[كوســه]

السلام عليكم ورحمة الله وبركاته

اشارة العثيم والزحمة ,, نتمنى نلقا لها حل

قبل فترة تمت إزالة الدوار المجاور لأسواق العثيم وفرحنا بهذا القرار لفك الاختناقات المرورية اليومية
هناك .. وتم وضع إشـارة مروريـة عوضاً عن ذلك .. ولكن الملاحظ أن الزحمة لاتزال موجـودة وينبغي
إيجـاد الحلول لهذه المشكله لأن الوضع لا يطاق خصوصاً أوقات الذروة .
أهم الحلول من وجهة نظري : زيادة الوقت للاشارة الخضراء لجميع المسارات ..فمثلا لو كنت قادم من
الغرب باتجاهـ الشرق ستجد أن الاشارة تفتح لعشر ثواني فقط .. فهل من المعقول العشر ثواني كافيه
لمرور هذا الكم الهائل من السيارات .

بانتظار آرائكم ومقترحاتكم

[Leader.20]

*

لا مهب عشر ثواني يا خلفهم حوالي30 ثانية

بس احسن شي يصير نفق

وإذا صار عام 1450 هـ يقضي النفق

[اخو دريحم]

مشكلتنا مع كل اشارات مدينة بريدة لابد من توحيدها في الرياض موحدة عبر الحاسب الالي

لايوقف أي سيارة مادام ماشي عبر السرعة القانونية المحددة عبر الطريق لكن المرور

راح عقب ابو سامي سلم لي عليه

[غلا عمري]

ايييييييييه هم وخروا الدوار وحطوووه ساحه مفتوووووحه ..

بسس وشو ذنب المصري والسوري يووم انه ادعس واحد منهم انفصل الرأسس عن الجسسم ..

اي واحد معه هايلكس يراااقب كثفوا مراقبت راعين الهايلكسآت وجييوب الربع....!!

[مراقب امن]

الامانة تبي امانة

[آبو عمآر]

يلزم وضع ماقبل الأشارة فــــتـــــحــة للدوران للخلف حيث أن اكثر السيارات التي تريد الدوران ما تديور الابعد مـــا
تفتح الأشارة كذلك يوجد فيه تجاوزات خاطئة من بعض سائقين السيارات ومن ذالك تسكير المسار الأيمن لمن يريد
العبور يمين والبعض الآخـــــــر من الناس مع كل اسف لا يرى اي اهتمام لمن خلفه فـــتــــجـــــده يسير ببطء فوالله
لو كل من سلك الطريق اعطاء الطريق حقه ولتزم في احترام العابرين من اخوانه المسلمين واهتم فيمن بعده ومن
قبله لكن القيادة عند الكثير من الناس عشوائية وفوضوية ومن هذا المنتدى اناشد سعادة مرور القصيم في تكليف
الدوريات السرية في التمركز عند الأشارات حيث أنه يوجد فيه قائدي سيارات غير مبا لين في الأنظمة وقطع الأشارة
والتجاوزات الخاطئة مثل شربة الماء بدون اي مبالاة

[سعداف]

شكلك ما قد رحت للرياض ورصيت عند إشارة نص ساعة
بالنسبة لإشارة العثيم .. الحقيقة ما ألاحظ أي زحمة .. سوى المسار اللي جاي من دوار الشئون الإسلامية
وبالكثير بالكثير تجلس مرتين بالإشارة

[فارس الصوتيات]

اقتباس المشاركة الأساسية كتبها ولـــد العـــوده يلزم وضع ماقبل الأشارة فــــتـــــحــة للدوران للخلف حيث أن اكثر السيارات التي تريد الدوران ما تديور الابعد مـــا تفتح الأشارة كذلك يوجد فيه تجاوزات خاطئة من بعض سائقين السيارات ومن ذالك تسكير المسار الأيمن لمن يريد العبور يمين والبعض الآخـــــــر من الناس مع كل اسف لا يرى اي اهتمام لمن خلفه فـــتــــجـــــده يسير ببطء فوالله لو كل من سلك الطريق اعطاء الطريق حقه ولتزم في احترام العابرين من اخوانه المسلمين واهتم فيمن بعده ومن قبله لكن القيادة عند الكثير من الناس عشوائية وفوضوية ومن هذا المنتدى اناشد سعادة مرور القصيم في تكليف الدوريات السرية في التمركز عند الأشارات حيث أنه يوجد فيه قائدي سيارات غير مبا لين في الأنظمة وقطع الأشارة والتجاوزات الخاطئة مثل شربة الماء بدون اي مبالاة

أصبت أخي الفاضل

[عمدة الريان]

وفق الله الحميع

[حر الفلا]

الحل يسكرون التقاطع ويسون يوتيرن ثاني قدام جرير وشوله تقاطع واشاره

[جاسم .. مليون !]

والله انت وغيرك ياصاحب الموضوع ناس فاضيه .. مع احترامي الشديد لك يالغالي ..!

قبل فتره قلتو ان الدوار مشكله مشكله وان وان ومن هالسوالف اللي لاتودي ولا تجيب ,,

ماقصرو البلديه وسمعو كلامكم وشالو الدوار تجي اللحين وتقول عطونا حلول ..!

طيب ياابوي عطني حل انت للزحمه اللي تصير ..

والله لو فيه حل كان اول حل يحصلونه بالرياض تعال شوف اللي بالرياض بالاشارات تقعد نص ساعه عادي وانت واقف عند الاشاره او اكثر ,,

تحملو ياعالم اللي قاعد يصير لان اللحين ماشاء الله بريده واهلها بدو يكثرون وعادي اللي يكون عمره 16 يعطيه ابوه سياره ,,

احمدو ربكم ان الزحمه بوقت عطل وبعدين ترا هالايام هذي ايام تغير يعني الشتاء خلاص راح وراح يبدا الصيف ,,

واكيد العالم كل ابوهم طالعين ويتقضون ملابس لهم ,,

واللي يقول ابي نفق ,, اللحين انت لو تطلب نفق فكر بـ بنفق موفنبيك وعلى فكره ترا لما يخلص النفق اللي عند موفنبيك ,,

راح يبدون ويسون نفق لدوار النافوره وانت ماعندك الا الرواف وكيف تبي يخلص شغلك وانت مخليه بروحه ..!

مااقول الا الله يعين موظفين البلديه لما يشوفون مواضيع بالشكل هذي ..

ياارب مااكون زعلت احد بردي هذا .. وترا الكل على راسي وهذا رايي واتمنا الكل يحترمه ..!





,,

[AboNawaf]

اقتباس المشاركة الأساسية كتبها غلا عمري اي واحد معه هايلكس يراااقب كثفوا مراقبت راعين الهايلكسآت وجييوب الربع....!!

هههههههههههههههههههههههههه مآآلتس بهآآلآمور اطلعي منه بس

[كوســه]

اقتباس المشاركة الأساسية كتبها جاسم .. مليون ! والله انت وغيرك ياصاحب الموضوع ناس فاضيه .. مع احترامي الشديد لك يالغالي ..! قبل فتره قلتو ان الدوار مشكله مشكله وان وان ومن هالسوالف اللي لاتودي ولا تجيب ,, ماقصرو البلديه وسمعو كلامكم وشالو الدوار تجي اللحين وتقول عطونا حلول ..! طيب ياابوي عطني حل انت للزحمه اللي تصير .. والله لو فيه حل كان اول حل يحصلونه بالرياض تعال شوف اللي بالرياض بالاشارات تقعد نص ساعه عادي وانت واقف عند الاشاره او اكثر ,, تحملو ياعالم اللي قاعد يصير لان اللحين ماشاء الله بريده واهلها بدو يكثرون وعادي اللي يكون عمره 16 يعطيه ابوه سياره ,, احمدو ربكم ان الزحمه بوقت عطل وبعدين ترا هالايام هذي ايام تغير يعني الشتاء خلاص راح وراح يبدا الصيف ,, واكيد العالم كل ابوهم طالعين ويتقضون ملابس لهم ,, واللي يقول ابي نفق ,, اللحين انت لو تطلب نفق فكر بـ بنفق موفنبيك وعلى فكره ترا لما يخلص النفق اللي عند موفنبيك ,, راح يبدون ويسون نفق لدوار النافوره وانت ماعندك الا الرواف وكيف تبي يخلص شغلك وانت مخليه بروحه ..! مااقول الا الله يعين موظفين البلديه لما يشوفون مواضيع بالشكل هذي .. ياارب مااكون زعلت احد بردي هذا .. وترا الكل على راسي وهذا رايي واتمنا الكل يحترمه ..! ,,

معليش يالحبيب كان الموضوع زعلك لهالدرجـة ..
ترى ما قلنا شي يزعل و نشكر البلدية والمرور وكل واحد يخدم مدينتنا الغالية بريدة على كل
ما يقومون به ,, لكن طلبنا زيادة الوقت للاشارة .. باعتقادي طلب ما يزعل ..!!

[امير برجولتي]

ماتملون من الطلباات انتم

الدووار وخرووه والجسر وحطووه و.....الخ

والزحمه تقولون...

ياشيخ احمد ربك انهم وخرو الدوار ولا...