[عزتي في عفتي]

الأم : مزنوووه امشي يللااااه.. اخوك اعلق بالبوري ودريوا كل الجيران اننا بنروح

مزنه (وهي تلبس عباته) : ايييييييييييييه وه اعوذ لله الوحده ما تلّبس براحه ما ادري وشوله العجله كود لازم اكمل باقي مكياجي هناك

(ام مزنه ومزنه كانوا مستعدين لإجتماع العائله الكبير ولهم شهر وهم يعدون وينذرون لـ هالإجتماع )

(ومزنه تبلغ من العمر 20 سنه, وكانت كاشخه, وينه عند روحه وما ينقصه شي ماشاء الله)

(دخلت ام مزنه ومزنه على الحظور وبدن يسلمن وهاك يا تجغيف وتمطيخ

,وناس من زمان ماشافوا مزنه عقب يوم هي بزر )

وكل من وادز بوجه مزنه من هالعجز قال: هاه ما رزقتس الله
مزنه (وهي مستحيه): لا ياخاله
هي : عسى الله يرفعتس يا بنيتي ودتس البنت ما تقعد على طول تزوج ,اكره ما اشوف البنت لا ابطت ما اعرست
مزنه (وقلبه يعتصر أسى من تحطيمات الخاله): يا خاله توي صغيره ما بعد تميت العشرين
هي : ولو ولو يوم انا كبرتس وانا معي دحيم يخطّي, وسليّم يحبّي,وعزيّز بكتفي,وعبيّد ببطني
< تهقون صادزه

مزنه : ما جاء الصالح يا خاله
هي: يا بنيتي مت وانا اكز الخطاطيب لكم وانتي تعيين

مزنه (حامت تسبده قوه) :.........
انتهى الحوار ..

الحين ليش لاطرت على العجز ابلشن بالبنات , ألا يبن يزوجنهن
ولا لاقالن عسى الله رفعتس تقهر هالدعوه ذي
ليش طايحات حنا بالأرض؟؟!

ليتهم يدعون الخلق للخالق وما يبلشون بالخلق
(صراحه هالموقف من واقع تجربه نقلته لكم ,واللي كانت بدور مزنه للحين تعاني من إضطرابات نفسيه من كلمات الخاله
وهذانا نحاول نطلعه من هالإضطرابات لأنه صارت تعتبر نفسه عانس وكبيره وفاته قطار الزواج وتقول ما يمدين اجيب بزارين مثل الخاله ام دحيم

)

مع السلامه يا اخياتي
- -

[* شــــذى *]

,,
ههههههههه
صرآآحة موضوعتس بالصميم
صدز صدز عآد وش اللي محرق رز هالعجز بلشات ببنات خلق الله
وحدة من هالعجز أعرفه والله ياهي تبلش بالبنات اللي ما أعرسن تقولين هي اللي بتدفع المهر والقصر وكلش ,, كل سواليفه عن فلانة وعلانة ,,هي أعرست ,,
هي وش بلاهـ ما أعرست ,, تصدقين عاد مرة ولده واقف عند باب الكلية ينتظر أخته وهي تناظر البنات ماشاء الله وحدة تطلع وحدة تدخل ,, قالت / ياوليدي الحين كل اللي بالكلية ما أعرسن ووويــليــي وش يبي ينجزهن .....هههههه بلشت بهن ,,
,,
قسم تحسين إنتس عجوز من نظراتهن وهمساتهن , وتروحين تحسبين عمرتس ولاتس صغيرة كل اللي بعمرتس ما أعرسن ,,
ولآ لا قالن أنا معرسة وعمري ......طعش , ولا أنا يوم أجيب بتسري وأنا كبرتس
( وهي تشير إلى أصغر بنت بالقوم هه ) خرطييييي خرطييي بس تدري إننا ما ندري مته معرسه , قالت خل أولف خخخخخ
,,
ومشكورة ع الموضوع النآآآآيس اللي يحمي التسبد

[جنَــاحُ حُلمْ]

يآحبيل قلوبهن والله
الله يجعلهن بالجنه ولايحرمنآ دعوآاتهن
يالغاليه والله أن دعوآت العجز وحتسيهن عليتس من قلب وخوفهن بعد عليكم
ولاتبين دعوه من بعض الحريم اللهم لاريآء من تحت لتحت المقصد ونيته شينه يوم تجدع عليتس

كثير تصير معي بس أنآ من النوع اللي أرد بأمييين أميييين همن يسكتن ولاأبعدت بدن يهرجن

الله يخليهن لنآآآ ويوفق بنيآت المسلمين

[قيود من حرير]

يمدين اجيب بزارين مثل الخاله ام دحيم ؟

ايه يمديك تجبين أحس منها
ههههههههههههه
ياحبيل هالعجز صراحة أحس انهم مايقصدون شي بس مايعرفون يوصلون المعلومه
كويس <<<يجروحون بعض الأيام

لك يسلمووووو على الموضوع

[هايين]

سلمي على مزنه
وقولي الرزق بيد الله
والعنوسه مالها عمر
والعيال لو تعرس وعمرها 40 يمديها تجيب 4 نعمه
وانصحيها انها تكمل تعليمها وتهتم بمستقبلها
والعرس نصيب اذا جا وقته تم
الله يرزقها الخيره بكل حياتها

..

[ماءالسماء]

مير العجز ماعليهن شرهة

البلا لا جتس وحدة صغيرة ومتعلمة ولاجامعية أحيانا وعارفة الطبخة

وتسأل نفس الأسئلة وماتخلي أحد بحاله

هذا أعرس ولا لا ؟ وهذي حملت ولا للحين ؟

مدري وش مشقيهم بخلق الله يلاحقونهم

والله لاسمعتهم أتقرف وأنا مالي دخل

بس الله يعين عليهم وعلى كثرة قرقهم

تسلمين على الموضوع اللي دايما بخاطري ومشغلن بالي

[همس الشمس]

طنش تعش ماورا الناس الا ادجه لاكن لا اعمم فبعضهم يقولون هذه الدعوات من حسن نيه وشي بخاطرهم فخليهم ع راحتهم وربي كلن بيرزقه))))

[نجود]

لا تبعدين فيه بزران يقولو خواتك اعرسن وراه ماعرستي اختي ردت قالت توه صغيره بس تبي تفتك من البزران

[ـالتُفاحة الورديّة]

صاااااااازه انقهر من اللي تدعي لي بالعرس عسى الله يخليلي امي وابوي قاعده فوق راسك انا

لا ولصار كل مجتمعك معرسات اللي كبرك يحسبونك كبيره وانا توي عمري 22 << ريضه الاخت

وش دخلي بهن اللي تزوجن وهن صغار

مشكوره ياختي على الموضوع اللي باااط جبدي مثل ماقالوا الكويتيين

[ٳثمڍ فرζ]

وينهن العجز ذولي اخليهن يدعن لي ,
من يحصل له دعوه ياناس ولابعد بالعرس ’,
عز الطلب ,


طعيمات هالعجز استاننس على شطحاتهن ’,
الله لايحرمنا منهن مع انه اغلب عجزنا انقرضن ’,

[ام نايف]

ههههه موضوع مشاهد من قبل العازبات

حنا ماعندنا عجز منقرضات >> الله يرحمهن ماتن قبل مايدعن لي

بس وشسمه مثلا بعرس اختس اللي اكبر منتس هي اللي صتز يفشلن كلن يويدز بـ وجهي ويقول : عقبالتس

فوق رؤسكم انا

اقتباس المشاركة الأساسية كتبها همس الشمس طنش تعش ماورا الناس الا ادجه لاكن لا اعمم فبعضهم يقولون هذه الدعوات من حسن نيه وشي بخاطرهم فخليهم ع راحتهم وربي كلن بيرزقه))))

لا ياحبيلتس مانبي خرطن بالخشه يانبي أفعال ولا تأكل تبن >> هجتبه


شموسه وقسم اني احبتس بـ الله

[رمآدآ~|]

اقتباس المشاركة الأساسية كتبها انكسار الم وينهن العجز ذولي اخليهن يدعن لي , من يحصل له دعوه ياناس ولابعد بالعرس ’, عز الطلب , طعيمات هالعجز استاننس على شطحاتهن ’, الله لايحرمنا منهن مع انه اغلب عجزنا انقرضن ’,

انتي مته تبي تعقلين
مير ذكرتين مره جت اختي بالابتدائي قالت لي انتي طالع لتس ظرس
العقل
ومره بعرس اختي يوم انا بـ٤ابتدائي ايقالي كااشخه اوزع حلى وتسذا يعني قالت لي عمتي ورااتس ماتعرسين يوم انا كبرتس باقي شهرين ع عرسي


ياشين تسذا حتى بعض البنات يستحن ومنحينهن مستحيات وتجي ذي تكمل الناقص
الله يرزقكن رجال صالحين ع قولة مزنه

[يعجبني تفكيري]

هههههههههههههههههههه
ياحبيل العجز اتمنى عندنا عجز

قاعده على راسه العجيز

ياحبيلتس انتي وسويلفاتس

[قـــصـــيـــة]

*



هالموضوع من بركات الآراضي

مشكورة عزتي في عفتي