[مواطن قصصيمي]

السلام عليكم
هذي قصتي ولكم الحكم انا كان عندي موعد بالتخصصي وطبعا درت المستشفا كله ومالقيت موقف لسيارتي فقلت بجرب داخل المستشفا دخلت ومالقيت موقف بالمواقف الخاصه للسيارات وانا طالع الا واشوف سيارات ملبقه عند بوابة الدخول الرءيسيه قلت ابلبق معهم وجاني السيكورتي وقال لي وين يابو ممنوع قلت له طيب وهذولا اللي وقفين قال بعضهم واقفين عشان ياخذون مرافقينهم وبعضهم معهم امر
قلت له مستغرب امر؟؟؟؟ امر وشو؟؟ قال هذولا موظفين بالمستشفا معهم امر قلت وعادي يوقفون خطا؟ قال الشكوا لله وش نسوي قلت له وين السيارة اللي معه امر قال هذي قلت تراني بصورها قام ابتسم قلت من صاحبها قال هذا مدير الاسنان عندنا
واجي اخذ كذا صوره توضح مخالفة السيارة وصاحب السيارة اللي هو موظف وما احترم النظام




<<<<




<<<<

[* t3Bt *]

.

لا أرى شيئاً يستحق كُل ذلك ، فـ عُموم المستشفى لايسير على النظام الصحيح بعيداً عن مسئلة المواقف .
أتمنى من قسم الأسنان أن تكون مواعيدهم قريبه جداً .. !

شكراً أخي العزيز

[Qassime]

يعني جت على الملابق !!


وانتبه من تصيد الزلات لأنك لست معصوماً منها ..

[الصاتز ياطى عباتي]

سلمممگ آلله لآنتظموآ بشغلهم تعآل علمهم وشلون يوقفون سيآرآتهم
تعودوآ ع آلآخطآء آلله يآخذهههم !!

[أبورامي]

اقتباس المشاركة الأساسية كتبها qassime يعني جت على الملابق !! وانتبه من تصيد الزلات لأنك لست معصوماً منها ..

[هـــــداج]

والله ينت مكبر الموضوع , يا اخي المواقف خلوها لكبار السن والمرضى ابعد شوي وتلقى مواقف , مو لازم عند الباب او داخل المستشفى , بعدين وش دخل مدير الأسنان المخالف اللي عطاه الرخصة , من المفترض ان يكون عندنا ثقافة احترام الغير وقضاء الحوائج بهدوء ,,, خلنا صريحين حنا بالمملكة او الأغلب منا عندنا انانية يبي الشيء له فقط ويبي هو اللي يمشي بالسراء لأنه مشغول وهكذا ,,, والله تعبنا من هالشغل شباب صغار بلا حياء ولا احترام يصقط عليك بكل بجاحة امام الأشارة وعند المحاسبة في البقالة والخباز وكل مكان هو يبي الأول وبس .

[عبدالله]

يجب أن يكون النظام على الجميع...........

[هذا]

الشكوى لله..........

[شهر اغسطس]

الحين يجي واحدن مدرعم ويكتب بأن السلوم اساس المشكلة والسلوم افسد المواقف والسلوم زلزل مواقف المستشفى والسلوم باع المواقف لجهات خارجية وايـــــــــــن مكافحة الفساد عنه !!

ياصاحب الموضوع تصوير الممتلكات الخاصة ممنوع نظاماَ , وايضاَ انتبه قد تكون لديه حالة طارئه وانت لاتعلم !!

[المجربع]

من راقب الناس مات هماً

[ولدالبصر]

الله يعيين

[د.مصرقع]

المشي وانا اخوك زين

[فهد ال]

لاحول ولاقوة إلا بالله وش حادك على كتابة مثل هاالخبر ؟؟؟

[manedl]

وشفيكم على الرجال !!!

قال ملاحظه يشوفها هامه !!!
الرجال تكلم عن النظام وتطبيقه ماتكلم عن شخص معين !!

وأنا معه بكل ماقال لكن ليت يهتم بالإملاء أكثر ( مستشفا = مستشفى +لرءيسيه = الرئيسيه )

شكرا لك