[رحيل ,,]

السلام عليكم ورحمة الله وبركاته ياأحلى بنوتات ..


مجموعة طبخات .. أصور وأنسى ..

وأتفرغ لهن قبل كم يوم .. وحسب الفضوة أصغر وأعدل بالصور ..

والله إن الطبخ أسهل من التعديل عليهن والتصغير ..




بسم الله ..



الــكـــبـــســـة بالكـــاتم ..



طبعا واحد من أخواني راعي صيد ماصرت طباخه بنظره إلا يوم عرفت شلون أكبس اللحم مع الرز بالكاتم ؟
نقطع بصل وطماط ونكشنه بزيت وبهارت وملح وفلفل أخضر وليمون أسود بعدين نحط شوي ماء ونحط معه اللحمة ونتركه شوي بعدين نزود الماء لين النص ونغطي الكاتم ونحسب له تقريبا نص ساعة أو ساعة إلا ربع على حسب نوع اللحمة

بعده نغسل الرز ، وإذا خلص وقت اللحمة نفتح غطا الكاتم ونكب الرز ، الصور تحكي .










هنا آخر شي
















>>

[رحيل ,,]

كرات اليوسفي ..




طبعا الحشو أنا أستخدمت ٢ وحده فلافل والثانية حشوة الشاورما
نجيب توست منزوع الحواف ونغمسه بحليب بعدين تفردينه بيدك وتجيبين الحشوه وتحطينه فوق التوست ومع الزوايا حاولي تغطين الحشوه لين تصير على شكل كورة ،
بعدين جيبي الكورة ودحرجيه على البقسماط وإذا خلصت الكمية أقليهن بالزيت .















وإذا خلصتي من القلي جيبي كل كورة وقطعيه مثل شكل البرتقالة بعدين تجيبين صوص وتصبينه فوقه وتحطين كم ورقة بقدونس وتوزعينه بطبق التقديم ..


















>>

[رحيل ,,]

السمبوسة الحلوة ..



تعجنين أي عجينة أهم شي قبل ماتغسلين يدك من العجن تحطين فوق العجينة زيت وتعجنين من جديد لين تماسك وأبدي ألعبي بالعجينة أصبخي به صبخ خمس دقايق لين تكون لينه وأتركيه نص ساعة وعقبه أستخدميه

الصور تحكي







وإذا طلعتيه من الزيت رشي فوقه سكر مطحون وبالعافية .
صلحته مره وبلشت بدو أخواني يطلبونه ، يروح الوقت وأنتي تصلحينه ماتخلص بسمحة نفس .














>>

[رحيل ,,]

صينية الزهرة والخضار ..




نجيب بطاطس وباذنجان ونقطعه مربعات ونقليهن بالزيت _
والزهرة تقطعينه كبار وسط اللي تبين ، وأقلي بالزيت ،
تحطينهن بصينية وفوقه حطي الصوص ( تحطين بالخلاط قشطة وجبن وطحينة سايلة )
وتدخلينه الفرن من تحت .















>>

[رحيل ,,]

مكرونة الباشمل طريقتي ..

_ نسلق مكرونة سباقتي بماء وماجي
_ نسوي حشوة لحم مفروم _ أو دجاج منتوف أو مفروم أو حشوة شاورما .
_ الصلصة البيضاء ( دقيق _ حليب _ زيت _ ملح _ سكر _ ماء ، لازم تكون غليظة شوي )
نجيب صينية بايركس ونحط أكثر من نص المكرونة بعدين نحط من الصلصة البيضاء بعدين نحط الحشوة ونحط فوقه صلصة بيضاء بعدين نحط باقي المكرونة ونحط فوقه الصلصة الباقية و( نسمته تسميت ) وآخر شي نخفق بيضة وحدة ونحطه فوق الصلصة وندخله الفرن من فوق . ~>> السالفة بعدين ونحط وفوق
وهذا الشكل النهائي .

>>

[رحيل ,,]

البيتزا ..

العجينة نفس عجينة السمبوسة الحلوة .
الصلصة تسوينه بالخلاط ( طماطم _ بصل _ ماء _ صلصة _ بهارات ) بعدين نحط اللي بالخلاط بقدر ونخليه يغلي على النار لين يكون غليظ شوي ، بعدين تجيبين العجين وبراحتك تحطينه بصينية كبيرة أو دوائر صغيرة وتحطين الصلصة بعدين زيتون أسود _ ذرة _ فلفل رومي _ جبن موزاريلا .
وتدخلينه الفرن من تحت .

>>

[رحيل ,,]

صينية التوست ..

تجيبين توست منزوع الحواف وتصفين طبقة وحدة بصينية مستطيلة ..
تخلطين مايونيز وجبن سايل مع كمية كثيرة من البقدونس وتدهنين نص الخلطة فوق التوست ..
بعدين تحطين طبقة ثانية توست منزوع الحواف ..
ونحط فوقه باقي الخلطه ونوزع عليه زيتون أسود وذره وجبن موزاريلا ..
وندخله الفرن من تحت شوووي .. ومن فوق ليت يتشقر شوي ..
>> هذي مزينته ومصورته يوم عرفه

>>

[رحيل ,,]

حلى كرواسان الجونيور .. >> حلى العجااازين ..

سهل مرة وينفع وقت الزنقات ..

تجيبين كرواسان جونيور وتصفينه بصينية .. وتجيبين نستله وتدورينه فوقه . بعدين الهيرشي .. وتجيبين قرفه مطحونه وترشينه .. وبس ..

وبس .. والسلااااااام ..

. نقطة أنتهى

[نواااااره]

تسلم ايدينكّّّ

رائع ماشاااااااااء الله

[أنـ بريداويه ــا]

ماشاء الله تبارك الرحمن
اما كبستك عذااااب شكلها مغررري
بجد سنعه ,,كثير والله اللي عجبني كرات التوست بالدجاج ومعكرونه بالبشاميل وكل ابو شي ذذ

تسلم دياتك يالغلا..

[عآشقة قسمهآ ..]

~

ماشاء الله ابداع والله يستاهل التثبيت لخمس ايام ..
حرام عليك جوعانة ذذ

[سراج اللـيل]

ماشاءالله إإإإبدااااع وحتى طريقة عرض الموضوع مرتبة وحلوة وتشهي تبارك الله..
تسلم الأيادي رحيل تقييمي لك وتسلم الأيادي..

[هايين]

ماشاء الله تبارك الله
كله على بعضه مدهش
تسلم الايادي
..

[الحبيبة]

اطباق حلووووووة ولذيذة وسهلة في نفس الوقت
يعطيك العافية على جهودك ولمساتك الحلوةةة
ننتظرك بفارغ الصبر