[بنت التقنية]

السلام عليكم ورحمة الله

يااهل بريدة الغيورين احذرو على بناتكم من الادارة المتساهلة والغبية بالمعهد

فقد احضرت مصورات يصورن المتدربات تصوير احترافي ورايت ذلك بعيني وربي على مااقول شهيد

والبنات يصورن على مراى العميدة والوكيلة ولا احد يعترض والي يتضح من صورة الاعلان واللي معلق في كل لوحة بالمعهد الراقي


تمنيت ان احد ينكر المنكر ولكن لا حياة لمن تنادي!!!!!

متساهلين في التصوير الفردي والجماعي ومتشددين في جوالات الكمره!!! قمة التناقظ

والي يقول حرية شخصية لاشفت صورة بنتك او اختك او زوجتك في جوال شاب لاتستغرب لو سمحت

صورت وتحمل النتيجة صح ... لا وين صورت ومع مين صورت وم اخذ الصورة والميموري مع مين ومن المسؤول عن هالصور الي اكيد راح تنتشر بالبي بي والنت !!!!!!!!!

انا ما صورت لله الحمد لاني حاسبتها وعندي رقابة داخلية وحذر من العواقب ولكن عندي غيرة على بعض البنات المفهيات هداهن الله
يصورن ويسوون حركات وبكمره احترافية وكل وحدة تاخذ نسخة بكل جهل لأبعاد السالفة

ليش بالله عليك مافكرن؟؟؟؟
لانهن واثقات بالادارة الي وفرت هالشي زي ماتوفر المعمول والفطاير في البازار والي همها الربح المالي والتفشخر بدون حسب حساب لهالبنات الي ماندري وين تروح صورهن ولا حتى المجتمع المحافظ حتى الي ماهوب محافظ مايبون اي احد ينشر صوره لو هو رجال مهب عاد حنا الي صورة البنت حرام تطلع برا

ولا فكرن لانهن واثقات ببعض اكيد.... وليش بالله ماثق بصديقتي ولا ماثق بالموظفة الي تصورنا بمكان تعليمي والعياذ بالله من سوء الظن
صديقتي ذي منزهه وطاهرة وكلن منزه وطاهر وحنا ببلد حر كلن يسوي الي يبي والي يختار شي يتحمل خطاو

ولا لا ياديموقراطييين
ديموقراطي بالموضوع لين توصل المسألة عند اهلك صح!!!!


مااقول الا حسبي الله ونعم الوكيل
والحساب يوم الحساب
والله يذكر ايام انكار المنكر بالخير!!!







رسالة لادارة المنتدى

للتوضيح نحن بالمعهد نتبع المؤسسة العامة للتعليم الفني ومالنا دخل بالجامعات
فلذلك نتبع نظام ثلاث اترام وليس ترمين ولحد الحين نداوم في المعهد ولا خلصنا
ولا راح نخلص الا بعد ثلاث اسابيع من الان
وكان فييه بازار امس ورجاء التلطف مع الاعضاء والتشكيك بنزاهتهم !!
والي مو مصدق يسأل اقرب خوي له يدرس بالتقنية اذا هو مب عارف يعلمه
ارجو منكم انتم التثبت من الانظمة هناك ومن صحة الخبر واتحدى احد يكذبني والله على مااقول شهيد
الهدف من الموضوع الخطيررر جداااا كشف التناقظ الي موجود بالمعهد والتنبيه على عدم التهاون بعورات المسلمين

[رنيم 99]

طيب وراه ماتقولين للادراه علشان يمنعون الجوالات الكاميره

[بريداوية فلة]

انا بالتقنيه اصلن التصوير تصورك وتعطيك الصوره وبعدين تمسحه شلون بتنشر ممكن تقولين لي
والجوالات يجيبنهن بالدس البنات ولا مراقبه عامه عن الجوال

ومشكوره

[من قلبي]

كلام كبير ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وخطير
لاحول ولا قوة الا بالله
حسبنا الله ونعم الوكيل

[سعداف]

كم مره نزل هالموضوع

[بنت التقنية]

اقتباس المشاركة الأساسية كتبها رنيم 99 طيب وراه ماتقولين للادراه علشان يمنعون الجوالات الكاميره

انا مااقصد الجوالات ياليت .........جوالات الكمره ممنوعه اصلااااا>> بس التصوير مسموح وشلون مادري

وبعدين كيف اقول للادارة وهي الي جايبة المصورة والكمرات ومعلنه عنها من قوة العين

والادارة اصلاااا سيئة جدا في التعامل مع المتدربات وماتدري عنهن لا بحقوقهن ولا حتى واجباتهن

العميدة مانعرفها جديدة شكله وتدري عن الموضوع ومبسووطة بالوضع

والوكيلة قديمة وهي رحاب من اسواأ مايمكن مع المتدربات كذا احسه ماعنده انفعالات وبعد تدري عن كل شي وتشوف ولاهمه ولا حركو به شعره

مابحياتي حسيتهم شي لنا فعلا مفيد كله تفشخر .. وكل ماقلنا لهم شي قالو حنا غير حنا نختلف وكل شوي حنا بنظام وحال الله يعلمبه

وانا متأكدة لو انا رايحة لوحده منهن بتميل ولا تكلف نفسها وترد حتى وقد جربت

النصيحة ذي حرام بالمعهد استغفر الله

بنات لابسين قصير واشكال وحالات غريبة وبويات والله ماتحسين باحد وراهن ولا منتبه اصلا لهن

وش تبين اكثر من التشجيع على الانفتاح الخاطئ بالمكان الخاطئ

فيه ناس ماتقبل هالكلام وعوايل ماعنده الا الذبح وش هالتساهل بالاعراض ومن وين جانا

ياسبحان الله كيف تغيرنا الي بالكليات صرنا نصور اجل بالعروس والاستديوهات وش نسوي نواعد مثلااااااااااااا!!!

[كبرياء الجرح]

موضوع خطييييييييييير..
الله يهديهم بس..

[عمر اليحيى]

يرجى ابلاغ اقرب مركز هيئة وهم يتولون الامر

[بنت التقنية]

اقتباس المشاركة الأساسية كتبها بريداوية فلة انا بالتقنيه اصلن التصوير تصورك وتعطيك الصوره وبعدين تمسحه شلون بتنشر ممكن تقولين لي والجوالات يجيبنهن بالدس البنات ولا مراقبه عامه عن الجوال ومشكوره

انا اقولك وشلون تنتشر
اولا الميموري ذي عادي تسترجع كل الصور الي انوخذن به واسألي اقرب يمني بالنافوره وهو يعلمك وشلون

الشي الثاني اذا انتي صورتي مع فلانه وفلانه حطته بالبي بي مثلا كان مهب رايحتن توريه اخوانه وخواله وعمانه الي بالبيت
وكل الي معه بالبييي اخذو الصوره يالله عاد روحي دوري الي اخذتن النسخة الحين

الشي الثالث اذا الموضوع ذا صار بشجيع من الادارة هي الي تحمل المشاكل الي بتصير من التصوير الي بيصير بالمستقبل بالمعهد

اذا هي الحين سمحت به مالها حق تمنعه بعدين صح ولا لا!!!!
المشكله مهب الي يجيبن الجوالات سرقة ويصورن سرقة.. المشكلة بالي يخلية جهر وعادي ومافيها شي وحرية شخصية
اليوم تصورين برضاك وبكرا غصبن عنك وانتي لاهية مافيه ادارة زي العالم تحميك او تحامي عليك

ارجو عدم التهاون بالموضوع لان فيه بعض الناس ترسل رسايل سلبيه للمراهقات الطافات الي كل شي عادي ولا فيها مشكلة

العفو وشكرا على ردك

[بنت التقنية]

اقتباس المشاركة الأساسية كتبها من قلبي كلام كبير ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وخطير لاحول ولا قوة الا بالله حسبنا الله ونعم الوكيل

هذا الي بأكد عليه والي خايفه منه

احس اني بخطر بهالمعهد

واهلي مهب ساكتين على فكرة

صورة الاعلان

[بنت التقنية]

اقتباس المشاركة الأساسية كتبها كبرياء الجرح موضوع خطييييييييييير.. الله يهديهم بس..

امين الله يجزاك خير

[همووس]

لاحول ولاقوة الا بالله يارب سترك بس

[مهزله]

خييييير وين عايشين بوه حنا ..

المفروووض مايدخلون جوال الكامييييييرا

[شمعة حنين]

أستغفر الله العظيم

يا رب تحفظ بناتنا