[فيتـامين]

من فتره احس بتعب وتوتر وبالاخير زادت حدة التوتر عندي وصرت عصبي بدرجه كبيره
لدرجة اني خضت ثلاث معارك خلال السنه هذي (هوشات)


وابغى اسوي فحص شامل للجسد اخاف يكون فيه تهريب بالامعاء الدقيقه او تخبيط بالمعده
فياليت يا احبابي يا اصحابي يا حلوين تعطوني افضل مستشفى والأقل قيمة بالفحص الشامل.

وفيه تخفيض للطلاب الجامعيين او لا ؟؟؟؟

انتظركم
ما تطولون

[سمو الكلمة]

مادمت تبحث عن الافضل والأرخص مالك الا مستشفى بريدة المركزي اطلب من المستوصف الي فيه ملفك بنوع الفحوصات وهم يسوؤه لك الي عندهم ويحولونك على المستشفى للتحليل الي مب عندهم

وعليك بالإكثار من قراءة القران وذكر الله ففيها طمأنينة للنفس والشفاء بإذن الله

شفاك الله وعفاك  

[حربي عابر دربي]

يمكن الراس عندك يبي مسح ( نزل العدة ولبق على الحفرة ونزل الونش )

افحص بالمستشفى الحكومي

وعلى فكره مافيه شي اسمه تحليل شامل عندنا لان التحليل الشامل يكون فحص من الصدام الى الصدام

والي عندنا تحليل صورة الدم وتحليل كيميائي ووظائف بعض الاعضاء مثل الكلى والكبد

اتوقع ( نقص فيتامينات ) لو تسوي تحليل فيتامينات وخصوصاً فيتامين D (لان نقصه يسبب امراض كثيره واعراضه صداع وكسل وخمول وعصبية وتوهمات وتصير احياناً ( ماعندك أحد )

ماتشوف شر

[عبدالله98]

ما تشوف شر

[فيتـامين]

اقتباس المشاركة الأساسية كتبها سمو الكلمة مادمت تبحث عن الافضل والأرخص مالك الا مستشفى بريدة المركزي اطلب من المستوصف الي فيه ملفك بنوع الفحوصات وهم يسوؤه لك الي عندهم ويحولونك على المستشفى للتحليل الي مب عندهم وعليك بالإكثار من قراءة القران وذكر الله ففيها طمأنينة للنفس والشفاء بإذن الله شفاك الله وعفاك

شكراً لك يا هبيب قلبي والله ...
خوذ الورده هذي إلك : )

[فيتـامين]

اقتباس المشاركة الأساسية كتبها حربي عابر دربي يمكن الراس عندك يبي مسح ( نزل العدة ولبق على الحفرة ونزل الونش ) افحص بالمستشفى الحكومي وعلى فكره مافيه شي اسمه تحليل شامل عندنا لان التحليل الشامل يكون فحص من الصدام الى الصدام والي عندنا تحليل صورة الدم وتحليل كيميائي ووظائف بعض الاعضاء مثل الكلى والكبد اتوقع ( نقص فيتامينات ) لو تسوي تحليل فيتامينات وخصوصاً فيتامين D (لان نقصه يسبب امراض كثيره واعراضه صداع وكسل وخمول وعصبية وتوهمات وتصير احياناً ( ماعندك أحد ) ماتشوف شر

يعني تهقى ان المشكلة بالـ D؟
عموما بروح اسوي كل اللي قلته، وحتى اللي ما قلته بسويه : )

وهذي ورده اقتطفتها لك من عروق الطرفية

[فيتـامين]

اقتباس المشاركة الأساسية كتبها عبدالله98 ما تشوف شر

الشر ما يجيك يا ابو عابد

[رولكس]

ذكرتني هوشاتك بصيدلية حارتنا من مبطي وأنا شايفها مقفلة ، واستغرابي لا ينقطع ، وزال استغرابي يوم شفتها فاتحه أمس قلت أدخل أشري لو بنادول وأستفسر وش السالفة يوم جيت للمصري لقيته مربوطه إيده ووجهه مفقع كله بقوس ورضوض ، دريت إنه مثلك وغادرت بدون بنادول

[فيتـامين]

اقتباس المشاركة الأساسية كتبها رولكس ذكرتني هوشاتك بصيدلية حارتنا من مبطي وأنا شايفها مقفلة ، واستغرابي لا ينقطع ، وزال استغرابي يوم شفتها فاتحه أمس قلت أدخل أشري لو بنادول وأستفسر وش السالفة يوم جيت للمصري لقيته مربوطه إيده ووجهه مفقع كله بقوس ورضوض ، دريت إنه مثلك وغادرت بدون بنادول

لا تغلط

انا ما احد يضربني، الا مره وحده واحد عطاني بقس على خشمي
وكنت متأثر بالافلام يوم يضرب بقس، عاد يقوم البطل يمسح الدم من خشمه

انا حسيت بالحراره بخشمي وفقدت الشعور بخشمي وجلست امسح الدم فيه لكن والحمدلله ما نزل اي دم
لكن صدّع راسي ذيك الليله صداع رهيب


وعندي سؤال لكن مستحي
ليش انتي تبي تشري بنادول <<< شرافه (حب استطلاع)