 |
|
|
|
|
03-11-2011, 02:28 AM
|
#1 |
|
عـضـو
تاريخ التسجيل: Aug 2010
البلد: عابرة سبيل ..
المشاركات: 5,867
|
[ ... حيـــاة منـــول وش زينـــه ... ]
.
* بسم الله الرحمن الرحيم *  يا هلا يا هلا يا الله إنك تحيّهن  أسفرت و أنورت  ايه أومير تقضي المقدمة أهم شيء الزبدة  × قطفت لكن مواقف و قصص من الماضي ./ قصة لأمي يوم هي صغيرة جدتي تطلب منه تروح للدكان تجيب شوية أغراض من دكان جدي ـ الله يرحمه ـ لأن خالي يعيي يروح >  تقول و أمي توصين و تعد لي الأغراض طماط ، كوسة ، سكر ، هيل ، قهوة و أقعد أرددهن طماط ، كوسة ، سكر ، هيل ، قهوة و على هالموال و مع هالترديد تنسى نصهن  تقول : ثمن إذا وصلت لأبوي يشرط لي و يعطين قحشة فصفص بكيسة و تروح مستانسة طايرة من الفرحة   وإذا وصلت البيت و شافه خالي صفقه  و أخذ كيسة الفصفص منه و يهج به  و تقعد هي تصيح > ما باليد حيلة  قصتن ثانية : كانت جدتي الله يرحمه توزع حلاو ملون و عطت كل البزارين وجاء ولد خالي > هذا يوم كان صغير يقول أبي حلاوة ما عطتين قالت : جدتي هوه أنا أذكر إني معطيتك و أنت أول من أخذ قال : لا ما عطتين و الله  جت أمي قالت و شلون الحلاوة اللي أكلت قال صفراء و حمراء > هاه و ما أكل ضريبة تضرب العدو  إعيال الأولين عفوين و على نياتهم لو ألحين كان ما مشت عليه  جدتي : يا التسذوب أها المرة الثانية لا تقول ما أخذت و لا تسذب وما شافت إلا غباره موقف لي أنا يوم كنت صغيرة جاء رجل كبير يقرب لأمي و شافن و سلم علي و طلع عشرة تريل و خمس تريل > ريال وقال و ش تبين و أأشر على الخمسة > من زود الذهانة > عاد خمسة بس تحتسي بذتيس الأيام وأمي تناظرن بعيونه تبين آخذ العشرة قلت لا ما أبي ما أبي  أبي الحمراء أعني الخمسة يوم كان على عهد الملك فهد الله يرحمه و ليته حمراء لونه بنفسجي ما أدري وش لونه لأني يوم كنت صغيرة أحب اللون الأحمر > يا ملح أيام أول وكل شيء أحمر أحبه [ فاصل ] وش أقول نفسي : أص قولي أي شيء لا يشفون الناس البث و أنتِ تفكرين [ ايه عدنا و العود أحمد ] جبت لكن روابط أناشيد إسمعنهن أنشودة حياة منول وش زينه http://www.shy22.com/dldgbw69008.mp3.html أنشودة بين الماضي و الحاضر http://www.shy22.com/dldawm69008.mp3.html سقى الله ذيك الأيام و اللي عنده مواقف أو سالفة أو قصة تقولنا  وفي الختام أشكر خواتي إندثار قصيّة الموضوع مزينتوه بطلب من الغالية إندثار " سبحانك اللهم و بحمدك أشهد أن لا إله أنت أستغفرك و أتوب إليك "
__________________
اللهم انصر سوريا و كل مغلوب يا رب |
|
|
|
03-11-2011, 02:49 AM
|
#2 |
|
عـضـو
تاريخ التسجيل: Mar 2008
المشاركات: 297
|
ياحبيلك انتي والوالدة تهبلون انتم وسوالفكم
انا للاسف مالي ذكريات مع الوالدة فقدتها وانا صغيرة بس على طاري العشرتريل اذكر بالعيد كنت انتضر يصير في احد عند ابوي واروح اركض فوق راس ابوي ابي عيديه عشان الي عنده يعطيني كمان وكانت دايم تصيب بس بعدها كنت اخذ تهزيئه محترمه من الوالد الله يحفضه |
|
|
|
|
03-11-2011, 02:17 PM
|
#3 |
|
مشرفة بنت بريدة
تاريخ التسجيل: Apr 2011
البلد: ـالـفـاكـهـة إذا تـركـتـ لـتـنـضـجـ أكـثـر مـنـ الـلـازمـ ذبـلـتـ !
المشاركات: 5,783
|
شمعة ياملحك أنتِ وذكرياتك تجنن بس أضحك اللـه يوسّع صدرك يارب هذي سالفة لأمي يوم كانت صغيرة  تقول كنت بالمزرعة أقود الغنم المهم تقول دخلت غنمة لغرفة صغيرة ومير تنشب وتقول دخلت وراه أبطلعه وأنسدح بالأرض لين دخلت بنفس الغرفة وطلعت الغنمة ونشبت أنااا ومن الغبى أبطلع وأنا واقفة نست إنه داخله وهي منسدحة وتقول ليّل الليل وأنا بهالغرفة والأهل فلانه وين ومنهبلين والغنم سرحت وراحت بديار اللـه الواسعة لا قايد يقوده ولا شيء المهم حصله جدي اللـه يغفر له ويرحمه  ومير يطلعه ويكسّر عظامه عساه بالجنة وبث ههههههه ياطول قرقي المهم موضوعك يجنن يستاهل الـ 
__________________
_ و مِن عَجَبِي أنّي أحنُ إلهُم .. وَ أسأل عَنهُمْ مَنْ لَقيتُ وَ هُمْ مَعِي ..! وَ ترصُدُهُمْ عَينِي وَ هُمْ فِي سَوَادُها .. وَ يَشْتَاقَهُمْ قَلْبِي وَ هُمْ بَيْنَ أضْلُعِي  .. |
|
|
|
|
03-11-2011, 02:26 PM
|
#4 |
|
عـضـو
تاريخ التسجيل: Oct 2010
البلد: سطح القمر
المشاركات: 1,279
|
ي حلو ايام زمـ ـآن في اشياء كثيره آخر من قام بالتعديل بس مير اشوا; بتاريخ 03-11-2011 الساعة 02:32 PM. السبب: حصه يابنت الجيران تذكرين يوم تزاعليننا ..... |
|
|
|
|
03-11-2011, 02:37 PM
|
#5 |
|
عـضـو
تاريخ التسجيل: Jul 2011
البلد: "{ بين عَتَبـاتْ قَـدَرْ ••
المشاركات: 1,829
|
ي أهلا وسهلا بشمعة حنين
ايييييه يالدنيا ذكرتينا بما مضى > تحلفون ان بينه وبين الستين شهر ههههههههههههههههههههههههههه ياخآلتس عليه لعانة أعوذ بالله تسيف تسذا لامنهم استقووا علينا هالجذعان ولا لامنتس صرتيكاشخة وحاطتن قرون ومتشققة من الوناسة بهن همن يجون عيال خالتس يحطون حيلهم بهن > تطنز ومشيناوه بس يبدون يمعطون القرن همن يهجون للشارع ذا اللي مانتحمله ايييييييه قلبتي المواجع ياشمعه ~> اذكر مرة قريت موقف وحدة تقول رايحة مع رجلي نزور حدا عماته مادري خالاته المهم انه عجوز كبيرة بالسن > ههه حلوة عجوز كبيرة بالسن تسد أحد منكم شاف عجوز صغيرة بالسن ~> اييييه وتقول وحنا عنده واجي أقول لولدي الصغير تعال حب راس خالتك ههههههههههههههه وتقول يوم طمس الولد ويجي يكش قاله يمه يععععععععع مانب حابن راسه مدودة  ههههههههههههههههههههههههههههههه واثره لاطستن دميجته بحناء > عاد شوفوا خشة أمه وقته  ياطعمهن ذكريات منول خن أقوول لكم موقف لجدتي تقول منول واحدن من خوالتس مايواطن الدراسة > حبي له الجدة به أحد يواطنه هالمطرسة ايييه وتقول انه مهولن بي كود جرجرة حتن يداوم وعاد تقول اني لاصار الصبح وتلبس كبعت عباتي وسحبته مع رقبته وسلمته للوكيل يد بيد > صارمة » أنا مادري وين جدي عنه ذيك الأيام وتقوول ويوم صار ذاك اليوم وكالعادة ابروح اجدعه بالمدرسة ويوم وقفت عند الباب وشفته دخل واجي أرجع للبيت ويوم رجعت وقعدت لي ساعة ويرن التلفون ولسان حالي يقول منهي هالفاضية اللي تكلم بهالضحاء > شكل الوقت مبتسر ويوم رفعت السماعة ولاوه المرشد والسلام عليكم وعليكم السلام وتقول قالي هذا منزل الطالب أحمد وتقول قلت له ايه قال وراوه غايب اليوم جدتي :  > ماغاب أنا جادعته بالمدرسة بنفسي المرشد : لاماداوم جدتي : > وين راح له وليدي اصبر خن اويدز بالملحق يمكنه راجع ونيم بذاك وتروح تويق ولاوه الملحق فاضي > الجدة بهالموقف زغلت على روحه يحول وشكل جدي مسافر او مايتحمل المسؤولية او مادري شسالفته بالضبط ماله أي دور بهالسالفة  وعاد كان عمي اللي هو أخو جدي ماأعرس وساكن معهم بالبيت تقول واروح لمه واقوله أحمد دقوا المدرسة يقولون مهوب عندنا وانا موديته يمكنه منطول > عاد الحريم علطول منطول يحكي عندهن هالنطل ويجي العم الدبرة يطق ثوبه وشماغه ويدحدر للمدرسة يوم وصل ويسألهم وش السالفة ووشلون ماجاء وأمه موصلته بيده ؟؟ وعاد اخر شئ اكتشفوا انه تشابه بالأسماء > تسيف يغثون وطلع اللي غايب أحمد غير أحمدنا >>~> اييييه يالماضي » هههههههههههههههههههههههههههه خلاص يكفي ياخالة ~>
__________________
" من لَديه صديق يملىء حيآته بِ السعآده فليحتفظ به ’ فَ الحيآة لم تعد كمآ كآنتّ الآوفيآء رحَلوآ وحَآفظين الآسرآر قلوآ .. والحآسدين كثروآ ( )َ |
|
|
|
|
03-11-2011, 09:34 PM
|
#6 |
|
عـضـو
تاريخ التسجيل: Aug 2010
البلد: عابرة سبيل ..
المشاركات: 5,867
|
يا حبيلكن .
.
كل المشاعر / الله يسلمتس  الله يرحمه و يغفر له و يجمعتس به بالجنة و على طاري العشر تريل ذكرتين بسالفة لوحدة من قرايبنا تقول كانت تجي عجوز صديقه لأمه و كل ما جت العجوز تزور أمه تعطيه عشرة تريل و تقول لتس أنتي و إخوانتس و تقول كل ما جت بس أناظر مخباته و ذيك المرة جت لمهم نفس العجوز و دخلت إيديه بمخباته و هي بنفسه تقول جت العشرة و تقعد العجوز تدّور بهالمخبات وجي تطلع من مخباته منديل و تمسح خشمه يا حبيلتس أنتي و مرورتس نورتي و الله يحفظ لتس الوالد ~ إني راحة ~ / وياتس يا الغلا   يا حبيل أمتس الله يحفظه لكميا عمري فزعة هي طلعت الغنمة و نشبت هي و تجيه ضربه بعد تيسف شيبان منول قاسين يا أما انجلدت أمي من جدي الله يرحمه أذكر أمي تقول قاعدة أسبح بالحمام الله يكرمكن و مشغله الماء و تعرفين الشيبان ما يحبون الماء يشتغل و تقول يطق الباب علي و يهاوش لمان فتحت و يلحطه و تهج هي لأقرب غرفة  يا ملحتس أنتي وقرقتس نورتي بمرورك العسل و شكرا على التقييم
__________________
اللهم انصر سوريا و كل مغلوب يا رب |
|
|
|
|
04-11-2011, 01:55 AM
|
#7 |
|
عـضـو
تاريخ التسجيل: Aug 2010
البلد: عابرة سبيل ..
المشاركات: 5,867
|
. بس مير اشوا / حصيصة وراه ما يخلونه أهله تستانتس معكن و تونسكن > ملقوفة ايييه يا زينه من أيام أذكر أنا بعيد الأضحى و بنات خالي نجتمع ببيت جدي الله يرحمه و نعجز ننام من الفرحة و نصير متحمسين ثمن قبل ما ننام كل وحدة تقول للثانية إنتس تقومين و لا تقوميننا يعني اللي تقوم الأولى تقوم البنات كلهن لأن أمهاتنا إذا صار الجو برد يرحمننا و لا يقومننا مبتسرين ثمن يصيرون بادين بالضحايا و حنا ما شفناهن و الحنا أذكر إذا حطيناه .. نفرح به و نردد حنا بنات البدو يا زين حنانا نسيت الباقي أهم شيء آخره كلن يتمنانا و الله يجمعتس بحصيصة بالجنة يا حبيلتس نورتي أواه / هلا و مسهلا يالغالية ما لقو إلا قرونتس يمعطونهن و يا عمري يا الأم أم الفشيلة و الله يقلع بليستس أبشوف وين أرض هالولد تحمست قلت يمكن نايم بالمسجد أو بغيت أقول لأخوي قم دوره > ما تعرف تسذب أثره مب ولدكم قهر يا حسافة الخوف و الخبة اللي خافته جدتتس سالفة : ولد خالي ذيك المرة عيى يروح للمدرسة يقول بغيب و جاء الوكيل بنفسه يأخذه و كان الوكيل له هيبة قوة بذيك الأيام و إرتاع و خاف يوم درى إن الوكيل جاين عند الباب أهم شيء أخذه و راح به للمدرسة شكله حرّم يقول بغيب يا حبيلتس أنتي و سواليفتس نورتي يا عسل
__________________
اللهم انصر سوريا و كل مغلوب يا رب |
|
|
|
|
04-11-2011, 03:22 AM
|
#8 |
|
فاصبر إنّ العاقبة للمتقين
تاريخ التسجيل: Nov 2009
البلد: . . تَحتَ ظِلّ رَحمةِ الله !
المشاركات: 5,426
|
ياطعمتس يا أختِ أنتِ وسواليفتس
-قولي حياة الطفولة بإختصار - مير طفولة هالوقت يآلله لك الحمد اليوم آخوي يدق على بنت خآلتي ويقول : روحي للإعدادات , دخلي الرمز السري ومير نتنآظر حنّا . . ياحبي لنا يوم حنا بزرآن حدنا بالتقنية كراش ودرايفر هالحين أخوي وهو بزر أول ماندخل شقة بنستآجر يقول : محمد في dsl /وإذا جاء من أحد تحسبينه يقول لعبنا ولا شيء , على طووول :/ حمملت برنآمج نكته هالحين البزران , التقنية صارت حياتهم = ( حنين كل يوم ادخلي مسابقات خلينا نشوفتس
__________________
. •
إنّ هٓذهِ الأمّة وإنْ استُركِعت .. فإنّ ظَهرهَا لنْ ينكَسِر ! والعَاقبة للمتّقين ، وسيرَى المُنافقِينْ هذا بأمّ أعينهـم العَورَاء . • |
|
|
|
|
04-11-2011, 03:32 PM
|
#9 |
|
عـضـو
تاريخ التسجيل: Aug 2010
البلد: عابرة سبيل ..
المشاركات: 5,867
|
. • إنِدثـار~ / إيه يا حبيلنا يوم حنا بزارين و طفولتنا غييييير نلعب خطه و طباشير ونقعد أنا و أخوي نجمع طب و نلعب أييييييه قلبتي المواجع منول بس نراكض و نلعب لمان نصير زي هذا و ما يردنا إلا المنام كراش يا زينه و إلا ببسيمان شيء ثاني أبشري الله يجزاتس خير حطيت موضوع ببنت بريدة الله يكتب لتس أجره يا ملحتس يا أخييتي نورتي
__________________
اللهم انصر سوريا و كل مغلوب يا رب آخر من قام بالتعديل شمعة حنين; بتاريخ 04-11-2011 الساعة 03:57 PM. |
|
|
|
 |
| الإشارات المرجعية |
|
|
النمط المتتابع
