 |
|
|
|
|
12-11-2011, 11:19 AM
|
#1 |
|
عـضـو
تاريخ التسجيل: Jan 2011
البلد: بذا فيذا هنا
المشاركات: 4,919
|
تقريري المصور عن اضحية عام 1432 هــ *****
عيدكم مبارك وسعيد وصالح وخالد .... الخ
بما اني صرت قرم بالعيد وحبيت اطق كم صورة لي انا و الاضحية المحترمة و حبيت انزل لكم كم صورة . . . اصبحنا واصبح الملك لله نبدأ على بركة الله اعرفكم اولآ على نفسي ( حربي عابر دربي )  ثانيآ شخصيه عزيزه علي وهو ( المعلاق ) حق الضحية وهي شجرة السدر ( العبريه )   الطرف الثالث ( المغدور ) الاضحية  طبعآ مامن كلفه لاني ماقدرت اصور عند اخواني بــ مكان الذبح ( المسلخ المصغر بالمزرعة ) لانهم يبي يعيرونن ويعيرون اعيال اعيالي ( مزحهم ثقيل وعيارين بالحيل ) ويمكن يتهورون ويتبرون من ( لاتحسبون تصوير العملية سهلة كما تضنون بل باتم السرية والتخفي ) ها انا امتطي صهوة الاضحية بكل حنان وخفة ( تراي رافعن نفسي عن الاضحية لكن مسوي تمويه )  اخر المسات الحانية من ( انا ) صاحب القلب الرحوم  بدا الجد الله يرحم والديك امزح معك لا تهجين الله يرحم والديك ( تراء مابي حيل نلعب امليحق على الصبح ) ولكي تطمئن اكثر همست لها بــ ( نامي ياحبيبتي الاضحية واحلمي بــ أحلام السعادة )  هذا القطة ( تثبيتيه ) مهداة مني ( امحاتسيكم ) وهي خصيصآ لكايدهم واخوانه وبعض الكشكوليين  نحط السكين بمكان المذبح  و بسم الله والله اكبر بداية الخير ويقولون بداية الغيث قطرة  هذي الصورة هدية لكايدهم واقول شف الذبح الفردي مهب متجمعين 5 اشخاص على ضحية وحده   طبعآ قعدت اشخمط اشوي واكتب مذكراتي الخاصة ( اغط بالدم واكتب بصبعي - طبيعي مهب بالقلام )  حربي عابر دربي .. بريدة ستي 32( لزوم الترفيع ) ( كتبتها على لوح شينكو ( زنك )  بداية التقطيع وهي تقطيع يدين الاضحية     والتقشير ( السلخ )   الربط والتعليق بسلك معدني ( سيم ) ( الله يرحم الكشخات )  علقناها  تابع للتقشير ( السلخ كامل )  انتصفنا بالعمل  انتهينا من السلخ  بعدها نبدأ استخراج الاحشاء وهي ( الجهاز الهضمي كاملآ )  انتهينا من الاحشاء وبقي الكبده  انتهينا من استخراج الجهاز التنفسي والقلب وتوابعهما   وهذه الحصيلة الاولية  نبدأ بتقطيع اليدين   والجنب ( القفص الصدري ) والرقبة   المرحلة الاخيرة بدينا بــ استخدام المعدات الثقيلة وهو الصاطور ويسمى الساطور )  واخر حبه للي تحبه  وهذا الي صار ( النتيجة النهائية ) 
|
|
|
|
12-11-2011, 01:18 PM
|
#2 |
|
[ Pharmacist ]
تاريخ التسجيل: Mar 2009
البلد: بريدة
المشاركات: 3,787
|
هلالا بييييييك
ذبحن طيب والله ..هذا الذبح الصدزي مهب خمسة متجمعين على حبه  تميز 
|
|
|
|
|
12-11-2011, 01:37 PM
|
#3 |
|
عـضـو
تاريخ التسجيل: Oct 2011
البلد: .. {في مكآن أحبه `` عشت به من صغري} ..
المشاركات: 1,449
|
تـقريــــــــــــر رائــــــــــــــع  والـله ما دريـــت إن هالـــسنـع يطــلع منـــك هههههههههه,,موفــق .. .....
__________________
. .. { .. كُــــل إبـــن أُنـــثــى و إن طــالت ســلامتـــه يـومـاً علـى آلـه حدبـــاء محمـــول ..} .. . |
|
|
|
|
12-11-2011, 01:41 PM
|
#4 |
|
عـضـو
تاريخ التسجيل: Oct 2008
المشاركات: 643
|
ونعم والله
كذا الذبح ولا بلاش بس من الفاضي الي يصور يعني لو معك احد يساعدك اقول ما يخالف بس تشتغل لحالك وواحد يصورك هذا نذل
__________________
يعجبك الي يصدق نفسه 
|
|
|
|
|
12-11-2011, 02:20 PM
|
#5 |
|
عـضـو
تاريخ التسجيل: Nov 2011
البلد: بريدة البهية
المشاركات: 288
|
تقرير رائع
|
|
|
|
|
12-11-2011, 03:12 PM
|
#6 |
|
عـضـو
تاريخ التسجيل: Dec 2010
البلد: في ظهر نجد. ذذ
المشاركات: 1,218
|
ههه
منسم يابن حرب والله تقرير يجمد على الخاطر حسيت أنك منزلع لاخر المزرعة علشان تصور .. ( نامي ياحبيبتي الاضحية واحلمي بــ أحلام السعادة ) توي أثمن نعمة أني آدمي .. . الذبح الفردي مهب متجمعين 5 اشخاص على ضحية وحده ثمت سؤال وراك شاطب خشتة ولا عمليات تعزير وتمثيل أعترف يابن حرب .. . - تقرير رآئع وفالك البيرق يارجل ياطيب ..
__________________
ـــــ حللون وأنتم بحل وداعي الأخير لهذا المنتدى| ـــ ـ
|
|
|
|
|
12-11-2011, 04:03 PM
|
#7 |
|
إلى اللقاء ، سأشتآق
تاريخ التسجيل: Aug 2008
البلد: حيث وجدت لنفسي راحة ~
المشاركات: 3,756
|
الله لا يهينك ممكن ترسل لي جلد ضحيتكم ناوي أسافر لـ الشرقيه هاليومين وكسل أشري شبكة صيد ذذ
نعنو أبو بليسك حشى مهب صلخ ذا أويليه لو أنا مصور لكم وشلون أصلخ
__________________
تويتر ، انستقرام
s_196  |
|
|
|
|
12-11-2011, 04:44 PM
|
#8 |
|
Guest
تاريخ التسجيل: Nov 2011
البلد: في قلب من كنت في قلبه
المشاركات: 306
|
كفوووووووو يابن حرب والله ما انت بسيط <<< بسيط والا مستمر
اممممممممممم لكن السلخ هذا وشلون هههههه راحت كل الضحية وبعدين والله انك قوي مررررة يعني انت لحالك وذبحته مشاء الله عليك.  وفيه شي ثاني بعد أنت ذبحت الضحية وذبحت كايدهم بكلمة "" واحد مو خمسة مجتمعين على ضحية"" وفعلا كايدهم واخوانه مجتمعين على ضحية وحده لا وبعد من المزرة يعني لو انها من المزرعه ووش يسوون به .تقرير رائع وفارس رائع والله تقل خيال مشاء الله عليك أحس انك "" غليص ولد رماح " يوم انك راكب حصانك ااسف ضحيتك  .فالق هذاك الي يرفرف فوق وشسمه هذا تعرفونه عاد انتم  .كايدهم  الديزلية أحسن تقرير لحربي عابر دربي  مشكور يابعدي على الروعة والبساطة بالذبح لو انا مصور ضحيتنا كان تصير علووووم لكن هذا  يشغلنا لقمت اصور.عموما عيدكم مبارك |
|
|
|
|
12-11-2011, 08:25 PM
|
#9 |
|
Registered User
تاريخ التسجيل: Oct 2011
البلد: القصيم
المشاركات: 447
|
تقريييييييييييييييييييييييييييييييييييييير
ممـــــــــــــــــــــتاز و رائـع يالـحربـــي آخر من قام بالتعديل ^صريح^; بتاريخ 12-11-2011 الساعة 08:26 PM. السبب: شئ!!!!غصب تدرون؟؟؟؟!!! |
|
|
|
|
12-11-2011, 10:20 PM
|
#10 |
|
عـضـو
تاريخ التسجيل: Sep 2011
البلد: القصيم
المشاركات: 416
|
ايه كذا السنع والا بلاش..
اشوى اللي مانكسر ظهر ضحيتكم متخيف روحك اولااااااه  وش هالمطاريس الله يغربل بليسك متفيق انت وخشيشك تكتب بالدم هذا ضد الانسانية  <<وش دخل الانسانيه بالسالفة .. .
__________________
اللهـ يـعـوضـنـيـ ): بـ خـسـآرتـ ـي :( |
|
|
|
|
12-11-2011, 10:48 PM
|
#11 | |||||||||||||||||||
|
عـضـو
تاريخ التسجيل: Oct 2008
المشاركات: 643
|
يا نذل انا اصلا لم اشارك للفوز وانما لوعد قطعته ولا كان جاك العلم الصدز<<<<من اللحين تصريف
__________________
يعجبك الي يصدق نفسه
|
|||||||||||||||||||
|
|
|
|
13-11-2011, 12:46 AM
|
#12 |
|
عـضـو
تاريخ التسجيل: Jan 2011
البلد: بذا فيذا هنا
المشاركات: 4,919
|
اشكر الجميع على شحطي و تبيرقي
واشكر المشرف بليدر على التميز واشكركم صعب المحال.. الديزلية وسط بريده الضاري تشوف اني بقصى المزرعة ( السمعه تبي ) شطبت وجه الضحية على شان ايقالي اخلاق وماودي اوريكم وهي تثعب دم ( تعرفن رحوم ) روقــآن لو عندك 8 ضحايا ولازم تخلصونهن الصبح وش تبي تسوي ( مايمدي يالذيب للتفنن ) سحبت الجلد وانقطع السيم وطاحت الضحية ودبلت له سيمين وعلقته وقلت بنفسي اخلص بلا متل بلا بطيخ فــتــى بــريــدة عاش معزز الصريح متى نلتقي شكريات لكم كلكم الا فيه سوال كايدهم شكله ما حمض الفلم الا الحين ومابقى الا 15 دقيقة والا انه فلخ ننتظر وش نسوي |
|
|
|
|
13-11-2011, 01:03 AM
|
#13 |
|
كاتب مميّز
تاريخ التسجيل: Oct 2009
البلد: بريدة
المشاركات: 4,723
|
شغل تمام تسلم الأيادي ..
لكن تقل انك نسيت شي .. ما بعد الذبح والسلخ و التقطيع وين اللي يخلي السعابيل تقاطر 
|
|
|
|
|
13-11-2011, 01:29 AM
|
#14 |
|
أبتاه ، فقدك آلمني ..!
تاريخ التسجيل: Jan 2008
البلد: لا إلى هؤلاء ولا إلى هؤلاء
المشاركات: 5,958
|
أنا اشهد انك ذيييييييب
|
|
|
|
 |
| الإشارات المرجعية |
|
|
النمط المتتابع
