[فؤادعنتر]

لا يخفى على الجميع المستوى الحلزوني الذي بلغْتٌه من القدرة على تحليل الأمور وسرعة البديهة ودقة المعلومة وإصابة الرأي السليم ما لكم بالطوااااااله .
كعادة الزملاء يستشيرونني بما يلم بهم من مصائب ومشاكل ، وآخر من استشارني أحد زملائي ((تذكرون قصته خوينا راعي (الاف جي) اللي ولد عمه يجي اتصالات لزوجته وحلينا موضوعه , تزوج ابن ولد خالته ولا شاورني وحصلت له مشكلة عائلية قال مالك إلا فؤاد عنتر يحل مشكلتك وأنا بصراحة مليت من حل المشاكل خاصة مع الناس اللي يشاور ولا يأخذ بالنصيحة المهم الرجال هذا شاورني بموضوع سر لكن عشان تعم الفايدة وندور الأجر (الدنيا تبي ولآخرة تبي) يقول الرجال انه دور بنت الحلال وطاحت رجليه ما حصل بنت , كل من عطوه استخاروا , ولا يبي إلا بنت ما يبي مطلقة ، ولا يعرف سبب الرفض , يقول ممكن عشان راتبه (4214ريال ) ولا هو يعد نفسه من أحسن الناس المهم أبوه سأل احد أصحابه قال الولد مالقينا له بنت حلال عندك احد من الجماعة عنده بنت ؟؟ قال خابر واحد عنده تسع بنات لعله يعطيه الكبيرة , وراح مع ابو الولد لابو البنات قال الابو الولد يقول أبغاء زوجة نحيفة مره عود (زي زوجة بباي) قال أبو البنات البنات مو نحيفات , لكن بنتي الوسطية نحيفة مره يعيرونها أم عص من نحفها قال الابو نبغاها للولد , المهم الرجال راح وشافها يقول البنت مو حلوه مره عاديه بس شكلها هادية وطيبة مررررة , لانه شافها وبوها كان موجود قال الابو خلاص شفتها قال نعم ابغاها قال ابو البنت , رح وفكر وستخر , لا تستعجل قال لا ابغاها الحين تتصل على المؤذون قال الابو خلاص أنت خلص الفحص الطبي و تعال وشفها بكرة وبعده , ولا تتزوج إلا أنت مقتنع وإذا تبي تكلمها دق على جوال أمها , المهم الرجال تملك على البنت , وجاء بيرسل لها جوال مستخدم هدية (n70) وغلفه يبي يرسله وشافت أخته الجوال وقالت عيب البنت زوجتك ترسل لها مستخدم وراحت واشترت جوال جديد وقالت هذا هديه مني للبنت , المهم الرجال دخل جو رومنسي مع زوجته وبداء يطلع بالبرد يكلمها ودخله برد تعرفون الطفه , والبنت بدت تقول أحلا الكلام (قلبه ،، يمجن إيه ) أقالهم عصافير ,المهم يقول المشكلة أن فيه ناس سبق وخطب منهم وعندهم بنت موت حمر (تطيح البس من الجدار) يقول ماعرفوا بملاكي ونسق معهم وراح وشافها وبصراحة أحلا من اللي عقد عليها (زي قصتنا السابقة صاحبة الوجه الطفولي والغمازات) والرجال يدور الحل يبغي المهر يرجع له ولا احد يعرف بالموضوع شنو الحل ؟؟؟؟؟؟ الغبي ما يدري انه ممكن يروح عليه المهر والجوال اللي عطاه البنت !!!!! قلت خلاص بحل لك الموضوع بشرط تدفع (عشرة آلاف ريال) قال خلاص أخذت رقم أبو البنت منه وتصلت عليه وقلت انتم خطب منكم أفلان احذروا منه الرجال يسكر الخميس والجمعة وإذا تبي تتأكد اتصل عليه بعد الساعة ثلاث بالليل وتتأكد , رد على أبو البنت وقال أنت كذاب وناس تتخربون البيوت وحسبي الله عليكم قلت خلاص اتصل وتأكد والله يسامحك على الكلام اللي قلته , وقلت للرجال إذا اتصل عليك أبو البنت لا ترد إلا متأخر وبين من كلامك انك سكران , وفعلاً اتصل عليه أبو البت وتأكد أن الرجال سكران , والفجر صلا مع أبوه وقال خلصنا من ولدك ولدك يسكر, وأنا من شفته مستخار وعجل وأنا شاك فيه , قال أبوه ولد ما يدخن عشان يسكر الكلام ذا مو صحيح ولا تستعجل تأكد , قال أبو البنت المهم خلصنا منه والمهر جاهز , يوم أصبحوا خبر الولد بالقصة وقال وينك البارحة ما صليت الفجر قال بالاستراحة قال الابو بالاستراحة تسكر خل استراحتك تنفعك , اتصل على أبو زوجتك يبغاك اتصل على أبو الزوجة وتفقوا على موعد بالمحكمة ورفض الشيخ الطلاق وقال روحوا أصلحوا هذا طلاق مو لعب وفكروا , أبو البنت راح لشيخ ثاني من جماعته يعرفه بالمحكمة و شرح له الموضوع وقال خلصنا من الرجال يسكر وأخاف على بنتي وتم الطلاق واخذ الرجال المهر, وعرفت أنا بالموضوع وقلت له عطني فلوس الاستشارة (عشرة الآلف ريال ) قال اصبر لمل أتزوج وتقدم لأهل البنت الثانية , وجلس مع أبوها قاله أبو البنت الجديدة أنت سبق لك الزواج قال لا أبداً ليه ؟؟؟ قال متأكد أنت ؟؟؟ خاف الولد قال له وش فيه سامعين شيء ؟؟ قال ابو البنت الجديدة اخو البنت يشتغل بالمستشفي ويوم فحص لأخته وجاء يستخرج اورق الفحص حصل لك فحصين واحد قبل شهر والثاني الجديد وصار يعرف اخو زوجتك السابقة وقال اخو زوجتك انهم طلقوها منك لأنك تسكر , لكن إحنا بنستخير ونفكر وبعد يوم اتصلوا عليه و قالوا له (يرزقك الله من غيرنا) وعرفت أنا بالموضوع واتصلت عليه مره ثانيه ابغي فلوسي , قال مالك شيء الخطة ما نجحت قلت اجل لا عمرك تستشيرني أنا الهدف المهر ورجعته لك أما غباؤك تفحص بنفس المستشفي هذا غباء منك مالي خص فيك , قال لي أنا خسرت زوجتي والجوال اللي أهديته لها ولا قلت شيء لك احمد ربك أني ماشتكيتك , بعدها تبت أعطي نصايح لواحد زيه فعلاً حكمة (اتق شر من احسنت اليه ) و الدنيا تبي والآخرة تبي.

[حربي عابر دربي]

والله انك وليده وحكيم زمانك يا ميسره

فقع وجهه وخذ الدراهم غصبن عنه . انت فاتح للهواء والشمس


وش بهم الشباب اليوم ............ ايه خلاص فهمت

[مسكين قلبي كم يعاني]

ههههههه شكرا لك

[بنت كفو]

[center][size="4"]


.
.

الحمد لله ربك مايضيع ، حفرتكم صارت لكم،
مع اني اشك أن القصة (خرطي) ،

[تهاني...]

.

!

وعاد فؤاد عنتر الى عادته القديمه؛

اهم شي الـ 4214

[حكيمة زمـاني]

الله يوسع صدرك بالطاعه مثل ماوسعت صدرونا بقصتك

[كلي عطى]

هههههههههههههههههههههههههه
أهم شيء الدنيا تبي ؤالأخره تبي.

أعجبني التأليف

[قائد المجد]

لو انك حطيت الروايه في الكشكول لكان انسب ،،

[L&M]

اجدع نص الهرج بالبحر .. عط ابوك اللي عطاك .. كم بقى ؟

[فتى الغربة]

أنت الله يهديك ياعنتر
تآخذ فلوسك كاملة ، وأنت ماقدمت الاستشارة كاملة
المفروض الرجال شارط عليك يتم موضوعه كامل