[بدرالوابلي]

.


في البدايه اسمحوا لي ان اهرج بلهجتنا العاميه فالغالبيه من الاعضاء لاتستهويه الفصحى؟

يوم انا صغير كنت احيانا اروح مع ابوي الله يرحمه لدكانه بالسوق الداخلي...قدام المحل عتبه تجلس به الحريم وتستريح خاصة اوقات الصلاة ....لفت نظري شي مثلث يشبه الجين المثلث لونه بني أذا بغت بعض الحريم تصلي فكته من رقبته وحطته بجمبه ؟؟؟ ودي ادري وشو هالمثلث ؟؟؟ مره حطته عجوز ونسته فوق العتبه ومن الشرافه اخذته وحطيته بمخباتي ؟ يوم رحنا للبيت وانا اتقرص واتلمس مخباتي ودي ناصل بسرعه ! واول ماوصلنا تغبيت بالملحق وجبت معي مبراة <سكينه وقطعته تدرون وش لقيت بوسطه ؟؟؟ ورق مقصوص مستطيلات متعرفطات ومكتوب عليه كتابات على شكل مربعات تقل رسم هندسي ؟ قلت بنفسي وبسسسسسسسس اومير اجدعهن بالقمامه اعزكم الله ....ونسيت السالفه

يوم كبرت شوي قريت بروشور بالمسجد ان هالخرابيط (سحر) يشرنه بعض الحريم من ناس يتلبسون بالدين والدين منهم براء وهالمجرمين ماغير يهكون على الحريم وبعضهم قبضت عليه الهيئه وفكت الناس من شره .....عاد عقبه يوم بديت اعرف اسوق السياره رحت للي يطلع الجن بحدى المزارع مع صديق فزعه علشان امه مريضه بالوهم نسأل الله السلامة والعافيه وممدوحن له هالمجرم اللي بالمزرعه يقولون يقرا ومدري وشو ؟؟؟ صراخ وتلعين وتشتيم والذيب ينشنش ؟؟ واشتراك بطارية السياره يدهر بجدايل الحريم !!!! والى الحين هالفلم المرعب ببالي له حوالي 20 سنه ؟؟؟

وقبل حوالي شهر بالصدفه بحدى المستشفيات سمعت واحدن يقرا على مريضه وصاكن الستاره بغير وقت الزياره ؟؟؟؟

صوته يسمعه اللي بعفيف ...؟؟؟

(((((( انفتحي ايتها المبائض والأرحام .................الخ ))))؟؟؟؟؟؟؟؟؟؟؟؟

والمسكينه ماغير تصيح وتشاهق نسأل الله السلامة والعافيه !!!! وصراحه ضاق صدري وتذكرت المواقف السابقه وتمنيت ان اللي يقراء يطلع لي علشان اغوله ؟؟؟ او ابلغ عليه الهيئه ....قلت ياولد مالك ومال الغلب ؟ ابعد عن الشر وغني له على قولتهم !

قلت الموقف لواحد وقالي ان هذولا هاللي يستغلون الآم الناس وجيوبهم =
يجيبونهم بعض الناس الجهلاء ويخلونهم يقرون على حريمهم بقروش ؟؟؟؟؟؟؟؟؟؟؟؟؟؟ وبدون محرم !!!!!!!!!!!

الى هالدرجه الجهل عند بعض الناس وحنا بالف واربعميه واثنين وثلاثين؟؟؟؟؟؟ياثقون بواحد يسمح لنفسه ياخذ قروش ويكشف على الحريم بدون محرم ووش هي شهادته ووشي مؤهلاته ؟؟؟؟؟ اغلبهم مامعه خامس ابتدائي ومايعرف يكمل قراية الآيات صح ؟؟؟؟؟

الله يخلف على مجتمع لازال بعض افراده يروحون لهالمرتزقه باسم الدين رغم ان الهيئه ماقصرت وتوعي الناس بوسائل الاعلام لكن وش السواة بالجهل وضعف الايمان ؟؟؟؟؟؟؟؟؟؟؟؟

[بدون اسم...]

الله يسترالجهل موجود الى الحين لان فيه ناس الى هالوقت عايشين بقرى لانت لاتلفزيون وخاصة كبار السن صعب


تغيير معتقداتهم وغالبا المريض يبي اي قشه يتعلق به وخاصة ضعاف الايمان يتمسك باي شي حتى لو كان سحر


وشعوذه

[ابو صامت في بريدة]

جزاك الله الف خير جيت على الجرح

سمعون تراي ما تكلم عن الدين واهل الخير والصلاح الي مشهود لهم به لكن راح التكلم عن فئة دخلت معهم وهم اصلا مهم اهل علم .وفقه..

يا اخوان اقول لكم انتبهوا منهم والله اني اعرف حالات كثير وراح الذكرها لكم

وحدة تقول كنت اعاني من عين وكنت اتنفل بين الرقية الجماعية والرقاة الخاصين تقول والله لو

تشوفون اخطاءهم ما خليتوا ماحارمكم يرحن لهم .......هذا يحط يده على ارحام النساء واحد يكشف

حجابهن حتى ينفث ليحترق المس !!!!!!!!!! عجيب وش هالكلام يا اخوان والثاني يصعق بالكهرباء

وغيره يكشف وجهها ويسعطه...... لاحول ولا قوة الا بالله

والثانية قصته عجيبة مع الرقية تقول تنقلت بين الرقية العامة والخاصة المهم تقول استمريت عند

راقي ...... هالراقي هذا انفتن بالبنت جلس يدهن صدره بالزيت مع وجود محرمه وهالمحرم ساكت

ياحول يدور الشفاء لأخته زاددت الفتنه اخذ يفتح وجهها ويحلف بالله انه ما يناظر والمشائخ قالوا


كانت الحاله كذا يجوز مس المرأة ... المهم صار يكلم البنت بكلام فاحش ما ينقال لزوجة بحجة ان

المس يندحر !!!!!!!!! المهم البنت تنكر وهو يقول له لازم تكلمين حتى تقهرين الجني !!!!!!! عجيب والله

هل يرضونه لبناتهم ّ!!!!!! المهم طلب منها ان ترسل صورتها بدون علم اهلها البنت اقتنعت تقول هذا

مطوع ويقرأ ؟؟؟؟ ارسلت البنت صورته ؟؟ اعجب هذا الراقي بالبنت وخطبها من اهلها وقال لازم

تزوجون البنت عشان تشافى وهو اصلا انفتن به. اقتنعوا الأهل وعقدهذا الراقي على هذه البنت يوم عقد عليها بدون دخلة


جلس يقرأ عليها ويكشف وجهها ودخلها بالغرفة وشوفوا وش صار ويوم خلص حاجته تردد على

الدخله وقال خلينا كذا احسن المهم البنت خافت على نفسها واصرت عليه بالزواج وبعد متزوجها جلسها



اسبوعين وطلقها؟؟؟؟؟؟؟؟؟ وش رأيكم بهذا

والثانية خذها وبعد ما حملت منه وجابت ولد طلقها

يا اخوان والله قهر حملوا البنات وهن اصغار وش ذنبهن ؟؟؟؟؟؟؟

[أحمرالعين]

الله المستعان

[دفا.]

الوالده طول الله عمره
تسولف وتقول واحد من قرايبنا

اذا جته المرأة يطلب لمسها وهو يقرأ

تقول انا انكرت عليه
وحذرت الحريم

تقول ياوليدي والله ياهو ماعندك احد
يطلب لمس الظهر والجوانب
بحجت القرأة انا رفضت
وانكرت عليه

تقول ماخليته فضحته في كل مكان
احسن عشان احذر الناس منه

سئلته قلت يمه تتوقعين هو متعني
هذا الشيء

قالت لا بس جهل
هو يسمع انه لازم يمس جسد المرأة عند القرأة
وهذا مايصلح

انا علمت زوجته وحذرتها
مع انه كبير بالسن

قلت لها يمكن يلعب عليه الشيطان
ويتمادى


الله يهدي ضال كل مسلم

[غدا أجمل*]

جزاك الله خير
صادق
بس غررررررررريبه الى هاللحين ناس عندهم جهللللل
خاصه لاكان مكانه غريب وكذا فهذا نصاب ولا من متى شيخ يجلس مع مراءه لحاله ولا يحط يده عليه لله يهديهم

[بنت كفو]

الله ايعافيهم ولايبلانا ،
ضحكتني هذه ليش يسوي كذا ( واشتراك بطارية السياره يدهر بجدايل الحريم )
وليش الاشتراك .[/size][/color]

[فوفتي]

طرح رائع تشكر عليه اخ بدر

[مخاوي الصمت]

أحسنت في إختيار الموضوع الحساس والذي يمس العقيدة
جزاك المولى خير الجزاء

ولكن ليتك بلغت الهيئة عن ذلك الدجال
وعلينا جميعاً فعل ذلك تماماً كما فعلت تلك المرأة جزاها الله خيراً حينما بلغت عن ذلك الدجال الذي يدّعي العلاج ( بصب الرصاص ) وهذه أحدى أساليب السحرة لعنهم الله

+ تميّز +

[غيث السماء]

وفقكم الله ...
سأبدا من حيث مانتهى إليه المشاركون :::

= لذا يجب علينا جميعااااا ~
* أن نخلص أنفسنا من التعلق من عند بعض النساء .
* يجب علينا اخراج كوادر من النساء اللاتي يعالجن من بني جنسهن .
* الغوص في الطب النبوي فهو علاج بلاشك واستخرج مابه من كنوز .
وأفضل منتدى وجدته في ذلك ... منتدى الشيخ عبدالله الخليفة ...حفظه الله ... وغيره فهو سلاح فتاك (الطب النبوي)
وأذكر ان احد الجن تكلم عند احد القراء وقال الخلفية هذا صاعقة على عالم الجن يرسل علينا صواعقه من الرياض قصده (علاجاته) .
* تثقيف الناس بالقرآءة الصحيحة وكيف تكون حتى لايقعوا ضحية جاهل .
* لانؤيد المقارئ الجماعية... والسنة الواردة في القراءة هي القراءة الفردية .
* سبق وان نشرت مقالا بعنوان( من هو طبيبك ؟ )وهو يتكلم أننا نريد ان ننشئ من انفسنا أطباء نعالج غيرنا ومحارمنا .
* العيادات الاكترونية أجدها سلاحا جيدا (الموثوق منها والمعروف مبدئة) .

وإن كان الموضوع يحرق القلب وفي جعبتي الكثير الكثير الكثير لكن من أراد المزيد
فليأخذ من مصدره (منتديات الشيخ الخليفة)

شكر الله لكم

[سر الوجود]

جزاك الله خير

[سيرينا]

أنا ذهبت للعديد من الرقاة وكانوا ملتزمين بدين ولله الحمد ماشفت شي من الي قلتوه
وأعتقد الرقاة صار عندهم وعي كامل بأنو حرام لمس جسد المرأة مو مثل قبل
وللأخ أبو صامت البنت نفسها ليش مارفضت لمسه لجسدها وفضلت المرض على اللمس
ليش كل شي على الرجل يعني أنا شوفت ساقطات الغرب في الوقت الي ماتشتغل فيه ترفض لمس جسدها وتعرف أنه الحاجة هي الي أجبرتها وحنا ماهي مجبرة وتسكت على تحرشه
وأخر شي حسبي الله على كل من يستغل الدين الله يفضحهم
وبنسة لكاتب الموضوع حبيت أخبرك لازالت التمائم موجودة للحين

[بندر 1430]

إستمتعت جداً بقراءة مقالك وأنا هنا لكي أهنئك على أسلوبك الرائع في الطرح حتى أني كنت أفكر بالأمس بإستحقاق موضوعك للتميّز و إذا بمشرفنا وأستاذنا الفاضل مخاوي الصمت يقرأ رغبات تلامذته

أرجو أن اٌقرأ منك المزيد ..

أخوك

[دُرر مضيئة]

الله يحفظنا ياررررب ولا يحيجنا لهم

لكن

مت ضحك على هالجملة والذيب ينشنش ؟؟ واشتراك بطارية السياره يدهر بجدايل الحريم !!!!
استغفر الله