 |
|
|
|
|
24-10-2003, 03:57 AM
|
#1 |
|
عـضـو
تاريخ التسجيل: May 2003
المشاركات: 92
|
المناكير وما أدراك ما المناكير
السلام عليكم
يقول الشيخ حفظه الله اليوم بعد صلاة العشاء تقريبآ عطتني أختي 25 ريال وقالت جب مناكير لونه موفي ومن سوء حظ أختي العزيزة إني اليوم مطفر وقلت بلا ماركات بلا هم أروح لمحل أبو ريالين واشريلها من هناك وتحمد الله وتشكره << ماخطط على ال 23 ريال المهم وصلت للمحل وللأسف مالقيت موقف لسيارتي الا بحدود مشي عشر دقايق رجلية وتفاجئت يوم وصلت للمحل راعي المحل واقف بالبوابه ومنعني من الدخول يقول الدخول للعوائل فقط لاحوووووووول حتى محل أبو ريالين صار للعوائل بعد ؟! يابن الحلال كلها دقيقتين بشري مناكير وابطلع وراعي المحل مافيه امل يوافق وناظرته بعين حارة وقلت والله ماينفع لك الا حركة من حركات الفيصلية وقفت عند الباب لين ماوقف جمس ونزل عشرطعش حرمه معهم شنطه بها ترامز شاهي وقهوة ومعهم فراش وعربيه يدفون بها بزر تحلفون بالله إنهم رايحين لملاهي الخيمة مهوب محل ابو ريالين ؟ مشيت جنب البزر وامه تدفه بالعربية ويوم وصلنا للباب نزلت راسي وبديت ألعب على البزر إغااااااااااء وأناظر أمه وأقوله أنتي جايبتن رضاعته؟ وراعي المحل يقول أيووووه ياخخخي من الأول جيب أهلك طبعآ مع الربشه وشدة الزحمة ماقدرت الأم تسوي شي والا اشوفها تناظر شنطتها وتناظر راسي تناظر شنطتها وتناظر راسي عاد طلعت ريال وحطيته بعربية البزر عن قولة شكرآ اخاف اقول لها شكرا وتشكرن هي بالشنطة أول مادخلت المحل فقدت الاتصال بالعالم الخارجي لأني اول مره اشوف زحمة زي كذه هذي تسحب شماغي؟ وهذي تدف؟ وهذي تقول وخخخر لو سمحت ثمن مادري الا وهي شايتتني بووووووز آخر شي بدوا يوطوني ؟ مشيت بالمحل بعد معاناة وكل من شفته سألته وين احصل قسم المناكير ومشيت لين شفت لي وحده فاتشة ومبوبزة لفت انتباهي المنظر وتعلثت بهالسؤال بعد ماتنحنحت طبعا لو سمحتي وين القى المناكير فيه وعينك ماتسمع الا يامناحي يامحماس تناديهم؟! وماتشوفون الا غباري والى ساعة اعداد وكتابه هذا الموضوع وانا ضايقن صدري ودي ادري وش جالسه تسوي ؟ المهم مشيت لين وصلت لمكان مزحوم بالمره حتى شكيت من صراخهم اني بالجمرات مهوب بمحل ابو ريالين هذي تصارخ على ابو يمن وتقوله قايلتلك أبي عشر درازن من دفتر ابو ستين وينها؟ ووحده ثانيه تقول بصوت عالي الله أكبر الله أكبر استغربت انا وقلت اكيد فيها بلا ويوم قربت لها سمعتها تقول توني حاطة بجنبي درزن دفاتر أبو وجه ووجه من اللي أخذه << ماطيحت قلبه ابد طبعا طلع المكان هذا مخصص للادوات المدرسيه وقتها حمدت ربي وقلت اشوى ان اختي تبي مناكير ماتبي دفاتر مشيت أدور عن المناكير وفجاة مسكت ايدي عجوز وقالت الله يوفقك ويخليك لميمتك ساعدني باغراضي وصلها للمحاسب واعطيك كاتبة الله ( ) قلت لها تامرين امر وحبيت راسها تقدير واحترام ويوم شفت العفش اللي هي مجمعته بزاويه قلت لها والله لو تعطين افغاني 500 ريال ماشالها لك نعنبوا ابليسها ماخلت شي ماشرته؟ قالت تعال واعطيك اللي تبي قلت والله لو تقولين لي وين مكان المناكير ماشلتها لك المهم مشيت وخليتها لين وصلت لآخر المحل وحصلت قسم مافيه ناس كثير وحصلت لي شاب مرسم يناظر مجموعة ورود اعجبتني رومانسيته وسألته عن المناكير قال انا مشغول استغربت مشغول؟ وحسيت انه مرتبك وبوقتها دق جواله واثرها خويته متواعدين المهم مشى لمها ومشيت وراه لين تقابلوا ويسلم عليها كيفك حياتي وهي بخير ياعووومري وقبل لا يعطيها الورده دخلت بينهم وقلت له لو سمحت ماتدري وين احصل المناكير فيه ؟ قال تراك اشغلتنا قلت له بس انا مظطر ارجوك ساعدني قال اوكي بس انتظرني بعد شوي لين اجيك رفضت وقلت له انا مستعجل قال خذ 20 ريال اطلع من محل ابو ريالين واشتر من محل غير هذا على باله يبي الفكه قلت له انا أبي عشر علب مناكير مهوب وحده قال مهيب مشكلة خذ 200 بس فكنا اخذت الفلوس واول رجل هئيه شفته عند الباب خليته يمسكهم متلبسين ومالقاها الا اختي جبت لها ثلاث علب مناكير من زود الفسقه يقول الشيخ معلقاً على هذه القصة: محلات ابو ريالين كشفت النصب والجشع الزايد من اصحاب المكتبات والى هنا مافيه شي غريب لأننا تعودنا على الغش لكن الشي الغريب هو شكوى اصحاب المكتبات على محلات ابو ريالين يعني يبيسرقون زود ؟! حفظ الله الشيخ في حلة وترحالة
__________________
 هذا هدية من اخوي الفالي الرزين الله يوفقك بالدنيا والاخرة |
|
|
|
24-10-2003, 10:47 AM
|
#2 |
|
عـضـو
تاريخ التسجيل: Mar 2003
البلد: بريده (رضي الله عنه)
المشاركات: 13,063
|
والله يا انا تفككت اعظامي منالزحمه وانا مالي
دخل اعنبوبليسك شكلك بالسعي برمضان ليلة 27قبل ختمت السديس بشوي احلف ان هالمحل ازحم منه هههههه مشكور اخوي
__________________
|
|
|
|
 |
| الإشارات المرجعية |
|
|
النمط المتتابع
