 |
|
|
|
|
18-10-2011, 12:05 AM
|
#1 |
|
عـضـو
تاريخ التسجيل: Sep 2011
البلد: القصيم
المشاركات: 416
|
باركووووووو للـــــــــــــــــــعريس !
بسم الله الرحمن الرحيم هذا انا هووونا اقدم نفسي واقول لكم انتم جميعا يامعشر الكشاكيش ((تدليع كشكول)) قوموا هيا ونهضوا لتباركوا لحضرتي بمناسبة ((التملك))  <<من الحين بدينا بالقلوووب والشغل يآويل سواد لليل اللي يدخل الموضوع ولا يبارك تحسبون ابمشيه لا يا ياحلوين  ابجركم مع عصاقيلكم وخليكم تردون..ايه بلاكم ماتدرون وش السعادة والفرح <فيه احد سأله.. انصحكم كلكم اخطبوا هالليله ياهو يجيكم شعووور غريب مزيج مابين الحلاوة وبين مادري وشوو ههههههههههه الرجال منهبل فيما يبدوووو .................................................. ......... ايه الان انتهت السالفه المهمه  يعني اللي عنده شغل يتوكل ع اللهواللي فاضي يكمل الروايه تراه طويله فكرت اخليه اجزاء بس هونت  ............................................. عندنا عادة يوم الواحد يدخل الجامعه ينشبون اهله بحلقه تقل(شبث) ابنخطب لك فلانه وعلانه وشباب العايله متمردين الله يصلحهم ويهديهم  المهم قبل3شهور صار التركيز يشتغل يالله يالعبدي متى نخطبلك متى نشوف عيالك وهياط الاهل ماودي ازيد به لان اكييييييييد كلكم مار عليكم...ايه انا اقولكم الصراحه ماتوقعت اهلي يجزمون احسبه موال الشيبان قلت بس اخطبوا اللي تبون انا موافق بس لاتصير بنت...... قال ابوي تراك قلت ايه قلت ايهين مهب بس وحده.. بيني وبينكم ابوي انا اعرفه خبز يدي مايتكل علي ولا بشرب الماء وشلون بيخطب لي وهذا اللي موسع صدري  مادريت بذاك اليوم النحيس جاي من الرياض تعبان تلفان جاي من الجامعه وماسك خط يوم وصلت بيتنا الحبيب الا بميمتي بوجهي ابشررررك انهم وافقوا قلت وشو قالت اهل مرتك<من الحين صارت مرتي!! بهاالساعه ياجماعه والله العظيم ان قلبي رقع وذني صارت حآره  وعيوني تنطقن متر قدامقلت اي مره واي بطيخ من اللي قالكم تخطبون لي خلي ابوي يعرس عليه ولا دبروا له حل عرس ماهنا عرس امسحوه قالت وشوووو رح نافخ ع ابوك من يومي وانا عرفك لعآب <<مهب اللي فهمتوه لا يعني مالك كلمه ..قلت اقول لبوي وبعدين وانا اقول هالكلام الا اللي واقف قدامي قال وش عندك قلت عرس مانب معرس وش تحسبونن بنيه عندكم تخطبون وتشتغلون ولا حتى تقولون هالحين البنات يشاورن مهب انا قال انثـبر  انت قايل من لسانك وتتزوجه غصب ع خشمك..!!لاتسالووون عن الشعوووور بهالحضه ... تحسب بنات الناس لعبه خطبناكم لا هونا ناوي تفشلنا انت وجهك... اسكت ورحت عنهم...وتبون الصراحه حملت حقد ع المسكينه الله به عليم ... وستشرت هالتبن النشبه واحد من خوياي وشرط ع عشاء ويفكن من هالورطه ولايبيله ع طول قلت موافق... المهم قال اسمع هالفكره نشف ريق اهلك ولا تستسلم بسهوله وقل خصوصا هالناس ذولا مابيهم وذا حسيت انك طولته قل خلاص موافق بس لي شروووووووووط عاد لا وصيك اطلب المستحيل...قلت ابشر يابعد هم هذي سهله قال اصبر واذا وافقوا ع شروطك المعجزة وش تسوي؟؟ قلت والله هذي الورطه قال كمل معهم واذا شفت بنتهم قل ماجازت لي وتسذا تنتهي من ورطك<< تصدقون حسيت بالظلم بس نفسي نفسي طبعا عشيته ودج بي ادعان ع الفقر..  ورحت صاروخ لهلي وتمرمر بس من قدام وجيههم ابيهم بس يفتحون السالفه ولا حياة لمن تنادي ساحبين علي مسوين حظر وحصار وكل شي وجيك وتفرد بميمتي قلت شوفي تبين الصدق صدق ان ماعندي سالفه ولا واحد يجيه الخير ويقول ماتاخذه مخباتي...قالت توك تدري يالسرمادي توك تفطن..قلت وراه قلتوا اننا هونا قالت معصي... قلت اشوى<تبع التمثيل قلت خلاص انا من عيال هالحضه انا بروح هالحين اتملك عليه قالت بعدي ايه هذا وليدي اللي انا خابره<<قلت بقلبي هعهعهععهعهعععع قلت بس تعرفين هذا زواج ولهب لعبه صح قالت ايه قلت وعلشان ماتحدث حالة طلاق لاسمح الله لي شروط وما كان اوله شرط صار نهايته سلام ^ ^اميمتي تاثرت قالت وشن شروطك..؟ قلت اول شي مانب طالع من البيت ابسكن معكم قالت خير وش جاهليه مهب راضيه البنت <من فمك لسماء قلت هذا شرط قالت وش عندك بعد قلت ابتملك هالسبوع وباخذ رقم بنتهم تعرفين هالجيل عندهم عادي.. طبعا انا حسيت ان هالشرطين مستحيل يتحققن وخصوصا الاخير لان ابوه شايب وخوانه ملتزمين والله ان يقطعون راسه ان دروا انه نوت تكلم...قلت بس هذا اللي عندي .. قالت يصير خير .. يوم صار من باتسر الا الوزارة الخارجيه جاي ويعقد معي مجلس خاص عن العرس والمسؤليه والخرط اللي ماله داعي وقال تراهم واعدونا بعد يومين نروح انا وياك لمهم والسبوع اللي بعده تشوفه وعاد يحددون الملكه.. قلت وين,,,وشروطي ..قال وش بهن قلت وافقوا ولا لا قال ايه وافقوا انت وجهك ياللي ماتستحي ولا هذي شروط رجال.. لاحووول وش هالورطه يعني لازم اشوفه استغفرالله وانا من قبل لا اشوفه مابيه بس مالي الاهي......... قلت يصير خير.. ورحنا لمهم وجلسنا وخذ تنشيد صاير انا المتحدث الرسمي.. قال الابو خلاص ياوليدي تعال انت بكرى يعني الان وقعت بالفخ.. ايه ورحنا وراسي يدووور وشلون عادي عنده هالشايب يبين اكلم بنته قبل العرس...بس مشيته يوم صار من بكرى جتن امي وسوت لي اجتماع مغلق قبل لا اروح لمهم عن "النظرة الشرعيه" رحت لمهم وانا اضحك ع روحي اقول مصدق نفسي ع الكشخه... ايه يوم دخلت ع بنتهم حسيت ان الارض بدت تدووووور بي ولاتنشدونن صآر قلبي خضر وسعابيلي متكثفه في مقدمه الفم وجاف في نهايته.. ومير انا خابر الناس ترد الموافقه من بكرى ويجيك ابو الشباب ويبزع ويرد وهو قاعد وجيك لبيتنا وانا عايش بعالم ثاني .. وتمسك بي خط الوزارة الداخله استخير ومدري وش قلت خلاص قلت لهم اني موافق.. وتهاوش انت انهبلت وش جاك ؟ قلت خلاص انتهت السالفه يالله متى اتملك..؟ يوم صار يوم الملكه ويمسكن ابوي ويغسل شراعي انتبه تطري شروطك اللي مثل خشك.. قلت وراه؟ قال اصلا ماعندنا طاري نقول شروطك بس ابيك تمشي وتكمل لاني اعرفك تبينا نعيي نقول شروطك ثم تهون ^ ^^ ضحكت ومشيته ؛؛<<سبحان مغير القلووب الفائدة من الروايه: ----جاري البحث ومع السلامه ياعسولين<<تراي اخذ دورة الحين للكلام الزين..
__________________
اللهـ يـعـوضـنـيـ ): بـ خـسـآرتـ ـي :( |
|
|
|
18-10-2011, 12:24 AM
|
#2 |
|
عـضـو
تاريخ التسجيل: Jun 2011
البلد: بريدة
المشاركات: 442
|
ههههههههههههه
الله يرجك مبروووووووووك 
__________________
فــــــــــــــــــــارس |
|
|
|
|
18-10-2011, 12:38 AM
|
#3 |
|
Guest
تاريخ التسجيل: Jul 2011
البلد: القصيم
المشاركات: 673
|
هههههههههههههههههههه
متى نلتقي أخص والله صارت لك مره ... بعدين تعال خل كل الهرج ذا..!! تعزمنا أو لا ... ومتى العرس وغصب أبجي وماني جايب معي شي يعني انسى الي انت خابر ..!! تعال تعال لا تهرب تعزمنا أو لا ... جاوب يامحقق كونان <<ههههه |
|
|
|
|
18-10-2011, 12:41 AM
|
#4 |
|
عـضـو
تاريخ التسجيل: Jun 2011
البلد: بريدة
المشاركات: 442
|
وانا وانا ابي اجي لا تنسان قراقوش
مرن بدتسن احتريك
__________________
فــــــــــــــــــــارس |
|
|
|
|
18-10-2011, 12:51 AM
|
#5 |
|
Guest
تاريخ التسجيل: Jul 2011
البلد: القصيم
المشاركات: 673
|
^^^^^^^^^^^^^^^^^
أبشر يافارس أبشر تجهز والبس زين... لكن هو خله يعلمنا متى الموعد لايسحب علينا..!!! فويرس وينك فاقدك تدخل من سنة لسنة..!!! أو مشغول؟؟ |
|
|
|
|
18-10-2011, 12:55 AM
|
#6 |
|
عـضـو
تاريخ التسجيل: Jun 2011
البلد: بريدة
المشاركات: 442
|
لا توصي حريص ابروح من الحين البس وتزين
عشان لا قالنا مته العزيمه ولاي جاهز مجهز مسبقاًههه والله اتعرف الدنيا كله مشاغل ماتقدر تحك راسك من كثر الشغال
__________________
فــــــــــــــــــــارس |
|
|
|
|
18-10-2011, 12:56 AM
|
#7 |
|
عـضـو
تاريخ التسجيل: Jan 2011
البلد: بذا فيذا هنا
المشاركات: 4,919
|
والله يا انت قررررررررررررررررررررررررررررررررررررررررررقه
كم شحنة نزلت هنا ( شكل اللغة العربية قضت مابقيت شي ) ( على وجهي صارووووووخ ) فهمت من بعض الردود انك يالذيب تبي تعرس مبروك عمومآ يا شباب تراء الاستيريوا على ( حق والليلة يا ام العروسه ) قرقوش الله لا يهينك ابيك تمرن بالدستن على شان احمل الاستيريوا معك .... لا تنكبنا ... وابد البنزين على ومعهن شحن 10 ريال وش دعوا ( اطنخ يوم زواج متى نلتقي ..بنزين 10 ريال وشحن 10 ريال ) |
|
|
|
|
18-10-2011, 12:58 AM
|
#8 | |||||||||||||||||||||||
|
عـضـو
تاريخ التسجيل: Jan 2011
البلد: بذا فيذا هنا
المشاركات: 4,919
|
الله يرحم والديك اهم شي لون السروال يطابق لون الثوب ( لا تفشلنا )
|
|||||||||||||||||||||||
|
|
|
|
18-10-2011, 01:00 AM
|
#9 |
|
Guest
تاريخ التسجيل: Jul 2011
البلد: القصيم
المشاركات: 673
|
^^^^^^^^^^^^^^^^
تم يالحربي اشهدوا عليه يالربع شحن وبنزين على هالحربي .... خلاص فارس اشهد وانت يامتى نلتقي وكلكم اشهدوا عليه ...!! |
|
|
|
|
18-10-2011, 01:00 AM
|
#10 |
|
عـضـو
تاريخ التسجيل: Sep 2011
البلد: القصيم
المشاركات: 416
|
الله يبارك فيكم
 اذكر الله انت وخشك لا تصكن بعين ويصير قلبي حمر بدال مهب خضر... <<يقولون العليا قصدي سلطانه وما جاورها لك عليهم... خيييييييييييير تبين اعزمك وتجي تفشلن ع الددسن ولا بعد اخاف تمشي معنا بالجنب يعني خذ علووووم... 
__________________
اللهـ يـعـوضـنـيـ ): بـ خـسـآرتـ ـي :( |
|
|
|
|
18-10-2011, 01:03 AM
|
#11 |
|
Guest
تاريخ التسجيل: Jul 2011
البلد: القصيم
المشاركات: 673
|
^^^^^^^^^^^^^^^
هم صح لك عليهم لكن أنا غيييييييييييير أنا أحسن منهم كلهم ماعليك.. أنا الي أبزفك بالددسن <<< ههههه |
|
|
|
|
18-10-2011, 01:05 AM
|
#12 |
|
عـضـو
تاريخ التسجيل: Jun 2011
البلد: بريدة
المشاركات: 442
|
حربي عليه الاستيريوا
وانا علي الكام عشان التصوير وقراقوش عاد هو السواق هاه يامتى نلتقي مانعجبك راعين فزعه ولا لا
__________________
فــــــــــــــــــــارس آخر من قام بالتعديل فارس 2011; بتاريخ 18-10-2011 الساعة 01:08 AM. السبب: نسيت قراقوش |
|
|
|
|
18-10-2011, 01:07 AM
|
#13 |
|
Guest
تاريخ التسجيل: Jul 2011
البلد: القصيم
المشاركات: 673
|
هههههههههههههيه فااااااااااااارس نسيتني
أنا علي الددسن؟؟؟؟؟؟؟؟؟؟؟؟ أهم شي ؟؟؟؟؟؟ |
|
|
|
|
18-10-2011, 01:10 AM
|
#14 |
|
عـضـو
تاريخ التسجيل: Sep 2011
البلد: القصيم
المشاركات: 416
|
وش استريوا انت تبيهم يعلقونن بالمروحه...؟؟
اقولك ابوهم شايب ما يعرف كيري ميري والله ان يكسره ع راسك..... اما الكمره هذا احسن شي بس بشرط نصف واحد واحد عند الددسن وناخذ صور بالمجان تعرفون لزوم الواحد يكشخ....
__________________
اللهـ يـعـوضـنـيـ ): بـ خـسـآرتـ ـي :( |
|
|
|
 |
| الإشارات المرجعية |
|
|
النمط المتتابع
