[Leader.20]

*


تكفون عساكم تعرسون كلكم

هل فيه إختبار تحديد المستوى للإنجليزي السنة هذي أو لا ؟؟

اللي يعرف أحد بجامعة القصيم يسأله

تكفون اللي عنده خبر يعلمن

*

[عبدالله الصالح]

والله ودي أعرف بس علشان أقول إني خدمتك .. لك أيادي بيضاء هنا

الله يسعدك

العذر والسموحه

[حربي عابر دربي]

موفقين يا ابنائنا الطلبه

والله ما ادري

سيم سيم كلام هذا نفر ابدوالله صاله

[أبو غــلا]

يآحبيلك يالطويل

ذا الأصل إن فيه إختبار . واذا بدا القبول بالجامعه يبدا القبول بإختبار تحديد المستوى

ذا الأصل !!

[%*%الحلوة%*%]

إذا تقصد البنات فيه أما الشباب ماادري

بالتوووفيق

[loquacious]

ودي افيدك لكن ماعندي فكره
موقع الجامعه راح يفيدك , أو مكالمه لهم

موفق

[Leader.20]

اقتباس المشاركة الأساسية كتبها عبدالله الصالح والله ودي أعرف بس علشان أقول إني خدمتك .. لك أيادي بيضاء هنا الله يسعدك العذر والسموحه

اللهم أجعلنا خيراً مما تظنون ويغفر لنا ما لا تعلمون .

شكراً لك أستاذي , وجهك أبيض وما يجي منك قصور

*

اقتباس المشاركة الأساسية كتبها حربي عابر دربي موفقين يا ابنائنا الطلبه والله ما ادري سيم سيم كلام هذا نفر ابدوالله صاله

ليش أنتا كلام هندي ما فيه كويس كذا

أنتا نفر كربان

اقتباس المشاركة الأساسية كتبها أبو غــلا يآحبيلك يالطويل ذا الأصل إن فيه إختبار . واذا بدا القبول بالجامعه يبدا القبول بإختبار تحديد المستوى ذا الأصل !!

طيب لا تقول يا حبيلك تراي أستحي

ياخي أسأل الشؤون بكرى يالزول خلن امسك بس

اقتباس المشاركة الأساسية كتبها %*%الحلوة%*% إذا تقصد البنات فيه أما الشباب ماادري بالتوووفيق

شكراً الله يعطيك العافية

اقتباس المشاركة الأساسية كتبها loquacious ودي افيدك لكن ماعندي فكره موقع الجامعه راح يفيدك , أو مكالمه لهم موفق

جزاك الله خير ,, موفقين

*

[See_you]

على علمي انه كل سنه يكون فيه

وانت رح لمهم وادخل على رئيس القسم واسئله

الدكتور على الغنيم ماراح يقصر معك

ونفسه وسيعه وزينه انا اكثر من مره رحت لمه