[Leader.20]

*


ياعااااااااالم قسم راحت حياتي اوراق صغيره . جيوبي مليانه .. كل ظهريه وبعد صلاة العشا .

طيب يامرتي العزيزه فيه شي اسمه دمج .. رئاسة تعليم البنات بكبرها دمجوها .. ما تمدجين انتي ورقة مقاضي الظهر مع ورقة مقاضي الليل ونفتك من هالقلق اليومي ..


المشكله وشي . المشكله اني اقرا طلبات مالها داعي بس مجبور اجيبها . دراق / طماط/ بقسماط/ برغل /

واخرتها مانلقا على السفره الا كبسه وان سوينا نفوسنا كنديين حطينا فجل هههههههههههههه طيب هالبقسماط والصولجان وبقية الاسامي الصعبه لمين??

طبعاً لخواتك اذا جوا يوم الربوع وانا ياغافل لك الله إذا طقني الجوع مع ابوشايع وابوعبدالله وان سوينا فيها فجور وكااااااش ارسلنا حنيف يجيب بروستد وتهاوشنا على الثوم ههههههههه والمدام مع خواتها يتنعمون من خيري ومن تعبي ومطامري في البقاله مع ورقة المقاضي

مره سويت فيها ذكي وبعد ماتقضيت لمرتي يوم الربوع قلت بروح للشباب .وأنا أتسذب . ومير أطب على المدام بدري واحصل خواتها عندها وتوهم حاطين العشا ... يقلع أم الكااااارثه اخيرا شفت ورقة المقاضي صدق .. لقيتهم حاطين سفره بدايتها في المقلط ونهايتها عند ساكو اللي ورا حلبان الى درجة انهن حاطات سيكل جنب السفره علشان اذا وحده بغت صحن من طرف السفره يمديها تجيبه ..

والقا لوحه مكتوب عليها ( السلطه 60 كلم ) ههههههههه قسسسسم بالله مافيه شي ماهوب على السفره
المشكله ان مرتي تعاملني على أني ابلة تدبير وعندي خبره وانا والله ما افرق بين الملوخيه والكزبره تقوم تكتب لي مرّه في الورقه كيلو كنافه كذابه هههههههههههه قسم تروعت وش ذي الكنافه الكذابه , الحين انا اعرف الصادقه يوم اعرف الكذابه ??

واروح لم البقاله ما لقيتها اتصلت بصديق قال رح لمحل حلويات .. واروح وانسى اسمها واقول لراعي المحل عطني كنافه نصابه هههههههههههه ناظرني بأحتقار وعطاني اشكل بدل مايعطيني كنافه .. في الاخير رحت عنده وقلت يا اخي معليش انا نسيت اسمها بس انها كنافه ما هيب مضبوطه يعني كنافه كافره وبتروح النار ضحك قال قصدك كنافه كذابه قلت ايييييييييه هذي وصلت خير ابي منها كيلو ..

زحمه وكنافه كذابه واخرتها قطعة خبز لاعبين علينا وحاطين عليها شيره هههههههههه ..

ھٍھَھٍھَھٍھَھٍھَھٍھَھٍھَھٍھَھٍھَھٍھَھٍھَھٍھَھٍ

*

وسلامتكم


م,,ن,,ق,,و,,ل
*

[وزير]

ههههههههههههههه شينه هههههههههههههه زينه

[~ [ جناح ] ~]

To Arrseef ,
و حيّاك الله بـ قسمنا الفخم

[حربي عابر دربي]

ما شاء الله اثرك تدل بالرياض

طيب ليش تتزوج ( ايقالي مسوي فيها واقعي وفاهم )

والله طلبات الحريم نادر مايستفيد منها الرجال كله تروح للغير

غير الملابس والاثاث والذهب والهدايا تقل متزوجات الوليد بن طلال

عمومآ حريمنا عندهن فيروس الاقتصاد وحسن التدبير

اما حنا يالرجال الشنبات نطلع من الصبح للعصر نكد ونتهاوش ابدواماتنا ورفعت ضغط وسكر ونهاية الشهر اذا جاء الراتب ذهب هبائآ منثورا والله يالله يمديك تسدد فاتورة جوالك الا الرصيد خلص

ولا واحمد ربك تراء باقي اغراض وافلانه جابت ولد وافلانه تبي تعرس وابجيب له هدية

صرنا صبيان عند الحريم واعيالهن

حنا نكد وهن يلهفن ماورانا ودوننا

وما جابه الله اكله عبدالله

لاكن انا مثلك والله ما اعرف شي ادهدر راسي واشخمط على الي شريت لقيت كل الورقة شخاميط في شخاميط

واذا جيت ابحاسب امسك راسك ارقام فلكية وش السوات يا ابو الشباب

ما اقول الا ربك يعين

[عاشق بريدةS]

هههههههه
هذي مُعنانكم!!
تهقوـوـون أاجل ماأعرس!

عاد منحين الأهل مايقصرونـ وعسانا نتحملـ



ويبقى السؤالـ اللي موجع(ن) رآســـي
وعجزتـ القى له جوااااب

إلى متى هالمقاضي بتخلص؟؟؟؟؟

[عاشق بريداوي]

هععع

اكيد
ماتحبك

[الـعـابـر]

توي اشوف الموضوع
و على طاري كتابة المقاضي
حنا الحين بالقرن الواحد و العشرين وكل شيء يتم عن طريق تكنولوجيا ومن ضمن هالتكنولوجيا الرسائل النصية
ومع ذلك مازال اغلب الحريم و خاصة المثقفات تكتب مقاضيها بورقة كبيرة و كأنه صك محكمه من ناحية الحجم
بالموضوع جزء اخر لم اتطرق له لأن هذا الجزء يفقع مرارتي لأنك تجيب هالاشياء بمبالغ و قدرها و اخرتها لا طعم ولا شبع

[أبو رُبـــــى]

اقتباس إلى متى هالمقاضي بتخلص؟؟؟؟؟

أنا بجاوب على هالسؤال ..

ج .. إذا دخلت اللحد ..

ليدر .. والله إني قلت ولد الذينا يتسذب علينا يقول ما أعرست وأنا أقرأ
أدور رد قوي أبرد عليك وحمدزن عليك .. وآخر شيء ( م ن ق و ل ) ..

لكن شف بالنسبة لي أنا أجيب اللي هم يبون وهنهم يحطون لي شي غير الرز واللحمة والماء والشاهي ..

بس أهم شي لا ينقطع الرز ونبلش لأني مالي بهالمأكولات الغريبة وهذي كلها غزو <<

لكن خل عنك والله يا كبسة رز بقدر ( تيفال ) تسوى كل هالأمراض اللي يأكلونها ..

[مواطن قصيمي]

الله يعين
يالله تجيب المره والرزق يجي معها

..

[crcr]

اقتباس يالله تجيب المره والرزق يجي معها

آميييييييييييييييييييييييييييييييييييييييييييييييي يييييييييييييييييييييييييييييييين ذ1

[عين الذئب]

منقول هااااااااا وساعة اتثاوب من الكلام وصار منقول
هههههههههههههههههههه لا بس كنت ابي اقولك مبروك الزواج خخخخخخ
لا الحمدلله اني مو متزوج ولا كان انكرفت
ياخي الحريم بلاويهم ما تخلص سو كذا ويجيب كذا الله يعيننا بس

[Leader.20]

اقتباس المشاركة الأساسية كتبها من الجماعة توي اشوف الموضوع و على طاري كتابة المقاضي حنا الحين بالقرن الواحد و العشرين وكل شيء يتم عن طريق تكنولوجيا ومن ضمن هالتكنولوجيا الرسائل النصية ومع ذلك مازال اغلب الحريم و خاصة المثقفات تكتب مقاضيها بورقة كبيرة و كأنه صك محكمه من ناحية الحجم بالموضوع جزء اخر لم اتطرق له لأن هذا الجزء يفقع مرارتي لأنك تجيب هالاشياء بمبالغ و قدرها و اخرتها لا طعم ولا شبع

توك تشوف الموضوع وألا تغلى ما تبي ترد على مواضيعي

مير هين سنعك عندي إن شاء الله

ترى من تغلى يخلى

شف كل العالم يتطورون ألا الحريم إذا كزتك لم شغله تبدى تصير طنيبه مادري وراه

شرفت الموزوع يا خلف العربان كلهم

اقتباس المشاركة الأساسية كتبها أبو رُبـــــى أنا بجاوب على هالسؤال .. ج .. إذا دخلت اللحد .. ليدر .. والله إني قلت ولد الذينا يتسذب علينا يقول ما أعرست وأنا أقرأ أدور رد قوي أبرد عليك وحمدزن عليك .. وآخر شيء ( م ن ق و ل ) .. لكن شف بالنسبة لي أنا أجيب اللي هم يبون وهنهم يحطون لي شي غير الرز واللحمة والماء والشاهي .. بس أهم شي لا ينقطع الرز ونبلش لأني مالي بهالمأكولات الغريبة وهذي كلها غزو << لكن خل عنك والله يا كبسة رز بقدر ( تيفال ) تسوى كل هالأمراض اللي يأكلونها ..

ههههههههههههه حلوه إذا دخلت اللحد والله انك صادز ,,

**

ياخي قايلك منذو مبطي أني ما أعرست بس ماش مانتب مصدقن والعرس مخلينه لكم يالشيبان

وش نبي بالعرس غثاء وكرف ليل ونهار , خلك عند المعزبه تكرفك كرف وهنك ترد تسلمه وحده بس

والله ان يجيك الكعب يمشي الفين

ما غير تشيطر وتطير عيونك علينا

*

لكن سالفة أنهم ما يحطون لك غير الرز واللحم كثر لي منها

أجل وشوله طالبن كباب ومشاوي ومادري وشو ذاك اليوم

**

لا عمرك تتسذب مرتن ثانية