[فتى اللواء]

مرحباً شباب / طبعا الجميع يعلم ان سوق العقارات فيه ركود قوي ويستعد للاسواء وعلى شان كذا نلاحظ ان جميع إعلانات بيع الاراضي والفلل يقول بالاعلان ( سوم كذا) وطبعا كلها لاسيمت ولاشيء بس محاوله لاقناع الناس بالسعر اللي يحدده الشريطيه وهذا غش وتدليس وكذب الا ماندر وهم قله جداً لذا نحذر الأخوة من تصديق


مايقوله المعلنين فهي طريقه لاقناع الناس بالسعر اللي يعرضه وهذا حصل مع احد الاشخاص ومعي شخصيا حيث أني قريت اعلان عن بيع ارض بالربوه قال صاحب الارض والله ماسيمت ابد وتراي انا صاحبها ولقيت نفس الاعلان للارض نفسها واتصلت على ا

لرقم قال سيمت 450 لو لك رغبه اكلم صاحبها وفرق السوم رجعت وتصلت على المالك قال انا ماحطيته عند اي مكتب ولا تصدقه هاذولا الشريطيه يلقطون الأرقام من الصحف ويحطون أرقامهم ويجمعون معلومات
ويطلبون ويدلسون ويرفعون الأسعار من شان رفع السعي لا تصدقونهم حرمية عقار وكذابين ( يا إخوان السوق فيه اسعار مناسبه للجميع وفيناس فيهم خير يبون الخير للآخرين لكن المشكله من شريطية الشنطه واللي مامعه الا شنطته ومحموله ويؤذي خلق الله ويسد ابواب الخير على الناس والمفروض نبعد عنهم وما نتعامل معهم ونفضح طرقهم برفع الأسعار والمشكلة بعضهم ساكن بالإيجار يعني دجيج بس شرهم عام للجميع لا تصدقون قولتهم مسيومه كذا كلها نصب لعب على الناس هذي نصيحه من تجربه فالحذر من تصديقهم وفق الله الجميع

[رمز المحبة]

ليش اللي حط السومة ما يشتري ؟؟؟ ههههههههه


يضحكون على مين هالجحلط السوق مدحدر خلهم لا يبيعون

[ريدااوي]

كل شى مدحدر الله يستر

[فهد العبدالله]

دحدر العمر وما شفنا العقار نزل

يالله ان الشكوى لك وحدك

[رولكس]

اللي حوله قرض أو شاف أرض لقطه بجنب أهله أو بموقع ممتاز ، لا يفرط به لا يلعبون عليكم بنزول العقار وترى الصندوق العقاري مقبل هالأسبوع على كم قرض لبريدة تقارب الثلاث مية فما هنا نزول بالقريب العاجل