[مدحت شوقي بريده]

هلا بالشباب ...
مبارك علينا وعليكم هالخير وهالأمطار ..
والله يجعله صايب نافعا ..

شباب منتدى بريده ..
اكــيــد كلكم طلعتوا للبر بعطلة نهاية الاسبوع ( الخميس والجمعه )
وشفتوا العالم والخلق اللي هناك ..
ورايتوا بأعينكم تصرفات الناس في البر ..
منها الايجابيه ومنه السلبيه ..

وبما اننا في بداية الشتاء ووقت الكشتات جاااااااااااااااااااااي ..

فنرجو منكم كتابة ملاحظاتكم على اللي شفتوه .. الملاحظات الزينه او الشينه ..
وايضاً وش الشي اللي اعجبك او لفت نظرك ..
حتى نستفيد في القادم ..


والسلام عليكم ..

[الجندي المجهول]

هلا اخوي المصري مشكور على الموضوع المنتاز الصراحه فكرت فيه او توقعت ان اكيد احد من البريداويه يبي يكتبه
اما بالنسبه الى الملاحظات فهي كثيره منها
الايجابيات :
بداية ظهور الاهتمام في النظافة في المكان بعد الرحلة
الاهتمام في الصلاه والاذان في البر في اوقاتها
بداية ظهور الخروج مع الاهل وازديادها
جلوس العوائل في جهة وابتعاد الشباب عنهم
السلبيات:
ظاهره الدوران في البر ( الله لايبلانا)
ظاهرة التفحيظ من الشباب وحوسة المكان صايره تقل ارض محروثه
رفع الاغاني وعدم احترام حقوق الاخرين
ظاهرة دوران النساء في الدبابات ( بنات الذين امنوا عليهن سواقه)

والسلام

[العمود]

موضوع رائع جداً يستحق التثبيت ..

شكراً مدحت ..



ولي عودة بإذن الله لطرح الإجابيات والسلبيات ..


تحياتي .. العمود ،،،

[الإعصار]

اقتباس كاتب الرسالة الأصلية الجندي المجهول هلا اخوي مشكور على الموضوع المنتاز الصراحه فكرت فيه او توقعت ان اكيد احد من البريداويه يبي يكتبه اما بالنسبه الى الملاحظات فهي كثيره منها الايجابيات : بداية ظهور الاهتمام في النظافة في المكان بعد الرحلة الاهتمام في الصلاه والاذان في البر في اوقاتها بداية ظهور الخروج مع الاهل وازديادها جلوس العوائل في جهة وابتعاد الشباب عنهم السلبيات: ظاهره الدوران في البر ( الله لايبلانا) ظاهرة التفحيط من الشباب وحوسة المكان صايره تقل ارض محروثه رفع الاغاني وعدم احترام حقوق الاخرين ظاهرة دوران النساء في الدبابات ( بنات الذين امنوا عليهن سواقه) والسلام

وأزيد على كلام أخوي من السلبيات

البعض من النساء أو الرجال لا يتورى عن قضاء حاجته عن أنظار الناس

[قصيمي محترم]

السلام عليكم ورحمة الله وبركاته

أولا أشكر الأخ مدحت على المواضيع المميزة


ثانيا بانسبة للموضوع



أنا مايضيق صدري إلى العوايل الي يطلعون عند الناس ولا يبعدون تقل قضى البر

والي يضيق الصدر أكثر أنهم عند الطرق وإذا مريت من عندهم يزعلون

والي يضيق الصدر أكثر هو حال شبابنا هداهم الله يستقبلون الأمطار و الخيرات بالتطعيس والهبال فهل هذا شكر النعمة


وأخيرا أشكرك مرة أخرى يا أخ مدحت

أخوكم المغوار

[مدحت شوقي بريده]

سي يو ..

الجندي المجهول ..
هذا الشي اللي استغربته ..
وشلون يسوقن الدباب قدام الناس ..
والله يابعضهن ما تستحي ...
تمر من عندك ولابسه نقاب وتناظرك ..
مابقي الا تقولك .. معنا يابوا الشباب ..
والله حاله ..

اما رفع الاغاني ... فإذا بليتم فاستتروا ..
لكن الشكوى لله ..
سي يو ..



العمود ..
سي يو ..
نحن في انتظارك ..




الاعصار ..
والله انك ماتستحي .. ياخي صد ..
اما النساء .. ياحليلهن ازين من الرجال ..
تاقف وحده وتفحج وترفع ايدينه ...
وخويته تحت .. تقضي الحاجه .. هذا التعاون ..
مهوب مثل الرجال ..
اذا بغيت تقضي الحاجه اعوذ بالله حرجوا عليك يدرون اللي ببريده ..
واذا بغى يقضي حاجته ... يفسره وياصل السروال الركبه قبل مايقعد ..
وياقف وهو مابعد لبس .. وخاصه الشيبان ..
سي يو ..

[عجوز الجن]

الصراحه الي هلحين ماطلعت للبر بس ولا يهمك اذا طلعت علمتكم..

[مدحت شوقي بريده]

اقتباس كاتب الرسالة الأصلية المغوار أنا مايضيق صدري إلى العوايل الي يطلعون عند الناس ولا يبعدون تقل قضى البر أخوكم المغوار

ههههههههههههههههههههههههههههههههههههههه

والله انك صادق ...
بعضهم ياقف بجنبك .. مابقي الايقول ( افحز )
( قضى البر ) حلوه ..

مشكور على هالملاحظات يالمغوار ...