[ساكتون]

[أبوسياف]

اللهم لك الحمد والشكر كما انعمت علينا نعما كثيره وفضلتنا على كثير من خلقك اللهم ادمها من نعمه واحفضها من الزوال يارب العالمين واغننا بحلالك عن حرامك وارزقنا شكرا يليق بجلال وجهك ياحي ياقيوم فأنت الغني ونحن الفقراء وانت القوي ونحن الضعفاء فأعزنا بالاسلام وامتنا على الاسلام وارزقنا رضاك والجنه ورؤية وجهك الكريم يارب العالمين

[عمر بريدة]

صوره مؤثره 000 جزاك الله خير

[قصيميا]

جزاك الله خير

[معاني17]

اقتباس المشاركة الأساسية كتبها ساكتون

*

أبنيتي لا تجزعي ..
ظـَلـِّي على كتفي ..
واسكبي دمعك ..
لا تتركي حضني ..
إلاّ بعد جفاف مآقيك ..
لا تقتليني بدمعتك ..
فلقد شعرت بلوعتك ..

وعندما تسألك المعلمة ..
أين أبوك ..
قولي لها هناك ..
خلف البحار ..
وتنفسي الصعداء ..
فأنا هناك لأجلك ..

حتما ستسمعين بنيتي ..
انفاسا في الجوار ..
آباؤهم خلف البحار ..

*

[غلآك يكفيني]

يَ قلبي عليها
ربي يروقهم من فضله ويفتح لهم أبواب الخير
ويفرج همهم ويرزقهم من حيث لا يحتسبوا

جزاك الله خير

[الحاسة السادسة]

اقتباس المشاركة الأساسية كتبها ساكتون

*

ولم الوداع بنيتي ؟
لا تصلبيني ..
لا تتركي روحي هنا ..

هلاّ بقيت هناك في ..
بيتي الكئيب المنهدم ..
هناك مشاعري ..
هناك أشيائي ..
هناك أنفاسي ..

ستبكين بمرارة ..
وسيرن صداه ..
في أذني في قلبي ..
في صحوي في نومي ..

تبا لصالة المطار ..
لم تكن كافية ..
لاحتضان دموعك ..
ولملمة أوجاعي ..

وعندما تسألك المعلمة ..
أين أبوك ؟
قولي لها هناك ..
في صالة المطار ..
أشلاء من مشاعره ..
وشيء من دموعي ..
غابت ملامحها ..
بين ركام دموع ..
وأشلاء ..

*

[هاتريك]

أنا ما أشوف فيها أي تأثير .. صورة أقل من عادية .. طفلة قاعده تبكي وواحد حاظنها .. وين المشكلة ؟

يعني الي عنده بزران في بيتهم ؟؟ اليوم كم مرة بكى طفله ؟ بس مشكلتنا ننظر بحساسية للأطفال الغرباء أكثر من أطفالنا ؟

مثل هالصور أشوفها بكل مكان .. حتى قبل يومين شايفها عند العمرو للدرجات ، بزر تبي زود لعبة وأبوها مشتري لها غيرها قالها يالله أمشي وزمها وهي تصيح وطلعو ..

وناظرني وقال .. والله أن نصبح وحنا وطلبات هالبزران .. هه يعني لو أبروح أصوره وهي تصيح وهو حاظنها .. وأنزلها وأكتب عليها عبارتين .. تصير مؤثرة .. وبالأخير .. لا مؤثرة ولا شي كل مافي الموضوع .. دلع بزران ..

عموماً ..

الحساسية الزائدة ماتنفع معاي أنا بالذات أما أنتم بكيفكم تحسسو على ر احتكم، واذا أبوها راح للخليج فهو رايح لشغل مو عيب ( ومهنة السائق ) مافيها أي تنقيص ، أشوف سعوديين الآن سائقين وشفيها ؟ وصدقوني يبي يطلع دبلات الي يطلعه دكتور بباكستان ..

أيضاً يوجد سعوديين هنا ببريدة كل صبح يشغلون مواترهم ويتركون عيالهم ويمحطون مئات من الكيلوات معرضين أنفسهم للخطر والحوادث ، ماجو وصورو وقالو شوفونا .. نعاني ..؟

يعني للهدرجة حنا مرفهين وماعندنا مشاكل ولاعندنا مثل هالمواقف .. يوم نروح نلتقط صورة بباكستان .. ؟

والدليل أن عندنا معاناة .. هذه الصورة خير دليل وهي رسالة معلمة ، خطت معاناتها في مصلى بأحد الطرق السريعة .. تقول فيها : ( أرجو الدعاء لي بالنقل لبريدة فإنني بهم لا يعلمه الا الله) :

[أبوسياف]

اقتباس المشاركة الأساسية كتبها هاتريك أنا ما أشوف فيها أي تأثير .. صورة أقل من عادية .. طفلة قاعده تبكي وواحد حاظنها .. وين المشكلة ؟ يعني الي عنده بزران في بيتهم ؟؟ اليوم كم مرة بكى طفله ؟ بس مشكلتنا ننظر بحساسية للأطفال الغرباء أكثر من أطفالنا ؟ مثل هالصور أشوفها بكل مكان .. حتى قبل يومين شايفها عند العمرو للدرجات ، بزر تبي زود لعبة وأبوها مشتري لها غيرها قالها يالله أمشي وزمها وهي تصيح وطلعو .. وناظرني وقال .. والله أن نصبح وحنا وطلبات هالبزران .. هه يعني لو أبروح أصوره وهي تصيح وهو حاظنها .. وأنزلها وأكتب عليها عبارتين .. تصير مؤثرة .. وبالأخير .. لا مؤثرة ولا شي كل مافي الموضوع .. دلع بزران .. عموماً .. الحساسية الزائدة ماتنفع معاي أنا بالذات أما أنتم بكيفكم تحسسو على ر احتكم، واذا أبوها راح للخليج فهو رايح لشغل مو عيب ( ومهنة السائق ) مافيها أي تنقيص ، أشوف سعوديين الآن سائقين وشفيها ؟ وصدقوني يبي يطلع دبلات الي يطلعه دكتور بباكستان .. أيضاً يوجد سعوديين هنا ببريدة كل صبح يشغلون مواترهم ويتركون عيالهم ويمحطون مئات من الكيلوات معرضين أنفسهم للخطر والحوادث ، ماجو وصورو وقالو شوفونا .. نعاني ..؟ يعني للهدرجة حنا مرفهين وماعندنا مشاكل ولاعندنا مثل هالمواقف .. يوم نروح نلتقط صورة بباكستان .. ؟ والدليل أن عندنا معاناة .. هذه الصورة خير دليل وهي رسالة معلمة ، خطت معاناتها في مصلى بأحد الطرق السريعة .. تقول فيها : ( أرجو الدعاء لي بالنقل لبريدة فإنني بهم لا يعلمه الا الله) :

فيه فرق ان ابنائك يبكون بحضنك وتلبي لهم مايريدون احيان تمل من طلباتهم بس انك تبكي وتبي ذاك الحضن الدافئ والقلب الحنون ولاتجده سنوات هنا المشكله والسبب هي الحاجه اللهم اقضي حوائجنا ويسر امورنا

[الـعـابـر]

لم اغفل عن النعمة التي نحن فيها لكن
مشكلة مواضيعنا قائمة على ( تخيل نفسك مكانه )
الغربة ليست شرطاً ان اذهب خلف البحار
الغربة هي ان افارق اطفال و اتركهم لأجل طلب الرزق
كم والد يعمل في منطقة و ابناءه في منطقة اخرى
كم امرأة تخرج من بيتها فجراً لأجل عملها تاركة اطفالها بعد ان ودعتهم توديعة مفارق
كم و كم و كم
بيننا حالات محزنة قد تحدث بدون صالة مطار
قد يعود هذا الباكستاني المفارق لوطنه بعد ان اخذ مقابل غربته و فراق اطفاله تعويضاً يرضيه حتى يرضى
و نحن بيننا غربات ليس لتاليها التقاء

[@سجى@]

اقتباس معاني17

اقتباس الحاسة السادسة

ياخسارة ماله داعي معرف واحد يكفيك لوشه الثاني

[التيجان]

هاتريك تكفى طلبتك قل تم

كل ماكتبت رد امسحه تكفى

حفاظا على صورتك لدينا
الصورة كل مالها في اهتزاز وقد تنكسر ذات يوم

[التيجان]

اما الصورة ليت عرابجة بريدة يشوفونها ويحسونها
عذبوا الوافدين حسبي الله عليهم

[هاتريك]

اقتباس فيه فرق ان ابنائك يبكون بحضنك وتلبي لهم مايريدون احيان تمل من طلباتهم بس انك تبكي وتبي ذاك الحضن الدافئ والقلب الحنون ولاتجده سنوات هنا المشكله والسبب هي الحاجه اللهم اقضي حوائجنا ويسر امورنا

السعوديين هذا مجتمعهم وتعودوا على ذلك ومع ذلك فيه ظروف مشابهة لما يحدث في باكستان وذكرتها في المعلمة وايضاً في غيرها والي يضربون مشاوير وممكن بأي ثانية يفقدون عيالهم في تعرضهم لحوادث لاسمح الله ..

ولكن الأجانب سواء الباكستاني وغيره من وهو صغير متعودين على السفر والأبتعاد وتكيفو على ذلك ، فلازم نؤمن بفوارق المجتمعات والإمكانيات ..

مثال على ذلك .. لو تجيب ولد فرنسي وتقوله تعال من المدرسة لبيتكم رجلية لدرجة حرارة عالية والكتب فوق ظهرك ومامعك حتى ماء .. لاعتبروها جريمة وشي حزين وقد يتأثر نفسياً ..

لكن أنت يالسعودي ولدك عادي .. ليش ؟!!!!!!!! لأنه تكيف على ذا الشي والمجتمع تعايش معه ومايقف السعوديين عنده أبداً ولايعتبرونه شيء أساساً ..