[السيدة نانا]

كيفكم خواتي شخباركم
عام دراسي سعيد وكل سنة وانتم بخير
بدخل بموضوعي مباشرة....
-بعيداً عن المثالية -
ومثال على الواقع
الصراحة مع التقنية وانتشارها
((البيبي والايفون والمسن والكمبيوتروعالم الصديقات العجيب....... الخ))
حالتنا والله حالة الامن رحم ربي الإجتماعات على القهوة والوجبات
والسواليف صارت بالبيت اكس في اكس
الكل قاعد ومبقبق اعيونه على الشاشة
قهر والله
بس أحس صار عند البعض مثل فرض الصلاة
والأم الحبيبة والله تكسر الخاطر وخاصة إذا كانت كبيرة ولاتعرف تقرأ ولاتستخدم الأجهزة
بس اتطالع بهالعيال مقهورة

والعالم حولها تضحك ومبسوطة ولاجابت خبر
سؤالي...
كيف تتعاملين مع الماما وكيف تتواصلين بقلبك معاها وكيف اتشاركينها بوناستك هاذي
وتخلينها ماتحس بالغربة بينكم
كيف تكسبين ودها وكيف تبرين فيها ...
أبي خلاصة تجاربكم وأفكاركم الجديدة مو شرط مع- مثالي السابق -أبي بشكل عام اشلون قدرتي اي معلومة اتعرفينها اتوصلينها للوالدة بأسلوب حلو وجذاب
جذبها بالحيل ووسع صدرها
بقولكم بعض اللي أعرفه كمثال للبر والطاعة
1-وحدة أعرفها كانت اتقري امها سورة الكهف يوم الجمعة وتكتفي بالعشر الآيات الأولى لإن امها ماتنطق الحروف زين وكل جمعة على هالسالفة -تبارك الرحمن- بعد ماتزوجت بدت اتكلم امها بالتلفون
وتقريها مع إنه فيه بنات غيرها بس كانت تبي الأجر..
2-بنت ثانية اتحمل مقاطع من اليوتيوب - وصفات طبخ- (وخاصة اكلات شعبية اتفرحها كثير)
آلالات طبخ ( مثل ماكينة العوامات والفطاير والقطايف والدونات)
متاحف وأثريات
صور فلل وقصور وشقق
وتخلي أمها اتوسع صدرها وتتفرج عليها من باب البر والتغيير
3-بنت امها ماتعرف تقرأ وتكتب برمضان تقرأ قرآن وتخلي أمها تتكرر وراها والأم مبسوطة
وختتمت القرآن بليلة سبع وعشرين واشتروا لها البنات تورتة وكتبوا عليها مبروك وانبسطت الوالدة
وصار البيت حركة ذاك اليووووم
4- والمكافأة يابنات شيء عجيب له مفعول السحر على الأم
بنت مع دجة الكلية وبساطة مكافآتها لازم تعطي أمها 100 حتى لوكانت مزنوقة
تقول ماأشوف إلا ضحكتها وتمتعني دعواتها برغم زهد المبلغ بس الحمد لله ربي يبارك لي
اتكفي فرحتها الله يخليها لي
ــــــــــــــــــــــــــــــــــ
بنات والله من جد مقهورة وحاسة بالتقصير
ابي تفاعل وخلونا نستفيد من بعض
ربي يخلي لنا أمهاتنا ويعيننا على برهم
ــــــــــــــــــــــــ
المايك لكم