[الزنقب]

السفر لاجل الترفيه وتجديد الحياة ثقافه جديده نسبيا على المجتمع

في السابق كان السفر لاجل احد ثلاثة امور

احدها لاجل العبادة كالحج والعمره

والثاني لاجل زيارة الاقارب والاهل يوم كانت الاسر متكاتفه متحابه

والثالث لاجل لقمة العيش وطلب الرزق

جد على الناس السفر لاجل التمشيه والترفيه وانتشرت

هذه الثقافه منذ مايقارب من ثلاثة عقود وهي الان في ازدياد خطير وفي العطله

الماضيه سافر مايقارب من اربعة ملايين سعودي الى الخارج وهي عطله اسبوع فقط

المشكله اليوم عندما تتزوج البنت من وسط اجتماعي مسافر الى الخارج

بشاب من وسط ثقافي لا يسافر الى الخارج كعائلات او شاب يرفض السفر

للخارج لقناعه اقتصاديه او دينيه او اخلاقيه او ليس من هواة السفر والرحلات والتمشيه

في هذه الحاله تدب الخلافات ويكثر الشقاق وتشعر المرأه بالحرمان عندما تقارن نفسها

بغيرها من اقاربها وصديقاتها الذين يسافرن في كل اجازه للخارج

فيبداء مشروع الزن والالحاح على السفر من جانب الزوجه

ويبداء مسلسل الرفض والاقناع وربما التعويض بالسفر الداخلي او مبلغ مالي

لاجل تنازل الزوجه عن مطلب السفر الخارجي

وربما كان هناك حل وسط بان تسافر مع اخيها او ابيها او ابن
اختها او احد محارمها

وتقول للزوج اعطني المصروف ونحن نسافر وربما سمح لها الزوج فطارت الى مشارق الارض

ومغاربها مع فتي مراهق يقود عائله كامله فيها مراهقات ومراهقين فتحدث كوارث وطوام وفواقر

يندي لها جبين العفه ويهتز لاجلها صرح الاخلاق الاشم

متى نخرج من دوامه ربط السعاده في السفر الخارجي ومتي نعيش السعادة الزوجيه في البيوت

ومتى نحفر للمقارنات التي هدمت البيوت القبور ونطلق عليها رصاصه الرحمه ؟؟

متى نوفر مصاريف السفر للخارج لا مور اهم من بناء البيت وتأمين دارسة الابناء بمدارس

جيده وفتح مشروعات تجاريه تدر بالربح الوفير على الابناء حتى لا يعيشو حياة الفقر والعوز

متى يعود الناس لرشدهم ويتركو السفر الخارجي المهلك للاموال المشتت للاسر ؟؟؟


فاصله

يقول العقل المغيب اليوم مخاطبا النفس الشهوانيه

وفر مالك ياصديقي واياك والاستدانه للترفيه وحاول ان تستثمر مالك في مشروع

اقتصادي يدر عليك وعلى ابناءك من بعدك بالمال فلا يحتاجو لاحد فربما طلقت

ابنتك فعاشت بعد وفاتك على صدقات المحسنين فهل يرضيك هذا ؟؟؟

[الحاسة السادسة]

اقتباس المشاركة الأساسية كتبها الزنقب فربما طلقت ابنتك فعاشت بعد وفاتك على صدقات المحسنين فهل يرضيك هذا ؟؟؟

لا والله مايرضين

لاحول ولا قوة إلا بالله

يعني تبي نولم العصابه قبل الفلقة !

الزنقب .. سم

[الـــرزة]

الله المستعان

[محب الاصلاح]

أخي الزنقب السلام عليكم وبعد ،،،،

دئمآ تدق على الوتر الحساس وتعالج الجرح الغائر

أشكرك جزيل الشكر على غيرتك وفطرتك السليمة إنشاء الله

وكما تفضلت فيه انا في الحقيقة وفي الآونة الأخير

استغرب كثيرآ من مشاكل النساء مع الأزواج

ومستعدة بأن تعيش في مشاكل وكدر وخلاف

لأجل تأمين شي تافة او تحصيل أمرآ تقليدآ للآخرين

فرقة وشتات لأجل كماليات الحياة .

[أفكـــار]

هكذا هي الحياة
تجبرنا على مفاهيم جديدة


والسفر يمنح الإنسان لحظة يبتعد فيها عن مجريات العمل ومتاعب الحياة اليومية
وتجديد روتين السنــة كلها وهذا يعود على الانسان بالأفضل
ولا أحد ينكر فضل السفر

وبإمكان الواحد يسافر بميزانية قليلة ويمد رجليه على قد لحافه



اما حكاية سافر فيني أو طلقني !!
هي اصلاً ماتزوجتــه وإلا وهي عارفه انها بتسافر أو لأ وتعرف المجتمع اللي داخله عليه راعين سفر أو لأ !

اما تجيه بيوم وليلة سافر فيني او طلقني ماتجي هذي صراحه

هذي اسميها من فئة الغبيات المنتشرة بالمجتمع

تحسب بالزن والرن بتحصل الشي اللي تبغاه
هي عارفه اصلاً وش الشيء اللي ممكن ووش الشيء اللي غير ممكن !
ليه الزن والمهانه !

[الـعـابـر]

لذلك تجد ان بنات اليوم 95٪ منهن هوياتهن الوحيده السفر والسياحة مع شوية نياحه

[الزنقب]

اقتباس المشاركة الأساسية كتبها الحاسة السادسة لا والله مايرضين لاحول ولا قوة إلا بالله يعني تبي نولم العصابه قبل الفلقة ! الزنقب .. سم

مرحب بعدد النجوم

نعم من ترك عشاه اصبح يلقاه

لابد من الحزم وخوصا في الدارهم

الدنيا اتوحش وانا اخوك

[الزنقب]

اقتباس المشاركة الأساسية كتبها الـــرزة الله المستعان

يافارج الهم والغم افرج هم كل مهموم

[الزنقب]

اقتباس المشاركة الأساسية كتبها محب الاصلاح أخي الزنقب السلام عليكم وبعد ،،،، دئمآ تدق على الوتر الحساس وتعالج الجرح الغائر أشكرك جزيل الشكر على غيرتك وفطرتك السليمة إنشاء الله وكما تفضلت فيه انا في الحقيقة وفي الآونة الأخير استغرب كثيرآ من مشاكل النساء مع الأزواج ومستعدة بأن تعيش في مشاكل وكدر وخلاف لأجل تأمين شي تافة او تحصيل أمرآ تقليدآ للآخرين فرقة وشتات لأجل كماليات الحياة .

لافض فوك

تعيش في مشاكل من اجل شي تافه وحقير

وفرقه وشتات لاجل كماليات

حكمه من رجل رجل حكيم



تحياتي لك واشكرك

[الزنقب]

اقتباس المشاركة الأساسية كتبها أفكـــار هكذا هي الحياة تجبرنا على مفاهيم جديدة والسفر يمنح الإنسان لحظة يبتعد فيها عن مجريات العمل ومتاعب الحياة اليومية وتجديد روتين السنــة كلها وهذا يعود على الانسان بالأفضل ولا أحد ينكر فضل السفر وبإمكان الواحد يسافر بميزانية قليلة ويمد رجليه على قد لحافه اما حكاية سافر فيني أو طلقني !! هي اصلاً ماتزوجتــه وإلا وهي عارفه انها بتسافر أو لأ وتعرف المجتمع اللي داخله عليه راعين سفر أو لأ ! اما تجيه بيوم وليلة سافر فيني او طلقني ماتجي هذي صراحه هذي اسميها من فئة الغبيات المنتشرة بالمجتمع تحسب بالزن والرن بتحصل الشي اللي تبغاه هي عارفه اصلاً وش الشيء اللي ممكن ووش الشيء اللي غير ممكن ! ليه الزن والمهانه !

مراحب

ليس كل الناس عندهم هوايه السفر

وليس كل الناس يكره الروتين هناك من

اذا فقد الروتين تكدر عيشه وضاق صدره

كالشخصيه النظاميه المقلده وتشكل ربع

الشخصيات كما يقال

واعجبني ذكائك بقولك ان المراه التي تحسب انها بالزن والرن
تحصل على ماتريد بدون النظر الى الوضع الاجتماعي للزوج
وماهو الممكن وغير الممكن هي غبيه

واقول ليس كل النساء تفهم الوضع الاجتماعي للزوج

وليس كل النساء تفهم الممكن وغير الممكن لدي الزوج

هذا لا يفهمه الا العاقله

[الزنقب]

اقتباس المشاركة الأساسية كتبها من الجماعة لذلك تجد ان بنات اليوم 95٪ منهن هوياتهن الوحيده السفر والسياحة مع شوية نياحه

هههههه

دمك عسل اخي الكريم

اشكر لك مداخلتك

[محمد الرشودي]

لا ضرر ولا ضرار ..

جبنا مشارق الأرض ومغاربها .. وما زادنا ذلك إلا فتور !! وشبعنا !

بعدين من حق الزوجة تسافر إذا الزوج يستطيع وبعد تأمين أحتياجات الحياة الأساسية .. وأيضا بشرط أن تكون الزوجة منفتحه على العالم مهب من الدعيسة الى بونس آيرس

والشيء الثاني اللي لازم يعرفه كل رجال .. أن الأنثى منذ الصغر تميل الى كل ما هو جميل .. عشان كذا تشوفهن دايم يرسمن شجرة خضراء وبحيرة .. وشمس مشرقه .. واذا كبرت شوي تلبس جلال الصلاة وتتخيل أنه ذاك المنفوش .. اللي تلبسه بطلة الف ليله وليله .. وتقف على جنبات الدريشة تاخذ نفس عميق وتتمقل بإطلاله حلوه وتشاهد السماء وتابع الطيور المحلقه ..

وبعد ما تكبر شويات بعد .. تبدأ تنافس على الظهور والتميز .. وشيء من الياي والهاي .. والكول .. والسويتز .. والكيوت ........... الخ الخ

ولم يجي وقت الحسم .. وهي فاتحه أذرعه بأنتظار " جاي ع داري ياخذني" ع ظهر الخيل الوردي أو ددسن 82 << عاد هي وحظه هههههه

وبالأخير تصفى على زمزمية كركديه << مسوي فيها كوكتيل الأخ !! وفوق حبوس الفروسية!! معصي !! أكيد بتزعل وبتحن وترن فوق الراس 24 × 24 !! من حقه يا أخي تشوف العالم من فوزهو والجريت ووال الى نيجارا ووتر فولز .. !!

بس عاد أهم شيء تكون بعد هي تستاهل .. حشومه وحبوبه وصباره ولا هب من شلة ما رأينا خير قط !! هاذي حده أرض الملح اللي بالشقة وتخب بعد!!
وخاصة اللي ما عمره كلفت نفسه تجيب لشريك حياته هديه من السوق!! شلون تبينه يسافرك بعد!! لا وتقول خله هو أول يهدي علي .. وبعدين أفكر أنا ..!! الرجال ما تصلح لهم إلا العين الحمراء ..

عاد المدرسات هذولي محل الشفقه والرحمه .. لأنه أول ما تقول ودي أسافر يتلفت رفيقنا يدور بطاقة الصرافه مالته .. ويسئله هاه فيها فلوس ؟! إذا أيه سافرنا .. ما فيه لا.. ماهناش .. نو واي !!

عاد إذا سافر فيها وعلى حسابها .. وهم جالسين بمطعم وقدم لهم البيرسون قائمة المأكولات .. بالتسعيرة طبعا .. على طول تقول فلان "فديتك يا حياتي" << أمممممم .... أنت ... ( متردده مهب قايله أنت وهو لاهف مبلغ وقدره ) أحس أني تعبت ما أدري وش فيني عشان خاطري يله نروح الفندق هههههههههههههههههههههههههههههههه !! >> ماسك بطنه من الضحك لأنه صدق هذا حال المدرسات

الله يكون بالعون بس ويصلح الحال .. ما لقينا بالسفر إلا الخروج من مأزق الروتين أو لمحاولة النسيان .. وياقلب لا تحزن ..

الزنقب .. شكرا لك .. مقالك لذيذ ورائع بصراحة ..

[❤.. Ťạġħřęęḋ]

وشو عاد يالسفر..قديمه ان البنات يحبن السفر
انا بنتا ما اطيق السفر ..
الا اذا اخترعو آله اسمه (من سريرك لـ سرير الشقه)
بدون طريق ووجع راس
<<لاحد يجي ويقول طياره .. بالطياره ماخذ راحتي بالجه

شكرا الزنقب

[الزنقب]

احد الاخوه كتب تعليق على الموضوع

وفيه مبالغه لكن يجب ان ننظر اليه بروح رياضيه وبتسامح وود
بدون تشنج وانفعال لان الانفعال والتشنج لن يخدم اي قضيه فكريه

بهكذا طريقه نحاول ان نفهم معاناة بعض الرجل

يقول الاخ الكريم



سافر بي والا طلقني


سولف معي والا طلقني


اسهر معي والا طلقني



خلني البس اللي ابي والا طلقني


ودني المطعم والا طلقني


اجلس وجامل وتحمل اخواني الزلايب والا طلقني


خلني اركب الدباب في الثمامه والا طلقني ..


ركبني وتمش فيني باليوم الوطني والا طلقني



خلني ارقص بالجنادريه والا طلقني


خلني اروح مع خواتي للسوق واجلس بالكوفي شوب والا طلقني


جب لي خدامه والا طلقني

خلني ادعس على رقبتك والا طلقني


هي وحده من الثنتين اذا ما لبيت لها مطالبها ...أما قالت طلقني والا قالت أنت معقد وانسان منت براقي وغير متحضر ورجعي وجلف ..



يعني بأختصار فرد حمزه ثاير ثاير ....


وعلشان كذا حنا قاعدين نشوووف هالبلاوي اللي تحصل بالاماكن العامه ....


ما فيها شي الزوج يلبي طلبات زوجته ...لكن المشكله طلبات الزوجه هل هي منطقيه ومعقوله ...والا طلبات كلها مفسده للاخلاق والمال