[الهارف 2012]

بسم الله والصلاة والسلام على رسول الله

اولا انا لست من اهل هذه المدينة الفاضلة لكن ما الاحظه هو قلة المولات فيها يعني

معقولة مدينة سكانها حوالي نصف مليون ولا يوجد بها الا مولين ! يعني المفترض يكون

فيها 7 مولات اقل شيء لكثافة السكان فيها وللي يجون من محافظات القصيم الاخرى !

وايضا لا يوجد منتزهات الواحد يغير بها جو .. يعني لازم الواحد اذا بغى يمشي اهله

يا يروح لمنتزهات الحاجب بعنيزة او يطلع برى القصيم لجدة والشرقية ؟ الى متى راح

يستمر الوضع هذا ؟

[المجربع]

لا ما عليك العمري سنتر بالطريق

وخذها خيره

يمكن اذا كثرت المولات كثر الفتن

[القنزهـ]

^^

العمري سنتر ليس مول للمعلوميه ، مجموعه محلات راح تكون أجار مفروشات أو محلات أخرى ..

بالنسبة للمنتزهات الان حديقة الملك عبدالله من أجمل المنتزهات ببريده ، لم تنتهي حتى الان ،

ولكن تقدر تدخل الان وفيه قسم للعوائل والشباب ، ومرتبه جداً وجميله للطلعات والفله وتسذا

[المربي22]

والله كثرة المولات ضرورية لمدينة كبيرة مثل بريدة الحبيبة خاصة ان هناك نزوح كبير من القرى والمحافظات فالكل يفضل بريدة لكن الأهم من ذلك الخدمات الصحية وكذلك فك اختناقات الطرق وإزالت الدوارات التي عفى عليها الزمن 0

[شهر اغسطس]

المنتزهات كثيرة منها ترتب حسب الافضلية :

- منتزة الملك عبدالله - طريق الملك فهد شرقاً
- منتزة الرفيعة - طريق الدائري الداخلي الشرقي
- منتزة حديقة الاسكان - طريق عثمان بن عفان
- منتزة ومضمار البحيرة - طريق عثمان بن عفان
- منتزة الهديه - الدائري الشرقي
منتزة الملك خالد الحضاري - طريق الملك فهد
منتزة حديقة الابراج في الضاحي

[Lana443]

اقتباس المشاركة الأساسية كتبها المجربع [center]center] وخذها خيره يمكن اذا كثرت المولات كثر الفتن

>>>~ميه بالميهه

[αмεя]

..




المنتزهات ببريده احس ملعوب علينا فيها
لقلت نبي منتزه حطوا لك ثيل وكم سياره ايسكريم تدور فيه وبس

ينقصنا ملاهي ( مدن ترفيهيه ) !


..

[فارس بريدهـ]

خل هالشيبان يبعون اراضيهم الي بطريق الشاحنات كلووه
وتشووف المولات

[فارس بريدهـ]

بالامس معي دكتور هو وعيايلتوه يقول
وين الاسواق الي ببريده غير النخيل والعثيم
قلت اجلس بشقتك اصرف لك

بصرحه قهر مدينة مثل بريده مابوه الا مولين بس

[متصفحة]

ثلآث مولآت وليس إثنين

النخيل بلآزا

العثيم مول

شارع الصناعة و القبة مول

[الهارف 2012]

اقتباس المشاركة الأساسية كتبها المجربع لا ما عليك العمري سنتر بالطريق وخذها خيره يمكن اذا كثرت المولات كثر الفتن

الفتن منتشرة وفي كل مكان ما وقفت على بريدة

بعدين حنا نتكلم عن حاجة المدينة الى زيادة المولات

لكي تخدم سكان المدينة والمحافظات المجاورة يعني لازم

تجي تدخلنا في مواضيع ثانية وفتن ومدري ايش !

[بريداوي 7]

المحافظات القريبه لبريده بدأت تنافس بريده عندهم مول ومحلات تجاريه ومنتزهات مثل عنيزه والرس وهذا هو الواقع ، الموليين اللي بريده مع احترامي لهم مساحه ضيقه وفاشله
اما اللي يقول منتزهات وش المميز اللي فيها كلها ثيل ونخل والعاب اطفال فقط ،

[ابو زاهر]

كلامك صحيح خلينا اكون معك صريح بريده ناقص فقط مول واحد مثل مجمع العرب في محافظة جده وكم مطعم عوائل وشباب على مستوى مهب مثل مطعم بيو او ماربلا

[أبورامي]

يمدحون سوق الصواريخ