[ام عبووودي]

قبل كم يوم كتب بعض الاخوة تحذير عن الايفون وقال انه يشتغل بالاتصالات وانه فيه برنامج يسرق الصور وكل المعلومات اللي بالجهاز
تعقيبا على كلام الاخ
بعدماشغل بالي الموضوع مع انه موب معي الجهاز بس ناويه اشريه ان شاء الله
المهم لقيت قصه عن احدا البنات تحذر من الايفون وهذي القصه
تحذير مهم لمستخدمي الايفون وخصوصا البنات فيه برنامج اسمه whoshere بالعربي لتأكيد ((الهوزهير)) هذا اخطر برنامج موجود عالأيفون وظيفته هي شات طبعا هو مو شات بس لكن بالأمكان التجسس على الايفون بالكامل من ارقام وحسابات وبيانات والاخطر من كذا انه يقدر انه يشغل الكاميرا من دون محد يحس والتقاط الصور وهذي قصه حاصله عند الشيخ عادل المقبل رئيس هيئة الفاروق يقول الشيخ :قبل فترة اتصلت

علي فتاة تبكي بحرقه تقول انها كانت تستخدم الايفون من فتره وتعرفت على برنامج الهوزهير وصرت استخدم البرنامج واحيانا اصحى الصباح وهو شغال البرنامج ولا كنت اعرف مخاطره ومرت الايام ودخل علي شخص يناديني بأسمي فاستغربت فقلت اكيد هذا يعرفني فقلت له من معي قال مالك دخل فصار يعطيني معلومات عني وعن صديقاتي ويعطيني وش كنت البس باليوم الفلاني فاستغربت منه وشكيت بأحد اخواني وخفت اقول لهم تكبر المشكله وبع


د اسبوعين صار يرسل لي صوري فجن جنوني منه وقمت بتذكيره بيوم الحساب لعله يخاف لكن ماعبرني والاخطر من هذا كله حدد وين مكان بيتنا عن طريق البرنامج وقام يصور البيت ويرسله لي يقول لي يا تطلعين الحين او ارسلهم لاخوانك وهذي ارقامهم فوالله ياشيخ مالي الا الله ثم انت وحنا من عائله معروفه ومحافظه يقول الشيخ اخذت وصف بيت البنت وقلت لها اتفقي تطلعين معه بشرط انه يمسح صورك عشان مايشك انه مراقب فاتفقت معه
وجاء وطلعت معه وتمت مداهمتهم ومصادرة الجوال وتحويله الى هيئة التحقيق والادعاء العام لكن المصيبه مو هنا المصيبه انه نشر صور البنت ولا هامه احد اتعضو يابنات والان تتم تتبع الصور حتى تحذف من الشبكه العنكبوتيه كثير من الفتيات يستعمل هذا البرنامج جزاك الله عني خير الجزاء حذروهم يابنات
يعني لازم تنتبهون على البنات من الجهاز او على الاقل تغطى الكميره اللي قدام او ماتحطون البرنامج
وبس ترا ماكتبت الموضوع هذا هذا لخوفي على بناتنا والمشكله انه منتشر بشكل مرعب الجهاز وكل بيت مايخلو من ثلاث او اربع منه

[سُـقيا]

يالبى قلبتس ياأوخيتي مشكوره ع حرصتس
والله يسعدتس ويخلي لتس عبودي

لكن00شكلتس ماقريتي الموضوع اللي كاتبه (المنخرش)
ان هالقصه مولفه توليف منشان الناس يصدقون وهيك
وهذا رابط الموضوع
http://www.buraydahcity.net/vb/showthread.php?t=272856

أبد اشري الآيفون وماهنا الا العافيه ان شاء الله

دمتي بخير

[الـعـابـر]

اقتباس لكن00شكلتس ماقريتي الموضوع اللي كاتبه (المنخرش) يقولون ان هالقصه مولفه توليف منشان الناس يصدقون وهيك

والله يهالناس طايحتن توليف
احد يولف ويثبت و يتهم
و احدا يولف و يثبت و يبرئ
والشعب ماغير طاريتن عييناته يواكب او يربط بريك

[سُـقيا]

اقتباس المشاركة الأساسية كتبها من الجماعة والله يهالناس طايحتن توليف احد يولف ويثبت و يتهم و احدا يولف و يثبت و يبرئ والشعب ماغير طاريتن عييناته يواكب او يربط بريك

يكفينا من ذلك أن الشيخ عادل المقبل .. بريء من هذه القصة
وهذا أكبر دليل على توليفها

[راعي الشوق]

انا من وضع التحذير عن الايفون ولم اذكر اي قصه لكن انا احذر من الايفون علشاني كماقلت في موضوعي السابق

والى يقول ان الايفون مافيه شر ولا فيه خراب اقوله اسمحلي والله ماتدري عن شي

والى مصر انه مافيه شي الايفون يحطه في ذمته امام الناس هنا كانه صادق

[سُـقيا]

8888888888

ياأخوي لاعلم لي بموضوعك

والآيفون مثله مثل أي جهاز الكتروني آخر فيه ايجابيات وسلبيات
وعلى حسب التعامل تكمن الفائده

دمت بخير

[راعي الشوق]

اقتباس المشاركة الأساسية كتبها (نبرة شجن) 8888888888 ياأخوي لاعلم لي بموضوعك والآيفون مثله مثل أي جهاز الكتروني آخر فيه ايجابيات وسلبيات وعلى حسب التعامل تكمن الفائده دمت بخير

من يقول انه مثله مثل غيره الايفون كله سلبيات والايجابيات نقدر نحصله بغيره

الايفون جهاز مبتكر لغايه شيطانيه

وربي انه شيطان داخل جهاز

والى يبري الايفون اقوله حرام عليك لاتضيع الناس قل خير او لاتبريه

والله على مااقول شهيد

[سُـقيا]

888888888888

أنا اللي أقول مثله مثل غيره

وبعدين وجهه نظرك وأحترمها

[خلفان]

شركة ابل متهمة بالتجسس عن طريق اجهزت الايفون والايبود

وهي لم تنكر هذا الشيء ولا تستطيع انكاره

[عزتي في عفتي]

سبحانه من جعلني متمسكه بأفكار جدتي رحمها الله رافضه مبدأ التطور التكنولوجي الثانوي مثل هذه الأجهزه
أتأمل التفاخر بين مجتمع النساء في ايهما تمسك احدث جهاز ولا يعلمن ان الفخر لصانعه وليس لمالكه !!

[ياحبيلي ياسعدك فيني]

كوييييييييييييييييييييييييييييييس

[ماعلينا من الناس]

راعي الشوق
جزاك الله خير على النصيحه بس موب لازم كل
موضوع تلاحق العالم وتقول لهم دامنا نستخدم اجهزه ابل
من كم سنه ولاشفنا شر ماراح يجينا شي وش له الوسوسه
والحرص الي ماله اي داعي

اجل سكر بابك واجلس بايتكم ولاتطلع ولاتدخل ولاتواكب شي
حتى لايدخل عليك فكره او تقنيه شيطانيه
 

[أبو رُبـــــى]

الآيفون مثل أي جهاز آخر ..

شركة أيفون اعترفت أنها تأخذ نسخة من المعلومات لحفظها والرجوع إليها حين الحاجة
من صاحب الجهاز فقط ..؟
وهذه بحد ذاتها ميزة لا توجد بأي شركة أخرى ..


أما غيره فمثله مثل اللاب توب وباقي التكنلوجيا ..

[راعي الشوق]

اقتباس المشاركة الأساسية كتبها ماعلينا من الناس راعي الشوق جزاك الله خير على النصيحه بس موب لازم كل موضوع تلاحق العالم وتقول لهم دامنا نستخدم اجهزه ابل من كم سنه ولاشفنا شر ماراح يجينا شي وش له الوسوسه والحرص الي ماله اي داعي اجل سكر بابك واجلس بايتكم ولاتطلع ولاتدخل ولاتواكب شي حتى لايدخل عليك فكره او تقنيه شيطانيه

حطيتيني موسوس وتبينن ماانصح الناس وتقولين سكر بابك 00

طيب مانيب راد على اي موضوع يخص الايفون بس ابي منك شي واحد والشاهد الله علي وعليك

تحطين بذمك ان الايفون مافيه اي شر زي ماقلتي