[ajmn]

يقول صاحبنا

اتصل فيني عامل المزرعة

يقول فيه نفر بالمزرعة يسرق كيابل و حديد

و عبوا سيارتين

و إني مسكتهم

هالكلام تقريبا العصر

قال كفو والله هذاني جاي بالطريق

يقول اتصلت على شرطة بريدة

قلت لهم السالفة قالوا : مزرعتك مهيب في نطاقنا

قلت أجل من نطاقه قالوا المحافظة الفلانية

اتصلت على المحافظة قالوا المزرعة مهيب في نطاقنا

قلت أجل وين قالوا المحافظة الفلانية جنبنا

و اتصل على المحافظة الفلانية قالوا مهيب تبعنا

شف المحافظة الفلانية

ومن محافظة لمركز و آخر اتصال قالوا انت تبع بريدة هههههههه

يقول جا وقت العشا و اتصل العامل قال تأخرت علي بتعشى مع عيالي

قلت وأنا بعد عندي ضيوف

يقول واروح لهم ( السروقين ) و اقول العذر والسموحة قطعناكم عن شغلكم

و سامحونا لا هنتوا و خوذوا الأغراض اللي سرقتوا تجيب لكم رزق خخخخخ

[خمائل مختاله]

اقرا القصه الاشنع من قصتك..

شخص كان يعمر ماخلصت عمارته ورايح يشيك عليها..

والا يلاقي بنقالي يفك الكيبل..

طبعا مسكه..ومن القهر اللي به كسر يد الحرامي..

تنفيذ لشرع الله به ..على حد كلامه..

يقول عارف اذا رحت به للشرطه ماراح يعاقبونه..

طبعا يوم خلص ..من العقوبه..اتصل على الشرطه..

عاد شف ردهم..قالوا تروح تعالج يد الحرامي..

لان مو انت الشخص المفوض لعقوبته..

شف القهر عاد.. حرامي يراعى مشاعره..

والشخص اللي له الحق ينزع منه..

عش رجبا ترى عجبا..

[حفيد اعقيل]

.
.

هذا واحدٍ الله يسلمك لقى له حرامي داخلن على بيته يبي براميل
الغاز , قال له راع البيت بعد مامسكه وش تبي بهن قال أببيعهن
قال له بكم تبيعهن قال بـ200ريال قال له خذ ميتين وخلهن .

تعليق راع البيت يقول أبفتك من شره , لو بلغت عنه وطلع يبي
يوذين ولا أحد فاكن منه وعطيته الميتين لغدين أسلم منه
لدينا مهازل أمنية
.
.

[قائد المجد]

الشكوى على الله ‏.‏ ‏,‏ ‏.‏ ‏,‏ ‏.

[محمد الرشودي]

هههههههه !! عش عجب ترى رجب <<< كل شيء أصبح بالمقلوب ! << مثل المقلوبة بالضبط ! بس بدون سبانخ << السبانخ مهب من نطاق المقلوبة تررررى !!

أجل أقولكم قصتين حدثن لي ومعي شخصياً !! أنا يعني !!

الأولى :
مرة من المرات كنت في طريق الخدمة في الدائري الشمالي وبالتحديد الإشارة الأخيرة في طريق الطرفية قبل الكبري ، واتجهت ناحية مخطط النخيل ، وأنا في طريق الخدمة وبالمنحدر شفت ماسورة مياة من محطة التغذية تقريبا 4 بوصة ويمكن أكبر ! منفجرة و الماء ملئ المكان وصارت بحيرة ! وكانت الساعة 1 ليلا تقريبا ، أتصلت طبعا على من !!؟ على الشرطة !! ما كان عندي رقم طوارئ المصلحة أو الأمانة ، رد العمليات قال مهب شغلنا أتصل على عمليات الأمانة قلت طيب ! وأخذ الرقم وأدق و يرد علي واحد من زود أنه ينفس بالسماعة وشكله توه صاحي من النوم ! أحس أن طبلة أذني بدت ترن ! قال يا أخي أنت أول مره تشوف ماسورة منفجره !!!! هههههههههه قلت لا ياشيخ !! قال هذا مب شغلنا دق على المصلحة !! قلت مواطن وحضاري جدا بتحمل !! وبصبر هذا ماء ! وحرام يهدر بها الطريقة !! و أدق على المصلحة ومرة مرتين ثلاااث ولا أحد يرد ! وبعد نص ساعة تقريبا رد !! ياسلااام و أقوله بسرعة ألحقوا الماء ياااااااشيخ مب منطق هالكلام !! قال بكل بروووود هذا خط مياه تابع للمواصلات وحنا مالنا علاقة فيه !! طيب عطن رقمهم قال مهب معي دق على 905 !! << الرقم الوحيد اللي يعرفه شكله !! وأدق على 905 وأخذ الرقم و أدق وأدق ولكن بدووون فائدة !! ولا أحد يرد و استمر الماء بوضعه حتى أني صليت الفجر ورجعت من نفس الطريق وهو على وضعه !!

الثانية :
قصتي الثانية وحدثت قبل بضع أسابيع !! وهاذي القصة أحتاج لساعات طوال عشان أقدر أروي لكم فصول المعاناة النفسية و الجسدية فيها !! قصة تكتب بدماء الشرايين و العروق النابضة !!

كنت بالرياض وبالتحديد في حي السليمانية و كان يوم خميس رجعت من السوق تقريبا الساعة 2 بالليل ووقفت سيارتي بمواقف الأجنحة الفندقية على طريق صلاح الدين ، و كان معي اللاب توب جنبي و معي بشنطة السيارة ( شنطة ) فيها كل أوراقي ومستنداتي الشخصية أبتداء من شهادة الابتدائي وصولا الى جواز سفري وشهادتي العلمية وشهادات دورات ورخص دولية و عقود استثمار و صكوك أراضي و سندات قبض واستلام و وفواتير ودافتر شيكات وأختام و سجلات تجارية ومذكرات مراجعة بوزارة التجارة وهيئة الاتصالات وجميع متعلقاتي الشخصية بداخل تلك الشنطة ! وما أبالغ وأقدر القيمة الأسمية لكل محتوياتها بـ 3 مليون ريــال !! أراد الله عزوجل بحكمته وحسن تقديره وبقدره سبحانه أن أنساها وما أنزله معي !! مع أنه كانت ما تفارق يدي ! لكن القدر سبق كل شيء !! ونسيته بشنطة السيارة !!
بأختصار شديد ، خرجت من السكن متجه الى سيارتي بعد صلاة الجمعة وأول شيء سويته فتحت الشنطة و شفت الغطا العلوي مرفوع بشكل أثار أنتباهي و رفعت راسي بعد أن استفقت وقلبي يخفق خوفا من أني ما أشوف الشنطة بمكانه وكان بالفعل !! سرقت هي واسبير السيارة و قطع هارد وير متنوعة وأغراض لمكتبي أخرى !! طبعا أنا أول كلمة ألهمن عزوجل أني أقوله لا حولا ولا قوة إلا بالله و دارت بي الدنيا و لا حسيت إلا أنا بين أيدي واحد من الماره !!! قمت واستجمعت قواي وحصلت السيارة من جوه ملعوب فيها ! ومفتحه الادراج و المثلث الخلفي مكسور ! والزجاج متناثر ومالي المرتبة الخلفية ! وطلبت من موظف الاستقبال اللي معضد لي طبعا !! أنه يتصل على الشرطة وليته ما أتصل !!!!!!!!!!!! جاء لمي يقول أن العمليات يقولون خله يروح لمقر شرطة السليمانية وهنا يسجل بلااغ !! وأدق من جوالي ويرد العمليات قلت أبي الادلة الجنائية و أبي الشرطة تجي هنا اللي راح مهب شوي !! قال ما نقدر نسوي لك شيء و بزيدك من الشعر بيت ! 30 سيارة في نفس الموقع تعرضت للسرقة في ذيك الليلة !!! بالله عليك !!؟ وين أنتم طيب ؟!! قال والله هذا اللي جاك !! وأشيل نفسي و أتغصب الروحه و أطلع للقسم وياليتني مارررحت !! وياليتني ما شفت شيء !! ويالتني رجعت و ضربت أكف الندم و الحسره ورفعتهن للباري وحده سبحانه وتحسبت عليهم !! شيء لا يمكن لعاقل أن يصفه !! تخبط يفوق كل التقديرات !!! ما علينا !! وش سيارتك يالحبيب أوريون 2011 بيضاء فل كامل !! و تراه بنظام الملاحة بعد !! تدروووون وش قال ( جندي ) الأدلة الجنائية ؟!!!!!!!!!؟ شلون كنت وواااااااااااقف !!؟ عقبه أسكت و قلت يالغالي عطن ورقه للجهات المعنية عشان أثبت حالة السرقة وما أبي شيء جزاك الله خير !! قال خلاص بكرى تعال الصباح للضباط وهو يعطيك أياه ! وأروح للضابط من بكرى وبعد روحه وجيه وفوق وتحت ! حولن على قسم و فيه فرد قدامه مليون فرد !! بأنواع وأشكال القضايا والبلاغات !! ويوم وصل دوري بعد قائمة انتظار طويلة عريضة ! قال لي وش تبي !!؟ << كذا !! قلت أبد طال عمرك أبي ورقة أو محضر سرقة تسجل فيها جميع مستنداتي حتى أراجع فيها الجهات المعنية وخصوصا الجوازات و كتابة العدل و التجارة و و و ووو .............. قال لي أنت من جدك !!؟ حنا ما نعطيك الا للجوازات وبس الباقي تصرف معهم بمعرفتك !! قلت يالغالي وزارة التجارة تبي إعلان عشان علامة تجارية لي سنة ونص وأنا أتابعه لمدة لا تقل عن 3 شهور أو أكثر والعدل و غيره إذا ما أثبت لهم السرقة !!؟ أنت ناوي تذبحن زود على اللي بي !! قال ما لي شغل روح شوف الضابط !! قلت أوكي ! وماله !! نروح للضابط وأدخل على 3 ستار ! وأقول طال عمرك القصة كذا وكذا !! وش كان رررد تتوقعوووووووون !!!!!!!!!!!! قال يا أخي فيه أحد عاقل يحط مثل كذا بالسيارررررة !!!!!!!!! وتحتمي كبدي ورديت عليه بمرد ما أبي أكررره لأني كنت ذاك اليوم بقمة الانهيار و التأثر النفسي !! وطلعت من عنده بعد ما ارتفع الصوت وبعد شد أعصاب و كلام ماكان المفروض أنه ينقال !! لكن اللي حصل حصل !!

<< أحس أنه أحتميت كبدي وأنا أكتب !! لكن الله يعوضن خير !! ويرد علي ضالتي و أدعولي !!

[~ [ جناح ] ~]

على طاري الإنفلات الأمني /:
هذا رجال يقول : إني طلعت من الجوف متوجه لـ بريدة و أنا بالخط رن جوالي 3 مرات (رسايل) , فـ يصف حاله بـ أنه ما يعرف يقرأ الرسايل , و ثلاث ورى بعض يعني الدعوى به بلاء مهب معقولة تسذا , و تضيق به الدنيا و يحتري أحد يسأله عن الرسايل , و يسخر له الله شابين بـ محطة , يقول و أشوف لي 200ريال و أحطه بـ مخباتي الفوقي و أنزل بالجوال لمّهم و أسلم عليهم ,
و أسألهم : تعرفون تقرأون يا عيال ؟
قالوا : إيه وش عندك ؟
قال : شوفوا هالرسايل وشّن ؟
قروهن عليه , و ركب و مشى ..
الشاهد : أنه يوم يحط الـ 200 بمخباته الفوقي يقول أسرع أطلعه لهم و أطلبهم يرجعون الجوال إن تسانه هجّوا به ..

خلاصة القول : الله على الدنيا يعين ,,

[كَـارِيـزْمَـا ©]

.

+

شكرآ سيد ( ajmn ) ..
استمتعت بهذا المتصفح الذي يحمل كذا موقف لِ كذا أشخاص
() .. وبنفس الوقت | انقهرت |
:/
بس غريبة نهاية القصة , إلآ إذا كان المشكلة من إستيعابي *
:/
القهر بعينه وعلمه قصة الأخ | محمد الرشودي | كان الله في عونك ورد عليك ضالتك بأكملها بأسرع وقت .~
’, قمة القهر إذا عاتبك الشخص على شيء فات .!!
~
قبل فترة جارنا حصل لهم سرقة والجميع خارج المنزل لما عادت الأم وزوجة الإبن والشغالة ..
الشغالة ع طول راحت غرفته بالدور العلوي ..
والأم وزوجة الإبن تحت ,, بعد وقت مضى ليس بقليل سمعوا أصوات لما صعدت الأم وزوجة إبنها .. شافوا شابين لاعبين بالشغالة لعب ( مكفخينها لين عافت الحياة )
.. يقولون عطينا مفتاح غرفة زوجة الإبن ..!!
والشغالة تقول -> مافي معلوم ) :
الشباب شافوا الحرمتين ما جابوا خبرهن , لكن هن خافن مرة نزلن تحت بغرفة قفلن ع أنفسهن ..
يدقون ع زوجه وكل اللي يعرفون محد يرد , جاء الزوج قريب من الفجر .. يوم سمعوا الصوت نزلوا بسرعة اطلعوا عن البيت واختفوا *
لكن شوف الجرأة كيف :/ ماهمتهم الأم ولا زوجة إبنه ما نزلوا لين جاء الرجل .!
< يمكن ردي شاطح كان عن السرقة :/ لكن زبدة الكلام / لم يتجرأ السُراق إلآ بعد أن ضعف جهازنا الأمني .!







.

[طالبة تربيه خاصة]

الشكوى لله الله يعين
كما قال الرسول صلى الله عليه وسلم (( إذا ضيعت الأمانة فانتظروا الساعه))

[دَفَـادِفْ ..!]

ههه أجل ما شاء الله هذولا عندهم ذمة قاعدين كل الوقت ما هجوا !

يا كثرهن القصص من هالنمونة , مالقوا لهم رادع !