[فــ ـهـ ــد]

بسم الله الرحمن الرحيم

اخطيت على شخص ما اعرفه ولا يعرفني بس الظروف اجمعتنا بمكان

لحظتها كنت احسب معي الحق بس اكتشفت اني غلطان

تفارقنا من المكان اللي اجتمعنا فيه كل واحد راح في حاله

بعد ما راح الموقف فكرت فيه من كل النواحي لقيت ان الخطأ راكبني

مع اني لحظتها حسيت بالنشوه والانتصار وهو راح كسير الخاطر

فكرت كثير كيف القى هذا الشخص واتسامح منه بس م اعرفه ولا يعرفني

يعني كني ابحث عن نقطه في بحر ولا اعرف الا المكان اللي تلاقينا فيه

وراحت الايام ونسيت الموقف وراح عن بالي ولا صرت افكر فيه

بس وانا ماشي بيوم بالسياره سمعت شيخ يتحدث في الاذاعه عن حقوق الناس

وان الله يعفو عن اللي بينه وبين الناس بس اللي بين الناس والناس كل صاحب حق ياخذ حقه كامل

ونا اسمعه كنه سطرني ونبهني لذاك المخلوق جلست استغفر ربي لين وصلت البيت ياارب وش السوات

وليش هالرجال كل ما قلت نسيته طلع لي مره ثانيه يجيني حتى بالمنام

احس يوم القيامه اول واحد يبي ياخذ حقه مني هو

سألت واحد وقال لي كثر من دعاء {اللهم إن لك علي حقوقا كثيرة
فيما بيني وبينك , وحقوقا كثيرة فيما بيني وبين خلقك ... وما كان لخلقلك فتحمله
عني ...}

وكل يوم اكررها بس كل ما تذكرت انه يبي يواجهني يوم القيامه بحقه
اقلق وانا خابر ان له بذمتي حق و ما ادري وين ارضه وسماه
والله يرحم ويغفر بس المشكله الناس تبي حقها

وش الحل ؟ وكيف ضميري يرتاح؟

[خزان الاحزان]

لا تقلق وانا اخوك مادام انك بنفس الموقف ماتعرف ان الحق له ان شاءالله ماتشوف الا كل خير فرق بين واحد يعرف انه على خطاء ولا يعترف وفرق بين واحد مايعرف انه فعلآ غلطان .

غفر الله عنما سلف ,, كثر من الدعاء له ..

[السامي البريداوي]

ماشاء الله عليكم ... أمــــــثــالك قليل ..

بارك الله فيك لو تصدقت عنه ....

[شےــم ـس الـےـودااااع]

...الله يعينك تعذيب الضمير مرير
وانـآ اقرآء تذكرت قصة ندمت من بعدك يـآسعود ..
لو تقرآه بتخف عليك الآمك ..
عليك بآلصدقه ..
بنيت التكفير لذنوبه ...
اذآ كـآن من الحيين بيفرج عنه ربي ..
وان كـآن من الميتين بيكفرعن ذنوبه وبيدعي لك ..
الله يفرج همك ..ويفرحك بشوفته ..ويريح قلبك ..
دم ــت بح ـفظ الله ورعـآيته ..

[ابن الوزير]

اسمع وانا اخوك ما نقدر نفيدك الين تذكر القصة بالتفصيل ومن معرفتها نحكم >> مهوب شروف ههههه


يااخي وعزيزى الله غفر الشرك مع القصد ما بالك بخطأ بدون قصد .


والافضل اسال اصحاااااب العلم من المشائخ امثالي هههههه

[فــ ـهـ ــد]

اقتباس المشاركة الأساسية كتبها خزان الاحزان لا تقلق وانا اخوك مادام انك بنفس الموقف ماتعرف ان الحق له ان شاءالله ماتشوف الا كل خير فرق بين واحد يعرف انه على خطاء ولا يعترف وفرق بين واحد مايعرف انه فعلآ غلطان . غفر الله عنما سلف ,, كثر من الدعاء له ..

ربي يسعد قلبك

الشر ما يجيك ولا كل مسلم
واللي يعرف انه مخطي ولا يعترف مكابر وقلبه مو مستوعب اللي يبي يجيه
من عقوبه والله يمهل ولا يهمل
بس انا اخطيت وصاحب الحق مجهول بالنسبه لي وهذا الي متعبني
جزاك الله خير

[فــ ـهـ ــد]

اقتباس المشاركة الأساسية كتبها السامي البريداوي ماشاء الله عليكم ... أمــــــثــالك قليل .. بارك الله فيك لو تصدقت عنه ....

الصدقه ما فكرت فيها الله يجزاك خير
فكره طيبه وان شاء الله هذا اللي بيصير

[فــ ـهـ ــد]

اقتباس المشاركة الأساسية كتبها أحمر شفاة الحمدلله على كل حال الاحساس بالذنب شعور يفتقده الكثيرين وينفرد به أحباب الله الرحمن أعلم بما تعانيه وهويغسل ماضاق به صدرك من خطاء بكثرة اللوم النفسي رحمة الله وسعت كل شيء علما ...أوصيك يأخي بالصدقة الصادقة للرجل بنية كشف همك ومحو خطئيتك أكثر من الاستغفار وأعن ملهوف وأجب مظطر وأحسن من اليوم النية والقصد وتوكل على الرحمن الرحيم ولا تلتفت لما مضى الا مستغفرا متصدقا وعلم ان الله يحبك لذا نبهك إلى الخطاء ليحصل منك محوه فستعن بالله وليكن لك علامة تميزبه الخطوط الحمراء قبل تجاوزها حفظك الله من كل سوء

حقوق الناس صعبه وعندي امل القاه لو صدفه ويرتاح قلبي ويروح ها لاحساس
وان شاء الله تكفر عني الصدقه له
جزاك الله خير

[مبدعة زماني]

الدنيا ماتستاهل ،واصعب شئ على الانسان جلد الذات ،اكثر من الاستغفار وكان الله في عونك 0

[أبو رُبـــــى]

أبداً لا تخاف ولا تحزن ..

في كتاب كان يقرأه علينا أمامنا قبل أيام عن الصيام وعن حقوق الناس ..

فذكر أن المظلمة ترد بعدة طرق ومنها .. إذا لم تعرف الشخص وبحثت عنه ولم تجده
فتب إلى ربك واستغفر .. فقط ..

ولا تحزن ..

[[ أمــيــرة ]]

الله يفرج همك وترتاآآآح ..
وربي يكون فـ عونك ..
تقبلوا مروري ~

[حلواني]

شعور جميل وندم حين لا ينفع الندم والشديد من يمسك نفسه عند الغضب

[فــ ـهـ ــد]

اقتباس المشاركة الأساسية كتبها شےــم ـس الـےـودااااع ...الله يعينك تعذيب الضمير مرير وانـآ اقرآء تذكرت قصة ندمت من بعدك يـآسعود .. لو تقرآه بتخف عليك الآمك .. عليك بآلصدقه .. بنيت التكفير لذنوبه ... اذآ كـآن من الحيين بيفرج عنه ربي .. وان كـآن من الميتين بيكفرعن ذنوبه وبيدعي لك .. الله يفرج همك ..ويفرحك بشوفته ..ويريح قلبك .. دم ــت بح ـفظ الله ورعـآيته ..

مشكوره على المداخله
وعذاب الضمير لاني اعرف ان الله يبي يحاسب عبيده
والكتاب بشوفه ان شاء الله

جزاك الله خير

[فــ ـهـ ــد]

اقتباس المشاركة الأساسية كتبها ابن الوزير اسمع وانا اخوك ما نقدر نفيدك الين تذكر القصة بالتفصيل ومن معرفتها نحكم >> مهوب شروف ههههه يااخي وعزيزى الله غفر الشرك مع القصد ما بالك بخطأ بدون قصد . والافضل اسال اصحاااااب العلم من المشائخ امثالي هههههه

الله يغفر لنا والناس تبي حقها
مشكور على مرورك