هو آت : اذاعة القران : سليمان العيدي يحدث اذاعة الرياض : سليمان العيدي يقدم برنامج زارعي اذاعة جده : سليمان العيدي يقدم برنامج الاسره الام بي سي : سليمان العيدي يقدم برنامج الافتا اذاعة الكويت : مقابله مع سليمان العيدي اذاعة لندن : تحليل لدور سليمان العيدي بالازمه الراهنه العن ابو هالرادو الي مابه الا سليمان ورجعت جدتي المؤشر لاذاعة القرآن ، وفجأه قطعو البث وطلع لنا سليمان ، وقال يا جماعه بيان عاجل من الديوان تم تعيين الدكتور ناصر المخترش على مرتبة وزير ، هاه سمعتو الخبر ولا اعيد يا حمير ؟ <= بدا يمون ابو السلمون وصرخت لجدتي ، وزعقت من فرحتي ، يما يما هذا من الجماعه ، تهقين يوظفن ولا يصرفن بلكاعه قالت يا وليدي هذا اعرفه يوم هو صغير ، تفخ يلعب عندنا ومنه تقاطر النخارير ، ودايم احققه حلقوم وبرميت دواوير ، رح له باتسر وقله تسلم عليك جدتي يالوزير ، وتذكرك بالي مضا يومك بزير ورحت من باتسر للوزير ، وعرفني وضحك وقال وش اخبار عمتك عبير <= الماخوذ يقزقزها وهو يلعب عند اهلي وقال لي وش شهادتك يا حمد ؟ قلت ثالث ابتدائي وساقط بالتعبير ، قال طيب وش ودك تشتغل يا خطير ؟ قلت مهندس وما اقول لا لو تحطني مدير ، ضحك وشهق وقال ورا ما تطير وفجأه سئلني بتهكم كم عمرك يا حمد ؟؟ قلت طال عمرك ثلاث واربعين واربع شهور بعد ، وضحك كثير وقال الله يرجك يا حمد ثلاث واربعين هاهاها عمرك نفس مقاس جزمتي <= الله لا يكرم العدو بلعتها وقلت هاه وش قلت يا معالي الوزير ، سكت وقعد يفكر في صمت وقال افرح واستانس يا خطير من قدك عينتك سواق الوزير وتشكرت منه وقلت فمان الله وامرك بكرا بكيرررر قال مهب على كيفك يالذهين داومك يبدا من الحين مر السكرتير وخذ مفتاح الكابرس ، واطمر جب عيالي من المدارس ، وازرق عتيقه جب سطلين طماط وكوسه وودهن لقصري وعطهن للحارس ، وانقز للعقاريه اشتري لي كوت يتحمل البرد القارس ، ترا عندي مؤتمر بفينا في شهر مارس والا خلصت انقز للخرج جب لي اوراق من فرع الوزاره وعقبها اطمر للافلاج جب لي ظرف من الاماره همن ورح لحريملا عبي بنزين وارجع ترا ماعندي شي هناك بس لعانه فيك وفهاره قلت سم يا عم من بغى الشغل لازم ينطم وخلصت اشغال الوزير ، وما وصلت بيتنا الا وانا هلكان وتعبان كثير وما مداني افتح الباب الا وجوالي يرن وله هدير ورديت وطلع لي بزر صغير قال هلا حمد ما عرفتني انا مهند ولد الوزير ، طرا على بالي اكل سنكرز وكتكات وعصير ويالله بسرعه تراني جوعان كثير <= تمتمت وقلت يا عل ياكلك انت وابوك بعير وطلعت وخلصت اشغال ذا البزر العليل ، ورجعت بدخل بيتنا وكانت الساعه وحده بالليل ، وبرضه دق الجوال وقلت يارب عطني صبر طويل رديت وطلعت بنت قالت هلا حمد انا ناهد بنت الوزير <= والتبن اسمع انا الحين عند صاحبتي ميمي وعامله لنا حفلة ديجي واكسسواري طاح وانا ارقص ابيك تجيب بداله من صديقتي جيجي ، وعلى دربك مر السوق وشف اي محل فاتح وجب لي منه روج نينا ريجي ، ااااووووه راسي صدع من الغربي انت هيه بسرعه جب لي شريط خليجي والشكوى لله قمت ونفذت طلبات الهانم ، وما رجعت لبيتنا والمذن لاذان الفجر والم ، وتوي بدخل ولا جوالي يدق وازعق وارميه واقول مهب حاله يا عالم ، تصبرت وقلت خل نشوف اخرتها وربك على الظالم رديت وطلع لي ................. انتظر الجزء الثاني سعفة للاطلاع فقط ممنوع ترد 
|
|
|
|
06-05-2003, 02:12 PM
|
#2 |
|
.. وللشطوب نكهة و نكهة ..
تاريخ التسجيل: Feb 2002
البلد: هناك
المشاركات: 16,085
|
هههههههههههههههههههههههه
تنسيممممممممممممممممممممممممممممممم قسم بالله تنننننننننننننسسسسسسسسسسسيم ... ويوم اذن الفجر قام الوزير ودق عليك وقال تعال صلى معي .. وبداء يوم جديد ... اجل على كذا ناسي شي اسموه نووم ... ماحيه من القاموس ... وسليمان العيدي نايم بوزارة الاعلام كله .... تصدق يقولون اذا صك التلفزيون هو اللي يقول تششششششششششششششششششششششششششششششششششششششششششششششششش شششششششششششششششششششششششششششششششششششششششششششششششششش شششششششششششششششششششششششششششششششششششششششششششششششششش شششششششششششششششششششششششششششششششششششششششششششششششششش شششششششششششششششششششششششششششششششششششششششششششششششششش شششششششششششششششش بس ياهو ملقوف ... اقول ماتلاحظ ان كل اللزقات اسمهم سليمان ... قضينا من عكوز بكوز ( سليمان العيسي ) وجاء سليمان العيدي ... وكلهم قزمان بعد ... وكلهم بهم ( ع ي ) بس هذا دي وهذا سي <<<< فيتامينات طلعوا ... ويقولون ان سليمان العيدي .. الى هالحين قاعد يعد الدراهم حقت التبرعات للعراق ... ويقولون ان سليمان العيدي اخذ حسناتنا زحنا قاعدين نحش فيه ... بس يستاهل ... لأنه جاي هديه مع البرج حق التلفزيون ...
__________________
. . .  .. قلب البحطلة ينبض ..ينبض ينبض ينبض .. . |
|
|
|
|
06-05-2003, 02:35 PM
|
#3 |
|
عـضـو
تاريخ التسجيل: Oct 2001
المشاركات: 1,061
|
هههههههههههههههههه
حلوه  يالحبيب انزل تحت ابيك : 7 7 7 7 7 7 7 7 7 7 7 7 7 7 7 7 هالموضوع لك والا لواحد ثاني؟ اذا كان لك بالهناء والعافيه :D واذا كان لغيرك فليتك تكتب (((( منقوووووول )))) لاني كنت ادوج بالمنتديات وشفت هالموضوع بمنتدى ثاني ناظروه بذا 7 7 7 http://www.eqla3.com/vb/showthread.p...threadid=99418 :D:D :D
__________________
    انتبه .. سيتغير التوقيع بين كل فتره واخرى .. كن معنا :)  |
|
|
|
|
06-05-2003, 02:38 PM
|
#4 |
|
عـضـو
تاريخ التسجيل: Feb 2002
المشاركات: 305
|
هههههههههههههههههههههه
ههههههههههههههههه الله يقلع إبليسك ضحكتنا >>>>>>>> ماله دخل مدحت اجل جاي هدية مع البرج تسلم يا أخ : ارم >>>>>>>>>>> عجزت انطقه ياليت لو تقولنا معناه |
|
|
|
|
06-05-2003, 10:27 PM
|
#5 |
|
عـضـو
تاريخ التسجيل: Feb 2003
المشاركات: 924
|
ههههههههههههههههههههههه
والله قصة روعه مثلك ياليتك تكمل |
|
|
|
 |
| الإشارات المرجعية |
|
|
النمط المتتابع
