[فؤادعنتر]

لا يخفى عليكم أن لدي رأي سديد و دائماً أساعد الناس والأصدقاء بالاستشارات وآخر واحد من الشباب استشارني بموضوع بتاريخ 1/1/1432هـ يقول يافؤاد عندي مشكلة وابغي الحل أرجوك وصار يصيح لين قام وحب أيدي وكتفي وراسي وأنا أقول اذكر الله وش السالفة هبلتن خير إنشاء الله قال: السالفة أختي بالكلية لها صديقة ومدحتها لي وقالت : أنها مناسبة لك وتصلحلك، ويوم رحت أجيب أختي من الكلية قالت: بتروح معنا صديقتي نوصلها ، وركبت البنت معنا ووصلناها، وأعجبني شكلها نفس المواصفات اللي أبي (بيضاء ومليانة ) وطلبت من أمي تخطبها، واتصلت على أمها ، وكلمتها وقالت : هذا رقم جوال أبوها تفاهموا معه، واتصلت عليه، وقال : تعال العصر وصليت معه العصر ومن الحماس صليت ركعتين سنه ،نسيت أن بعد العصر مافيه سنه، المهم تقهويت معه وقال: وين أبوك قلت متوفى ، قال : أخوك الكبير، قلت : أنا أكبرهم ، قال :عمك قلت : كبير ومعاق ، قال : أي احد من عائلتكم ، قلت: أمي كلمت أمكم وتفاهمن ، وأنت قلت : تعال قال : وشو تفاهمن الحريم ؟؟؟؟؟ خلهن يزوجنك اجل ، قال : ما عندي بنت لزواج ، قلت له : استأذن عندي شغل وطلعت ،وعلمت أمي وكلمت أمهم قالت: أمهم ولدكم غبي ليش يقول : الحريم متفاهمات ، أبونا شديد ولا يحب يصير الموضوع عن طريق حريم ، خلاص الله يرزقه من غيرنا ،المشكلة البنت امشاوفة للعرس (امشاوفة يعني عنده رغبة )وأنا زانت في عيني يوم اطردوني ، قلت لأختي كلميها هي تبغاني ولا لا ؟؟؟؟ وسألتها قالت: أبغاه والنعم ، رجال كفو ويستاهل ، صح عاطل بس يرزق الله وما من زين لكن الجمال جمال الروح ، وخدوم يودي أخته للكلية وجيبها بــ(250ريال شهري) حقه كل شيء غالي المهم قلت : لأختي اسأليها عادي اتصل عليها، عشان نتفاهم عن الطريقة اللي اتبعها عشان يوافق أبوها على الزواج ، أسئلتها ووافقت وبدينا نتكلم مع بعض (والعياذ بالله) قلت : أصبر يالأخ وشلون تكلمها ومشروع الزواج فاشل وطردوك؟؟ قال :عادي خطيبتي ، قلت : هين كمل !!! قال : أنها تقول : كلم خالي و أذا أعجبته راح يقنع أبوها، ورحت لخالها وقابلته ، قال :خلاص اكلم أبوها وأنا أعين وعاون ، والرجال يخطب لبناته ، وان ما عطاك أنا أعطيك بنتي ، وأنت عمنا ،بصراحة رفع معنوياتي بس يوم شفت أعياله الصغار دريت أن ماعندهم زين ،بعد حوالي أسبوع دق الخال وقال : رح للرجال خلاص وافق رحت للرجال وصرت أتكلم معه ، ولا أجيب طاري الحريم ، وقلت : ودي أشوفها ، ناظرني وضحك قلت : خلاص مو لازم قال :أختك ما شافتها قلت : ألا ، قال : خلاص يكفي ،قلت : معك حق ، تذكرت كلام البنت تقول : سايره لا تقول شيء، أي شيء يقوله : أبوها أقول سم وهم يدبرون الموضوع ، قلت : ودبروا الشوفة ، قال : ايون شفتها عند خالها ،بس ماهي هذه المشكلة ، قلت : وش المشكلة قال تعلقت فيني البنت وبدت تراسلني وتكلمني شف رسالتها تقول: ( قلبوا احبك موت) قلت : مع تحفظي على كلامك وين المشكلة ؟؟؟؟؟ قال : طلبت منها أقابلها من غير أهلها ما يدرون ، وترددت ثم وافقت ورحت عندهم للبيت بالملحق ، وعطيتها هدية وشربتني عصير ، ومرة ثانية عزمتها بمطعم ، كانوا معزومين بزواج وطلعنا مع بعض ، ومرة طلبت مني اجيب ترتة (كيك) تقول مسوية حفلة مع خوياتها بمناسبة عيد ميلادها ،وتقول : جب أختك ؟؟؟ انا الحين متردد عن الزواج شو ريك ؟؟؟ وجهني ، أنا ماعطيتهم مهر ولا ملكت عليها ،بس معطيهم كلمة ، بصراحة البنت حسيت أنها جريئة وشلون تطلع وتقابلني بدون علم أهلها ،أحس ما فيها دين ،وودي أختي ما تخالطها، أخاف أتخربها، أختي اطهر الأرض اللي تمشي عليها ،المهم أنا الحين ابغي الحل ؟؟ قلت : الحل هو الطلاق ، التحويل من أول الدرجة قال : وشو طلاقة ما تزوجت خطبة بس ، أنت منتب معي ،قلت : معك نسيت كنت أفكر بموضوع واحد من الشباب ، عنده مشكلة ولقيت الحل ، بصراحة ، أنا من يوم شفت الرسالة وقولتها (قلبوا)عرفت أنها ما هي مضبوطة لا وبعد عيد ميلاد على باله (نانسي ) الحل هج وترزق أبغيره الدنيا تبي والآخرة تبي
بعد بعد ........بنات عيد ميلاد ؟؟؟؟؟

[خلفان]

اهلا بعودتك .......... القصة قليلة بالعادة تصير كثييييييرة لي عودة لقرائة القصة الدنيا تبي والاخرة تبي

[رقة آنفاس]

امممممممممممم لاتعليييييييييييييييييييييييييق

[احبه؟]

الرجل الي يعلق البنت بزواج ولا يكون قده صرااااااااااااحه مو رجل!!!!!!!!!!
واذا تعلقت فيها وتعلقت فيك صدقني مهما سويت ماراح تعيش اوهي تعيش مع احد اوتكون حياتكما نكد!!!!!!!!
فأقدم على الزواج افضلك!!!!!!!!!
والحب موعيب العيب انك تعيش مع شخص لا يحبك ولا تحبه عايشين كذابس؟؟؟؟؟؟؟؟؟

[حب لأخيك ماتحب لنفسك]

ياخوي نصيحة لايأخذهاوايغيررقمه
لأنه بعد الزواج سيدخل الشك وسيحدث الطلاق قريبااوبعيدا
فمن خلال اتصالي بالناس وكثرة مايعرض لدي من مشاكل من رأيي لايـــــــــــــــــــــــأخذها
من خانت أهلها .................................

[سيرينا]

هو أثم
مو من طلب يكلمها بلبدايه يتذكر هذي النقطه وانه محاسب امام الله
ثانيا ليش اذا هو عنده احساس مانصحها وقالها مايجوز هذا الفعل وهو طلع معها وغيره وغيره وجاي يلوم البنت اعتبرت مثل انكم بحكم انهم خلاص لبعض وبيتزوجون
اما انكم بعد كذا بتحطون الملامه عليها هي حرام عليك خافو الله ويتذكر اذا تخلى عن البنت انها مظلومه وين بيروح من دعاء البنت عليه ودعاء امها
ياليت لو تحذر هذا الشاب من مغبة فعله
صدق الرجوله ماتت يعلق البنت فيه وبعدين يقول خلاص ماتصلحلي
لاحول ولاقوة الابالله
وانتم يالي تردون ياليت تردون بعقلانية
احس ضغطي ارتفع
مسكينة هالبنت وغبيه هي وامها ياربي سترك

[هنـادي]

اجل قلبو

كم لكـ من سنه تمخمخ

لاتعليق..!!!!!

[اقدار مكتوبه]

حرام عليه علق البنت ؟ بصراحه يتقدم للبنت وان شاءالله ربي يوفقهم

[غ رور أنثى]

استغفر الله
يعلق البنت بعدين يخليها
هو الي طلب يكلمها قبل
ليه يتلقف ويروح يكلمها
خله يتقدم لها
ولا البنت تبي تدعي عليه طول عمرها

[نوسا]

هذي نكتة ولاسالفة
وين عايشين حنا يكلمة ويطلع معة وترتة وعيد ميلاد
ترانا مسلمين وتحكمنا عادات وتقاليد

[عبدالرحمن الأسمري]

الزواج قصمه ونصيب ان كتب الله ان تكون من نصيبه فسوف يتم الأمر وإن كان غير ذالك فالله بصير بعباده

[حلمـ سيكــونــ]

لاتعللللللللللليق

الحمدللــهـ والشكر

[ابتسامة تواضع]

الله يهدي الجميع
وان كان في خير زوجهم يارب
اما حل ماعندي

[بحر الهناء]

(المشكله موان البنت تكلمه وترسله المشكله في عيد الميلاد والله بنت ما تخاف الله)
ههههههههههههه
شكر لك على هذه القصص الساخره
ولا تحرمنا من جديدك