[سيدرا]

السلام عليكم ورحمه الله وبركاته


شخباركم شعلومكم ..؟

بدون اي مقدمات وبدون زحمه وكلام طويل حبيت نبدا بسرعه

موضوعي عن النصيحه يابنااات


الكل منا جربت تنصح وتنشر الخير جزاها الله الف خير

وانا المشجعه لهذا الشيء

لكن في سلبيات نشوفها بالنصيحه وطرق توصيلها للمخطآء

كثير اشوف من الحريم ورجال الهيئه يستخدمون اسلوب العنف

نجي للحريم

بقولكم وبكون صريحه معاكم ولا راح اسوي نفسي انا البنت المتستره والي ماتخطي لا

بس كثير اشوف ناس يقهروني بصراحه

خليني اقولكم كذا موقف صار لي

مره بالسوق (القبه )

وانا امشي بدخل مجمع اريج الا واسمع واحد يصارخ باقوى صوته

الحجاااااااب غطي نقااابتس ويين حنااا به تغطي ووآلخ

انا وربي ي َ بنات نزيت نزه اقسم بالله لو ماسمت علي امي والله احس داخلني مس بسم الله علي

صرخه وقريبه لمي السياره انا قلت دقي دقي مشينا وش تسذا وربي اتكلم وانا ماحس ع الهواش

بس وربي ياناس حتى انا اشوف بالسوق كثير اذا ,

يجيك رجال الهيئه وينصح بهدوء >قليل هالشكل

والله استحي انا واغطي

جاني باسلوب ذوق واحترام انا احترمه

قضينا من الرجال ,

الحريم,

كالمره امششي بالسوق

وتجيك وحده وباعلى صوتها تتكلم ع الي جنبها بالعربي تقصدني

تقول
الام متستره وعباه راس والبنت ماخذه راحتها والله زمان الي يفتن يطلع والي مايفتن يخبى

ترا مو عيب تجين تقولين لي ياحياتي هذي العبايه تصير فوق الراس والنقاب يضوق وكذا

وكثير من المواقف تصير طرق النصح ماهي زينه

ولا تجيك الوحده سبق قريت رد من الردود تجي تقولي والله اسلوب الي ننصحهم كانك تهوشينهم وكانك وكانك

الرسول اللهم صلي وسلم عليه يوم جاء ينصح ويوصل الرساله ايش سووا لهم يهود مكه

مو يحطون بطريقه الشوك ويحطون عليه الفضلات وووالخ ..

النصح ماتصير بعدم الاسلوب الزين ,

تعالي وانصحي شفتي وحده اسلوبها شين وقبيح استمري خليكي قويه لاتقولين خلاص هذي سكتتني

ياحريم يامزيونات يابيضات ياسمرات الاسلوب تراه يعمل دور

حتى انتم يارجال الهيئه

ولا تحزنون اذا شفتوا الي نصحتوهم ماسووا الي تبيونه ترا يكتب لكم حسنات مجرد النصيحه ,

وبالاسلوب كل شي يصير .,

كثير اسمع من البنات انهم واو ان الي ينصحن نكرهم وويع ومدري ايش

تيب ليه ؟

يختي ماعندها اسلوب >

وربي مجرد مالوحده تمسكني وبصوت هامس واسلوب ذرب والله استحي

اهون من الي اسلوبها جفس

يالله اخلي لكم الباقي

[بنوته فوشيه]

ولا بعد يزمرون ويلاحقونتس لين اتغطين نقابتس كررررررررررره

وبعض الحريم اذا انصحت بأسلوب شين ردي عليه لاتسكتين قولي انا حره وأهلي راضين وش دخلتس ,,,

[سيدرا]

يَ قلبي انا احب اكون افضل من الشخص الي قدامي

اهي عارفه لو اهلي مو راضين علي كان ماطلعوني ^_^

وفاهمه قصدك تقولين عامليها مثل ماتعاملني اعرف انا اكون اشد منها

بس لاتنسين الاخلاق ,

ماتعرف تنصح الله يهديها لنفسها بعدين بتتذكر كيف رديت باسلوب بتفشل من نفسها

منووره يَ قلبي

[نسمات الفجر]

صحيح الاسلوب مهم

وفيه أحد يعاند إذا إذا كان النصح ليس باسلوب حلووووووو

[سيدرا]

معليش تكسب اجر احسن من تكسب ذنب بالنصح القبيح

منوره يَ عسله

[لحلمي حكايه]

صحيح النصيحه لابد ان تكون بأسلوب مالومهم صراحه من اللي يشوفوه عبايات كتف وجنز ومصخره ع بالهن حضاره وتطور لا والا العدسات شي ثاني << تركيه مثلآآ ههههه
العبايه للستر مو للزينه الله يسترنا

[• إنِدثـار~]

من قهر مايشوفون تنفلت الأعصاب !
وبعضهم يرتفع مؤشّر الغيرة عندهم حدّ اللا أخلاق !

الجميع بلا استثناء يميل للّين ويحبّه ويحب صاحبه
وأيضاً ياغاليات تكلّموا عن من ننصحهم وتقابل النّصيحة الطيبة بأخلاق منحطّة
ويصل بالبعض " اللّعن " ومالك دخل فيني !
بالله هذي أخلاق بعد !

كلا الطّرفين مخطِئ بالغِلظة , وكلاهما صائبٌ بالرفق والخُلق الحَسن .

وفق ربي الجميع وسترهم ,

[سيدرا]

لحلمي حكايه

الله يستر عليهم ويغفر لهم ماقلنا شي !

بس لو جايه النصيحه احسن احلى *_^

يعني الله يهديك انتي اختي اخاف عليك اهون من

وشوله لابسه العبايه هذي بتفتنين وشوله حاطه مكياج بكذا مدري مو نصيحه

لنها جايه ع شكل هوشه زي كذا

انا اقولك الشي الي يصلح لهم لانهم مخطيات فنعلمهم الاخلاق ,

منوره ي َ قلبي

[سيدرا]

وهج الدعوه

يَ هلا ومسهلآ

فديتس انا عارفه انو مخطيه عشان كذا ننصحها ,

بس معليش صدق فيه لعن وشتم ووووالخ ,

بس النصيحه يبي لها صبر !

صح ولا لا ؟

يعني مو مغصوبه تنصحين اذا ماعندك اسلوب خلاص اسكتي الشكوى لله يعني اذا النصيحه
بتجي بسلوب مخطئ ماتنفع تضر .

منوره يَ قمر

[مجرد ذكرى]

مرحبا أختي

الدين النصيحه
لو فقدنا النصيحه بالمجتمع قوليلي وش راح يكون بس تصور تصور ان رجال الهئيه مو فيه وان الحريم ذولى الي تقولي أقتصر النصيحه لبناته وبــــس وش عليه من بنات خلق الله
بالله عليك تصورتي............؟؟

لو أسالك سؤال وأبي الاجابه صريحه
عاجبك حالنا كانساء أو بالاصح حال بناتنا الي من تبرج الي تبرج بدينا بالنقاب بعدين بالعبايه الكتف كــــــــــانت ركزي على كانت واسعه ولا نقطه تطريز به والحين شوفي اذا شفتيه ماتدرين هي جايه لسوق ولاغلطانه كانت تتروح للحفله


وش تبين من رجل هذي وظيفته صدقين لو هو لقى من يسمع له كان مارفع صوته
ماأقصدك انتي أقصد الي نصحهم قبلك لاسمع ولاطاعه
أصلـــــــن لو البنت به حياء ذره كان ماطلعت من بيت أهلها كذا


أنــا أسأل الجمـــــــيع
والي عنده اجابه يوضح لي ليه كذا,,.؟
ليش رجال الهئيه العين عليهم لو أخطو قومنا الدنيا عليهم بالصحف والمواقع ويمكن ياصل الحد انه تطلع بالتلفزيون.......؟
لو علو أصواتهم قلنا حقير وووووووو


ليش الطبيب الفلاني ما يتكلم عليه يخطي يوصل الشخص لحاله الوفاه بعضهم
ونقول خلاص خطاء طبي وانتهى الشـــــــخص مااااااااااااااااااات ويسكتون عن الموضوع ويتسترون عليه...؟

ليش مدير الجهه الفلاني ماننشر أفعاله بكل مكان ولا واحد صحفي يقدر يكتب عنه لانه عارف مصيره والمواقع تتكلم باسم المجهول....؟


ورجال الهئيه الي يأمرون بالمعروف وينهون عن المنكر مايسببون لك وفاه ولاخطاء طبي ولاظلم وسلب حقوق يبون لك الخير بدنياك ومايبون لك المعصيه نقوم ونكتب وسب ضدهم

ع العموم هم يسون الي عليهم
وبالاخير محد راح ياكله غير العاصي ذنب لكل من نظر لك ولكل من قلدك والي تقلد يمكن يقلدونه وهكذا تمشي المعصيه وترجع لصاحبه

وش أخرتنا حنا مقاااااااااااااااااابر قبر بيضمنا ومعنا الاعمال الصالحه فقــــط
لاعباتي الكتف ولاغيره




أسفه ع الاطاله
لك كل الشكر

[مجننه المديره]

مشكووره عالطرح

[سجينة الحجاز]

الله يهدي جميع المسلمين

[يعجبني تفكيري]

اقتباس المشاركة الأساسية كتبها مجرد ذكرى مرحبا أختي الدين النصيحه لو فقدنا النصيحه بالمجتمع قوليلي وش راح يكون بس تصور تصور ان رجال الهئيه مو فيه وان الحريم ذولى الي تقولي أقتصر النصيحه لبناته وبــــس وش عليه من بنات خلق الله بالله عليك تصورتي............؟؟ لو أسالك سؤال وأبي الاجابه صريحه عاجبك حالنا كانساء أو بالاصح حال بناتنا الي من تبرج الي تبرج بدينا بالنقاب بعدين بالعبايه الكتف كــــــــــانت ركزي على كانت واسعه ولا نقطه تطريز به والحين شوفي اذا شفتيه ماتدرين هي جايه لسوق ولاغلطانه كانت تتروح للحفله وش تبين من رجل هذي وظيفته صدقين لو هو لقى من يسمع له كان مارفع صوته ماأقصدك انتي أقصد الي نصحهم قبلك لاسمع ولاطاعه أصلـــــــن لو البنت به حياء ذره كان ماطلعت من بيت أهلها كذا أنــا أسأل الجمـــــــيع والي عنده اجابه يوضح لي ليه كذا,,.؟ ليش رجال الهئيه العين عليهم لو أخطو قومنا الدنيا عليهم بالصحف والمواقع ويمكن ياصل الحد انه تطلع بالتلفزيون.......؟ لو علو أصواتهم قلنا حقير وووووووو ليش الطبيب الفلاني ما يتكلم عليه يخطي يوصل الشخص لحاله الوفاه بعضهم ونقول خلاص خطاء طبي وانتهى الشـــــــخص مااااااااااااااااااات ويسكتون عن الموضوع ويتسترون عليه...؟ ليش مدير الجهه الفلاني ماننشر أفعاله بكل مكان ولا واحد صحفي يقدر يكتب عنه لانه عارف مصيره والمواقع تتكلم باسم المجهول....؟ ورجال الهئيه الي يأمرون بالمعروف وينهون عن المنكر مايسببون لك وفاه ولاخطاء طبي ولاظلم وسلب حقوق يبون لك الخير بدنياك ومايبون لك المعصيه نقوم ونكتب وسب ضدهم ع العموم هم يسون الي عليهم وبالاخير محد راح ياكله غير العاصي ذنب لكل من نظر لك ولكل من قلدك والي تقلد يمكن يقلدونه وهكذا تمشي المعصيه وترجع لصاحبه وش أخرتنا حنا مقاااااااااااااااااابر قبر بيضمنا ومعنا الاعمال الصالحه فقــــط لاعباتي الكتف ولاغيره أسفه ع الاطاله لك كل الشكر

اشكرك من اعماق قلبي
صدقت بكل حرف كتبتيه
كفيتي وفيتي

[القلب الوردي]

صحيح ماتقولينه
النصيحة أجمل حين تكون باللين والقول الحسن والتلطف
ولكن هذا الأسلوب ينفع مع الأشخاص الذين لايعرفون أنهم على خطأ .!
كالأجانب والذين دخلوا في الإسلام حديثا لأنهم لايعلمون بأن مايفعلونه خاطئ لذلك يجب أن نتلطف معهم ونبين لهم أنهم على خطأ بهدوء وتعقّل حتى نحببهم بالإسلام ونرغبهم فيه , وهذا لا يعني أنني مع الذين يصارخون ويسيؤن الظن بغيرهم والنصحية لديهم أوامر ونواهي يفرضونها فرضاً عليك ولكن ياغالية الشخص بتصرفاته يستطيع إسكاتهم ولا حاجة للقيل والقال .!
أقصد بكلامي أنك تقولين أنه تم نصحك أكثر من مرة وبأساليب مختلفة منها مايعجبك ومنها مايغيظك ويحزنك وأنا أقول لك لو أنك تقلبتِ النصيحة منذ البداية وحرصتِ على حجابك الصحيح وإلتزمتِ بأوامر الله عز وجل وأوامر رسوله الكريم صلى الله عليه وسلم لما عرضتِ نفسك لكل هذا .!

حفظك الله وحماك وهداك للصراط السوي المستقيم