[إبن القيم]

كثرالحديث بعد الدعم الحكومي لصندوق التنميه العقاري البعض
من الناس يقول سوف يرتفع العقاروالبعض الأخريقول سوف ينزل من وجهة نضري الشخصيه
زيادة القرض من 300 الف الى 500 الف سوف يجعل الكثيرمن الناس يفكرفي تملك مسكن سوا كان شقه اودبلكس اوالبناء اذا كان يملك ارض وبذالك سوف تتوفرالكثيرمن المساكن بخروجهم من الايجارالى التملك وبذالك سوف يحدث انخفاض في الايجارات
وعند انخفاض الايجارات
سوف تنزل اسعارالفلل السبب الرائيسي في ارتفاع الاسعاراقبال الناس على الايجارات وعدم التملك وزيادة القروض سوف يقدم الكثيرمن الناس على الخروج من الايجارالى التملك .



* التقرير وجهة نظر شخصية وليست دعوة للبيع أو الشراء

[بريداوي في غربه]

الله يسمع منك ياخيي وتصدق نظرتك الشخصيه والله اننا تعبنا نفسياً الواحد منا من يوم يتوظف الين مايحيلونه للتقاعد وهو يفكر ببيت العمر ومتى يتملكه الين مااصبح هاالحلم يبيله معجزه عشان يتحقق اول احسن شقه تاخذها بـ200 وبعدين ارتفعت الى 240 والحين وصلت للـ 300 واكثر شوي اما الدبلوكس لاتفكر فيها ولا تحلم فيها (( اللهم انا انحرمنا من البيت في الدنيا فلا تحرمنا من قصور الجنه وانت اكرم الاكرمين ))

[عبدالله]

نحيل الموضوع لأهل الخبرة فليفيدونا في ذلك

[سعد الذابح]

.

الله يرزقنا من واسع فضله ،،

.

[بنت البدراني]

ابشركم العقار بينزل م بداية السنة الجديدة اوالعيد

[كتكوته]

يااااارب..ماعليه بعيد..

[km0311]

العقار ينزل ببريدة
لاباع هوامير العقار اراضيهم الي شمال بريدة الي ارضه تصلح مطار وشيبان الغرب والشرق طاح العقار
ولاكن جتهم الرسوم على الاراضي البيضاء والوعد القرار

عموما ازف لكم بشراء واكثركم لاحض هذا الموضوع

كثرت بيع المخططات وتسهيل الامانة بشان موضوع التخطيط الاراضي

فلا يمر اسبوعين الا نرا لوحات واعلانات المخطط الفلان والمخطط العلاني للبيع

وهذا دليل على بداية انهيار العقار او نقول نزول العقار لن المشكله في ندرة الاراضي

فطبيعي لا كثر العرض نزل السعر والعكس صحيح

[حربي عابر دربي]

ريحوا روسكم العقار مهب نازل على اقل شي الخمس سنوات الجاية

والي نزله قرض اغلبهم يملكون منازل ملك ( تعرفون القرض عندنا اذا شيب الواحد اعطوه قرض )

وبعدين اذا نزل القرض مهب المفروض يشري ارض ولا وين يبني ( يعني البيع والشراء يبي يزود اكثر )

[the king 11]

يا اخوان من وجهه نظري ولي قراءة في هذا الموضوع ان العقار في ارتفاع مستمر مالم يتم إيجاد حلول سريعه وجذريه لتجار ادوات البناء حتى لو ارتفع القرض من 300 الى 500 الف راح يستغل التجار هالفرصه وراح يرفعون قيمه ادوات البناء لذلك وجود الرقابه سبب مهم لعودة مؤشر العقار للأنخفاض والجدير بالذكر انه خلال النصف سنة الماضيه من 2011 انخفض مؤشر العقار في الرياض والدمام وجدة ولكن بنسب بسيطة وهذا مايمنع اننا نستبشر بالخير

[الصريح جدا]

السلام عليكم ورحمة الله وبركاته

انا من وجهت نظري

أنه بينزل العقار

السبب :
1- مثل ماتفضل به أخي الكل بيشري فلل جاهزه بنفس القيمه أو يزود عليها مبلغ بسيط .
2- سوف تفرض ضرائب على الاراضي البيضاء وهذا سوف يسبب بنزول على العقار لأن الكل بيبيع الارض إذا ليس بها حاجه للهروب عن الضريبه .
3- صندوق العقار سوف يبني مساكن ويأجرها بأنتهاء بالتملك للمواطنين وهذا من إن شاء الله سوف يسبب


إذا بمشيئة الله سوف ينزل العقار وعند نزول العقار سوف ترتفع الاسهم لأن أكثر التجار والمضاربين في العقار سوف يتجهون للاسهم من جديد مثل ماحصل قبل أعوام


وجهة نظري قد تكون صحيحه وقد تكون خاطأه

تحيتي للجميع

[ممدوح الطرس]

الله يرزقنا من واسع فضله

[المعتزه بديني]

اقتباس المشاركة الأساسية كتبها بريداوي في غربه الله يسمع منك ياخيي وتصدق نظرتك الشخصيه والله اننا تعبنا نفسياً الواحد منا من يوم يتوظف الين مايحيلونه للتقاعد وهو يفكر ببيت العمر ومتى يتملكه الين مااصبح هاالحلم يبيله معجزه عشان يتحقق اول احسن شقه تاخذها بـ200 وبعدين ارتفعت الى 240 والحين وصلت للـ 300 واكثر شوي اما الدبلوكس لاتفكر فيها ولا تحلم فيها (( اللهم انا انحرمنا من البيت في الدنيا فلا تحرمنا من قصور الجنه وانت اكرم الاكرمين ))

اميين

[MEHWAR]

قد يكون استنتاجك صحيح

لكن اذا على تسذا يبيله وقت طويل 5 سنين على الاقل عشان ينزل

اقتباس المشاركة الأساسية كتبها بنت البدراني ابشركم العقار بينزل م بداية السنة الجديدة اوالعيد

ماشاءالله وشلون يبي ينزل العقار

[استغفاري سر سعادتي]

يارب والله ماحصلنا بيت على بنك
كله فوق 700الف