[برفسور ملتمس]

بسم الله الرحمن الرحيم


سيداتي انساتي سادتي ، أسعد الله صباحكم ومسائكم باليمن والمسرات ، وتقبل الله منا ومنكم صالح الأعمال ، وكل عام وأنتم بخير .. أما بعد ..


قبل شهر رمضان المبارك [ منا وفينا وايضاً تم غزونا ] بمجموعة من المعرفات .. لاتجهلوهم .. يطالبون بمقاطعة شركة المراعي واستمروا بغزوهم عدة أسابيع حتى أصبحنا عندما نبحث في قوقل عن [ بريدة ستي ] يخرج لنا بكلمة [هل تقصد مقاطعة المراعي ؟؟] ..!


ومابين موضوع وموضوع ورد تلو الآخر عن المقاطعة ، حتى أحسسنا أن هنالك [ في الأمر شيء] ، فقمنا بوضع مواضيع عدة عن سبب اختيار شركة المراعي وتجاهل الشركات الأخرى التي رفعت أسعارها والأهم من [ قوطي لبن ] وأيضاً لايوجد بديل ، خصوصاً أن مواضيعنا تم تدوينها بعد [ استعادة المراعي لسعرها الأول ] وجميعنا نعلم أن اعادة السعر من قبل وزارة التجارة وليس للحملة أي دخل والسبب أنها لم تصدر عقوبة للمراعي واكتفت بإصدار لائحة عامة لجميع الألبان..!

عندها .. قاموا بالتهجم علينا عندما قلنا [ أن المراعي ستعود لتبيع منتجاتها كما هي شركات السيارات والمرطبات وغيرها التي عادت وبدلا من أن تقاطعوا شركة المراعي قاطعوا أصحاب المحلات ..إلخ] .. وقال أغلبهم أننا سنستمر حتى أن تفلس وتنتهي الشركة ونعدكم بذالك وإلى الأمام ..!


فالسؤال المهم الآن والذي اسئله وأنتظر الإجابة بعد مسيرة [ شهر ] وليس [ سنة ] من المقاطعة التي يرونها؟؟


أين نتائج المقاطعة فمانراه الآن أن ثلاجات المراعي بالمحلات فارغه ، حتى قال بعضهم أنه قدم شكوى لأنها قامت بتقديم تاريخ وسأقدم الشكوى إلى المنتدى قريباً < ولا أرى إلا دعايات المراعي بكل مكان وزيادة لمنتجاتها وصمت ..!؟


ملاحظة : أرجوا أن لايكون ردهم [ حنا مقاطعين بالكلام ] ومانراه بالمحلات [ عكس ذلك بالفعل ] ..!

قالوا :

حتى تفلس الشركة ، حتى تبيعه بريال ، سترون و و و ..إلخ .

ونرد عليهم بالعامية ( تيتي تيتي يامقاطعة مثل مارحتي جيتي )


تنبيه : لاتفكرون أنني أنتظر من المقاطعين ردود ، لأن ردودهم شاهدتها بالقول وردودنا بالفعل ..!

[عرفوج]

شف وأنا خيّك صح إني شايبن كبر الأرض . . . بس إني فاهمن هالدنيا كله تشوف هالمقاطعة أنا أقول اللي يبي يقاطع بكيفوه يقاطع واللي مايبي يقاطع بعد بكيفوه ، أنا مثل ماقلت شويبن كبر الأرض دخلت حدى هالبقالات مار وانا أشري لي لبين وهو ينقز بي هاك الآدمي . . . والله إنه خرّعن . . . بسم وشفيك ياوليدي . . . قال تشري لبن المراعي حنا بحملة مقاطعة ومن هالحتسي والله حق ماودّي أظلم الرجال طلع ابن حلال و محترم . .. عاد انا والله ماادري وش اللي شريت . . . خذيت أقرب لبين وشريته . . . هي رغبات وتوجهات و نظرات يعني كلن جايزن له تفكيره . . . ويمكن حتسيك بوه شيء من الصحة . . . إن بعض الناس مايصمل . . . لكن ياولدي بوه ناسن ليا هالحين مقاطعة المراعي وغيره من بقر الدنمارك وقشطتهم . . . وبوه ناسن مع العالم . . . يعني لو إنك أقنعته يشري شرا ماعنده مشكلة . . . وبعضهم علشان يسلم من هالعالم . . . يقول نقاطع مع هالعالم . . . الله يصلح هالتجار ويهديهم الدنيا ماهي شين . . . ايقفوا مع المواطن . . . يعني حتى هم ينشره عليهم المفروض إنهم مايرفعون ، وشكرن .

[برفسور ملتمس]

فقط للتذكير :

http://www.buraydahcity.net/vb/showthread.php?t=271051

موضوعي السابق الذي دونته ضد الحملة وقالوا سترى وجلبوا الحقائق ..!

وبعد مضي شهـــــــــر ..! لا أرى سوا [ أن المراعي كسب والمقاطع خسر ] ..!

فياليت :

إذا قاطعتوا شي خلوكم قده ، مو تفشلوننا انتم ومقاطعتكم الفاشلة 100%

قولولي وش نتائجكم ، أنا اقولكم ..:

1) دعم من الملك للمنتجات الزراعية والمراعي كانت أول مكاسب الدعم ..

2) كسب شهرة لشركة المراعي والتعريف بمنتجاتها ..

3) تفشيلنا عند الي يسوى والي مايسوى أن الشعب السعودي عاجز عن المقاطعة ..

4) الشركات الثانية تقول ( ههههه وهذا الي طلع من المقاطعة تشش = وبعدين تروح ترفع الأسعار = يعني يقاطعون كم اسبوع ويرجعون يشترون ) ..!

5) أن المراعي شركة قوية وقاطعها شعب كامل وعجز ..

6) لايكثر والله ياحامت تسبدي وأنا أعد .. ..

[C R Λ S H]

انا مقاطع المرآعي للآبد

ما اشري شي منه ابد ..

ما وقفت عليهم

[برفسور ملتمس]

اقتباس شف وأنا خيّك صح إني شايبن كبر الأرض . . . بس إني فاهمن هالدنيا كله تشوف هالمقاطعة أنا أقول اللي يبي يقاطع بكيفوه يقاطع واللي مايبي يقاطع بعد بكيفوه ، أنا مثل ماقلت شويبن كبر الأرض دخلت حدى هالبقالات مار وانا أشري لي لبين وهو ينقز بي هاك الآدمي . . . والله إنه خرّعن . . . بسم وشفيك ياوليدي . . . قال تشري لبن المراعي حنا بحملة مقاطعة ومن هالحتسي والله حق ماودّي أظلم الرجال طلع ابن حلال و محترم . .. عاد انا والله ماادري وش اللي شريت . . . خذيت أقرب لبين وشريته . . . هي رغبات وتوجهات و نظرات يعني كلن جايزن له تفكيره . . . ويمكن حتسيك بوه شيء من الصحة . . . إن بعض الناس مايصمل . . . لكن ياولدي بوه ناسن ليا هالحين مقاطعة المراعي وغيره من بقر الدنمارك وقشطتهم . . . وبوه ناسن مع العالم . . . يعني لو إنك أقنعته يشري شرا ماعنده مشكلة . . . وبعضهم علشان يسلم من هالعالم . . . يقول نقاطع مع هالعالم . . . الله يصلح هالتجار ويهديهم الدنيا ماهي شين . . . ايقفوا مع المواطن . . . يعني حتى هم ينشره عليهم المفروض إنهم مايرفعون ، وشكرن .

عزيزي / دائما في كل عمل وخطة مشروع ترى أن هنالك [ خطوة أو تقدم أو نجاح ] .. ولكن في هذه الحملة لا أرى سواء [ غياب المقاطعين ] و [ التقدم لهذه الشركة ] تسويقياً ودعماً وما إلى ذلك ..!


أنا فقط لا أريد ردوداً متكررة أريد إجابة واحدة منهم [ ماهي نتائج تلك المقاطعة ثم أين المقاطعة ] بعيداً عن مقاطعة [ شخص أو شخصين أو حتى مئة شخص ] أمام مليار من منتجاتها ..!

ثم أنني شبهتها لهم وسبق أن قلت عن مقاطعة [ الدنمرك ] التي قاطعها المسلمين وليس السعودية فقط بل دينياً وليس كما المراعي دنيوياً ومع ذلك هاهي تباع بكل عاير ..!

عزيزي عرفوج لم تسأل نفسك عن حالة التناقض التي رأيتها وأنت بالمحل ( بائع المحل مسلم وربما يكون صاحب البقالة سعودي ، وهذا الذي يقول لك لاتشتري هو سعودي ايضاً ويشتري من البقالة التي تبيع المراعي ) ألم تلاحظ تناقضاً غريباً عجيبا ؟؟!

وهو صاحب المحل عندما قبل بعرض منتجات المراعي ؟ هل هو لايعلم أن هنالك مقاطعة ..!

وهل أصحاب الأسواق هذه لاتعلم عن المقاطعة ؟؟؟


أم حملت فاشلة متناقضة [ زبون مقاطع وبائع غير مقاطع ] وبالأخير عندما تشاهدها كل يوم سترضخ للأمر الواقع وستشتري كما أشتروا بمقاطعة [ الدنمرك ] ..!

سؤالي أعيد وأكرر وأقول [ بعد مضي شهر ، هذا التقدم هل لصالح الشركة أو لصالح المقاطعة ] < أسمحولي فأنا أراه والجميع يراه ومن يقول غير هذا فهو [ لايتكلم عن الحقيقة ] لأن المقاطعة سقطت وخسرت وفشلت ونجحت المراعي ..! ..!

[ّّهمس المحبـــهّّّ]

ومن اللي قال لك رجعنا له

حنا الى الآن مقااااااااااااطعين

[قـــصـــيـــة]

شادين حيلكم على ولدكم المسلم علشان زاد ريـال أو ريالين وشركات هالكفره تشربون وتاكلون منهم لو بـ 100 ريـال







شي عجيب ..!!!

[شوق ~]

^
قصيّة
راح صوتي قبلك لكن مامن مجيب ..!

[تهاني...]

.

مقاطعين حتى الموت ! بس للامانــــــــــه اضطريت مرتين برمضان >استخدمته للحلويات وقال لي

مافيه غيرهـ " بصراحه سحبته مادريت عن المقاطعه

[سلطانيز]

هههههههههههههههه

والله ما كذب اللي سماك برفسور منحمس
اجل وزارة التجاره رجعت السعر هههههههههههههه
لا احد يسمعك و يضحكوووون عليك
وزارة التجارة ما قدرت على بنقالي بقالتنا اللي دبل الاسعار تبيه تقدر على سمو الامير

بفضل من الله ثم فضل المقاطعين خليناك الحين تشتريه بسعره الاول

ولا يقول انه بريدة ستي صار كله مواضيع للمراعي ..... و كأنه تناسى ان نصف هذه المواضيع هو من قام بكتابتها مدافعا عنهم

المقاااااااطعه مستمررررررة و الوعد نتائج الربع القادم

[فهووتشي]

كلامك صحيح والله مقاطعه فاشله

[قائد المجد]

أخي العزيز بروفيسور ملتمس
بخصوص دفاعك عن المراعي دافعين
لك راتب مثلا

[فبركة محترف]

أنا مع قصيه وراية الانتصار وفهوتشي

وحمله فاشله ماشفنا ولا شي مثل السيارات

[Ricky]

ههههههههه اللحين تقول معرفات جديدة ومدري ايش
وانت الوحيد اللي بالمنتدى تدافع عن المراعي !!!
ياخوي ترى مقاطعة لودامت اسبوع تأثر على ارباح الشركة ...
بس انا ودي ادري وش اللي مشغلك انت .. يصرفون عليك المراعي ولا كيف ؟!