[المجمع1432]

السلام عليكم والرحمه والبركات

تم نشر موضوع عن مشاكل كثيرة صارت خلال العام الماضي في ثانوية مجمع الامير سلطان وما تحركت ادارة التعليم بالتحقيق في الموضوع وتطورت المسالة بعد تعدي مدير المدرسة على الانظمة وماشاف اي تحقيق معه

ليش تغيرت المدرسة بعد نقل المدير من ادارة المجمع الى القسم الثانوي؟؟؟؟؟؟؟؟؟؟

نقل اكثر من 20 مدرس واكثر من 70 طالب وتزويد الدرجات بدون مايدرون المعلمين
وكذلك المسائلة إلى اتهام معلم الرياضيات ( صالح . س ) بخيانة الامانة وتغشيش الطلاب في الاختبار النهائية
ووصلت الوقاحه بقيام المعلم المراقب ( خ. ز ) بتصوير الملعم في داخل اللجنة ورفع المدير خطاب لادارة التعليم يتهمه
بالتغشيش وحضر المشرف وماكمل التحقيق بعد المطالبة بتحقيق رسمي

وبدا المدير بتهديد المدرسين بنقلهم من المدرسة والتنقيص من درجاتهم السنوية ومنعهم من الاجازات والتشديد على مجموعة منهم

ويقوم المدير بتحدى الانظمة بانظمة غريبة بتعيين وكيل اداري وترك دروسه انتظار وتفريغ وكيل ثاني عن دروسه

مشاكل المدرسه كل يوم تكثر وتزود عن المعقول وادارة التعليم تفرج ولا تسوي شي معه

واخر خبر انه دفتر حضور المدرسين مسروق من ادارة المدرسه و فتح دفتر جديد حتى لا يشكك احد بالموضوع

يقوولون الواسطة فوق القانون

مصالح شخص واحد مقابل 700 طالب ومدرس

مطلوب من مدير التعليم الدكتور عبدالله الركيان سرعة التدخل في الموضوع وحل مشاكل المدرسة

[الشيبه]

أنا أقول ما عندك سالفه
والا وشلون تقول الوكيل يترك دروسه

[اخو دريحم]

للرفع

[عززز الخامسه عشر]

لللرففففففففعط

[وافي1]

ومن مخالفات المجمع .. حجز شهادات الطلاب المتخرجين .. وملفات المنتقلين من المجمع حتى يسلم العهدة ..
والنظام نص على منع ذلك كما نص على منع المدارس الأهلية من حجز الشهادات والملفات حتى يسلم المستحقات المالية عليه فامتثلت إجبارا .. وأيهما أحق .. المجمع .. أم المدارس الأهلية .. .؟
مزيدا من الوعي يا إدارة المجمع .. وليكن الباطن خير من الظاهر أو مساويا له على الأقل .. واحذروا العكس ..

[أبو الليد]

اقتباس المشاركة الأساسية كتبها الشيبه أنا أقول ما عندك سالفه والا وشلون تقول الوكيل يترك دروسه

اقول ورا ماتلايط دامك ماتعرف السالفه زين...

[abo-Khaled]

المجمع صاير زفت اشوف اخوي كل يوم يجي الساع 11

ولا سئلته قالي طلعونا واخر شي اثره هو واغلب الطلاب يهجون

الباب متروك مفتوح ولا عنده احد

((الطاسة ضايعه))

[سعوي كوم]

اولا يا اخوان وبصفتي شخص محايد اسمحوا لي ان اتكلم بعقلانيه وحسب الواضح امامنا وهو مايلي :
اخوي كان يدرس بأحد مدارس بريده والحين بالمجمع ويقول والله ياهو فرق
1 ـ المدرسين بالمجمع من افضل المدرسين سواء اخلاق او تعامل او ماده علميه وبدون منافس مع احترامي للمدارس الاخرى
2 ـ المجمع حاصل على المركز الثالث في اختبار القياس على مستوى المدارس الحكوميه بالمملكه والمدرسه اللي بعده مباشره حاصله على المركز 290 تقريبا على مستوى المملكه وهي الثانيه على القصيم
3 ـ واذا الدفتر مسروق شو المشكله عادي جدا عاد دفتر شيكات دفتر توقيع ومن السهل انك تحصل عليه من اي مدرسه يعني يحطون حارس على الدفتر الحمد لله والشكر
4 ـ هناك مدرس او مدرسين فقط هم اللي يتذمرون فقط من الاداره لأنهم كانوا اصحاب كلمه والحين ولا شيء بالمدرسه ولذلك بدأو ينشرون الغسيل حتى امام الطلاب بالفصل
5ـ انا ما الوم المدرسه لانها تطبق اكثر من برنامج بالمدرسه ولذلك عليها عبء كبير جدا
6 ـ الاداره جدا حبيبه وصارمه في نفس الوقت فهي تطبق روح النظام والدليل المخرجات ممتازه جدا
7 ـ ليس دليل نقل بعض المعلمين او الطلاب على فشل الاداره بل دليل على نجاحها
لأن الطلاب اللي ينقلون دايم هم الأقل في التحصيل العلمي ولذلك ينقلون لمدارس تزود او تعطي الاسئله
8 ـ اتمنى ان اكون وضحت ماهو واضح وبين لدي انا

[وحيدة امي]

اذا صار الواحد مايعرف وش السالفه مايطلع اشاعه
ترا مايصلح تحسب عليك ..يوم القيامه
الله يعين ...الي فاضي يعمل قاضي

دنيا كل من هب ودب بد يدبر ويعبر

الله يكون بعونكم ياعيال بريده ....

[ممدوح الطرس]

الله يعين

[الشيبه]

اقتباس المشاركة الأساسية كتبها أبو الليد اقول ورا ماتلايط دامك ماتعرف السالفه زين...

أول شي الرد لصاحب الموضوع
ثاني شي يا حبيب إمك هذولا هم المعلمين اللعابين واللي يكتمهم المدير بالنظام
اذا شافهم يلفون ويدورون .
ثالث شي اللي يكتب مثل هالمواضيع يحسب العالم أغبياء يعني يبي يفهمنا إنه يدور مصلحة التعليم و هو قاعد يفضح بشي صحيح وشي مكذوب والا بالله وش دخل سرقة الدفتر بالمجمع والا بالمدير ( اذا كان صحيح )
البيوت تكسر وتسرق ما هو دفتر وبداله عشره
أما عن نقل المعلمين أنا أذكر مدرسه أنواع الأهمال والتسيب لأن المدير كان ضعيف شخصية شوي والله ويجي هكا الواحد ويمشيهم عدال بعدها نصهم نقل لأنهم لعابين ولا يقدرون يعملون صح
والدليل إن مشكلتك شخصيه مع المدير هو إن تقول إنه كلف وكيل إداري وترك دروسه معقوله مدير يقول لواحد تعال امسك وكاله وخل دروسك فاضيه ما أعتقد
وأنت واضح إنك من معلميبن المدرسه ومصيخط الدير وهذا اللي تقدر عليه
اذا عند شي لا تسرق الدفتر وتقول هالكلام رح للمدير وواجهه
سي يو

[تباشيرالخير]

السلام عليكم ورحمة الله وبركاته
لنتذكرقوله تعالى(يَا أَيُّهَا الَّذِينَ آمَنُواْ كُونُواْ قَوَّامِينَ لِلّهِ شُهَدَاء بِالْقِسْطِ وَلاَ يَجْرِمَنَّكُمْ شَنَآنُ قَوْمٍ عَلَىأَلاَّ تَعْدِلُواْ اعْدِلُواْ هُوَ أَقْرَبُ لِلتَّقْوَى وَاتَّقُواْ اللّهَ إِنَّ اللّهَ خَبِيرٌ بِمَا تَعْمَلُونَ ) [المائدة:8

[ام ديم]

اقتباس المشاركة الأساسية كتبها سعوي كوم اولا يا اخوان وبصفتي شخص محايد اسمحوا لي ان اتكلم بعقلانيه وحسب الواضح امامنا وهو مايلي : اخوي كان يدرس بأحد مدارس بريده والحين بالمجمع ويقول والله ياهو فرق 1 ـ المدرسين بالمجمع من افضل المدرسين سواء اخلاق او تعامل او ماده علميه وبدون منافس مع احترامي للمدارس الاخرى 2 ـ المجمع حاصل على المركز الثالث في اختبار القياس على مستوى المدارس الحكوميه بالمملكه والمدرسه اللي بعده مباشره حاصله على المركز 290 تقريبا على مستوى المملكه وهي الثانيه على القصيم 3 ـ واذا الدفتر مسروق شو المشكله عادي جدا عاد دفتر شيكات دفتر توقيع ومن السهل انك تحصل عليه من اي مدرسه يعني يحطون حارس على الدفتر الحمد لله والشكر 4 ـ هناك مدرس او مدرسين فقط هم اللي يتذمرون فقط من الاداره لأنهم كانوا اصحاب كلمه والحين ولا شيء بالمدرسه ولذلك بدأو ينشرون الغسيل حتى امام الطلاب بالفصل 5ـ انا ما الوم المدرسه لانها تطبق اكثر من برنامج بالمدرسه ولذلك عليها عبء كبير جدا 6 ـ الاداره جدا حبيبه وصارمه في نفس الوقت فهي تطبق روح النظام والدليل المخرجات ممتازه جدا 7 ـ ليس دليل نقل بعض المعلمين او الطلاب على فشل الاداره بل دليل على نجاحها لأن الطلاب اللي ينقلون دايم هم الأقل في التحصيل العلمي ولذلك ينقلون لمدارس تزود او تعطي الاسئله 8 ـ اتمنى ان اكون وضحت ماهو واضح وبين لدي انا

انا نفس الشي محايدة لاكن اقول مافيه دخان بدون نار ؟؟؟؟؟ ومجمع سلطان كثر الكلام عليه مؤخرا

[أبورامي]

الله يكون بعون الطلبة