[Leader.20]

يوم الاربعاء اللي راح قررنا نروح لم التنهات وكان عدد أشخاص الرحلة 12 شخص وكانت الرحلة مكونه من 5 سيارات , المهم مالكم بالطويلة بعد ما أخذنا الاغراض وكملنا كل شي والفضل يرجع بعد الله لأبو طارق وأبو فهد حركنا من الديرة العصر وانطلقنا والوعد فيضة التنهات يوم تعدينا الغاط ومير يضرب الكفر على خوينا



::



::



ومامعنا استبنه ( اسبير )

ورحنا لم المجمعة وجبنا كفر وجينا
خويانا جاهم الكسل ونزلوا الفرشة وقعدوا يتقهوون



وهذا الحلال بالصندوق



المهم وصلنا الروضة بالليل والعيال طاقين الخيمة ومجهزين المكان وكل شي وهذي خيمة ابو فهد يامال العافية والله



ابو فهد وابو راكان وجلسة رائعة




وهذي الجلسة من داخل الخيمة :



بعض الشباب قام بالذبح والسلخ وتجهيز الذبيحة ( ربعن تعاونوا ما ذلوا)




من يبي تسبدة



::

يا مال العافية يابو عمر على هالكبسة





وقبل النوم تقهوينا :



وكلن خمد بمنامه




وهذا ابو فهد يضبط القهوة لنا في الصباح الباكر عساك على القوه




ابو خالد يجهز المقلقل للفطور وسط متابعة من ابو راكان




وهنا تقطيع الكبدة :





وهنا أثناء الفطور :



رحنا نتمشى ودرنا بين الفياض ماشاء الله خضراء بالحيل وتسوى العنوة
ورجعنا لمكاننا
وهنا بعض الشباب يتفكهون ( يعني ياكلون فاكهة)








ناظروا البربري ناوي على الهجة





ومير يهج




الحق يا ولد







تكفى يابو راكان



اطرحه يابو خالد ما يطرحه غيرك


ايه امسكه امسكه




كفو




كفو



والله ذيبان



تم القبض عليه



إحتراف تايم



هههه وين انت هاجن له هاه تعال







كفو يابو فيصل وره الشغل عشان المرة الثانية ما يهج










ابو نادر يشب النار للحسحسة




يعطيكم العافية








وفي يوم الجمعة الكل قام بتجهيز العفش للرحيل





دع المكان افضل مما كان



وهذا هو مكاننا بعد التنظيف ويظهر في الصورة مكان الضو والمجمار




وهذي صورة جماعية



صحيح الفتك يابو عبدالله




يا حبيلك يابو فيصل




نرجو أن ينال التقرير على رضاكم

في أمان الله

[قائد المجد]

ماشاء الله تبارك الله
تقرير رائع من مشرف رائع <<< يسلك
وبعدين انا كنت مولم قشي واحتريكم عند الباب وراه ماجيتو
لفت نظري الربيع ماشاء الله تبارك الله
طلعه تستحق الخمس نجوم بأمتياز
ادام الله عليكم الالفه والمحبه
تقبل مروري © ~

[Leader.20]

^
ههههههههههه يا حبيلك بعد

عز الله انك بتشرفنا يا خلفهم لو أنت معنا

الربيع اللي بالصور مهب افضل الأماكن فيه أحسن منه بكثييير بس ما صورناه

شرفت الموضوع يا خلفهم

[|| ضحكَه طِفْله ||]

*
*
*
*



ما شاء الله تباركـ الله

.. تغطيـــه من أروع التغطيات اللي مرت علي ~

يعطيكـ العــافيهـ أخوي ..



*
*
*
*

[جيبوا لي نظارتي]

من اروع التقارير .... صراحة ابداع

[بريداوي متحمس]

بيقولوا انتم مسرفين وفسقانين ؟
بس اقول انا ياحلوا كشتتكم موفقين ان شاءالله

[كآيدهمـ]

لي عودة للتعليق

ولكن

(ابو نادر يشب النار للحسحسة)

وهنا تحت يختلف الكلام
7
7
7

الي يكذب الله يحطة بالنار



لي عودة بالتعليق
والله يعينك علي

[الدختور]

\تقرير كلهلحم ياخي وراكم ماجبتوا تــــــــونة وصورتوه علشان عويناتي
اللي يرهشن تدرون عندي حسسية ضد اللحوم<< وش موقعه من الاعراب
بس صدق متوحشين اول ماطبوا فتكوا بالمسكين ومع شروق الشمس كملوا علية << أمداه يتخرط
<< نوى ينحتكم ماشاء الله تبارك الله هالحين لا أوجعك بطنك عقب سنة حظرتن ..

بس فعلا تقرير يحث على الاخلاق ونظافة البيئة << حدى ثنتين يما يحاول ينكت ولا هجتبة

[(شابوره)]

زكرت والله

الله يديمها لكم وبينكم


مالفت انتباهي العشب لان عشب مزرعتنا اللي بالنبقيه الطلق اللي لفت انتباهي الصوره الجماعيه ليه خوينا اللي يمين مضلل ع وجهه هو فقط ؟ يعني معروف. او ضابط مايبي يعرف او وراه <~ ياشين الشرافه

[حربي عابر دربي]

الله يديم الوناسة

والله يعطيكم العافية

تقرير فتكي

[الـدعساوي]

ماشاء الله ، إلى هالحين عايش يالذيب
وش هالزين والتقارير الحلوة ، بس خل عنك هالتقرير جاي بغير زمانه
هذا يصلح مع التقارير الأولات " أيااااااام "
معليش ياخلفهم قليل تواجدي والله ، ويوم شفت هالتقرير دمعة العين
يكفي انك مانسيتنا <= اللي يشوفن يقول مايطلع من المنتدى

* تميز + يضاف للتقارير المميزة .
تستااااهل ، واعذرنا يالذيب

[saaara]

-
فلله ونآسه وكلش ()*
مآ شآء آللـه عليكم ..
آللـه مععكم :") !

[ابوسليم]

مشالله تبارك طلعه بالصميم الله يهنيكم
ويدوم عليكم الوناسه
يارب

[مسكين قلبي كم يعاني]

ماشاء الله عليكم الله يديم عليكم الوناسه