[عاشق بطولة]

مساء الفل والياسمين والعنبر وماء الورد ودبس الكليجاء
المهم ندخل بالموضوع سيدا . كنت جالس أمس بالإستراحه وسواليف الشباب وتنقيم فصفص وزنجبيل وضويه تحبه قلوبكم ، المهم جاء طاري تكاليف الزواج حصلت الربع مختلفين واحد يقول 150000 ريال والثاني يقول 120000 ريال وانا اقول تقريبا حدك 100000 ريال والثالث يقول ،،،،،،،،،،،،،،،،
سؤالي بحكم تجربتكم كم يكون التكاليف طبعا للناس العاديين اللي يبي يأثث شقه والمهر من 40 - 50 ألف وسفره بسيطه حليوه .

[مع اجمل تحيه]

انا صراحه لحد الان ماجربت
لكن على حسب الاتفاق والامكانيات يمكن يكلف اقل من ذلك ويمكن اكثر بكثير
اجمل تحيه لك .

[معلمة وفاء]

اضمن لي رجل بمعنى الكلمة واضمن له مهر قليل
المسأله مو مسألة بيعه وشروه من اغلى ومن اقل
النياق الان وصلن لمليون وازيد وهي حيوان بهيمه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

فما كثر المهر اللي بيسعد الزوجه ولاهي فشخرة والسلام

اخوي ابحث عن المرأة الصالحه وماعليك ربي يسهل امرك

(اكثركن بركه ايسركن مؤونه)

[وحده نصابه]

انتم يالشباب الي جنيتو على انفسكم
اخذين الموضوع تجارة

[ابوي كل الوجووووود]

لالا اقل من الي تقول على حسب مجتمعي انا ,,,والله ان الناس يتمنون الرجل الكفؤ لبنتهم,,,ويقولون حنا نشري الرجل ماحنب نبيع البنت,,, والله ان الزواج يتسهل بوقته,,,واتوقع اغلب اهل بريده كذا لأن المهور عندنا الحمدلله زينه ولا هيب مرتفعه......والله يسهل اموركم ياااااااااااااااااااارب...

[الفقير الى ربه (1)]

اقتباس المشاركة الأساسية كتبها معلمة وفاء اضمن لي رجل بمعنى الكلمة واضمن له مهر قليل المسأله مو مسألة بيعه وشروه من اغلى ومن اقل النياق الان وصلن لمليون وازيد وهي حيوان بهيمه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ فما كثر المهر اللي بيسعد الزوجه ولاهي فشخرة والسلام اخوي ابحث عن المرأة الصالحه وماعليك ربي يسهل امرك (اكثركن بركه ايسركن مؤونه)

وينهم يكثرهم بس نسمع ولانشوف شى من هذا الكلام انا اول واحد لولاقيت بنت الحلال للاتزوجتها بس يبدوى العزوف من البنات بعد هذا الايام شكر للموضعكم وتقبلوا تعليقى

[{ صوت بريدة }]

تقريبا بحدود الميه للناس العاديين واما الناس الي نوادر فيه بعضهم يكلف زواجه فقط 50 الف وفيه بعضهم 300 الف

[بـيساان]

اقتباس المشاركة الأساسية كتبها معلمة وفاء اضمن لي رجل بمعنى الكلمة واضمن له مهر قليل المسأله مو مسألة بيعه وشروه من اغلى ومن اقل النياق الان وصلن لمليون وازيد وهي حيوان بهيمه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ فما كثر المهر اللي بيسعد الزوجه ولاهي فشخرة والسلام اخوي ابحث عن المرأة الصالحه وماعليك ربي يسهل امرك (اكثركن بركه ايسركن مؤونه)

^^^^ بس اذا جاء الجد يتغير الكلام وانا اختك ..

الله يكون بالعون .. تصعبت الامور

[آפـآسيس™ «●•]

.
آمممـ, شسمه آحس لااصار المهر غالي احسسن
عششـآن لاابغى يطلق سسذا من راسسه يتذكر انه تاعب على المهر
<~باللهي تيت

[خمائل مختاله]

اخي ..اعرف اشخاص ..تزوجوا بمهور معقوله..

والتأثيث جدا بسيط..ولم يشمل جميع الغرف ..

واهل البنات.. اثرررررررررياء

الناس تبي تشتري رجال كفؤ..لانهم انقرضوا حاليا ..الا مارحم الله..

انت اذا ضمنت الوظيفه توكل على الله كل شئ يتسير ..

الله يوفقك وكل مسلم يريد.. العفاف ..

[خمائل مختاله]

اقتباس المشاركة الأساسية كتبها معلمة وفاء اضمن لي رجل بمعنى الكلمة واضمن له مهر قليل المسأله مو مسألة بيعه وشروه من اغلى ومن اقل النياق الان وصلن لمليون وازيد وهي حيوان بهيمه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ فما كثر المهر اللي بيسعد الزوجه ولاهي فشخرة والسلام اخوي ابحث عن المرأة الصالحه وماعليك ربي يسهل امرك (اكثركن بركه ايسركن مؤونه)

عجبني ردك ياسكره

وضحكني ههههه ..الله يحفظك ياغلاي ..ويسهل دربك..