[shwahk]

السلام عليكم

ابحث عن واير ببريدة والغريب مالقيته ... معقول سلك مو متوفر ببريدة

رحت على محلات الكمبيوترات ومافيه .. رحت على محلات التلفزيونات ومالقيته

وين احصل سلك يشتغل الكمبيوتر على التلفزيون .... يعني يشبك من الاب توب الى التلفزيون

طبعا التلفزيون نوعه عادي مو بلازما

ممكن اسم المحل ور قم تلفونهم

شاكرة ومقدرة

[اخو دريحم]

الدخيل بالخبيب

[هاتريك]

.
.

عندي هالسلك ومابطيت شاريه .. تلقينه عند محلات الكمبيوترات .. لاوبعد تحمست وكنسلت اللابتوب وشريت مكتبي ولصقته عند التلفزيون .. وجبت ماوس وكيبورد لاسلكي .. وخذ أحراق انترنت ..

الزبدة إذا عندك تلفزييون ( ال سي دي ) فيه سلكين سلك خاص بالصوت وسلك خاص بالصورة فقط لاغير .. وفيه أيضاً سلك واحد يكفيهم كلهم .. على حسب المحلات ..

فالمؤكد أنك بتحصلينها بمحلات الكمبيوتر .. سعره مايتجاوز من 20 إلى 40 .. وبعد تشغيله أحياناً مايضبط الصوت أو الصورة فحركي الأسلاك .. يعني فيه معاناة وبهذلة شوي بس بالأخير بيكون ممتع .. بس الله الله خوذي سلك أمتاره طويلة .. عشان يكون فيه مسافة بين الجهاز والتلفزيون ..
.
.
.
.

[الفجــــــــر]

اقتباس المشاركة الأساسية كتبها هاتريك . . عندي هالسلك ومابطيت شاريه .. تلقينه عند محلات الكمبيوترات .. لاوبعد تحمست وكنسلت اللابتوب وشريت مكتبي ولصقته عند التلفزيون .. وجبت ماوس وكيبورد لاسلكي .. وخذ أحراق انترنت .. الزبدة إذا عندك تلفزييون ( ال سي دي ) فيه سلكين سلك خاص بالصوت وسلك خاص بالصورة فقط لاغير .. وفيه أيضاً سلك واحد يكفيهم كلهم .. على حسب المحلات .. فالمؤكد أنك بتحصلينها بمحلات الكمبيوتر .. سعره مايتجاوز من 20 إلى 40 .. وبعد تشغيله أحياناً مايضبط الصوت أو الصورة فحركي الأسلاك .. يعني فيه معاناة وبهذلة شوي بس بالأخير بيكون ممتع .. بس الله الله خوذي سلك أمتاره طويلة .. عشان يكون فيه مسافة بين الجهاز والتلفزيون .. . . . .

كل القصه عشان تقول انهم بمحلات الكمبيوتر

[ودي أشارك]

المشكله ان التلفزون عادي يعني نوع قديم
باعتقادي ماراح تحصل طلبك

[shwahk]

اقتباس المشاركة الأساسية كتبها اخو دريحم الدخيل بالخبيب

العمال قالوا لنا بالدخيل

اليوم رحت بس مالقينا هالدخيل هذا

هو قبال المسجد ؟

اللي قباله محلات صغيرة اكثرها ساعات وملابس

[shwahk]

اقتباس المشاركة الأساسية كتبها هاتريك . . عندي هالسلك ومابطيت شاريه .. تلقينه عند محلات الكمبيوترات .. لاوبعد تحمست وكنسلت اللابتوب وشريت مكتبي ولصقته عند التلفزيون .. وجبت ماوس وكيبورد لاسلكي .. وخذ أحراق انترنت .. الزبدة إذا عندك تلفزييون ( ال سي دي ) فيه سلكين سلك خاص بالصوت وسلك خاص بالصورة فقط لاغير .. وفيه أيضاً سلك واحد يكفيهم كلهم .. على حسب المحلات .. فالمؤكد أنك بتحصلينها بمحلات الكمبيوتر .. سعره مايتجاوز من 20 إلى 40 .. وبعد تشغيله أحياناً مايضبط الصوت أو الصورة فحركي الأسلاك .. يعني فيه معاناة وبهذلة شوي بس بالأخير بيكون ممتع .. بس الله الله خوذي سلك أمتاره طويلة .. عشان يكون فيه مسافة بين الجهاز والتلفزيون .. . . . .

تلفزيونا من الانواع العادية

ابي السلك اللي يصير له 3 روس اصفر واحمر وابيض حق التلفزيون

جزاكم الله خير جميعا

[زهوربريدة]

ادربي راسي معكم
ولا ادري وش ها السلك

[بسكــآتي أذلك]

مالك الا الدخيل للاكترونيات اللي بالخبيب

الوصف : من تقاطع الشلال وانتي ريحه شمال كأنك رايحه لتقاطع الكنعان قبل توصلين الاشاره بملفين شوفيه على يمين محل صغير وقديم شوي .

[بريداوي2000]

السلك هذا عندي

عندي 3 انواع من الاسلاك
الاول : ثلاث مخارج ابيض اصفر احمر والمخرج حقة يو اس بي
الثاني : برضة 3 مخارج ابيض اصفر احمر ومشبك الكمبيوتر فيش مدور

اي واحد فيهم رقم المحل 3838932

[دمعةحزن]

طلبك هذا ان شاء الله تحصلينه عند الداود
موقع المحل بعد النقل الجماعي القديم على اليمين وانت جاي من دوار السادة كانك تبغى الخبيب

[نـــانــي]

طلب موجود عند محل بالصفراء لايحضرني اسمه هندي العامل اسمه حنيف , انا مشتريه منه برمضان الماضي
موقعه بعد محل المحرر للتصوير

[دربك تدله !]

و عندك محلات مجداف ، في عمارة التعاون
تحصل عنده انواع الاسلاك إن شاء الله تحصل طلبك فيه

[shwahk]

اقتباس المشاركة الأساسية كتبها بسكــآتي أذلك مالك الا الدخيل للاكترونيات اللي بالخبيب الوصف : من تقاطع الشلال وانتي ريحه شمال كأنك رايحه لتقاطع الكنعان قبل توصلين الاشاره بملفين شوفيه على يمين محل صغير وقديم شوي .

الله يعيني القى احد يروح هناك

جزاك الله خير ...