[المملكة الصحراوية]

أخواني الحقيقة فيه سر محيّرني وأتمنى أحد يفيدني

دايم لا لقيت رجال كبير بالسن مثلاً عمره60سنة أو55سنة وشفته راعي مزح وضحك وكلن يتمنى ياخاويه وتصرفاته شبابية
غالباً يكون راعي تريله قديماً او باللغة الدارجة سواق سقس

السؤال مالسبب اي واحد سبق ساق سقس قديماً يكون بهالصفات الذي ذكرت ؟وشكراً لكم

[انسان من بني آدم]

وش عنده اللي يعرف 100 واحد ساقو تريله

يمكن تعرف خمسه وصدفه صارو راعي مزح هههه وجيت تكتب الموضوع

وبعدين اكثر الشيبان راعين مزح

[فـــتــى سـلـطـانــه]

أقول ماعنكم وظايف للبيع

[كلي عطى]

هههههههههههههههه
والله شكل هالشيبان من قو الصدمه بالحياه يصيرون كذا
عاصرتهم الدنيا عصرررر

[ذيب متلطم]

أغلب العسكر وسواقين التريلات مزوحين

لأنهم سافرو بعيد وقريب وشافو الدنيا وشافو الناس أشكال وألوان وعاشروهم ولا عندهم عقدة من أحد , الناس عندهم سواء وماخذين الأمور ببساطه

بعكس إلي من يوم طلع وهو في ديرته ما طلع منها , تلقى غالبيتهم متشددين ومتحجرين ويشكون بأي غريب

هذي وجة نظر يمكن تصيب ويمكن تخطئ

[برفسور ملتمس]

صدقت - والله ، أنا شفت عينة كثيرة كذا << شرط يقولون أن معي وايت ..

للتوضيح / الي خلاني اتاكد من هذا الشي- كان في أحد المقاطع في التلفزيون قديماً على القناة الأولى

كان الممثل/ الشمراني سواق وايت = ومقطعه الشهير { وأفك الصواميل أفك الصواميل ..إلخ } ..

هو الي وصل المعلومة بأن سواقين الوايتات لهم حكايات وسوالف - أتوقع لأنهم بهالشوارع وينقلون الأحداث


ملاحظة : عاد ترى اغلبهم يخترعون سوالف ..

[غربة غريب]

هذا الملاحظ بالطبع أعرف كثر من سواقين التريلات ،، أصحاب تعليق وتنكيت واستهبال كأنه مراهق !!

يمكن أبوي حداهم لاكن ما يمكن أسئله ليش

[سوسوالحلوة]

حلوة والله,,,

ياحلو الشيبان بس ودي احطهم بقلبيييي

[قـــصـــيـــة]

حتى السمين أو السمينة فيهم خفّة دم مب طبيعية تحريه مالسر؟؟

[سوسوالحلوة]

^^^^^^^^

ههههههههههههه

اي والله بصراحة حتى انا اتسال اكيد فية سر ََ!!السمانين داااايم مملوحين سبحاااان الله

[صاحبة الامتياز]

اقتباس المشاركة الأساسية كتبها ورقـة خـريـف حتى السمين أو السمينة فيهم خفّة دم مب طبيعية تحريه مالسر؟؟

[قائد المجد]

ههههههههه
اتفق مع اخي ذيب متلطم

[غيور على أخواتي]

الصراحة بعض الشيبان إذا سافر معك ودك ماتجي!

[الرحاله العربي]

اقتباس المشاركة الأساسية كتبها ذيب متلطم أغلب العسكر وسواقين التريلات مزوحين لأنهم سافرو بعيد وقريب وشافو الدنيا وشافو الناس أشكال وألوان وعاشروهم ولا عندهم عقدة من أحد , الناس عندهم سواء وماخذين الأمور ببساطه بعكس إلي من يوم طلع وهو في ديرته ما طلع منها , تلقى غالبيتهم متشددين ومتحجرين ويشكون بأي غريب هذي وجة نظر يمكن تصيب ويمكن تخطئ

لأنهم سافرو بعيد وقريب وشافو الدنيا وشافو الناس أشكال وألوان وعاشروهم ولا عندهم عقدة من أحد , الناس عندهم سواء وماخذين الأمور ببساطه

كلام سليم