[ابو روز]

السلام عليكم ورحمة الله وبركاته
خلونا نتخطى الحواجز والرسميات ونتكلم بصراحه
وقبل مانبدى ودي اسأل اي شاب مهجول ليش ماتتوب قبل الموت ؟؟؟؟
هذا الجواب الله يهدينا صحيح الهدايه من الله لاكن هل انت حاولت فعلن تلتزم
معوقات الهدايه كثيره ومريت انا شخصيا فيها اسمحلي اقراء تفكيرك
(الالتزام راح يحرمني من الاتي :
0 ابي دوران وفلات ابي اسمع اخر جلسه لفناني المحبوب ابي اتفرج على افلام ابي احطلي استراحه
ابي شباب فله ابي اتعرف ابي اشبك ابي ارقم ابي افحط ابي اشتهر ابي اطق موتر ابي اركب خلفهم ابي احد يحبن وحبه (والجنه ماتبيها)
ويقول اذا التزمت راحن كل ذولي تبيني اجلس لحالي تقل نفسيه؟؟؟؟؟
كلام جميل بس اسمحلي اخي الشاب اصحح بعض معلوماتك عن الالتزام بصفتي مجرب لاني داعيه ولا شيخ
اول شي الطريق الي تمشي فيه هذا تعاسه ماهو سعاده وان حصل سعاده تكون سعاده وقتيه لاكن قلبك من داخل هل انت فعلن تحس برتياح ونشراح ودايم مبتسم او عند كل اشاره تسوي مشكله من الطفش تزعل ماتحمل اي حركه شفت ان فيه خلل بسعادتك 0وفوق هذا شفت هالهموم الي انت شايله هموم الحب والرفس زعل وكيف اطق ربع او هلي وكيف وكيف وتخطيطات ومحاولات طيب هاذي بحد ذاته هموووووووووووووووووووووووم اظف الى ذالك تروح تدور او تحظر خشه المشاكل تجيك تبلاك بلوى واخرته ياطاعن يامطعون ياسجن يامستشفى (بالله هاذي حياه)
ادري انك طفشت وزهقت ودك تتوب وتغير حياتك ادري ان قليبك تعب وعيونك سهرت ودك تتوب وترتاح لاكنك عجزت تدري ليش لانك تبي تتوب وانت تمشي مع نفس الشله ولاانك ماغيرت رقم جولك ولاانك ماتعرفت بصحبه صالحه ولاانك ماشلت افلان وعلان من راسك ولاانك تحسب الالتزام تعقيد مافيه وناسه لا ياخوي غلطان السعاده الحقيقيه بالدين جرب انت بس جرب تعرف على شباب صالحين شف كيف الوناسه جلسات يومين كشتات استراحات لعب كوره لعب بلاستيشن الي تبي بس وناسه حلال ماهي بحرام يعوضك الله بصدقاء مايجيك منهم الا كل خير وان بغيت شي وقفوا معاك هذا الحب في الله مو بحب العرابجه من جرف بدحديره والله ماتشوف منهم غير الشقاء0
اتمنى ماتقول بعد الايظاح بكون لحالي تقل نفسيه ولا تقول الدين يحرمني ؟؟؟؟؟
اسف على الطاله وسأل الله ان يهدي الجميع 000

[فـــتــى سـلـطـانــه]

يا أخي هذا كلام مستهلك جدا والشاب يلعب ويفلها بحدود معقوله لايصير متشدد مره ولا متمرد مره فبين هذه وتلك تعيش سعيدا صدقني... أما كلامك ان السعاده بالتدين فهذه لي ملاحظه عليها .. تحياتي

[ابو روز]

اقتباس المشاركة الأساسية كتبها فـــتــى سـلـطـانــه يا أخي هذا كلام مستهلك جدا والشاب يلعب ويفلها بحدود معقوله لايصير متشدد مره ولا متمرد مره فبين هذه وتلك تعيش سعيدا صدقني... أما كلامك ان السعاده بالتدين فهذه لي ملاحظه عليها .. تحياتي

اخي بارك الله فيك انا رسالتي لناس فالينها مره على قولتك
اما قولتك مستهلك هذا كلام الدين والدين واحد مافيه جديد وقديم بارك الله فيك اخي

[فـــتــى سـلـطـانــه]

يا اخي ادري انه دين وحتى القران الكريم مايصير تقرأ سورة وحده بكل صلاة وكل يوم.. هذا كلام غير معقول.. وكلامك هذا بصراحه انا متوقع انك تبي تقوله.. شكرا لك

[ابو روز]

ومن اعرض عن ذكري
اكمل الايه اخي وراح تعرف بنفسك
كيف تقول لي تحفظ ؟؟؟؟
ع العموم انا ماجيت اجادل بس اذكرررر فقط
شكرا لك

[فـــتــى سـلـطـانــه]

شكرا لك صاحبي أنا عندي كلام كثير عقلي ومنطقي جدا قد أكون مخطىء وقد أكون مصيب لاكن المشكلة أن المشرفين أعينهم مسلطه علي وعلى ما أكتب وان كتبت شيء أو وجهة نظري أو ما أفكر أنا به بالطبع لن تراني مرة أخرى .. عموما الله يوفقك شكرا لك..

[بولوهي]

ماعرفنا الحياة الا يوم تركنا القراشيع . ياخي تنام مرتاح . ومستعد للموت اكثر من اول . غير تسذا من ترك شياً لله عوضه خيراً منه .. وتحس بطعم ترك الشي لله وراح تتعوض بما هو افضل

[ابو روز]

كل وجهة نظر لك نحترمها ولك الحق بالتعبير عن رايك
عزيز وغالي

[ابو روز]

اقتباس المشاركة الأساسية كتبها بولوهي ماعرفنا الحياة الا يوم تركنا القراشيع . ياخي تنام مرتاح . ومستعد للموت اكثر من اول . غير تسذا من ترك شياً لله عوضه خيراً منه .. وتحس بطعم ترك الشي لله وراح تتعوض بما هو افضل

اشكرك على المداخله الطيبه كلام جميل جدا

[قريبآ ستمطر ،،،]

‏'‏
‏'‏
اسئل الله ان يصلح ابناء المسلمين عامة

بوركت،،،،