[مضآوي]

الســـلام عليكم ورحمة الله وبركاته .


[POEM="type=1 color=#000000 font="bold large 'Simplified Arabic', Arial, Helvetica, sans-serif""]لا تزعلون العلم ما هوب مكتوم = اللي فجانا كله أمرٍ سماوي
اللي نزل فينا مدبر ومقسوم = لو عشت زود شوي جتك المناوي
دبرة إلهي له صلاتي مع الصوم = بأمره رضينا حق مابه نراوي
نمشي على هالأرض وبه ندرج الحوم = ولا بد يوم فيه تيْبس شفاوي
نبذر الزين وشين والبذر معلوم = ولا من نتيجة قبل قولة يساوي
يا دار في جدرانك الطيب ماسوم = أنشاك منهو بالشجاعة فداوي
بيت نقع بالطيب رسّاه برهوم = أبو عزيز زبنٍ من جا جلاوي
الكلمة اللي في فمه دايم الدوم = اقلط تفضل بيتاً لك يهــاوي
و خلّف حليلة بنت شيخ وشغموم = بنت الشريف وعرق علوا تخاوي
ياما ترددنا على الدار من يوم = ويا ما شربنا من قهاوي مضاوي
ويا ما لقينا من سواليف وعلوم = تطرب لها روسٍ بعيدة هقاوي
واليوم راحت تقل هاجوس وحلوم = أعوذ بالله من جميع البلاوي[/POEM]


وسلامتكم .

موضوع له علاقة :
http://www.buraydahcity.net/vb/showthread.php?t=265630

[الرجم العالي]

صح لسانه..

والله يكنه فسيح جناته ويجعل الموعد بدار الجنان..

كل غاااااااالي مفقود وهو عايش...... وشلون لاصار القبر بينك وبينه[/]

[صاحبة الامتياز]

كلمات مؤثره غفر الله لها واسكنها فسيح جناته

تحياتي لك بعبق من الجوري والياسمين

***

[حمد العبدلي #]

الله يرحمهم

ويخلي لي امي ويحفظها من كل شر اللهم امين

[صقر الخالدي]

الله يرحمهم

ويخلي لي امي ويحفظها من كل شر اللهم امين

[حفيد اعقيل]

.
.

رحم الله مضاوي رحمة واسـعة وأسكنها فسـيح جناته

كلمات خرجت من القلب من

ابن مكلوم بفقد والدته

صح لسـانك أيها الشـيخ الفاضل ..

.
.

[الخاله]

الله يغفر لهاا ويرحمهاااا
كلمات حزينه..وراضيه بالقضاء ..

[صاحب الجوال]

جبر الله مصابكم وعظم الله أجركم وغفر الله للفقيدة الغالية ستفقدهاحويلان كما فقدت أم علي قبل أربع سنوات
اناعلى فراقها لمحزونون

[راقيه باخلاقي]

جبر الله مصابكم وغفر لميتتكم
كلمات مؤثره جدا
وصح لسان الشاعر محمد

[فارس التركي]

الله يغفر لها

[يوسف السراي]

الله يرحمها ويسكنها فسيح جناته.
صح لسان الشاعر محمد الربيعة.

لكِ تحياتي

[نسمات الفجر]

الله يغفر لها ويرحمها ويسكنها فسيح الجنان

[كتكوته]

رحمك الله واثاب الله ابنتها الاستاذه شريفة الربيعة رافقت معاها بالمستشفى الى ماتوفيت..وتعبت وشقت معاها مرة..

[عبدالله]

رحمها الله وأسكنها الفردوس الأعلى