[فؤادعنتر]

لا يخفى عليكم أن لدي رأي سديد و دائماً أساعد الناس والأصدقاء بالإستشارات وآخر من استشارني زوجة أحد الأشخاص بموضوع تقول يافؤاد عندي مشكلة وابغي الحل تقول زوجها له فترة متغير وتشك في تصرفاته , سألتها كيف حصلتي على جوالي ؟؟ قالت بعدين أعلمك , قلت لا خبريني , قالت من واحد فاعل خير سبق حليت مشكلته قلت لها زوجك متغير كـــف ؟؟ قالت لا دخل بسيارته داخل البيت يجلس يطلع حاجات من جيب ثوبه ويحطهن داخل درج السيارة ويسكر عليهن , ولا تدري ايش هن ؟؟ سألتها زوجك يدخن ؟؟؟ قالت: لا ليش تسأل قلت : ممكن يدخن بالخفية ولا يبغى تشوفين بكت الدخان قالت : بس هو ما يدخن ولا تشم منه ريحه دخان وطول اليوم داخل البيت ولا يشرب دخان قلت: هو يسكر ؟؟؟ قالت لا إنسان محترم ولا تفوته صلاة الفجر كيف يسكر ؟؟ قلت الحل لازم تأخذين مفتاح سيارته أذا نام وتفتحين درج السيارة وتعرفين وشو يخفي بالدرج , بعد يومين اتصلت وقالت: حصلت داخل الدرج ثلاث جوالات وكلهن على وضع الصامت , سألتها زوجك الحين يبني بيت ؟ قالت : نعم سألتها شو نوع الجولات قالت :جوالات بكمرة قلت:أكيد كلهن بكمرة قالت : ايون شو دراك ؟؟ قلت لها خلاص زوجك راعي مغازل بنات, الحل الطلاق تحولين من أول الدرجة خير من آخرها , قالت: أي درجة لي منه أربع بنات , وبعدين شو عرفك انه يغازل وله علاقات ,قلت واجهيه راح يقول: واحد من الجوالات للعمال , عشان ما يزعجوني والثاني للغير مهمين من الشباب بالعمل والثالث احتياط لا خلصت بطرية اللي معي , قديمة الحركات هذه قالت: خلاص بشوف ورد عليك , بعد يومين اتصلت وقال والله انك صادق يقول واحد للعمال و واحد بعطيه العامل بالاستراحة والثالث يقول ان زميله يقول بيعه لي وأخذته منه , قلت كيف خبرتيه انك عرفتي أن معه جوالات ؟ قالت انه يوم راحت معه للسوق طلبت منه مفتاح السيارة بتحط جوالها بالسيارة وفتحت الدرج وشافتهن وسألته عنهن ( إن كيدهن عظيم ) قالت :الحين كيف أتأكد انك صادق وهو الكذاب قالت : بسيطة لا نام افتحي الجوالات وشوفي الرسائل, وإذا كان ماسحهن شوفي المكالمات الصادرة والواردة وبجيب لك بطاقة سوى وتصلي منها عليهن ؟؟ قالت شو دراك انه راح يقول للعمال ؟؟ قلت سألتك هو يعمر عمارة وقلتي نعم وكيد بيحتج بالعمال قالت: بس شو دراك انه يكذب ؟؟؟ قلت العمال ما هم بحاجه يشري جوال فيه كمرة اشترى كمرة عشان يقدر يرسل صورته, ويستقبل صور ووسائط , قلت لها خلاص بجيب لك بطاقة سوا ,واكشفى الأرقام, واحرصي على الأرقام اللي اتصل عليها آخر الليل أو مكتوب سباك ,كهربائي ,مليص , تراه يكذب ,قالت : مشكور وفعلاً حلال المشاكل أنت يافؤاد , المهم عرفت المنزل ورحت وحطيت البطاقة عند الباب ,ومدت أيدها وأخذت البطاقة وشفت يدها بها ثلاث خواتم , بعد يومين اتصلت على وقالت : اتصلت على الأرقام وصارت الأرقام تخص بنات , انصدمت المرأة وعرفت أن الرجال خائن , طلبت النصيحة قلت : الحل الطلاق الدنياء تبي والآخرة تبي , وفعلاً واجهته بالموضوع وزعل عليها, ليه تتجسس عليه ,ورجعها لأهلها , وطلبت الطلاق منه وفضحته عند أهلها وعند أهله, وكبر الموضوع , أنا بصراحة حسيت بعقدة الذنب كيف تتصل على امرأة وتكلمني و واعدها عشان أعطيها بطاقة الاتصال, ما تستحي هي, ما تخاف من الله , وقررت تصحيح الغلط , سألت عن الرجال وعرفت اسمه وصليت معه , ولا حصلته , وجيت أكثر من مره ,بعد عدة مرات سألت عنه أمام المسجد , قال ما يصلي إلا الفجر سكن في استراحته ويجي بس الفجر يصلي معهم , صليت معه الفجر , وعرفته بنفسي وقلت أبيك بموضوع خاص , قال :خاص ؟؟ قلت عائلي ,فرح الرجال توقع بخطب منه ,قال : خلاص بكرا العصر بالبيت , جيت للبيت وقهواني وقال : معليش البيت مغبر ما عندي احد بالبيت ,قلت داري ,قال:تدري ؟؟؟ وش تدري فيه ؟؟ قلت أن زوجتك اتصلت على و أنا ما عرفها وتعرفون صعب اقوله استشارتني ؟؟ وطلبت مني بطاقة سوا تقول عندها مشكلة عائليه , ولا اعرف كيف عرفت رقمي , وأحضرت لها البطاقة , وتعرف المرأة اللي تتصل برجل ما تعرفه, وتطلب بطاقة وتوصف البيت , وتقول لي أربع بنات الواحد ما يثق فيها الدنيا تبي والآخرة تبي, وأنا بريت ذمتي وخبرتك , ولتأكيد كلامي واني صادق وأمين ,يدها فيها ثرث خواتم ,والحل معروف الطلاق حول من أول الدرجة, الدنيا تبي والآخرة تبي ,,,,, الغريبة الرجال ما تاب أشوف معه , بعد بعد , ثــــلاث جوالات ،،،،،

[ـالتُفاحة الورديّة]

ما اظن اكيد القصة حقيقية ؟؟؟؟؟؟؟؟

(ان كيدهن عظيم )

[عبدالله الرقيعي]

سؤالي لك هي محرم لك وانت تكلمه وتعطية الحلول

[مهم للغايه]

اقتباس المشاركة الأساسية كتبها عبدالله الرقيعي سؤالي لك هي محرم لك وانت تكلمه وتعطية الحلول

احسنت ترى الحين فيه موضه من البعض يقول اتصلت علي فلانه زوجة فلان تشتكي ولا اتصلت علي فتاة تشتكي وانا للامانه اعتبرها دعايه مبطنه للنساء بالاتصال عليهم حتى لو انك اكبر مصلح لايجوز لك بالتخاطب مع امراءه الا بوجود محرم سواء والدها ولا احد اخوتها ولا زوجها بس بعضهم يحب ان يجيز لنفسه مالا يجيزه لغيره ( عش رجبا ترى عجبا )

[California]

حسافه وقتي لقرايت الموضووع
لاتوجد فيه الحقيقه بتاتا البته

فـكيف بأمرآءه لديها 4 بنات تتصل عليك انت وتقول تعال عطن شريحه

ياخي حدث العاقل بما يعقل
كـفى بآآحلآم آليـقظه

[القوة العاشرة 55055]

معقولة

[المدلهم]

ههههههههههههه واصل إبداعك يا فؤاد

نفس المقدمة لكل مواضيعك . س: كم مرة ذكر المؤلف الدنيا تبي والآخرة تبي ( أو النزول من أول الدرج ولا من آخره )؟
ننتظر مواضيعك بفارغ الصبر

[بنت السفير]

للأسف ضيعت من وقتي 5 دقائق...

[فتاه ابكت القمر]

مشكوررررررررررررر ع الموضوع يعطيك العافيه


دمت بود

[نالا]

واااو اوجعتن عيوني وانا اقرا

وآخرته ثلاث خواتم وثلاث جوالات



المفرح انك استشاااري جيـد
لازم يفتحون لك المنتدى قسم خاص للاستشاره
من شان الاعضاء يستشيروووك

[أحب الشتاء]

واضح ان القصه من نسج الخيال بس لايمنع ان نستفيد منها

فلتحذر النساء اشد الحذر من تساهل الكلام مع الرجال حتى مع المشايخ

[يعجبني تفكيري]

والقصه الثانيه متى تكتبه"لا تبطي"خخخخ

[إليـن اليـوم..!]

8


حتى اانا بستشيرك


لو انا من زوجها الله اعلم وش بسوي فيك< بس ستر بك

[ودي أشارك]

الدنيا تبي والاخره تبي