[حبكم في قلبي]

السلام..على جميع اعضاء المنتدى كل عام وانتم بخير ..والله يتمم علينا صيام شهر رمضان المبارك..نتكلم عن أغراض رمضان اللهم يا كافي بعض الناس يروحون يشترون اغراض الاكل تكفي حي بكامله لااله الا الله اقتصدوبالمقاضي ابد ماراح تموتون من الجوع اذارحتي لبنده مليانه عالم اذا رحتي لسوبرماركت مليانه عالم والله ماصارشهرعباده هذا شهر بلع الامن رحم الله وذا جت السفره اشكال والوان ويا كلون حبتين والبا قي قب من التوت ونعمه الله تحط بالزبايل الله لا يعا قبنا شوفو اخواننا المسلمين بالصومال يتمنون خبزه يابسه تسد جوعهم الله يرزقهم ويفرج ضيقهم الله الله بالدعاء لهم وتقدير نعمه رب العالمين والاقتصا د بالاكل والشرب وندعي الله ما يغير علينا والله يرزقنا الشكر من زود النعمه ودمتم.اترك الميك لكم..

[قباصة من القباصات]

^
هههههههههههههه اهم شي المايك



وعليكم السلام .. وانتي بخير وصحة وسلامة وعافية يارب
كلامك صح وياليت الناس الي يقرون مايبالغوون في شراء الأكل ماحنا بمجاعة ولا بحرب تشتري الي بالجمعية(( سوبر مارقط )) كله
خذ على قد حاجتك وبس
الله يفرج هم اخوانا المسلمين في كل مكان ويرزقهم الخير

واهم شي مثل ماذكرتي نحمد الله تعالى ونشكره على نعمه الكثيرة
اللهم لك الحمد حتى ترضى..

وجزاك الله خير على حرصك الطيب .

[محمد بن سلطآن]

جزآك الله خير آنآ لو مكآنه يقسمون نص أغرآضهم للمحتآجين
تدمع عيوني لاشفت عند المسجد حريم ومعهم بزآرينهم
الله يرزقه ويعفو عن بعض المسرفين

[ღ ليالي نجــد ღ]

الله يبلغنا اياه لافاقدين ولا مفقودين
كلن يشري على قد حاجته ويطبخ على قد بطنه
لاتبلشين بأحد وانا اختك

[ღ ليالي نجــد ღ]

اقتباس المشاركة الأساسية كتبها محمد بن سلطآن جزآك الله خير آنآ لو مكآنه يقسمون نص أغرآضهم للمحتآجين تدمع عيوني لاشفت عند المسجد حريم ومعهم بزآرينهم الله يرزقه ويعفو عن بعض المسرفين

لاتدمع عيونك ولاهم يحزنون
ارفع يديك ووجه للقبله وادع ربك يرزقك نص اللي عندهم لآنهم اتجر مني ومنك لكن الشحاذه مرض وبلوى
الله يعافيهم ولا يبتلينا

[لافندر]

كله من اسراف الحريم
الشرهة ع اشباه الرجال والا المفروض الرجل هو اللي يروح يشتري لانه يشتري قد الحاجة وبس

وحدة ممنوعه من هايبر

[ღ ليالي نجــد ღ]

اقتباس المشاركة الأساسية كتبها لافندر كله من اسراف الحريم الشرهة ع اشباه الرجال والا المفروض الرجل هو اللي يروح يشتري لانه يشتري قد الحاجة وبس وحدة ممنوعه من هايبر

والرجل هو يعرف الحاجه عشان يروح يجيبه
الزم ماعليه يملا بطنه ويتسدح عند التلفزيون
انتي شكلك من النوع اللي يقش اللي يحتاجه واللي مايحتاجه
جربي سجلي كل الاغراض اللي تبينه بورقه وروحي خوذي المكتوب بس لاتقولين هذا يمكن احتاجه خلين اخذه لا
خوذي اللي مسجل عندك بس وبتلقين ابو الشباب ياخذك كل يوم للسوبرماركت

[صاحبة الامتياز]

اللهم بلغنا رمضان

الله كلن يرزقه اشوى الي الرزق مو عندكم كان تعطلت العالم

حتى في المقاضي حاشرين اعماركم ~

***

[MEA]

اقتباس المشاركة الأساسية كتبها ღ ليالي نجــد ღ والرجل هو يعرف الحاجه عشان يروح يجيبه الزم ماعليه يملا بطنه ويتسدح عند التلفزيون انتي شكلك من النوع اللي يقش اللي يحتاجه واللي مايحتاجه جربي سجلي كل الاغراض اللي تبينه بورقه وروحي خوذي المكتوب بس لاتقولين هذا يمكن احتاجه خلين اخذه لا خوذي اللي مسجل عندك بس وبتلقين ابو الشباب ياخذك كل يوم للسوبرماركت

اللهم بلغنا رمضان

هههههههههههههههههـ

وشفيكي انتي عيب عليك ها الكلام

[حبكم في قلبي]

اقتباس المشاركة الأساسية كتبها صَـُآحِبّـةُ اَلإمْتِيَـــٌـآزٌَ اللهم بلغنا رمضان الله كلن يرزقه اشوى الي الرزق مو عندكم كان تعطلت العالم حتى في المقاضي حاشرين اعماركم ~

الله يعا فيك ما حشرنا انفسنا حنا ننصح المسرفين..في كل شي يحا فظون على النعمه الي بين ايديهم ..ويقتصدون .

[اصيله بطبعي]

والله الاسراف مهب زين المفروض الواحد ياخذ الى يحتاج وبس ويحاول يتبرع بجز ولو بسيط ها الفقراء شويت اغرض الله يرزقنا واتبرع على اكبر عدد يارب

[رودي1]

صاادق والله ولاكان فييه غيير شههر رمضاان الي ناكـــل فييه..^^

[ام عبووودي]

انا ابقول شي واحد بس وها للمسرففففففففففففففففففففففففففففففففففففففففففففف فففففففففففففين الله يعافينا مما ابتلاهم به
.تدرون ان الصومال كانت دوله غنيه وكان من كثر النعمه اللي عندهم يكبونه بالارض,
الحمدلله يارب على النعمه

[الـعـابـر]

اقتباس اترك الميك لكم..

انا مايصلح لي الا مايك بنده او العثيم اتكلم فيه
لأن هنا ما يصلح ولا راح يفيد
كلا يبي يدعي الشي الزين