[أبوعبدالله1]

أه أه ليت الزمن يرجه أو ليت ربي يرزقني زوجه بها طبع مثل طبع بنات أول

بنات أول تتزين بس لرجلها وبنات الزمن تتزين لناس أكثر من رجلها غريب أمركم يابنات وش غيركم أول ياحلاتكم

مو أنا اللي أقول الكلام هذا هذا الواقع واللي أسمعه من الناس وأشوفه بعيوني حته خواتي وأقاربي فيهم من البنات اللي كذا وأنا ماأتكلم عن البنات كلهم لا بس أقول البنات اللي كذا نسبتهم كثيره يمكن 10 %تحصل البنت اللي طبعها مثل طبع أمها للأسف الحين إذا رحت للأسواق تشوف البنت ياغافل لك الله وأما الأم مشاء الله متستره إذا خربتها رفعت الغطوه عن نقابها ........

بس ماأقول إلى الله يهدي بناتنا وبنات المسلمين


يلا خذو هذي سوايكم


بنات اول بالبيت
ماشاءلله عليهم عيني عليهم بارده تصحى من الفجر وتزين القهوى والفطور وهي الي تصلح الغدا ء وهي تمسك البيت بعد ماتطلع امها وهي الي تحط بالها على اخوانها الصغار
ولا تكلمت تتكلم بكل ادب واحترام وحياء
ولا نادت عليها امها تقول سمي وتروح بسرعه وتترك الي بيدها وكلمة امها وابوها وزوجها هي المسموعه ولا تكلمة مع ابوها وامها وزوجها تتكلم وعينها بالارض وبس تقول حاظر و سم <<<<< هذي البنت السنعه




بنات الوقت بالبيت
عيني عليهم بارده ينامون الفجر ولا يصحون غير المغرب ولا بغتها امها وتصحيها ماتدقعت وتقول حررام عليكم وماتخلون الواحد يعرف ينام بس لا دق جولها تقوم من النوم تقول مقروده وعين مقفله والثنيه مفتحه بس تبي تشوف من الي متصله وبالاخيره تطلع رساله من stc اعلان على تخفيض الاتصالات الدوليه مسكينه صحت ع الفاضي
ولا قالت لها امها زين الغدا تقول يمه خلي الشغاله انا تعبانه ابي اعرف تعبانه من شنو وانتي بس متسدحه ع اللاب أو البلاك أو الأيفون وماغيرتفتنين خلق الله بالبيبي والمسن و تسمعين لتامر حسسني وجواد العلي ولا صارت اخر اليل تقول الحين اخر اليل وتحط شعر للحامد زيد ونصه موسسيقه اهم شي انه موب اغاني شعر يعني عادي ياحليلهم هم وتفكيرهم
ولاجاء اخوها او اختها من المدرسه وميتين جوع ويبون شي ياكلونه يقولن نبي اكل تقول وش رايك اسوي لك اندومي......




بنات اول لبسهم
البنت قبل ماتعرف غير قميص باللغه القصمنجيه وان خربتها لبست للها تنوره والي تلبس تنوره هذي يتكلمون بها اسبوع ونص وعن تنورتها
ولا طلعت برا تلبس العبايه الي على الراس تشوفها ماتعرف وش الي داخلها لا تشوف عيون ولا تشوف ايدين ولا غيره ماتشوف غير قطعة اقماش سوداء يالبى هذا الستر مو الحين

ولا طلعت ماتمشي غير بجنب الجدار ولا شافت رجاجيل توقف لين يممشون من الحششمى والحيى الي فيها




بنات الوقت لبسهم
اخ من لبسهم تلبس لك هذاك البرمودها الي من كثر ماهو ضيق تشوف البرمودا يبي تششقق ولا تلبسك هذاك البس للزواجت تعال وشوف بس اذا ماكان فوق الركبه ماتلبسه مدري وش يحسسن ولا بالبيت تعال وشوف البس تشوفها ماتبي تفكر فيها عشرين لون لا بسه ولا لبست فستان بزواج ماتلبسه مرى ثانيه تقول شافوني فيها الحمدلله والشكر بس
وتعال وشوف العبايه بس تلبس لك هذيك العبايه الخفاش والبشت والي على الكتف وهذي الي ع الكتف تعال وشوفها مافي غير راسها الي باين تقول رسمه وكل يوم لاها عبايه الزواج لله عبايه المدرسه لها عبايه والمناسبات للها عبايه والسوق وما ادراك ما اسوق تلبس للك العبيه المخصصره الي كاشفه كل جسمها بعض البنات مو كللهم ولا جاك احد غازلها تقول بالله انت ماتستحي ياقليل الادب منت مرربي هو الي موب مربى
ولا طلعت للسوق تتحط المكياج تقول رايحه للزواج ولا طالعت بمكياج اسمه مكياج السوق حتى السوق لله مكياج
ولالالا مشت بالشارع تقول شارع ابوه



بنات اول زينهم
لا تزينت حطت للك هذا الكحل واصلن مافي غيره


بنات الوقت زينتهم
حدث ولا حرج الشفايف لها زينه العيون لها زينه الاخدود لها زينه والاذان الحين لها زينه بعد الحواجب لها زينه الرومموش لها زينه
ولا بغت تطلع للمناسبه تتقعد لها ساعه عند المرايه امموت واعرف وش تسوي ولا فتتحت شنطتها تحصلها كلها مكياجات وثلاث امرايات ليه ما ادري
ولا حطت المكياج تحط 2 كيلو نص على وجهها والنص اباقي تحطه لوصلت ولا شفتها بالمكياج تتذوب عندها بس لا غسلت وجها من المكياج تنزل راسك من جكارتها بعض البنات موب كلهم


بنات اول قصاتهم
البنت قبل ماتعرف لا قصه ولا غيرها شعرها يوصل للنص ضهرها وماغير تحط عليه من الزيت وتشمسه بالقايله لين يصير يابس تقول كاب عليه بسي


بنات الوقت قصاتهم
اخ من قصاتهم كل يوم للهم قصه ولا تعال لا شافت ممثله قاصه قصه جديده وهي ثاني يوم رايحه للكوفيرا تقص ولا شافت للها صوره واخذت الصوره وراحت تقول قصي لها مثل ذي ماتدري هو يصلح على خشتها ولا اهم شي تقص وتعال شوف وجها تقول قطو منخرع
ولا في قصات جديده وهي قصة الولد قصدي قصة البويات الي طالعين فيها واليهي الشعر القصير تشوفها وهي جالسه بين اخونها ماتقول هذي بنت ه باقي بس لها شنب
(((ولا شافت وحده شعرها طويل تقول وعوه شوفي شعرها طويل قديمه ذي))) ركزو على اللي بين قوسين هذا اللي خرب بناتنا البنت اللي تقول الكلام ذا ماتدري إن البنات القديمات أحلا منها ولا بالخيال يكفي إن بنت أول تعتمد على الله ثم أهلها وزوجها مو على كلام الناس

[بسمة ^_^ امل]

اقتباس المشاركة الأساسية كتبها أبوعبدالله1 (((ولا شافت وحده شعرها طويل تقول وعوه شوفي شعرها طويل قديمه ذي))) ركزو على اللي بين قوسين هذا اللي خرب بناتنا البنت اللي تقول الكلام ذا ماتدري إن البنات القديمات أحلا منها ولا بالخيال يكفي إن بنت أول تعتمد على الله ثم أهلها وزوجها مو على كلام الناس

انا اتفق معك فكل ماقلته صحيح ..
ولكن من الطبيعي ان يكون هناك فرق بين الاجيال مع مرور السنين
انا لااقول ان كل مايفعلنه صحيح بالعكس هنالك الكثير من الاشياء تخالف شريعتنا وعاداتنا
(ولكن اخي العزيز لا تعم كل البنات )
تذكير : زي مافيه فرق بين بنات أول وبنات الزمن ذا هناك فرق بين شباب أول وشباب الزمن ذا من نواحي كثيره

(( وللمعلوميه الحين كثير من البنات رجعن يطولن شعورهم ))

تقبل مروري ...

[عبدالله الصالح]

ليست المرأة وحدها التي تغيرت ..

أول إذا شفت رجال حالق لحيته ضاق صدرك وحوقلت .. وإذا شفنا رجل مرجع شعره على ورى قلنا حاطه تواليت وحسينا إنه متشبه بالغرب عليه خطر في دينه .. وإذا لقينا أحد عليه الشرهه بدون شماغ قلنا فصخ الحياء وضيّع المروءه ..

والآن رجال هذا الوقت :

اللحية تشال ليزر أو خيط وتجد أشباه رجال لدى الحلاقين يمكيج فيه ويصنفر وينعم حتى لاتفرق خده عن خد البنيّة .. والشعر يطوله ويقصه بإحترافية تقليدية قبيحة ويحط جل ولابس جنز ضيق أو سكيني ومدري وشو وفانيلة حول تشق صدره من ضيقه أو ثوب مخصر لازم يدخله أثنين بجسمه .. وحركات مياعه ومشي متكسر وشباشب أكرمكم الله كلها زينه وضحكات مصطنعه .. هؤلاء هم الرجال الذين تنتظرهم الفتيات التي ذكرت !!

حبيبي :

الناقد بصير .. وادع الله دوماً بصلاح نيتك وذريتك .. لأن مايحصل الآن بسبب الإنفتاح المعلوماتي سواء فضائي أو إنترنت وأصبحت الفتاة المستهدفة والشاب المراهق للأسف يصبحون ويمسون على ثقافات غربية منحلّة شئنا أم أبينا لابد من تأثيرها ..

لذلك لن يرجع الزمان الذي تباكيت عليه ولكن على الأقل كلن يحافظ على نفسه وعلى أهل بيته .. الإمام الشافعي قال :

نَعيبُ زَمانَنا وَالعَيبُ فينا وَما لِزَمانِنا عَيبٌ سِوانا
وَنَهجو ذا الزَمانِ بِغَيرِ ذَنبٍ وَلَو نَطَقَ الزَمانُ لَنا هَجانا
وَلَيسَ الذِئبُ يَأكُلُ لَحمَ ذِئبٍ وَيَأكُلُ بَعضُنا بَعضاً عَيانا

أصلح الله الجميع وهدانا لطريقه المستقيم.

[حربي عابر دربي]

اذا اردنا نساء الحاضر مثل نساء الماضي فعل رجال الحاضر بان يكونوا مثل رجال الماضي

ثم لتعلم والعلم عند الله وحده

لو ان النساء في الماضي اتاهن مثل ما اتى النساء في الوقت الحاضر اجزم بانهن سوف يكونن اسوئ مما نشاهده الان
لانه لا رجال ولا قوامه ولا علم شرعي .......... الخ

الله يرحم الحال ولا يبلانا

شكرآ

ودمتم بخير

[ـالتُفاحة الورديّة]

احس انه مبالغ بهالكلام فيه بنات بهالوقت نفس بنات اول

يلبسن قمصان وتنوره ابسأل وش فيها التنوره هي عيب

وتزين بعض المرات العشاء وتسبيع المواعين وتمسيح سيراميك و دراسه واختبارات والنت والحمدلله جامعات من كل النواحي

والولد هالوقت وش يزين بس بهالسياره جالد ابوه والبنت بالبيت تكرف اكثر من الولد

انتم نظرتكم للبنت نظره سيئه ليش مادري

[{ صوت بريدة }]

أنا نفسي ادخل عقل بنت من بنات ( النيدو الي بعهد الأيمو ) هاليومين الي طالعات وأعرف كيف طريقة تفكيرها ..

بنات كلمة توديهم وكلمة تجيبهم ، بمجرد ماتشوف مسلسل تعيش معاه أحلام ، بمجرد ماتشوف بيت شعر تتخيل أنه مقصود له ،

مسويات أن وجودهم في زمن لايليق فيهم ، وأنهم المفروض ماولدن الا بعهد 2099 عشان هالزمن ظلم × ظلم ، وكل حياتهن ( فضفضة × فضفضة )

المشكلة أن مشاكل الحريم أصبحت ثلاثة أرباع المجتمع ، لدرجة أشك أن إنتحار هتلر كان ردة فعل ( أنثى )

لاااا .. ويحومن تسبدك لاشفتهم بالتلفزيون ولا في قصصهم بالإنترنت سواء ، يجلسن يسردن عليك قصص غريبة وعجيبة أجل مره من المرات أقرى قصة لبنت كاتبه ( وبدأت ألسحب تنجلي فوق سمائي ).. ياشيخ هذا وجهي إن كانهي ماسرقتها من سوالف حسن كراني ..

للتوضيح بس : ترى تقصد أنها كانت مهمومة وفجأة راح الهم ..

ولا تعال شف اشكالهن ، أظافرهن الي 24 ساعة معهم المقلم << ترى كذا يعني نعومات وبنات عز << أوم الطفش

ولا بقصات شعرهن الي لو ترمي قطرة ماء أنتفش .. حتى تواقيع بعضهن يقالهن مقطعات شوارع لوس أنجلوس ..

أووووووف .. والله يانا أمرض لاجتك بنت مسويه مثقفة وفاهمة وغير تلاقيها تراددك وشوي وتهفك بالكيبورد الي تكتبه
، والمشكلة يطلع الموضوع عن ( التفحيط ) يعني ماله دخل ورازه خشتها ،

أنا والله ياجماعة الخير أني بديت ( أقهقه ) نفسي عن الزواج والسبب حركاتهن وقصصهن الي نشوفهم كل يوم والثاني ،

وأتمنى والله أمنية من الإدارة ، أنها تضع موضوع مثبت عنوانه ( إلى هنا ويكفي عبث يا أنثى ) ..!!

خلينا من الطبخ ياصاحب الموضوع عشان نصف الي يبي يردن عليك أنا متأكد

جملتهم الشهيرة ( أبوعبدالله ، أنت تفكر ببطنك ) !!

يعني دام البيت الحين فيه ( شغالة + مربية + سواق + الطلبات توصلك لحد البيت من موصلي الطلبات + أكثر الطلبات أصبحن من المطاعم من غداء وعشاء وفطور ، + الات التنظيف من غسيل صحون وغسيل ملابس = صارت اتومتاتيكياً يعني مايحتاج وجود الأنثى ) = اجابتي الصريحة والواضحة والي مايختلف عليها أحد ( وشتبين أكثر )!!

تصدقون ياجماعة الخير ، حتى الله سبحانه وتعالى خصص الأنثى في أشياء مستحيل يخصصها بالرجل وكرمها وعطاها الحرية ، ومع ذلك تطلع المرارة للرجل وكل تفكيرها بالحياة ( كيف تحجب ابتسامة الرجل ) !!

مانقول الا ، الله يصلح الحاااال

[للصمت صدى]

إذا كان فيه قوامة ستوجد فتاة أول ..عذراً على الصراحة

[على طووول]

اقتباس المشاركة الأساسية كتبها حربي عابر دربي اذا اردنا نساء الحاضر مثل نساء الماضي فعل رجال الحاضر بان يكونوا مثل رجال الماضي ثم لتعلم والعلم عند الله وحده لو ان النساء في الماضي اتاهن مثل ما اتى النساء في الوقت الحاضر اجزم بانهن سوف يكونن اسوئ مما نشاهده الان لانه لا رجال ولا قوامه ولا علم شرعي .......... الخ الله يرحم الحال ولا يبلانا شكرآ ودمتم بخير

كلام في الصميم

[ويبقى الإحترام]

فيه بنات وواجد مثل طبع بنات أول _ أفرش سجادتك وأطلب ربك ،، وبعض بنات الحين على قولتك ليش صارن كذا لأنهن مالقن رجال وراهن ؟

[جــوانا (1)]

يــــــــــاربي خلاااااص

ملينا من هالمواااضيع نفس السيناريو يتكرر

مع أحترامي لصاحب الموضوع ....

[انسان من بني آدم]

يالبيه بس

قسم اني وانا اقرا جتن حنين لزمان اول

ياربيه

مو مثل الحين تطقطق بالبلاك وتلبس لبس فاتن

[تيجان]

والله أنكم تبالغون
ماشفت الي تقول في قريبنا وجيرانا وصديقاتي فخواتي والله أحيانا أحس انكم توهمون
وان كان صدق فالحمدالله على العافية
الله يعينكم

[ـالتُفاحة الورديّة]

اقتباس المشاركة الأساسية كتبها { صوت بريدة } يعني دام البيت الحين فيه ( شغالة + مربية + سواق + الطلبات توصلك لحد البيت من موصلي الطلبات + أكثر الطلبات أصبحن من المطاعم من غداء وعشاء وفطور ، + الات التنظيف من غسيل صحون وغسيل ملابس = صارت اتومتاتيكياً يعني مايحتاج وجود الأنثى ) = اجابتي الصريحة والواضحة والي مايختلف عليها أحد ( وشتبين أكثر )!! مانقول الا ، الله يصلح الحاااال

آمين الله يصلح الحال ما احب اني اناقش الردود والمعرف ذكر لكن من القهر اللي بي

عطن اسم عائله او بنت عندهم كل اللي ذكرت شغاله ومربيه وسواق والآلات تنظيف
الا اذا كانن بنات الامراء هذا شي غير

ترانا ببريده حنا لا تحسبنا بسويسرا ترانا اننا نكرف اشوف بنات مجتمعي وصديقاتي بالجامعه

تفوق عددهن 100 بنت كلهن دراسه بالجامعه وشغل البيت جامعاتنهن كلهن

اذا كان انت مجتمعك وخواتك وخالاتك كذا الآلات تنظيف وموصلين طلبات ترى بنات الناس غير

والسلام

[توبه منك يادنيا]

اقتباس اذا اردنا نساء الحاضر مثل نساء الماضي فعل رجال الحاضر بان يكونوا مثل رجال الماضي

في آلصميم
+
+