 |
|
|
|
|
02-10-2001, 12:55 AM
|
#1 |
|
Guest
تاريخ التسجيل: Sep 2001
البلد: Buraydah city
المشاركات: 1,166
|
حوار رومانسي بين ببسي وميرندا
...:D
الموقع : ثلاجة في دكان راعية الدكان الوقت : ثنعش الا ربع بالليل 11:45 pm البيبسي : اختي ميرندا ... قايمة والا نايمة ميرندا : هلا .. لالا قايمة ... وين تو الناس باقي ربع ساعة وبتسكر راعية الدكان هالانوار وبعدها بنام البيبسي : هل لي بحوار جانبي معك ( ابووووك يالاسلوب ) ميرندا : ايييييه عادي وش دعوا البيبسي : ماهي نوعية الحوارات الي اقصد اللي تحبينها ....( ترا كذا الاسلوب علشان يسحب معك السيفون .. اقصد الحوار خخخخخخخ ) ميرندا : ماعندي شي معين بعدين انت ناوي تطول بالكلام ؟ تبيني اعتذر من ابوي وانام برا الصندوق ( صندوق الميرندا) البيبسي ( فرحان ) : اييييه كلامي مايخلص ولا بكرة .... انا اصلا كانوا يقولون عني المخقة كني سديراوي ميرندا : تدري عاد اسلوبك وطرحك حلو بس ابوي يقول لاتمشون مع السود البيبسي : ليه ترا والله ما نعض ... ألليفين بالحيل ميرندا : بس تصدق انا معجبة بسوادك كأنه سواد ليلة مافيها قمرا سواد كالح كنه فحمة من كيس هالفحم اللي في المستودع تحت ... انا معجبة فيك بصراحة البيبسي : يؤ ... احرجتيني .. امي والله صادقة ميرندا : ليه وش قالت امك ... البيبسي : امي تقول ان الميرندا احلى من الفراولة ... ماتدلعين زي الفراولة ميرندا : ياحظي .. قال فراولة قال ... وش يخليني اتدلع البيبسي : لا يعني لون الفراولة .. احلى من لونك ( الرجال بدا يخور ) لونها احمر يشق الجبهة ميرندا : نعم نعم نعم .... عد بالله وش قلت ... انا وشفيه لوني البيبسي : لا والله مو قصدي بس لونك كنه لون هالهندي اللي بالدكان اذا صار محسور ... برتقالي ميرندا : والله حبيبي اذا مو عاجبك ... خلني اروح لصندوقنا بس البيبسي : يؤ ... يالزعولة ليه زعلتي عاد من كلامي وفي هاللحظة فتحت راعية الدكان الثلاجة وحطت فيها فراولة البيبسي : هلا والله وغلا بالفراولة ... يوووووووه يازينها زيناااااه .... تو مانورت الثلاجه ميرندا : هااااوو والله شي ... وقدامي تغزل فيها وانا من الصبح معك يالعبد الاسود يالمحترق فراولة : يؤ ... وشفيها هذي معصبة كنها طقاقة ما نقطوها بحفلة زواج خخخخخخخخخ البيبسي : لالا ماعليك منها انتي وش هالحلاوة وش هاللون الحلو ميرندا : اقول يالدبا يالحمرا ء اللي لونك ماله داعي ..... كنه روج عيده فراولة : هئق ... هئق ..( تشهق ) يالغيارة يالبرتقالية روحي بس ما احد شراك لك اسبوع هنا مرزوعة ما احد يبيك ميرندا : والله ... ياشيخة تعالي دغدغيني احسن البيبسي : ياجماعة كل وحده فيكم لها مميزات ولها صفات مستقلة خلونا بس في المفيد وفي هاللحظة قاربت الساعة على 12 بالليل وجت راعية الدكان وخذت البيبسي والميرندا والفراولة بكيس واحد بتوديها معها للبيت وهذا الحوار اللي بالكيس : البيبسي : هذي الساعة المباركة يوم صرنا بكيس واحد متلاصقين ميرندا : اقول وراك لازق بالفراولة خلها تتنفس طيب حاشرها ( بدت الغيرة ) فراولة : يؤ ... من سألك انتي الثانية بعد وش عليك!! خليك بحالك!! بيبسي : لاتحرجوني !! انا اخجل من ظلي !! يؤ....وخري ياميرندا شوي ميرندا : هذي بعد راعية الدكان ماجابت كيس كبير ... حشرتنا بهالكيس هالبخيلة في هاللحظة راعية الدكان أخذت الفراولة وفتحتها وشربتها وما بقي بالكيس الا البيبسي والميرندا !! البيبسي : الحمد لله كانت مضايقتنا الفراولة !! ......... ( منافق وماله خاتمة البيبسي ) ميرندا : يؤ ... توني صرت غالية عندك .!! اقلب وجهك بس يالعبد مالك خاتمة البيبسي : يؤ ... ضاعت على الفراولة والحين ضاعة الميرندا .... وش السوات انا ووحهي ميرندا : اذلف بس ووخر عني ولا عاد تكلمني !! البيبسي : يؤ .... والله احتريت ( ارتفعت درجة حرارته ) ميرندا : ايه عارفه من يوم راحت عنك الفراولة وانت متجه علي وتعبتني وكسرت قلبي البيبسي : اييييييييه والله مريضة .... لا أكون انا السبب وفي هذه الاثناء اصبحت حرارة الميرندا مرتفعة وانشد البيبسي بهذه القصيدة يصف حال الميرندا موجه كلامه لراعية الدكان اللي خذت الميرندا وفتحتها وشربت منها جزء بسيط وألقت بها في سلة المهملات لأن حرارتها مرتفعة ( ساخنة ) وبكى البيبسي في هذه الاثناء وقال :قالوا حبيبك محموم فقلت لهم .... انا الذي كنت في حمائه السبب عانقته ولهيب النار في كبدي ... فأثرت فيه تلك النار فالتهب يئطع الحب وسنينه شو بيعمل ............. وخذت راعية الدكان البيبسي وفتحته وشربته وهو ينشد القصيدة وبصراحة ماسمعت كامل القصيدة لان البيبسي لطته راعية الدكان ببطنها قبل لا نكمل القصيدة ... الله من حرة البطن ياشيخة حراااااام عليكي !! سلاااااااااام:D |
|
|
|
02-10-2001, 02:04 AM
|
#2 |
|
عـضـو
تاريخ التسجيل: Sep 2001
البلد: بريدة
المشاركات: 1,286
|
والله تستاهل من :
7 7 7 7 7 7 7 7 7 7 7 7 7 7 7 7 7 7 7 7 7  موضوع رومانسي جداً ... بس ياليت راعية البقالة ماشربت الفروالة . كان جدعته بالزبالة .. جزاءً للغرور والكبر . 
__________________
تسعدني زيارتكم لموقعي الشخصي
www.badr.cc |
|
|
|
|
04-10-2001, 02:14 AM
|
#3 |
|
Guest
تاريخ التسجيل: Oct 2001
البلد: بريدة
المشاركات: 139
|
موضوع رائع
شكرن ابو قلبين الله يوسع صدرك سلااااام |
|
|
|
|
04-10-2001, 04:15 AM
|
#4 |
|
عـضـو
تاريخ التسجيل: Sep 2001
البلد: بريدة- الفايزيه - بيتنا
المشاركات: 59
|
إنت كذا
تسلم اخوي
__________________
ماكنت أظن الزين يكمل بمخلوق *** إلا أنت في عيني جمعت الحلاوه أخوكم : فرفوش : FRFOSH |
|
|
|
|
04-10-2001, 05:24 AM
|
#5 |
|
عـضـو
تاريخ التسجيل: Sep 2001
البلد: المملكة العامية القصمنجية
المشاركات: 1,240
|
هلالالالالا وغلالالالا بأخوي أبوقلبين
الله يرجك لمين تطيش:D .. وشي هالموحاوره ذي... والله أنك مبدع ياخلفهم... لكن ماله رب ذا.....
 ..تسسسسسسسسسسلم يابعدي على هالحوارالرومانسي بين الببسي والميرندا:D يالله سلالالالالالالالالالالالالام
__________________
<< إثارة بريدة ستي تغمرني >> |
|
|
|
|
26-08-2002, 07:12 PM
|
#6 |
|
عـضـو
تاريخ التسجيل: Aug 2002
المشاركات: 21
|
حلووووووووووووه
|
|
|
|
|
28-08-2002, 01:06 PM
|
#7 |
|
عـضـو
تاريخ التسجيل: Nov 2001
البلد: الدمــــ AL-DAMMAM ـــام
المشاركات: 3,293
|
بعد اذن ذيبان ناخذ الصوره
__________________
.gif) من الدنيـا أنـا مابـي سوى عـفـو العلي التـواب ويحسـن خـاتمـة فعـلي ويغـفـر لـي ضـلالاتـي أبمـلا العمر "بالتوبة" و "نوح" و "هود" و"الأحـزاب متى كـانت سنيـني عمـر انـا عمري في ركعاتـي |
|
|
|
 |
| الإشارات المرجعية |
|
|
النمط المتتابع
