[ابوتركي الصارم]

لثقتي بهالمنتدى الرايع الي ياقف مع المظلوم قررت احط قصتي بهالمنبر الراقي والمنصف
حدى المرات رحت لمحل اشتهر انه من اكبر المحلات ببريدة (بالصفرا)وعلى هالسمعة الزينة قررت اني اشري منه كمبيوتر وفعلا ذهبت له واستقبلني استقبال حافل وسالته عن الكمبيوترات وعطاني مواصفاته وبدا يشرح لي المواصفات والاسعار وخبرني انه عندهم صيانه لمده سنة واخذت الكمبيوتر ورحت للبيت وبعد ثلاث ايام خرب الكمبيوتر ووديته لهم وتبين بعد الكشف انه يحتاج فرمته وفعلا فرمتته عندهم واخذت الجهاز ورحت بعد الفرمته ما زالت المشكله يعني مافيه فايده وكلمتهم على انهم يردون فلوسي والا يعطوني جهاز بدل هالمتعطل فتذمرو وبدو يصرفوني (يعني بعدما خذو الفلوس راحت ضماناتهم بالعجه) وكانت حجتهم بعد اقناعهم انه مافيه كرتون فلذالك رفضو استبداله فاخبرتهم اني رميت الكرتون لاني مقتنع من هاك الهرج الي قالوه لي واني ماراح ارجع لهم ابد والثقه كانت بغير محله ولما رفضو قررت اني اشكيهم للغرفة التجاريه ولكن كثرة الاشغال حالت دون ذلك
يعني بالله عليكم هذا تصرف يعني أكل اموال الناس بالباطل وين الضمير وين الخوف من الله يعني لماضعفت الرقابه عليهم بدو يلعبون ويسوون الي يبغون فالله حسيبهم
بالله وش رايكم ياجماعه

[وين ذاك الحنان ْ‘]

لا تقولي الشامل خويتي نفس الشي مرتين يخرب عليها ويصرفونها ويقولون تعالي بكرا ومن بكرا الي بعده ..


الله يعوضك المفروض ما تشتري الا من الماركات المعروفة زي جرير والعبيكان , لكن الخرابيط ذي ما تنفع .

[لا تنساني]

كلم الإدارة إذا كنت تقول إنه كبير

[رولكس]

سهلة .. قل له خذ كرتون الكمبيوتر البديل ،

[المنخرش]

لو تطول لسانك متر ونصف زياده وربي تاخذ حقك

بس طول بالك

لأنه في السعودية

واسطة أو لسان مترين
كي تسترجع حقك

فأنت تفتقد للواسطة .. خلاص عندك أبو مترين

جرب رح لمهم ولا شف لك واحد من خوياك أو أقاربك طويل لسانه وإذا بدأ يتكلم يسمعه اللي بمحل الشامل القديم عند المرور

كان يطلعون لك جهاز بنفس اللحظة

طريقة مجربه ياغالي ..
وحصلت لأكثر من واحد ..


لا تسكت عن حقك
وأطلب حقك حتى لو توكل لك شخص وتروح أنت واياو
بس تكفا تكفا تكفا لاتخليها تروح عليك حراام والله حراام

[سعداف]

اقتباس المشاركة الأساسية كتبها وين ذاك الحنان ْ‘ الله يعوضك المفروض ما تشتري الا من الماركات المعروفة زي جرير والعبيكان , لكن الخرابيط ذي ما تنفع .

غير صحيح الكلام ..
محدثكم شاري أيبود من أي كورنر الموزع الرسمي لشركة حاسبات العرب
ومن لا يعرف حاسبات العرب فهي أكبر شركة حالياً تورد أجهزة آبل في المملكة
أخذت الآيبود وعليه ضمان سنة كاملة ..
المهم قبل فترة طفى علي ورحت بالجهاز للضمان وقالوا لي عطنا الجهاز وخلال أسبوع نبي نرد لك خبر
والأن لي شهر كامل وكل يوم يقولون تعال بكرى يمكن يجي ..

ونفس الحكاية حصلت لي بموبايلي .. شاري منهم أيفون وطاح بماء
رحت لهم وقالوا لي نفحصه ونرد لك خبر .. وجلس أكثر من شهر عندهم
وجاء الرد بالرفض !! وطلعت صلحته بأقرب محل بـ 60 ريال

فالمختصر المفيد كل الشركات بالسعودية ضمانهم إسم فقط ..

فيه شركة الحقيقة لفت نظري تصرفهم مع واحد من العيال .. اللي هي سوني
الرجال معه بلايستيشن 3 عليه ضمان سنه .. المهم إنه خرب عليه سوء إستخدام وليس عيب مصنعي
راح للضمان وعطاهم الجهاز وشرح لهم المشكلة .. وفي نفس الوقت عطوه جهاز جديد بكرتونه
مع العلم إن الخراب من سوء إستخدام الشخص وليس خراب مصنعي !!
فالحقيقة مثل هالشركة تحرجك بتعاملهم معك ..

[ابـو محمد]

وين هيبه شركة سوني حفظك الله ورعاك

[آهااات]

مثل ما قال أخوي المنخرش ماعاد ينفع بالزمن هذا إلا أبو مترين

أنت طلعه بس وبتحصل نفسك بغرفه بااااارده وعلى كرسي وش زينه

ويقولون لك آمر وش تبي ~_~

مهما كان يخافون على سمعتهم أنت بس طلعه وسو لك مسرحيه

دقيقتين قدام زبائنهم وبتاخذ حقك وفوق حقك بعد

أتكلم معك عن تجربه قريبه وربي

+

سلام

[فارس الرقاة]

العوض على الله

[قائد المجد]

اقتباس المشاركة الأساسية كتبها المنخرش لو تطول لسانك متر ونصف زياده وربي تاخذ حقك بس طول بالك لأنه في السعودية واسطة أو لسان مترين كي تسترجع حقك فأنت تفتقد للواسطة .. خلاص عندك أبو مترين جرب رح لمهم ولا شف لك واحد من خوياك أو أقاربك طويل لسانه وإذا بدأ يتكلم يسمعه اللي بمحل الشامل القديم عند المرور كان يطلعون لك جهاز بنفس اللحظة طريقة مجربه ياغالي .. وحصلت لأكثر من واحد .. لا تسكت عن حقك وأطلب حقك حتى لو توكل لك شخص وتروح أنت واياو بس تكفا تكفا تكفا لاتخليها تروح عليك حراام والله حراام

[عجاج]

معليش اخوي الغلط منك

رح للغرفة التجارية وقدم عليهم شكوى أو أي جهة تجيب حققك ..

هذه مشكلتنا نسكت ..

[دمعة حآأإشي]

اقتباس المشاركة الأساسية كتبها المنخرش لو تطول لسانك متر ونصف زياده وربي تاخذ حقك بس طول بالك لأنه في السعودية واسطة أو لسان مترين كي تسترجع حقك فأنت تفتقد للواسطة .. خلاص عندك أبو مترين جرب رح لمهم ولا شف لك واحد من خوياك أو أقاربك طويل لسانه وإذا بدأ يتكلم يسمعه اللي بمحل الشامل القديم عند المرور كان يطلعون لك جهاز بنفس اللحظة طريقة مجربه ياغالي .. وحصلت لأكثر من واحد .. لا تسكت عن حقك وأطلب حقك حتى لو توكل لك شخص وتروح أنت واياو بس تكفا تكفا تكفا لاتخليها تروح عليك حراام والله حراام

+10

[العبد الضعيف]

أخوي شرلك ماكنتوش وريح بالك

[بريداوي 7]

اقتباس المشاركة الأساسية كتبها المنخرش لو تطول لسانك متر ونصف زياده وربي تاخذ حقك بس طول بالك لأنه في السعودية واسطة أو لسان مترين كي تسترجع حقك فأنت تفتقد للواسطة .. خلاص عندك أبو مترين جرب رح لمهم ولا شف لك واحد من خوياك أو أقاربك طويل لسانه وإذا بدأ يتكلم يسمعه اللي بمحل الشامل القديم عند المرور كان يطلعون لك جهاز بنفس اللحظة طريقة مجربه ياغالي .. وحصلت لأكثر من واحد .. لا تسكت عن حقك وأطلب حقك حتى لو توكل لك شخص وتروح أنت واياو بس تكفا تكفا تكفا لاتخليها تروح عليك حراام والله حراام